Smokehouse Grill

Open Now

Now Closed

朗豪坊頂樓出名多餐廳可以chill吓，今次嚟到Smokehouse，冇訂枱都可以安排入座，揀咗個舒服嘅梳化位。落單可能要英文，但有機會都有講廣東話既店員。現場環境燈光比較夢幻科幻cyber feel，同朋友聚會飲下酒食吓小食傾吓偈👌🏻🥰。Rum Punch, Hula Hoop 5/5happy hour有七五折🤣，嗌咗兩杯嘢飲，Rum Punch係cocktail，經典white rum🍹 and malibu仲有菠蘿汁、橙汁、莓汁，同埋香蕉利口酒🍌，酸酸甜甜容易入口，快樂一流🥰。Edamame Hummus with veggies $168 5/5個人好欣賞佢個毛豆鷹嘴豆泥，鹹鹹哋撈埋啲沙律菜食好易入口，薄脆多士預先搽咗蒜蓉牛油焗過嚟嘅，點嗰個豆泥汁都好夾😍😍。Smokehouse Platter $498 3.5/5除咗嗰個牛胸肉比較吸引之外，其他豬肋骨同埋芝士腸都係普通啲，牛胸肉嘅脂肪夾雜着喺胸肉上邊，所以平衡到好好，煮得又唔會過老，加埋佢嘅莎莎醬或者燒汁薄荷汁都好食。但係總括而言少貴得牛肉正啲。Wagyu Ragout Tagliatelle $188 3/5唔係好見到和牛

極度不推薦，篇文有啲長，請大家耐心看完喺附近做完gym，諗住搵個地方鋸扒，就去左呢間餐廳。一入去，成間餐廳後幾枱客，80%以上空枱，有三個員工，一啲都唔忙。首先佢地安排左我地坐一個勁大風嘅風口位，我地問其中一位服務員，佢要向另一個好似高級少少員工「請示」，先批准我地轉枱，但係其實當時係有超過80%嘅空枱。我哋兩個人，睇完餐單，就叫人嚟order，係嗰位高級少少嘅員工嚟serve 我地，一份5成同一份7成嘅牛扒。叫完之後，我地一直用電話，過左10幾分鐘，有啲口乾，我地就發現我地連水都無，於是就同嗰位高級員工講想要兩杯水。個高級員工好型咁比左個手指公我地，然後過左10分鐘，我哋嘅嘢食、水、前菜乜都無嚟。然後我就同嗰位好似低級少少嘅員工講我地想要水，同埋啲嘢食乜都無嚟，佢反而問我哋order左未。大佬呀，前後都成半個鐘，而家先問我地order左未？隔離枱遲過我哋嚟，又有湯又有前菜食埋我哋乜都冇，真係好過份。以後都唔會幫襯，奉勸大家都唔好去！以免大家唔係食嘢食飽，而係成肚氣飽曬！

好耐之前同朋友喺呢間餐廳慶生，印象當時氣氛唔錯，重點係想比男友留下記憶點，所以決定嚟呢度，讓怕醜嘅男友留下一個尷尬嘅生日夜😆BOOK左平日嘅星期二晚上6點，當時已經有唔算少嘅食客。餐廳燈光較暗、臨近節日而佈置嘅萬聖節裝飾、歐美快歌，環境令人放鬆、愉快☺️。我知道食物分量唔細，所以兩個人點左個肉拼盤，再加薯怪最愛嘅炸薯條。Smokehouse platter $498啱哂食肉獸嘅拼盤，除左有人氣推介嘅牛胸肉外，仲有豬肋骨、兩款腸仔、手撕肉，相當豐盛!!首先牛胸肉肉質軟淋，連少許肥膏食會更香，肉嘅外層食得到淡淡嘅煙燻味。當感覺膩嘅時間，建議沾少許綠色酸酸地嘅青醬一齊食。本身麻麻地腸仔類嘅我，今次覺得兩款腸仔都唔錯，白色果款帶有香草味、質地較軟身；啡色果款香辣惹味、仲有芝士餡、腸皮非常脆口😋。豬肋骨比較普通；手撕豬肉最濃味；兩個人食呢盤拼盤，老實講有少少吃力😅Truffle fries $88芝士只有面層薄薄一浸，黑松露分佈唔平勻，所以食落唔太松露🙉，唯一優點係分量多，而且用粗薯條即炸出嚟，外層好脆。亦由於味道唔濃，所以配手撕肉食最好不過。趁男友去廁所，我偷偷柯打左甜品😏。食完主菜等左大概十零

