Smokehouse Grill

Open Now

Now Closed

第一次食好有驚喜，一定要試食佢既牛肉他他，將d牛肉放喺塊麵包上面食，肉汁Juicy, 真係好好食。另外檸檬蒜蓉青口都好有驚喜，增添一份香氣及味道，再配埋蒜蓉包點汁食都正

讚1 肉既份量真係好夠 一定夠飽 連隔離檯果兩個鬼佬都話食唔晒2 唔貴既 每人三百唔使咁食法彈1 味道平平 燒排骨腍但唔入味 牛扒太熟 腸既皮唔係燒香而係烚完再燒 沙律得菜而無醬汁2 啤酒連泡都唔合格

因為AE 白金信用卡的優惠，今次揀選了朗豪坊的Smokehouse Grill作晚餐😉雖然只是星期四，8點多到達時已經差不多full house，所以記得打電話預約，以免食白果😂餐廳情調非常好，背景音樂都非常輕快，很容易投入輕鬆的氛圍，將工作一天的疲態帶走💃🏻（環境照片攝於臨離開前，所以大部分客人都走了）前菜叫了煙燻吞拿魚腩凱撒沙律🥗，製作工序絕不馬虎，連沙律菜都有特別grill 過，亦不會過多醬汁，不會太飽前菜仲叫咗烤牛骨髓，今次初嚐，感覺新鮮，不過個人本身不太喜歡糕狀與油膩口感，試過就好了🙈🙈 隨牛骨髓亦附上和牛碎、無花果和多士，配搭一齊食，可以幫助減輕油膩感！主菜方面叫了炒青口，青口size中等，配上濃濃的忌廉汁，絕對會食唔停口😛！不過作為蒜蓉愛好者，建議可以再加重蒜味，甚至有蒜蓉碎，加強口感最後來到重中之重，熟成肉眼扒(300g)！老實說，黎到呢個moment，我已經7成飽。不過既然係今餐亮點，當然要繼續食💪🏻老實講，我地都對呢塊肉眼扒少失望，雖然我地叫咗medium rare，可能因爲扒身比較簿，比較難控制火候，切開明顯overcook，只有小粉紅，所以大家叫時都要留意番🙈

我諗去試吓呢間餐廳order咗Mozzarella Tomato Salad, Smokehouse Platter & Black Angus Ribeyes Steak (講明要Medium Rare)上餐發現塊扒係well done， 好難先切得開，個Smokehouse Platter 上面既牛胸肉好似煲完湯嘅湯渣，成個 Platter 最好食係兩條腸仔。個沙律芝士同d ham 都好乾。賣相騙到人。成餐飯1100百幾埋單，但d 牛既質素差個花園餐廳。以後唔會再黎食

因為2個人食飯，所以叫嘅嘢食唔多之後嚟咗兩杯嘢飲，等咗大約九個字先至知道原來佢哋漏單，但係因為佢哋服務態度真係好好，我同我個朋友都唔介意，而且係冇要求之下送多兩杯飲品俾我哋，同埋同我哋講會送甜品俾我哋第一道菜係牛骨髓，可能我之前食過另一間煮得比較好食嘅，所以覺得呢個唔係咁特別好味，但係未試過嘅朋友仔可以試一下，都係唔錯嘅。因為佢用咗梅菜同無花果整呢個牛骨髓，但係梅菜味道有d搶走咗牛骨水嘅味道第二道菜係dry age 肉眼扒，我叫咗medium rare ,可以講好好味，除咗有一般熟成牛扒嘅濃郁味道之外，肉質都好亂畫，我覺得必定要食。之後叫咗一個大蝦飯，但因為太肚餓，所以冇影到相，味道都係唔錯，我個朋友同我戒緊澱粉質都食晒甜品方面，第一個係煙燻香蕉脆餅，焗到好軟熟嘅香蕉配上少少嘅煙熏味，食落去好好味，而第二個甜品就係雪糕胡桃曲奇餅，曲奇餅做到好煙靭，而且朱古力曲奇夾雜左胡桃嘅香味，兩度甜品都好好食有一個小插曲，就係等咗大約九個字先至知道原來佢哋漏單，但係因為佢哋服務態度真係好好，我同我個朋友都唔介意，而且係冇要求之下送多兩杯飲品俾我哋，同埋同我哋講會送甜品俾我哋我本身諗住佢哋係送杯雪糕，

