蛇王弟 (上海街)

Open Now

Now Closed

我好少寫食評，但呢間真係太差，糯米飯來到一舊野已知伏， 我由細到大未食過咁難食的糯米飯，個蛇羹簡直垃圾 ， 瘦肉多過蛇好多 ， 真碗仔翅好少蛇味有分店真心難以置信， 最難食蛇羹可以來試

剛剛最凍時去左, 這間似飯店多D, 唔似專門食蛇, 但都去試試, 講真, 唔多掂, 不太似蛇更, 糯米飯更加唔得, 好似蒸左好耐, 好淋, 一 pet pet... 米粒不分明, 無下次！ 又極細, 坐得好辛苦！

這間蛇王弟是常光顧的食店，單純只是因為近公司，過一條馬就到。當然若只是因為近就常光顧又說不通。第一次被同事帶來這裡吃午餐，小店一間，坐位不多，幸好有位就快快坐下點餐，見同事點海南雞那就跟他點海南雞，坐位少客人多，自然有壓力。海南雞飯到，整體不錯，還跟一個蛇湯，這個蛇湯有些薑，超重胡椒味，很暖身。之後就差不多每星期都食一次，他們的咖啡汁不錯，會加些椰奶，咖啡汁調得杰身，味道有點辣。焗飯是炒飯底，可選白汁，茄汁，黑椒汁，咖啡汁，全部都好好送食。但不要在午餐最忙的時間點，試過一次等好耐才有得食。相反這裡的蛇羹我只吃過一次，有個蛇羹+糯米飯的餐，但有點貴，所以只吃了唯一一次。又是要慳錢同小絲拍拖。我和小絲有個試食list，這間蛇王弟就係第一間，今年凍啲就同小絲去試。

見人網上介紹呢間食蛇嘅舖頭，於是就走去試一下，今次叫咗個咖喱牛腩飯，今個紅蘿蔔湯同埋一杯菊花蜜，咖喱整體上中規中矩，牛腩炆到啱啱好咖喱汁唔會太辣，咖喱面仲加咗少少椰汁添，整體上都幾好味，如果另外送個湯亦都好足料，最後係煲菊花蜜，應該係自家製嘅唔太甜。

·蛇王弟🐍🐍🐍天寒地凍🌬🌬🌬🥶🥶又係小編食蛇既好時候🤤😍🧡🧡🧡🧡🧡～～～～～～～～1️⃣精選滋補養生套餐(大蛇羹🐍+糯米飯🍚)($98)＊蛇羮個樣好似普通嘅碗仔翅咁，但食落又估佢唔到， 蛇肉都足，味道都好重唔錯👍🏽👍🏽加埋檸檬葉同脆脆必定係蛇羹嘅絕配😎😎💯💯😋😋(Score :5/5)＊糯米飯味道就一般，始終糯米飯都係配臘味先好食，首先呢個糯米飯食落都冇咩臘味，花生粒就多，冇咩味咁🙈🙈🙈(Score :2/5)＊平時食蛇羹都會有些湯餸或者配埋，小編落單時問一聲蛇湯係點，店員就話會送蛇湯，但蛇羹同糯米飯食咗一陣都見佢未送蛇湯嚟，於是乎再問聲店員先至上碗蛇湯🙄🙄🙄蛇湯顏色奶白色咁，同平時飲開嘅藥材味蛇湯有啲唔同，但味道都正常嘅，啲藥材味冇平時食開嘅咁勁🙂🙂🙂(Score :4/5)•其他：＊海南雞飯、咖喱飯🍛同焗飯都好多人嗌，應該都係唔錯嘅選擇，即係除咗蛇羹同糯米飯之外，又多個選擇😂😂••-評分👑賣相：✨✨✨✨味道：👅👅👅👅價錢：💰💰💰💰服務：🤵🏽‍♂️🤵🏽🤵🏽推介：⭐️⭐️⭐️⭐️(5分滿分)~~~~~~~~~~

好想食蛇, 但好似唔係太多地方有, 朋友介紹呢間, 好味之餘又好坐, 環境乾淨價錢抵, 選擇亦比一般舊式蛇鋪多, 有面, 有飯等, 唔好蛇都有其他選擇 - 咖喱雞, 海南雞, 人參雞 & 鮑魚我選了A餐, 大蛇羹加糯米飯, 都只係$98, 蛇羹非常足料, 見到超多蛇肉糯米飯都好夠味, 又有臘腸, 唔會只得之前食過嘅其他蛇鋪只得飯&花生其實細蛇羹加糯米飯 $62 都應該夠食, 但就係眼闊肚窄招呼好好, 可以免費飲蛇湯或例湯, 我食到一半糯米飯時, 哥哥仲問我個飯要唔要加多D花生比我, 贊呀!