環境暗暗，氣氛十足！拍拖！紀念日！慶祝咩都非常合適既環境！大人細路都坐得好舒服！食物款式都叫左九成！價錢合理！飲品一般，無咩特色！！！！食左三千五百幾蚊，埋單時問服務員有冇2部車既泊車優惠，服務員影印多一張同樣既單，當然係唔成功有第二部泊車優惠，大家有需要既就醒目啲記得分單喇！不能指望服務員幫你諗埋！轉頭打電話去問返服務員，佢話：你要求影印多張單！咁服務員就影多一張，原來可以叫佢影十張出黎都得既！！！！

🎂生日飯必選，勁有氣氛既餐廳🩵因為book時交代係為朋友慶祝生日，會幫手佈置同有生日氣球，嗌完甜品之後會幫手寫名，而且送上嚟嘅時候配有員工演奏唱出生日歌，十分有氣氛。最後，店舖免費為我哋影咗張即影即有留念，仲幫你打埋燈💡！🤎乾式熟成有骨肉眼扒賣相不錯，份量夠大，肉味十足，就算我哋嗌咗七成熟都唔會話過熟難入口，配上不同的醬汁，令人每一口都好似食緊唔同既餸。烤蒜頭都非常好味，一粒粒方便夾起，而且仲有不同嘅配料，十分豐富。🤎大蝦香料燴飯燴飯表面放有大蝦，大蝦感覺爽口，具有蒜蓉味。大蝦下既燴飯以鮮茄醬為醬汁，滲入每一粒飯當中，🤎BBQ味手撕豬柳絲漢堡兩塊漢堡包夾有大量豬肉，肉味十足，而且配料充足，真係要大大啖先咬得晒！落單時可以叫醬汁另上，方便自己調節醬汁份量，滿足不同人嘅需要。🤎煙燻拖肥香蕉香蕉面層有一層焦糖，十分脆口，再配埋雲呢拿雪糕，一熱一凍，口感獨特。只要book位時交代慶祝生日同寫咩名，送上嚟嘅時候就會包埋蠟燭。員工十分熱情，會主動過嚟了解食物嘅質素👍🏻仲送咗幾杯shot俾比我哋🥃

真係要多謝返AE當年有嘅五折優惠，我發現呢間咁正嘅Mac and cheese食開外國暴力嘢嘅我，返到嚟香港真係好難搵到呢啲啱口味嘅餐廳 Smokehouse 唔講笑真係有個好勁嘅廚師，完全handle到炭燒豬x Mac & Cheese 呢個肥到心臟病嘅組合，雖然佢肥，但食得就唔好諗呢啲啦！呢度每一樣餸俾我嘅感覺都係好舒服，每一樣嘢對得住佢嘅價錢，真係食緊一啲同佢名一樣既餸，唔使驚打卡好睇但味道中伏呢個係絕對唔會中伏！真心推薦mac & cheese 同beef tartare，飲咗兩杯酒落肚，同對面嗰個摸下酒杯底真係咩感覺都返晒嚟呀叔我好滿意

今天朋友慶祝生日，沒有訂位，這裏也滿座，於是我們就waiting list，等到七點有人取消，我們就五個人坐咗一張大枱好似半間房咁，環境非常舒適，就是冷氣弱了一點。我們先點了芝士薯條，一支酒買一送一，香檳非常清甜，一份冷盤，有四種腸，算挺新鮮、博多士和新鮮的芝士，非常軟滑。接着是一份生牛肉，非常美味。一大份扒有兩種大腸，酸瓜、牛肉，一份大牛扒有兩大條腸，非常美味，又又着勁。另外不同的配料，非常滿足。由於我們不喜歡吃生日蛋糕，但為了儀式我們也點了一些甜品，告訴老闆我們朋友生日，他就為我們將甜品特別處理，安排一些乾冰冒出神秘的煙霞。令這次生日慶祝添了一份完美的驚喜。

食物有水準，夠特色，服務好員工親切，令客人感到舒服，環境氣氛一流，同朋友一齊慶祝生日氣氛好好，過咗一個愉快嘅晚上！一有時間都會諗起呢一處好好嘅地方三五知己一同會再去幫襯！

