小食快綫 (Moved) New Location

十月九日 (星期六)和老公仔坐港鐵回家,竟然有位坐,在車廂內甜睡了半小時,幸甚幸甚睡醒時覺得有點肚餓,命令老公仔去買點小食充飢原想吃煎釀三寶的,但覺得很熱氣,所以一試這裡的格仔餅格仔餅新鮮烘鼠,熱哄哄的加上基本配料花生醬,奶油,牛油,糖...簡單的組合亦能帶來美味!

放工後到左火車站,啦啦臨買我最鍾意既 煎釀三寶。茄子炸得好夠鑊氣,好好味啊...係我既至愛,青椒同魚蛋就不過不失。加埋叫 煎釀三寶 就十分有風味。可以係度食到市區無既風味,真係好開心啊!! 最重要既係佢d魚肉無加洋蔥,食起上來都開心d...(我成日覺得唔夠味先要加洋蔥落d 魚肉...難得佢唔加,值得讚)不過,唯一不足既, 就係d 豆腐麻麻d, 有d 苦,同埋過氣...食唔過。

火車到大埔了, 剛才在中環買的麵包仍未能消除我飢餓的響聲. 地鐵呼籲忝客, 出閘後, 慢慢嘆. 出了大埔墟站的閘, 第一個目的地, 就是來這一間魚蛋店, 整返個煎釀三寶.回想起小時候, 係屋企時, 拮野食就是廣福里, 但每次出完九龍晚上回大埔, 車仔檔食街, 便會轉移陣地, 個個都守係火車站向大埔墟及巴士/小巴站呢一個位. 最為令我記得的, 是一踏出月台, 便聞到濃香的臭豆腐味. 幾乎每次都嚷著父母, 我要食臭豆腐.現在, 沒有流動小販了, 臭豆腐亦沒有賣. 不過, 魚蛋, 小食, 碗仔翅一樣有得食. 能保留大埔人落車拮返串呢一個習俗, 真的要多謝呢一間小食快綫.這兒最好賣的, 除了碗仔翅之外, 便是煎釀三寶. 其實, 這兒有5個寶, 茄子, 豆腐, 青椒, 紅腸同純魚肉. 一盒$6, 有四件. 我就只要了其中三寶, 茄子, 豆腐同紅腸. 煎釀三寶油多是在所難免的了. 行埋一邊, 打開盒子, 果然是令立立, 油光臘滑. 我先向釀茄子一咬. 嘩! 好熱, 已經不是即炸起的, 為何還這麼熱, 證明到銷量高, 流量大, 就算放在架上的, 都只是炸起不久的. 茄子, 沒有過份的炸, 皮還是鮮紫

七月二十二日 (星期四)同老公仔lunch吃得不太飽,於是在回家的途中,到了snack express買了煎釀三寶我只吃了兩件,因為三寶比較肥...我要了炸魚肉和釀豆腐老公仔要了紅腸,矮瓜和豆腐的確好吃,雖然三寶本身比較油但是魚肉都彈牙,豆腐亦又滑!剛剛過完黑雨,希望天公可以再造美,我們可以安安心心回家罷~

每次去大埔墟火車站都一定要食呢間既魚蛋燒賣，無他，因為咬落彈牙好鬼正﹗食過呢間，個口感響第二度搵唔番﹗我好中意d阿姐做野夠快手，尤其係呢類小食店，人流多都唔駛點等，買完一兜企埋一邊拮拮下，好過癮，2個人買兩溝爭住拮，仲滋味。其他野我暫時未食過，因為始終鍾情於魚蛋燒賣，軟糯無渣又夠熱﹗

勁肚餓..同男朋友黎到呢度又再食野!先叫夾餅;叫左多醬;但係吾記得叫少糖牙好好味!!芝生醬好香;食到最尾都冇漏汁落袋O既情況!GOOD之後再黎第2 ROUND!叫左6蚊燒賣+豆漿~燒賣麻麻地;冇乜特別;但係個辣油就吾錯!只係叫左少辣已經食得到個辣味!石漿係1樽樽叫貨番黎~少甜O既;味道吾錯;幾有豆香!但係淨係記得影夾餅!!PS{單車O係未來半年同我無緣....}

店舖地利位置好 , 即使做流水客都足夠 , 不用理會需不需要有回頭客此話何解 , 一來貴 , 二來貨物質素不見好尤其是雞旦仔及夾餅 , 小妹從未食過如此難食的雞旦仔 : 軟 , 無味夾餅 : 軟淋淋 , 唔熱 , 餅底淡而無味 , 同自己撈d煉奶+糖+花生醬無分別 , 駛乜買佢我的第二次幫襯只係因為搭車去拜祭 , 附近無就腳買食品 , 就求其買腸粉燒賣魚旦燒賣的賣相己經唔想食 , 魚旦少得可憐 , 總括黎講係 "超貴" !!! 希望先人唔會介意我買了此等食物拜祭 , 實屬迫於無奈

十一月十六日(星期一)放工番到大埔,有點餓!老公仔提議到snack express吃個煎釀三寶!我吃了豆腐和魚肉,味道不錯!是新鮮炸起的!而且冬天吃點熱食,令人都暖起來!