今日係（大咕窿）油麻地停車場的最後一天，所以走來這邊食午餐，之後去拍照留念。行了幾條街，發現了這間蛇舖，鋪內少人，也不用等位，於是入了去張大檯，看看餐牌，發現很多款美食，很吸引。兩個仔仔想食咖喱，於是問店員 ，這個咖喱會否好辣，他說不會好辣，食到的。所以仔仔點了咖喱牛脷飯和咖喱滑雞飯，而我兩公婆點了2個細蛇羹加糯米飯套餐，之後看餐牌的圖發現我想食的寶島黃酒水晶雞，我問佢有冇得單點，佢話有，所以叫了。他問我要否蛇湯或例湯，免費的，我們要各2碗。上檯了，蛇羹、糯米飯雖然叫細的，但也很大碗$62這個餐，抵食！咖喱在上面加了（椰奶）？所以無咁辣，但仔仔食到下半部份以經不再加汁撈飯了，因為比平時的辣。蛇湯好胡椒味，好暖胃期待已久的寶島黃酒水晶雞來了點解係咁嫁？是否落錯檯？我問店員，呢個係乜？店員話係寶島黃酒水晶雞，冇落錯檯我看既然斬咗，又上了檯也試試吧！ 雞好嫩滑，酒味剛好，原來這個是熱食的。但可惜不是我想要的東西，圖片與事實完全不符，失望這檯的脆片和 檸檬葉也沒有了。不用叫也幫我們換過，服務不錯

叫左鮑魚撈飯+蛇羹set，老闆仲送左碗蛇湯。鮑魚撈飯除左鮑魚，仲有半隻糖心蛋，有d肉同菜，幾好，唔會太單調。 鮑魚幾彈牙，味道都唔錯。蛇羹足料，濃杰適中，都算大碗。 蛇湯幾好飲，奶白色，熱辣辣。

下午放飯時間到了有時有些課難免真的好乏味太無趣的一個早上過後一於去吃碗冬天必食的蛇羹經過openrice的搜索後發現有2家跟自己很近的經過視察2家店後在下的最後選擇是這家蛇王弟除了蛇羹和糯米飯外店裡還有提供不同的焗飯 秘製咖喱 泡飯 等等等等種類可真的不少在下今天因為好想吃蛇羹所以點了個E餐蛇湯先來了一放下就是香飄飄的蛇香哇。。好吸引再等了一下糯米飯就來了白痴的我問店員拿了檸檬葉然後靜靜座著等我的蛇羹到心水清的大家相信已經發現了在下被大腦欺騙了看到自己想看的東西E餐明明寫著蛇湯啦真的好白痴啊難怪問店員拿檸檬葉時他們一頭霧水然後還看著我為何一直放著不吃現在回想起來。。真的好白痴啊好吧 白痴了一回後趕緊吃飯吧雖然被在下放了一陣子不過還是一樣熱騰騰的好溫暖好好吃軟綿綿的糯米飯香葉 蔥粒和花生兩三下就被在下的狼吞虎嚥KO了再喝啖湯然後為了滿足已化成黑洞的胃在下加點了一客雞球焗飯他有三種汁 白汁 咖哩汁 蕃茄汁在下選上了白汁配焗芝士在下最喜歡話雖時鮮焗的但也沒有等很久細長的飯粒沾上點起司絲光是看著也能增進食慾不得了不得了一塊又瑰的雞肉肉好厚 雞味重 皮看到是被炸香脆了的雞扒再放進去焗軟很大的一碟

，兩點鐘放工，星期六有點餓，在附近揾，之前在此吃過食，見到這間蛇王弟海南鷄飯，唔錯！今次想試試男人的第二浪漫～梅菜扣肉飯！套餐有飯有餸、有湯有茶，只需$50街坊價扣肉份量不小，梅菜也夠多，本人不好飯，所以扣了底五層樓腩肉，不太肥，惜瘦肉部份有點嚡口，未能做到入口即化；至於味道，看似很濃，但味道偏淡，帶點點梅菜甜味，我喜愛！另，湯可選擇是日例湯或蛇湯，我揀了後者，湯味很濃郁，還帶有金華火腿香，好飲!此店，還有很多其他選擇，可以多試。。。下次想試其湯泡脆米飯天寒地凍時才試蛇羹。。。