如果喺旺角諗食咩，朗豪坊係一個唔錯嘅選擇，特別係 13樓其實人流唔算多，而且環境氣氛都唔錯，飲野食飯都可以。今日去咗 Smokehouse Bar & Grill ，主打煙燻肉類、燒烤類同埋多款 cocktails。.↬ House Cold Cuts Platter - 幾款芝士同火腿肉作為頭盤，配杯白酒醒醒胃🤩↬ Roasted Bone Marrow - 牛骨髓有獨特嘅魅力，烤過之後又香又 creamy，當中仲放入紅酒燴和牛，令到口感同層次都更突出，貼心放入無花果以及烹煮過嘅洋蔥醬，中和油膩感，讚👍↬ Chargrilled Whole Seabass - 鱸魚烤到外皮香口，有香草醬可以點，整體超大份多肉，而且魚肉唔會嚡，有檸檬去腥提鮮，另外烤過嘅薯仔都好食。↬ Smokey Toffee Banana - 推介甜品，打開月球咁既外殼，有一陣煙飄出 (把握打卡得2秒)，香蕉選用口感結實嘅，當中仲有焦糖餅，伴住雲尼拿味雪糕食特別滋味。↬ Red Apple - 打卡 cocktail，面層個煙泡又係靚嘅，味道偏甜易入口。

上次同朋友去完朗豪坊食飯之後就發現朗豪坊其實都好多好嘢食選擇特別鍾意打卡可以去Campsite 及 The Pont Cafe 而我今次就同朋友去咗13樓因為果到真係好多Bars & Restaurants啱哂我哋.同朋友花多眼亂之後最終就揀咗Smokehouse Bar & Grill 呢間餐廳真係啱哂肉食獸.香辣芝士薯條$88先嚟薯條熱辣辣相信冇人會抗拒芝士惹味加埋辣粉層次感十足.炒青口$188炒青口分別有兩隻口味選擇今次我就選擇咗檸檬忌廉青口新鮮味道清新值得一試最尾將醬汁同麵包一齊食一絕.肉食盛宴$498之後到肉食盛宴主角出場啦當中有煙燻牛胸肉、墨西哥辣椒芝士腸圖林根腸、烤豬肋骨、手撕豬肉等真係一班朋友嚟一定要點豬肋骨肉嫩惹味, 牛胸肉就帶有櫸木煙燻香氣手撕豬肉就嫩滑多汁, 同一時間食哂咁多美食真係好滿足📍Smokehouse Bar ＆ Grill @smokehousebarandgrillhk旺角朗豪坊13樓03及05號舖@langhamplace #LanghamPlace #朗豪坊 #LPFoodie #LPlate #旺角

餐廳行美式扒房風格，氣氛輕鬆，岩晒一班人黎gathering🥳 酒吧逢星期五同星期六更加營業到凌晨2點，真係TGIF/S嘅好選擇🤪🥩牛脂熟成有骨肉眼扒 $528一入餐廳就見到有個超大嘅熟成櫃，於是毫不猶豫就嗌熟成肉眼扒！三成嘅肉眼扒炭燒後外層焦香帶炭烤風味，內裡肉質粉嫩，非常正😍 伴碟嘅有西班牙辣薯仔、烤蒜頭、蘑菇同蕃茄，醬汁亦有三款～🐟炭烤鱸魚 $198焦香嘅鱸魚皮下係潔白嘅魚肉，魚肉嫩滑多汁，檸檬汁滲透後起提鮮作用！伴碟嘅檸檬蜜糖紅菜頭好香甜，烤香草薯仔亦好惹味🥔🤪 個人覺得點埋香草醬食更好味呢！

