夏雪 (Closed)

去夏雪食的原因，是因為知道晚上10點後，壽司、某些食物和飲回有半價，再加上自己非常喜歡食日本菜，所以就去試下，結果真係得兩個字：後悔。首先店員的服務態度不好，我地8個人，佢只係比張6個人坐的car 位我地。或許是他們忙吧，叫他們，他們好像不想理你似的。壽司、熟食和飲品都只是一般，而且分量又少，魚生又沒有魚味。最可惡是我們叫的牛肉窩，原本跟窩來的酒精蠟燒完了還未滾，於是個waitress幫我地換過罐臘，希望煲滾佢啦，佢竟然打開個蓋撩左兩野，然後話：「其實差唔多架啦，無所謂啦！」我覺得簡直離譜。於是我地叫過第二個waitress，先肯換過罐臘比我地，結果我地就8個人在呆等果煲牛肉窩熟。最後找數，竟然原價1千4百幾蚊，減左半價之後都成700蚊，但係就要比百幾蚊10% 的service charge。心諗：「我去和花亭食都係差唔多，但係人地好食好多喎。」所以我地成班都話，以後唔駛指意我地會再去，實在太離譜。

下午荼好抵,但上菜好慢,起碼20分鐘先有得食,我試過魚生飯,又貴又唔好食,我唔會再去!!

今日同男朋友去食~~真係心傷..><"~我男朋友從來唔鍾意食日本野~我真係哄左佢好耐先肯食一次....結果...><~我地叫左10樣野食~~(詳細名唔記得左~)包括：硯仔麵豉湯、軟殼蟹壽司、天婦羅蝦壽司、黑蜘蛛卷、花之戀壽司、鰻魚牛油果壽司、三文魚三味壽司、蠍子黃金卷、燒魷魚壽司、蟹膏將軍軍艦總之...無一樣令我回味lor....硯仔麵豉湯..d硯仔又有沙又苦....麵豉湯又苦又咸...勁難飲呀~~軟殼蟹壽司...則普通一舊壽司...無味道的~天婦羅蝦壽司...稍為好味...黑蜘蛛卷..淡...極普通..鰻魚牛油果壽司..ok..叫做比較好味..燒魷魚壽司...燒到過份左...黑晒..蟹膏將軍軍艦...d蟹膏少得可憐..只有一點..花之戀壽司+三文魚三味壽司...d三文魚都唔知係咪雪左成年....完全無味...唔講都唔知自己食緊魚生..我去百佳買果d仲好食~~仲鮮味~~不得不提的...係這裡的壽司全部都係超細件...你可以一口食兩件~~(每款壽司都係得兩件!!)真係..又貴又唔抵呀..最差就係...d服務態度..我地坐一張雙人檯...旁邊係另一張4人檯~

琴晚, 同朋友上左去食, 叫左個牛肉鍋, 酒煮硯, 南瓜天婦羅同埋個三文魚子柚子沙律!!!嘩.. d waiter 同waitress 成隊兵咁送d野食上黎, 個個好似係度玩咁, 擺又擺得唔好, 仲要支匙巾跌落去我條褲度, 仲笑笑口咁講sorry!!! 一d 都唔pro!!!!個牛肉鍋一d 都唔好味, 又冇味, 煮到d牛老晒, 硯一樣又係冇味, 一d酒味都冇, 天婦羅都okey既, 不過都係得果幾舊,柚子沙律.... 唉..最差就係個紮馬尾既waitress, 佢成日係我地面前行黎行去, 我地都係arm arm成, 又成日都想收我地d 豌碟... 勁煩, 之後我個fd, bear住佢, 佢先至醒水, 行開!!埋單, $173 ... 終之我去食"笑x:喇, 果度好味好多, 服務又好!!!我下次都唔會再去... 太差喇!!!

