雪園飯店 (Closed)

朋友生日想食上海菜，記得利園附近有間穩扎多年既舊派上海菜，二話不說立即打去訂枱。當晚8個人每人點了一款菜式，總共8個菜夠好意頭。崧子雞米跟鍋巴通：崧子炒雞味道好夾，道菜夠曬大份，好似食極都食唔完咁。生剪包:煎得剛剛好，咬下去有肉汁流出火腿津白:呢度既火腿津白咸度適中，老人家食都ok!!最怕有d舖頭整到好重口味。醉雞:用上純花雕酒奄制，酒味濃烈得來不會蓋過雞既鮮味，不錯燻蛋：燻蛋上枱時仲有流心的，不過不失。雲呑雞：真真正正用雞煲出泥，味道唔假，唔似有d舖頭用紙包雞湯扮。叫了一窩剛好一人一碗。素鵝：正正常常老一輩素鵝整法，不會太乾身。小籠包：多汁，肉汁鮮甜，食過番尋味，想再encore

銅鑼灣是傳统旺區，以住總是人來人往，食肆長旺，大小商店亦交到數。近年的銅鑼灣已不復當年勇，冷清清的場面也見怪不怪的。雪園於銅鑼灣已於新寧道立足了多年，之前總是坐不滿，近年卻生意轉好，相信是因為價錢公道的上海菜館已買少見少的關係吧。燻蛋 ($18/隻)，是一貫的水準，燻味不算勁，但起碼夠流心。晾衣白肉 ($108)算是全雪園賣相最靚的菜式，始終這位裡是 sell 實而不華的。白肉有點太乾，味道好一般。肴肉 ($88) 是不錯的，豬肉及豬手凍的比例恰到好處，撈醋吃一流！最好吃的小食始終都是 "素鵝" ($88)。脆脆的腐皮煎得不油膩，內裡包着的素菇甜度適中。茄汁蝦仁鍋巴 ($180)是J妹妹必點菜式，鍋巴夠脆，蝦仁都算多。是晚的 "樟茶鴨" ($160/半隻) 做得肉質細嫩，但茶燻味偏弱。紅燒小蹄膀 ($180) 是點給 J嫲嫲的菜式，蹄膀皮全數給她吃光，肉就留給後輩吃。鴛鴦沙咀魚 ($320) 是J爸爸較喜歡吃的一道菜，炸的香酥，炒的嫩滑。敬送椰汁桂花糕。7人晚宴吃到飽飽，埋單每位約$190元，比起那些新派上海菜館抵吃很多！

冇以前咁精緻 大堆頭取勝連送嘅果盤都大盤過人好在都仲好食八小碟例咁大火腿雞翅竟然分到十六七碗出來夠濃味可惜火腿好硬清炒蝦仁做到以前味道粒粒彈牙炸鱔好脆海參好彈牙啲汁濃稠豆苗鮮嫩最鍾意食醉豬手夠得意又好咬口可惜唔夠酒

每逢禮拜日，我們都會同連過80歲的嫲嫲吃飯，通常都去六國酒店，間唔中都會嚟雪園食吓上海菜。焗大閘蟹蓋是新菜式，蟹蓋非常迷你，應該係3両蟹的蟹蓋。蟹蓋內釀了蟹粉、蟹肉，洋葱，味道非常鮮甜，沒半點腥味，非常惹味可口。每晚數量不多，手快有手慢無。十分喜歡雪園的鎮江肴肉，貪佢夠多水晶骨膠，豬肉鬆化，點醋食一流；阿P啱啱相反，嫌這肴肉不夠多肉，真係各人口味大不同啊！蒸了一隻大閘蟹給嫲嫲食，$170元一隻，不特別爆膏，嫲嫲又沒讚賞，應該好一般。清炒河蝦仁亦是推介菜式之一，河蝦仁好細隻，但味道卻十分鮮甜。上枱時每次都保持熱辣辣，又不會炒到過份油膩，值得一試。這晚亦特別為表弟仔點了香口的崧子雞米配鍋巴筒，崧子雞米炒得不夠乾身，味道偏濃。鍋巴筒炸得不夠透，食落有啲痴牙，我和P都覺得好一般。幫襯了雪園大大話話都有20年，這裡水準一向穩定，好少會失準。另外亦推介這裡的砂煱雲吞雞及砂煱津白。