本身就係冇肉不歡，所以見到就新開了一間主打煙燻慢煮及燒烤的 Smokehouse Bar & Grill，加埋打正美國德州旗號，就肯定黎一次大魚大肉。打頭炮係最勁嘅肉類盛宴，今次嚟食就係為咗試吓佢哋嘅肉類品質，成個拼盤真係夠晒多，有煙燻牛胸肉、墨西哥辣椒芝士腸、圖林根腸、烤豬肋骨、手撕豬肉、檸檬椰菜沙律、燒粟米及自家製醬汁，再蘸上自家製的醬汁一齊吃，絕對惹味十足。其實我哋兩個人食都已經食到好鬼飽，不過老公想試其他嘢，所以我哋都有薯條同埋青口，不過老實講海鮮真係爭啲，唔該大家嚟食都係叫返肉食比較穩陣啲👍🏻

星期五六的凌晨十二點，你會在那裏🫣! 我會在旺角朗豪坊的 🥩Smokehouse Bar & Grill呀! 餐廳主打燒烤美食，喜歡吃肉的食肉獸，不能錯過啦～逢星期五六，餐廳更會延長營業至凌晨2點😏，夜鬼們記得來試試囉～ 「 黑豚斧頭扒🐽$238 」 大大件的黑豚斧頭扒，相當厚肉，肉質軟腍鮮美，配上砵酒汁，更加惹味。 「 和牛闊條麵🍝$188 」 有濃濃牛香的和牛闊條麵，麵條好彈牙，條條裏滿醬汁，好好吃～而且有撒上大量芝士，好邪惡呀～ 「 煙燻拖肥香蕉🍌$75 」 招牌的甜品，打開蓋子，即傳來濃烈的煙燻味。有蜂蜜脆餅，又有餅乾雪糕，好特別。 「 紅絲絨士多啤梨🍓$75 」 另一個甜品則有士多啤梨、忌廉芝士汁、紅絲絨蛋糕和餅乾雪糕，色澤鮮艷，味道不錯。 

喺旺角朗豪坊附近行完街決定搵吓有咩新嘅餐廳，朋友就介紹去咗呢一間朗豪坊13樓嘅bar，餐廳環境都幾chill，座位亦都闊落，適合朋友同家庭聚餐值得推介嘅食物有煙燻豬肋骨佢拌碟亦都有香橙椰菜沙律，仲有薯條同燒粟米，每份$268豬肋骨肥瘦好平均，燒得非常出色，再配埋佢嘅BB Q醬汁，口感一流 煙燻嘅味道亦都好香，增加左成個菜式嘅層次椰菜沙律亦都好開胃，配埋豬肋骨，有一種冇咁濟嘅感覺粟米，亦都好juicy，成個餐嘅配搭做得唔錯

好耐無黎朗豪坊，見有信用卡優惠就過黎試下呢間新餐廳！食物好食，店員有禮，感覺到佢地幾開心，氣氛唔錯！🥗Smoked Tuna Belly Chargrilled Caesar Salad 煙燻吞拿魚腩炭烤凱撒沙律 $148菜菜新鮮爽口，Tuna 味道剛好，唔會太咸。🥩 Dry Aged Hanger Steak 乾式熟成封門牛柳 $248牛柳肉質柔嫩，肉味香濃 ，簡單以炭燒烹調，少少焦邊香脆可口，配埋香草醬，又幾夾喎！🍟CHILI CHEESE FRIES香辣芝士薯條 $88薯條熱辣辣，辣粉分佈平均，小小辣味配搭芝士汁，幾惹味！🍹Bondi Rescue $118 & Ginger Mojito $118Bondi好飲啲 水果味清新！