之前五月同同事gathering黎過，味道不錯！天婦羅烏冬係幾好味~ 男朋友未食過呢度，所以就同男朋友黎食啦~我地叫左天婦羅烏冬、牛肉烏冬、乜野濃情之戀(?)(其實係有海膽0既花之戀)同有硯0既麵豉湯，今次D烏冬就唔夠上次彈牙，而且個湯底都唔夠味，天婦羅南瓜同蕃薯都炸得唔夠透......男朋友話牛肉烏冬ok，除左上台時好香就無乜其他評語啦~ 個麵豉湯就得個咸字...... 係個乜野濃情之戀(?)好DD......上次三個人比偏辟四人卡位都叫坐得幾舒服，但今次D位真係超迫！又嘈...... 佢地格局都叫玩型格，但D waiter們有時羅住D大膠盤出出入入都真係好大煞風景......諗住食完走啦...... 個waitress執野時竟然手快倒瀉鼓油落男朋友條牛仔褲度！！佢唔洗執得咁趕呀！等我地走左先都得架......唉...... 我知男朋友食野時都對呢間野麻麻地...... 而家更加衰啦！真係對唔住男朋友，帶佢黎呢度食仲整烏糟埋條褲......下次唔會再黎啦！

行過呢間野好多次　次次都沒有機會上去食今次同個ｆｄ忍唔住上去食帶位個條友勁無禮貌囉　上到去ｄ人都唔系招呼亂點ｄ位俾我們坐　隔離個個又勁食煙　好想調位叫左ｄ壽司同麵食　壽司有ｄ味道”麵太太＜淋＞！入口會溶的　令我唔估到既系成身都系煙味囉以後我都唔會再去食

一行７人來這裡為朋友慶祝生日。叫了２個２人餐，一個是天婦羅＋壽司刺身拼盤＋沙律。一個是牛肉鍋＋壽司刺身拼盤＋沙律。另加一個軟殼蟹炒飯，以及一個蕃茄海鮮意粉。刺身＆壽司上的魚生質素非常一般。吉列蝦、天婦羅、軟殼蟹等炸物相對之下較好吃。軟殼蟹炒飯及意粉很大碗，質素尚可。服務幾好，waiter一直站在一旁，隨時候命。整體來說不算抵。

經過幾次已經想試下,夜晚仲有半價,係樓下果個帶位小姐已經好似發緊夢咁,講野又超細聲,直頭聽唔到,可能佢病掛,上到去無人招呼,我知道門口張檯係我既,無人理咪自己坐囉,壽司兩舊等於人地一舊,唔知係特色定係我唔識,壽司面果舊三文魚乾乾地無乜油份咁,係咪多人過頭係廚房一早切好風乾左,自己諗啦。果碟乜鬼北海道海鮮意粉,食左幾啖就無食了,咩黎嫁....埋單170幾兩個人,唔貴!但以後都唔會再去囉

上次同女友去食ｄ裝修好靚，好舒服ｄ野食，服務都唔差可以一試！

兩個人叫了一個牛肉鍋同軟殼蟹炒飯,已經夠晒飽。牛肉鍋真係唔錯,牛肉質感還好,d菜全部都好甜,但叫唔叫好呢…又好似爭少少…個炒飯一般,只係三塊沾上好厚好厚粉的軟殼蟹味道比較突出,個飯係用足料既…但味道都ok既服務都算ok丫,而且裝潢都幾靚…只係見到那些魚仔有點可憐…咁多魚仔擺埋一齊…