平時冬天係呢間鋪食開蛇羹加糯米飯，今次心血來來潮想叫個金牌海南雞飯外賣試下😋一打開真係嘩咗一聲，份量好多～雞都幾好食，但最驚喜係係個油飯都好好食阿！海南雞飯就係要食佢個油飯，雖然好肥😭但係可以再做好啲既就係醬汁可以再多類別啲～同埋老闆仲送咗碗蛇湯 正阿好飲～聽講咖喱飯好多人食，下次試下先😋

每逢星期三都會到佐敦上堂，放學後一定會到蛇王弟食飯，每一次都係飽住咁走。雖然呢度出名食蛇羹，但我地從來都無食過，反而每次都係食咖喱同其他菜，都係十分出色。呢度的咖喱有點馬來味道，好有椰香而且辣度適中，加上枱面有無限量的脆片供應 (其實係for食蛇羹的哈哈)，配白飯真係可以食好多碗。今次叫咗咖喱豬頸肉，有油香又有咬口，而且份量很多，仲有超入味的薯仔 (咖喱必備材料)，每一次食完都好滿足。另一碟今次試咗霸王雞，首先份量都係好大碟，幾乎有肉的位置都全部上碟。蔥香和豉油更加提升到雞嘅鮮味，雞肉雖然不是十分嫩滑但合格有餘，絕對對得住價錢。呢間小店位置遠離大街，主要做街坊生意，但就係小店的人情味令我不停回頭幫襯。每一次店主都會送例湯 (好鮮甜而且強調不加味精)，又會主動問我地駛唔駛添飯，又會記得我地上次食過乜野，咁貼心點可以唔幫襯佢。

蕃茄魚湯脆米泡飯 ❤️肉碎糖心蛋脆米泡飯 ❤️Lunch $39包兩餸同菜多選擇邊度搵 菜單選擇多，價錢相宜，就算唔額外加餸都非常飽肚最好味係佢自家炒嘅脆米，加埋落去提升左成個泡飯嘅味道個人覺得佢個泡飯好食過蛇羹好多，推。

這是一家小店，真的很小，只有幾張桌子。不過，如果吃過它的咖哩，你會跟我一樣，即使環境一般，也會再來。這店名蛇王弟，主角應該是蛇。老公點了蛇羹，店家送上蛇羹時奉上一個膠盒，一打開，香氣撲鼻，原來是檸檬葉絲。除了加入檸檬葉，當然還要加薄脆和胡椒粉，拌勻後進食，味道不錯。對於不是特別喜歡吃蛇羹的我來說，這店更吸引我的是雞和咖喱。點了一個海南雞飯，雞有雞味，在現時的香港來說，這是難得的。隨海南雞奉上的是油飯，但這油飯並不油膩，味道也好。還點了一個咖喱牛脷飯，這咖喱又香又辣，真的非常好味，牛脷份量不少，而且煮得很軟，實在太好吃了！點了一個菜心，沒什麼特別。吃飯的時候店員問我們要不要湯，有蛇湯和老火湯（今天的是青紅蘿蔔湯），是送的，我們各要了一碗，青紅蘿蔔湯味道好，蛇湯的胡椒味較重，比較一般。這小店顧客不絕，除了在店內進食，也有不少人來買外賣，店員忙得不可開交，幸好她們都工作勤快，所以服務也算不錯。

有次偶爾經過，看見這家蛇店竟然有人蔘雞湯，便碰運氣入去試試！一試愛上。我是喜歡不太糊（糯米）的人蔘雞湯，這正是我喜歡的。看見旁邊的客人吃海南雞飯，賣相很好，改天來試了。現在幾乎有空就會在這吃午飯，以下是本人推介：海南雞飯霸王雞飯焗豬扒飯各式咖哩人蔘雞湯花旗蔘蜜（加$8）菊花蜜（加$8）胡椒蛇湯（送的）我也試過蛇羮，足料多蛇肉！看見不少人吃湯飯、梅菜扣肉、咖哩牛筋腩，大家可試（我不吃肥肉/牛肉）。值得支持的用心製作餐廳。