終於到了HAPPY FRIDAY, 同家人去左呢間雪園飯店食個晚飯. 一去到見到好多人叫生煎飽, 諗住坐陣等齊人先叫, 點知賣哂! 無法啦, 唯有下次啦. 冷盤我地叫左薰魚, 魚味重, 同出面食個D有分別, 甜甜地, 幾香口, 好食! 不過係D骨多左D三鮮鍋巴, 以前有讀竹林深處人家的可能都會同我一樣, 對鍋巴有莫名奇妙的幻想, 咁耐以來都未曾食過一個好食的鍋巴, 但呢度既鍋巴, 好香好脆, 食落有少少香甜, 而個SAUCE比較清, 一般.火腿津白, 保持水準芝麻葱油餅, 呢個好得, 唔油, 好香葱油味, 我食了兩件牛肉餅, 拍得住清真牛肉餅, 小心裡面D湯好熱!蜜汁火方, 又係每次食上海野必食, 呢個個汁比較水, 落左蕃薯同蓮子, 味道唔錯, 但我個人鐘意無咁水同多D蜜糖, 餡唔使咁多, 食落有少少論盡, 不過呢個餸還可以最後甜品了, 叫左個高力芒果, 好似好特別, 但食落都係高力換左芒果雪糕, 無乜特別

一直都有食開上海菜， 原來銅鑼灣恩平道附近有間正宗上海野， 於是約班老朋友一齊去試試。一路以為呢啲老字號會好貴， 睇完餐牌，其實價錢都幾合理，有啲仲平過平時食開果啲。一號頭盤： 醉鴿一坐低就叫左呢個先，隻鴿啲肉好滑、好入味， 我仲飲埋啲酒添呀！二號頭盤： 燻蛋未擺上黎已經聞倒陣陣煙燻味，我地仲即場encore叫多碟三號頭盤： 炒木耳聽聞食木耳對血管好好，呢個爽爽地好易入口上主菜！！牛筋塊牛筋口感不錯呀，食左幾件都冇肥膩感覺清炒蝦仁清新之選，落少少醋吊味，食完好開胃香烏筍初初見呢個青bb，以為係西芹之類，朋友介紹完之後即管試下，一試就成碟俾我食晒，青甜得黎又爽爽地，好味醃篤鮮（唔記得影相）由金華火腿、鮮肉同筍煮成既燉湯 鮮味十足！年糕醬炒蟹炒年糕就食得多 加蟹真係第一次 個醬汁好醒胃 同年糕好夾蔥燒蝦虸海參個海參口感好好，焾得黎又有啲咬口甜品時間：酒釀丸子，yummy 高力雪糕平時食親都係高力豆沙，今次呢個高力雪糕真係好驚喜，入面係芒果雪米糍，好美味呀！睇返啲食評先知原來雪園最出名既係佢既生煎包， 下次一於帶埋屋企人去試！

細細個，當雪園重係北角城市花園時已跟大人去過，當年算是高檔上海菜，不是時時有得去食，隱約記得係大人聚會世叔伯想見面我才有幸去過一次。印象最深是他們的清炒蝦仁，河蝦爽脆清甜，至今仍然念念不忘。多年後再來，此店在銅鑼灣已搬了數次，地方裝潢沒有近幾年冒起的上海高檔食店的奢華，我喜歡這裡的樸實，沒那麼花巧。食物質素一如過往吃過的，質量控制絲毫沒有受到時間的洗禮而鬆懈。醉雞的肉很厚，但做得很嫩且很有「雞」味，竟然做到入口鬆化，濃濃的花雕酒的香氣撲鼻，值得一試。木耳前菜可口，沙鍋津白用料足，清炒蝦仁那味道還在但可惜的是河蝦細隻咗，青菜煨麵不過不失，松子魚塊大大碟，魚肉鮮嫩，炸得香脆，生煎飽底夠脆，入面肉汁還好，銀絲卷也做得不錯。店的服務很周到，見到有老人家會特別照顧。以此價錢吃到如此水準老牌上海菜算是合理。一定會再嚟。