美國菜屬濃味, 而且每碟的份量也不少, 所以最好就是大夥兒一起去吃, 就能多吃幾款菜式, 而且每人都要有一定的 ‘食力’, 才能組隊, 哈哈~去到Smokehouse,  門面寬敞搶眼, 煙燻用的爐具、 虛擬火焰, 很切合餐廳主題~ 餐廳就在中間及右邊的位置, 而左邊則是smokehouse bar. 雖然最近吃得很瘋狂, 這次也不管了!! 來杯mocktail配合happy Friday的氛圍.  我的是Honeymoon $78, 以蜜糖、蘋果汁橙汁及香桃蓉調製, 甜甜的, 大概honeymoon就應是這樣吧~  朋友的Hula Hoop $78,  紅黃色的由荔枝、芒果桑莓蓉、菠蘿蘋果汁調製, 色彩繽紛.一向愛清新的朋友, 就點了Ginger Mojito, 記得要叫少甜~先來較輕盈些, 自制手工乾牛肉片 $98,  這是實實在在的牛肉乾, 淨吃會覺有點硬, 但吃時沾山核桃藍芝士醬就立刻改觀, 醬汁肩負了靈魂角色, 雖然藍芝士, 但不算太濃, 否則我也受不住那股獨特的氣味.一致公認超美味的波本威士忌醃生牛胸腹薄片 $128 , 碟上也有甜椒及其他配料, 嫩滑的牛片併阿根廷青醬,

Chill chill Dining 之好選擇，食物飲品讚👍服務超讚(除了receptionist )食物方面朋友戒咗牛我哋order 咗法國魚子煙三文魚杯由於沒有小雪糕杯，最後變咗做法國魚子煙三文魚碗😝特別推介煙燻拖肥焦糖香蕉超級好味，焦糖脆脆，加埋有煙熏味的焦糖香蕉和雪糕，簡直係完美嘅配搭🫶🏻大愛服務方面Receptionist 安排咗餐廳外邊嘅位置要求想坐室內嘅位置，但佢嘅回應話未開😅拒絕咗。後來由於越坐越凍嘅關係同另一位同事反映佢立刻安排餐廳室內嘅位置。讚👍另一個驚喜貼心位～食完maincourse order甜品朋友揀咗煙燻焦糖香蕉，但由於這個甜品插唔到蠟燭嘅關係，這位同事安排咗另一個可以吹蠟燭嘅小甜品朋友超級驚喜同開心謝謝這位同事嘅細心安排

肉、肉、肉……平日要多菜少肉，但這晚來到Smokehouse Grill，必定要來頓肉肉晚餐， 在天幕下享用燒烤美食特別有feel 朋友還未到齊，先點杯Hula hoop $78，邊飲邊等， 想要視覺效果，當然是來杯smoke cocktail啦﹗ 烤牛骨髓$168是必點的﹗牛骨髓滑嫩又香口，伴以紅酒燴和牛、無花果及洋蔥醬，放在脆多士一併吃下去，非常的搭配，無花果及洋蔥醬的酸甜可減低油膩感呢﹗吃後還可以在牛骨髓內倒入烈酒來沖喝，這豪邁的吃法，留給男士們吧﹗ 這碟波本威士忌醃生牛胸腹薄片，牛味濃郁且帶有點煙燻氣味，加上甜椒及阿根廷青醬，口感味道豐富，個個食完都想encore.  煙燻吞拿魚腩炭烤凱撒沙律$148，蔬菜原條放入烤爐烤焗的，其他配料有洋蔥醬、車厘茄、頂級巴馬臣芝士等，誰是主角？我不理了，反正都一樣美味。再來多個烤紅菜頭沙律，鮮甜清新的紅菜頭、金菜頭，搭配無花果及菲達芝士等，在肉肉晚餐中的搶手菜。肉類盛宴$498，相當有份量，分別有煙燻牛胸肉、煙燻春雞、墨西哥辣椒芝士腸、圖林根腸、烤豬肋骨、手撕豬肉、檸檬椰菜沙律、燒粟米及自家製醬汁，我最喜歡煙燻牛胸肉，煙燻味道最為突出，牛胸肉