小食快綫

Open Now

Now Closed

去買炒面,燒賣,2大陸女員工,分別問要加什麼醬料，同時間問，我只可搭一個，炒面個位,另外1個即整燒賣入埋袋,等收工,我答完炒麵要多甜多辣,跟著說燒賣多辣油豉油,跟住畀佢鬧,還早啲唔講,等佢包好先講,跟住我同佢講同一時間我冇兩個口,點講,是否生意好就可以這樣的態度，以前嗰班好相遇，服務態度好,現在嗰班，服務態度疲劣，是否你們生意好得滯

有一次去買嘢嘅時候，兩個員工好似扮到好忙咁，我大聲落單，講咗兩次，完全被無視。之後其中有個員工就用好差嘅態度講「你講大聲啲啦，鬼聽到咩」。好記得當時佢嘅表情同語氣。今時今日咁嘅服務態度，如果有多幾間小食店選擇，你間店一定冇人幫襯。

住油塘咁耐，放工或者放夜校好多時選擇這店，貪佢夠方便快捷。但自從上月開始，多次幫襯都畀同一個呀姐呼喝，講遲一句燒賣魚旦可以放埋一齊即大鬧，魚肉翅不要醋，講多一次怕他聽不到，又破口大罵。見到佢粒燒賣，跌左落D現金度，夾返落碗又俾返你。佢收完現金，又即時拎生菜切........,最後一次，個呀姐自己掛住鬧人，收錯錢，即時追出黎，凈係咁叫我落黎，又唔講收錯錢。佢用隻超濕嘅手拉返我落上行中的扶手電梯，好似我係小偷咁，差點跌倒。自此我唔敢再幫襯呢間店舖。

員工態度惡劣，沒有禮貌，效率差，等好耐，排隊指示又唔清晰，食物質素差，d阿姐超懶，竟然一早將燒賣放入外賣盒，令人買外賣燒賣食時，d燒賣已經凍曬！ 浪費時間、金錢！！！

員工態度極之差，睇心情，呼喝食客，賣雞蛋仔阿姐態度好惡劣，所以長期冇人買，衛生也欠佳，d菜洗完周圍放，有d放近地下，d員工手套望見都反胃，周圍摸完又摸雞蛋仔。食物味道尚算ok，但燒賣有時好腥，張枱長期冇人清潔，周圍都係醬汁，冇人抹。。。一個伏黎

員工質素差到好似我serve佢咁好聲好氣結果因為少少嘢就鬧人成日見到員工同啲客鬧交 到底係咪趕客不過食物係真係又平又幾好食係要受吓氣咁囉(點解要打咁多字………..阿字數唔使理)

未到九點,到店買外賣,夾餅同雞蛋仔,店員聲稱雞蛋仔已經沒有得賣,賣晒。只有夾餅。那我就買三底夾餅及魚蛋。我站著等,打算付費。但店員一直不收錢。原因夾餅未做好。但明明我都買魚蛋,為何不先收錢,再等夾餅做好呢?令人好費解?！原先打算一邊食魚蛋,一邊等。但店員態度沒禮貌,不願賣東西一樣。原來之前,一路說雞蛋仔無得賣,是因為店員在清潔中,打算收檔。感覺員工很想收檔,不願賣,只顧清潔。在等夾餅時,很多顧客要求買雞蛋仔,又話有得賣,一時又話冇得賣。排我後面的人,忽然又有得買雞蛋仔。店員服務態度超級差。

小食快綫的招牌菜之一是炸雲吞，這是一個絕對不能錯過的美食。炸雲吞外酥內嫩，皮薄餡多，充滿著鮮美的肉香和蔬菜的清甜。除了炸雲吞，他們還有炸魚蛋，這是另一個受歡迎的選擇。魚蛋外脆內嫩，味道鮮美，搭配上他們特製的甜辣醬汁，更顯美味。這款小食是一個很好的開胃菜，絕對能夠滿足你的味蕾。此外，小食快綫還提供了多種傳統的香腸小食，如煎雞蛋餅和炸雞翼。煎雞蛋餅口感鬆軟，內餡豐富，配上鮮脆的蔬菜，是一份經典的早餐選擇。炸雞翼則是酥脆多汁，每一口都充滿了香氣和味道。