上星期同一班好耐無見嘅老友聚餐，相約在多年未踏足的雪園飯店開餐，一行十五人叫左十二人套餐，飽肚又好味!打頭陣嘅冷盤保持水準，特別值得一提係小黃瓜同牛筋塊。黃瓜味道香甜，調味適中，入口清新健康，而牛筋塊就入口即溶，無肥膩感覺。至於主菜之一嘅拆骨魚頭就令人回味無窮，雖然賣相普通，但魚湯香濃無腥味，放入口中一試，即刻食得出有大量魚面珠「燈」肉，配合粉皮可謂滑上加滑，需知一條魚最多只得兩塊面珠「燈」，令我想起以前回家媽媽每次煮魚總會留低最珍貴又嫩滑嘅面珠「燈」比我食，呢味菜亦令我有非常溫暖嘅感覺，下次再來一定ENCORE。另一道有驚喜嘅就係生煎包，外脆內軟，食落口肉汁非常澎湃，食完一個又想接一個，停唔到口。其餘亮點菜式仲有椒鹽八寶鴨、火朣翅等等，份量十足，令人一試難忘。

姑勿論因何，香港的傳統老店買少見少已是不爭的事實，讒嘴的筆者唯有與時間競賽「能吃一家便是一家」。奈何人祇有胃一個時間若干，很多餐廳在光榮引退前筆者也未能一往大嘆緣慳一面。這次光顧的乃從前有多間分店連賭王（OK正確點說是他的傭人）也會排隊買它的生煎飽的雪園飯店。從前放工回家在巴士上經過其在灣仔的分店時已經很想試試此店是否名乎其實，不過常聽聞對傳統上海老店通常會待薄不操上海話的陌生客，而且價錢不菲，所以未有前往。想不到不過數年雪園已剩下一間在利園附近的店，為免「吾欲吃而店不在」，終於在日前鐵了心與三五知己前往。餐廳其實位於利園平治陳列室對面的商業大厦的三樓，老實說並不太容易找。一進餐廳已有一點老店感覺—不太奢華的裝修、密密的餐桌，但是燈火通明，給人潔淨之感。對於這種老店，筆者對其服務態度沒有特別期望，可能因此故，最後也沒有失望。不過最重要的還是食物的質素和性價比，這方面是沒有失望（筆者在此餐後更再到此吃了另一頓晚餐），至少與另一筆者所愛的鷺鷺酒家在伯仲之間。一行八人（四男四女）點了以下的菜，份量是絕對足夠之上：頭盤篇：脆皮素鵝$80絕對名乎其實地做到脆皮，味道也佳，能吃到層層腐皮的感覺。最

今晚老細請食飯！難得的機會，上網研究咗好耐，決定試下雪園。根據舊報紙資料：雪園飯店有名人飯堂的美譽，多年來吸引不少名人光顧，富商李嘉誠、影星周潤發、周星馳、食家唯靈及著名足球評述員林尚義都曾經是座上客，火膧雞炖大排翅、紅燒元蹄及清蒸鰣魚等菜式更是鎮店之寶，不少食客「食過翻尋味」。飯店之所以取名為雪園，原來有段古，由於五、六十年代，九龍的艾菲雪園、京華雪園均以揚州菜聞名，飯店創辦人希望旗下的食肆同樣出色，遂以相同名字命名。飯店以正宗上海淮揚菜聞名，全盛時期有六間分店，現時尚存銅鑼灣店。今次我就要食晒呢啲名菜…結果…果然名不虛傳。大件夾抵食，又好好味。冷盤：醉鴿、脆鱔、臐蛋、怪味雞、雞絲粉皮、醉豬手各樣都好好食，尤其推介醉豬手，有咬口、脆膳，好香的黑醋味，又夠脆、臐蛋，溏心蛋，有煙燻味，好好食。重頭戲：火腫雞炖大排翅，非常非常足料，可用筷子好似食麵咁食架紅燒元蹄，甘香入味，忍不住連皮也要吃下清蒸鰣魚，雖然多骨，但又香又滑，值得推介蠔汁原隻鮑魚，比想像中大隻呢，軟硬適中黃金蝦，夠多蛋黃，唔似出邊的少得可憐，蝦是新鮮的蟹炒年糕，年糕吸入蟹的汁液，比蟹還要好吃呢以點心取代飯麵，鍋貼、生煎包也很香