A birthday dinner @smokehousebarandgrillhk Special live band celebration moment ooh~ ooh~🤟🏻Delicious food especially the Steak Tartare牛肉他他👍🏻👍🏻 and we have also try the Chargrilled Whole Seabass炭烤爐魚 and Dry Aged Hanger Steak乾式熟成封門牛柳It is my first time to order the wine 🍷- Old Fashion, really eyes catching and igable but I will drink the beer or soft drink next time🤣🤣#steak #grill #smokehouse #barandgrill #mongkok #langhamplace #dinner #celebration #birthday #surprise #foodie #hkfoodie #instafood

去做gym之前，打算食餐好嘢，就走左上朗豪坊頂樓搵食。睇見weekend lunch set 有striploin 就入去試吓。 可能大家long weekend 去左北上，餐廳都好多空枱，得幾枱。我哋揀左striploin medium，lunch set仲有包前菜 （湯+salad），飲品 同dessert 雪糕。塊扒係偏厚，所以對於女仔（或者我）來講太大塊，食到一半中間位覺得好韌, 牛味都唔係好出。 不過餐廳都係一個幾適合同朋友坐低傾計好地方， 個lunch set 最後埋單hkd295，不過不失。

都知道限時，但餐廳見冇人等位都冇催我地走，就我就坐左4個鐘，有d唔好意思。個煎三文魚好好味。侍應服務好好，唯一不好既係隔離bar有live時加上餐廳音樂兩者一齊較嘈。

訂座有優惠，所以同朋友揀左呢間餐廳。位置方便，坐得舒服，整體環境唔錯。和牛闊條麵和牛份量唔算多，味道又唔突出。闊條麵一般，整體唔特別。黑松露薯條見到個薯條以為錯左，同平時嘅黑松露薯條好唔同。表面有絲裝嘅巴馬臣芝士，少少鹹，中間仲有黑松露，少少香，薯條本身非常香脆，好出色，有驚喜。smoke house platter真係“嘩”一聲呀，有腸同唔同肉類放在一齊，啱哂食肉獸。ribs肉質軟稔，一切就開。腸會爆芝士，較油膩 。但欣賞伴碟嘅紫洋蔥同酸瓜，可以適時解膩，讚。

今日和家人一齊慶祝父親節，點了毛豆鷹嘴豆泥什錦蔬菜， 炒青口，煙燻豬肋骨和煙燻拖肥香蕉。蔬菜salad很開胃。爽甜的青瓜、甜椒和蘿蔔點上hummus，很少在香港見到。青口配garlic and lemon sauce，但青口肉就比較細。十分推薦豬肋骨，很juicy和香。最後食返個甜品。滿足! 這個甜品很photogenic，下面其實仲有層海綿蛋糕，個人來講甜度剛剛好。位置在朗豪坊最頂樓，十分romantic。最適合特別日子聚會。

星期五晚，一行5人，7時入席。到達才知限時2小時。 如果訂座時知係限時，必定轉場！8點前cocktail mocktail 啤酒有7折。 我哋叫左一個600g牛扒有紅酒送，紅酒都不錯，其他食物都可以，反而餐廳signature 牛骨髓冇咩味，唔好食。 邊飲邊食，至少飲咗兩round,到8:30未夠飽再加份豬鞍扒。8:45waitress 叫我哋埋單，但我哋話叫左食物未到，佢即時面有難色。我哋都冇理佢。因為門外只得唔得3-4個客等位，同埋扒房飲酒🍻吹水，限時極不合理。 呢啲咪就係趕走香港人嘅餐廳如果冇限時間係會再黎，但限時就一定冇回頭啦！ 最後埋單$2200，我哋都應該唔算好cheeap啫😀！

同朋友慶祝生日，想揀間坐得舒服嘅餐廳💫食物唔錯，價錢都很抵食。特別一讚服務好好，好耐冇試過係香港食呢個價位嘅餐廳有咁好服務，特別係Nicole，服務好貼心又親切。生日有即影即有，影相好靚❤️❤️4個女仔叫左以下食物🥗🍝🦪🥂🍸🍹🥩🍳豬腩生菜沙律煙燻乾式熟成封門柳香蒜檸檬忌廉汁炒青口 香辣芝士薯薯條2個甜品連埋酒水～都好夠食，埋單六百零蚊，每人都係百幾，真係好抵食呀！會再幫襯，推介慶祝節日🥳🥳