其實已經係上星期既事, 最近得閒先打番評語.女友話想食日本野, 建議去夏雪, 我黎之前SEARCH個OPENRICE, 有成四十幾個哭臉, 都有D擔心, 結果我成為其中一個哭臉啦.間野環境唔錯, 夠黑有氣氛, 如果約三五知己食飯唔錯, 我同女友坐左個窗位, 望住旺角街角都幾靚/坐底後問侍應拎杯水... 佢竟然話冇... 咁大間食淨係得茶?!叫左好多野(正確名字唔記得啦): 蛤仔面史湯, 壽司拼盤, 蝦膏蟹柳軍艦, 架喱吞拿魚夾餅, 海膽漿配炸雞軟骨. 兩個人食都好豐富.蛤仔面史湯: 佢MENU話二人用, 但其實好大碗, 可以分到4-5碗出黎, 味道比吉之島買的即沖湯包差... 但d蛤幾甜.蝦膏蟹柳軍艦: $20碟, d蝦膏少到...連半cm都無....同一堆蟹柳碎肉, 小學生家政作品會較好壽司拼盤: 壽司面d肉超薄, 深水埗一些扮日本料理的還要好.海膽漿配炸雞軟骨: 呢個好食, 可以俾四個人送酒. 有食友已經講過, 佢個用蛋黃漿整個漿的, 我地覺得幾好食, 但同海膽真係無乜關係.架喱吞拿魚夾餅: 呢個好食, 架喱好香, 食落唔會漏, 洽到好處.overall, 只要唔係日式食物都好食,

去過幾次，第一次去收多左個餐錢，第二次因他們安排的座位是冷氣風口，我要求個服務生關細D個冷氣，那個經理就和服務生講，關細左之後由要開反太，太麻煩，唔好理佢地。那時真的想立刻走，但食物已經來了一些。第三次去，他們又找錯錢。還聽到有客要求到一樓座，但經理叫服務生不要比個客到一樓，同個客講話一樓無位，叫佢地到二樓，佢地(客人)話o物就o物種慣曬，唔好理佢地，要佢地到二樓。今次之後永遠都唔好到夏雪食，從未見過有這樣差的服務態度。very very very bad!

夏雪,係旺角來講叫係食物較好,環境較好,價錢較好和服務較好的了星期六和友人去食,因為逢星期六日冇下午茶既關係,叫lunch~牛油果鰻魚卷+拉面sushi: fine~ decoration做得唔錯, 而且本人好鐘意佢d長碟,好靚, 令食物加分拉面k, 但係超細碗...估唔到!食完都係唔太飽,何況係男仔?不過,友人叫既飯就幾大碗應該係得我個餐小份量左d姐環境唔錯,我幾鐘意佢攞mirror係旁邊+紅色feather既燈!services 都ok,冇咩問題~ 佢地都冇趕人走係衰就衰在washroom得一格,要等就有排等~ 還好唔係細價錢正常~

想當年同最愛既人第一次來這間"夏雪"食晚飯, 今次在我身邊的人已是另一位了....感覺大大不同一樣叫了"黑蜘蛛炒飯" "芒蟹子沙律" 仲有個好似火鍋既野...唔記得左叫咩名係有好滑既蔴辣豆腐的! 仲有散叫既壽司...點解大大不同? 除了換了個不是我的最愛之外, 今次來到, 個環境真係...唉! 好嘈呀!">.<"最唔鐘意!侍應既Service差過以前, 叫左好耐先有人理我地!攞左個爐來又幫人開火就走左去, 要我地再叫人先來幫我地開火>.<"d野食仲係ok ge! 蔴辣豆腐個鍋野都幾好味ga!(今次第一次食) 食物唔差, 差在環境同Service 啫!

之前不嬲都有去食開...服務同野食都幾好....不過好耐冇去...前2日去返...11點左右...要等位....咁我地3個等啦...佢話未有位要等....等等等等左成粒中....起碼有5檯2位有3檯4位既上左去....我地問佢點解4位同2位都可以上去...係我地3位唔可以上..佢答話3位檯仲未走...因為今日好忙所以唔俾3位坐4位檯...開始火都黎埋喇...佢仲要好差囉態度....咁莫非你張檯3角形既??點樣3位檯法....之後算啦...等左1個半中...我地真係忍唔住鬧喇...嘈左5分鐘左右...有位上去食野....有一個坐主席位..咁我地算啦..唔出聲...野食落左勁落都未到...都唔知係咪有心玩野....等左半個中先到...之後仲要last order...我地坐左一個中都冇囉..唔該....2點中走人...唔會再去...真係好差態度...同之前差好多!!!!!