是晚老爹生日 , 老爹又鍾情老上海風味 , 所以特意選這間飯店給老爹懷勉一番 ~由於一早 book 位關係 , 一到步就有枱用膳啦。剛坐下 , 部長自動前來為我們開茶打點 , 服務尚算不錯啊。由於我地第一次試這間飯店 , 我們叫部長介紹幾個巧手小菜。小菜如下:今晚老爹好滿足 , 我們身為子女都好滿足 ~ 

很久沒吃上海菜了, 想回味下 , 找老字號"雪園"吃, 以前在奧海城附近工作經常會去吃飯,自從轉了工作之後便沒去了. 上網一查原來搬了去銅鑼灣, 距離地鐵5分鐘路程吧, 裝修不算豪華 但平實舒適 沒局促感,餐具枱布都乾淨,洗手間也乾淨沒問題食物保持以往的水準, 最好吃的是火燑翅 料足味濃, 清炒蝦仁 清甜爽脆,小吃也做得不錯 推荐 - 燻蛋 糖心美味, 糖醋脆鱔 鬆脆鮮甜.

朋友聚餐，還是中菜較合適吧。友人要加班，於是選了比較近他的餐館。冷盤﹕燻蛋，脆鱔，馬蘭頭，醉鴿。燻蛋，燻得很想，重點是我愛的溏心蛋，大愛，我一人食了一整隻呢脆鱔，又是大愛，很脆，而且有濃濃的醋味馬蘭頭，是菜還是瓜？很夾脆的啊醉鴿，街外是否少有，很入味，而且擺得很美的湯：火朣燉津白湯頭燉得清甜，帶有火朣的鹹香最精華的是湯內的津白，軟硬適中，吸取了火腫的味道，得誘人主菜：紅燒元蹄，蟹燒年糕，清炒蝦仁，蝦籽海蔘，竹笙黃鬆豆腐紅燒元蹄，入口鬆化，皮下的一層肥膏很引人犯罪呢蟹炒年糕，蟹並不是主角，年糕吸了蟹的精華才是精髓清炒蝦仁，令我覺得自己大鄉里的一道菜，原來要好吃及正宗，必定要用河蝦，而河蝦是長不大的啊，所以大家不要像我這樣，以為大隻才是好蝦籽海蔘，海蔘爽且滑，配菜的蔥吸入汁醬，得野美竹笙黃鬆豆腐，不是普通豆腐來的，非常非常好食的啊包點：鍋貼，生煎包鍋貼、生煎包同樣超好食，皮脆，內有肉汁的甜品：煎八寶飯還有八寶飯嗎？已飽到嘔…原本諗住只吃一口，結果停不了口，煎成脆面的，配上糯米及涵料，口感非常，超級好吃

團年飯，唔想被迫食套餐。但老人家又想食中餐。最終家人提議去一間之前好出名嘅上海菜-雪園飯店。此店食品保持水準，非常好味。 而且原來很抵食，每人百多元便可，環境還要得很舒適呢。此次食了:燻魚 - 下酒下飯一級棒燻蛋 - 滋味溏心蛋黃, 加埋茶葉燻, 又香又好味清炒蝦仁 - 河蝦, 加醋可以提升蝦既鮮味,我既最愛,必吃醃篤鮮 - 的湯頭很不錯，喝起來香濃溫順蔥燒刺蔘 - 香,滑,濃樟茶大鴨 - 皮香脆，鴨肉香嫩還有竹笙黃崧豆腐、上海炒年糕、青菜煨麵、豆苗、小籠包、生煎包, 保持水準!

醉雞: 似擺了很久, 酒味全渾發燻旦: 不太入味, 但on top 加了華鹽, 太鹹雞絲粉皮: 完全唔掂, 醬汁差蔥爆牛肉: 完全唔掂, 牛肉係雪牛, 蔥老, 成碟多油到呢小蘢包: 皮太厚樟茶鴨: 皮脆, 但肉太un火燑雞燉翅:貴得不值，翅少湯鹹D service好差，　尤其一位戴眼鏡老臣子經理，　目中無人，　只會招呼老客，　年輕一輩的，　他毫不理會， cashier 多收一位茶芥，同這位戴眼鏡老臣子經理講, 他不但毫無歉意, 只分咐另一員工去改單, 仲要全程黑面望住我哋張枱？