親民，高質小食店香港黎講，snack express 可以話係高質，平民，快速小食外賣店經開火車站都會去幫襯下佢既魚蛋一般分大魚蛋同陳皮魚蛋，各有擁躉而snack express 就採用左陳皮魚蛋，小小粒，有咬口，淡淡陳皮味至於燒賣，佢就用左魚肉燒賣，香港人對燒賣係好有要求，而魚肉燒賣就好睇魚肉同粉漿既比例，魚肉多就有魚面，但成本較高，以粉漿就係攞佢既煙韌口感Snack express 既煙韌就做到適合既腸粉就正常野啦行過不紡試試

呢間小食店都有好多港式早餐賣，幾適合繁忙打工一族，而且姐姐動作好快，基本上都係即買即有。不得不提係足料碗仔翅，朝朝都見姐姐切木耳同冬菇。今日食呢碗魚肉碗仔翅($19)真係啖啖都係木耳／冬菇／魚肉，其實都係我食過最多木耳同冬菇嘅碗仔翅味道唔錯，不過食完都幾口渴

話說有日嚟到油塘站，咁啱又好肚餓但同時又好趕時間😂問咗朋友先知原來呢度有Snack express就拿拿臨上去買啲嘢食填返個肚先啦。呢度咩都有，仲要全部都好抵！燒賣都只係$10就有8粒咁多，真心抵過岀面好多！本身見咁抵都唔會對佢有啲咩太大嘅Expectation，真係諗住填飽左個肚就算，點知出乎意料地覺得好好食！除咗仲好熱辣辣之外，落埋豉油同辣椒醬之後更加香，燒賣嘅口感仲好煙韌！一啲粉感都冇！絕對對得起佢個價錢！

Snack express小食快綫就在油塘地鐵站外面，落雨都唔使驚的方便位置。當行完夜街，想食少少宵夜，佢真係及時雨，成夜晚十一點都仲開緊，附近的餐廳都關晒了，所以有唔少人幫襯。店內賣的都是一些港式街頭小食，但感覺幾衛生，買外賣就好方便。這次叫了雞蛋仔，才十幾蚊，味道算正宗，可以再食。另外叫了兩碗碗仔翅，每碗也是才十幾蚊， 價錢相當合理，味道和份量都相當不錯，可選配醋和胡椒粉，大大一碗夠晒飽，雖然係有啲味精感

我本身個人好鍾意食碗仔翅😋😋，所以經過佢嘅時候見到佢有碗仔翅，我就諗都冇諗就走咗入去買咗碗魚肉碗仔翅！🤣🤣------------------------------呢一間主要係賣一啲街頭小食，例如燒賣、魚蛋、生菜魚肉，碗仔翅，格仔餅等等😚😚！都好多選擇！------------------------------魚肉碗仔翅：佢主要有粉絲、冬菇、木耳、肉絲、蛋花同埋魚肉！而個姐姐亦都會問你要唔要麻油、醋同埋胡椒粉，所以唔食得麻油嘅朋友仔都可以去買嚟食㗎！🤤🤤------------------------------佢好多冬菇同埋魚肉，而呢一啲都係我都好鍾意食嘅嘢，所以我一定會再返番買多次食😙😙

呢一間snack express，相信有好多會搭地鐵嘅人都會知道呢一間小食店嘅存在~因為佢通常都係開喺啲地鐵站附近嘅地方🤣🤣而且佢嘅選擇唔會好多，但係好多時都已經係即買可以即拎，好快又方便❤️😋😋-唔好睇佢價錢咁平，但係其實食物嘅質素都唔錯㗎😊😊燒賣質素唔差，口感煙煙韌韌😋加埋辣又超級好食😋-仲有就係佢嘅格仔餅同埋雞蛋仔，佢嘅漿整得唔錯，食落口都有好香濃嘅蛋味😍😍最緊要係唔駛等，即刻食都係熱辣辣😋

做完野太攰。要去食啲野增加下能量。諗起snack express。絕對係方便之選。好多香港小食選擇。價錢又平。見到有最愛嘅陳皮魚蛋。不過實在太攰。所以都係叫左碗魚肉翅。大大碗都只係$17。阿姐好快手。錢都未拎好就已經整好碗魚肉翅。店入面有企位俾人堂食。見到都好多人幫襯。魚肉都算多。大大條。食落唔會淨係得舊粉。個翅本身好多冬菇片。仲有好爽口嘅木耳。不過肉絲同粉絲就相對少。同埋個羹好快就會變水。萬物騰貴。呢個食物質素算係對得起個價錢。