鐡路沿線總少不免有小食店,方便上班一族或學生,基本上,一個字~~~快!人手一定要多,手腳一定要快,即叫即煮食品一隻手數得晒.反正等人期間,試一試,生菜魚肉有無料到.一如上述所講,乜都要快,就連找換的時間也要省卻,用八達通又真係好方便.魚肉翅 : 自細已經通街食,最難忘始終係當日旺角麗聲戲院門口的一檔,真正用上石九公魚熬的湯底,奶白色又鮮濃,好味得不得了,到今天絲亳不見進步,濫竽充數多到唔識講,究竟邊度有好食既生菜魚肉,真係好想大家講我知,我一定會去. 講返轉頭,唔知點解,以前生菜魚肉檔仲有時會加入油麵或者通心粉一齊賣,但今時今日真係唔多見,呢檔魚肉當然係一早淥好晒,邊個要就加菜加湯就算,同細個睇住整,等待魚肉慢慢浮上面既心情,確實有出入,至於翅就當然係豆粉茨,其實真係開得好杰,師傅勁重,魚肉意無魚味,死實實一舊都唔知係乜,仲要加埋麻油,醋,古月粉,食左唔夠一半都要放棄.難怪之前無人同佢寫食評啦.

見到炒麵有成個發泡膠盒咁多 而且滿到瀉哂所以都買了返屋企嘆 試下係咪真係咁正返到屋企一打開 即刻聞到好香既炒麵味好多辣醬 所以愈食就覺得愈辣 辣到飛起如果唔食得咁辣既朋友 當整炒麵既呀姨問要唔要辣醬 一定唔好要咁多我個人又覺得d麵鹹左d 愈食愈鹹 食完要飲好多水先得平時d鋪頭炒既野 比我感覺都好油 但呢度d炒麵唔算太油價錢我覺得幾抵 份量夠多 值得一試!

七月三日(星期五)老公送我番去的途中必經的snack express又把老公吸引著了!他是次要了碗仔翅,不過只是一般!而且很多冬菇呢!我又點了煎釀三寶:魚肉和豆腐!都是一般,太油了!

飲完好難飲既咖啡，心有不甘，經過見到格仔餅，當然要買返件黎滿足下自己 格仔餅：自從之前係大埔墟果間賣雞蛋仔鋪頭搬走左之後，一直都食唔返有水準既格仔餅。呢度既格仔餅算唔錯，雖然做唔到外脆內軟既感覺，而且個皮有少少粉，但係佢既花生醬同煉奶都好夠味同夠甜，唔會話得花生醬既味而冇煉奶味，都唔會比煉奶既甜搶走晒d味，加埋少少牛油同砂糖，正！岩晒我 下次經過一定試下佢d燒賣同埋魷魚鬚，其實話要試好耐，但係就次次都比格仔餅吸左去

今日同朋友踩單車, 大圍去大埔體力勞動過後自然肚子空虛 =v=來到火車站回家前發現有這家小食店, 於是來買野食見到店鋪幾乾淨衛生, 三寶又新鮮 於是叫左一份 + 一份黑芝麻豆漿三寶 : $6 4件 , 我要左魚蛋, 青椒,茄子,豆腐呢間個釀魚肉係「煙煙un un」4件都係熱辣辣, 零舍好味, 但茄子吸左好多油最好味係豆腐,皮脆入面唔乾又大件,如果加甜醬就冇得頂了!,正! 再有機會一定要叫多幾件豆腐!黑芝麻豆漿 : 幾香黑芝麻味, 蓋左d豆味, 我幾喜歡! 個樽口夠大 good!

四月十六日(星期四)回到大埔後,有點肚餓買了煎釀三寶,應該是四寶吧!要了魚肉,豆腐,青椒和紅腸六元四件,算便宜!但是今次比較油!可能剛炸起吧!吃得滿口是油!不過勝在夠大件!

三月十九日(星期四)*LAST TWO WORKING DAYS BEFORE TRIP*心情興奮呢!放工後,老公送我回家,這陣子都沒有到來snack express吃炸魷魚酥了,老公多次提醒,最後都忍口!不過今日就例外,可能他肚餓了!今次試試煎釀三寶吧!六元四件,算便宜!而且看下去新鮮,因為人流多!我要了一件豆腐,三件魚肉球,老公要了茄子,豆腐和紅腸!最好吃的是豆腐,因為很滑!而且都算大件!!其他的就普通,不算出色!魚肉就落得太多麵粉了!