小食快綫

Open Now

Now Closed

做完野太攰。要去食啲野增加下能量。諗起snack express。絕對係方便之選。好多香港小食選擇。價錢又平。見到有最愛嘅陳皮魚蛋。不過實在太攰。所以都係叫左碗魚肉翅。大大碗都只係$17。阿姐好快手。錢都未拎好就已經整好碗魚肉翅。店入面有企位俾人堂食。見到都好多人幫襯。魚肉都算多。大大條。食落唔會淨係得舊粉。個翅本身好多冬菇片。仲有好爽口嘅木耳。不過肉絲同粉絲就相對少。同埋個羹好快就會變水。萬物騰貴。呢個食物質素算係對得起個價錢。