常溫

Open Now

Now Closed

看過YouTuber 介紹及幫襯小店嘅念頭就去常溫買古法拿破崙蛋糕，作為太太生日蛋糕。雖然地址又很難搵車位停但抱著好嘢一定要試吓心情！。但係嘩、個件拿破崙蛋糕硬到要用粉錘嚟揼佢先切得開！好硬跟鬆脆兩字全沾不上邊。牛油及奶油可能用上次等或三等品牌完全唔香唔滑。中間那層蛋白脆更加好像消失得無影無蹤！合桃粒要用顯微鏡嚟睇。真係好失望。重要價錢唔平。我今次真係發瘟去咗常溫買蛋糕朋友問我點解唔去Godiva！嚡最緊要係我太太同朋友瘀到我震！沒有下次！

常溫，出名拿破崙蛋糕，美味。一吃之後，口感非常獨特，外層的酥皮非常鬆脆，內裡的蛋糕鬆軟細膩。蛋糕的味道非常香甜，但不會過於甜膩，讓人吃得非常開心。這款拿破崙蛋糕的製作過程非常講究，需要掌握好酥皮和蛋糕的比例和烘焙時間，才能做出這樣完美的蛋糕。出色、好味

對於拿破崙愛好者黎講，係新蒲崗呢間常溫真係要一試，佢最除咗環境偏僻地方唔方便係大缺點，拿破崙真係幾好食。我鍾意佢傳統拿破崙唔甜，而且好多細件細件嘅蛋糕，我就買左幾件蛋糕同埋拿破崙帶返送人同自己早餐啦🤤🤤🤤本來想買幾件用嚟送禮，可惜包裝都係普通紙袋就打消左呢個念頭，如果可以有更精緻嘅包裝，例如兩件拿破崙會有個絲帶蝴蝶加個紙袋就好啦。而且其他曲奇餅包裝樸素，所以我最後決定買了幾件蛋糕給自己獎勵一下今日的我🥰自私食啦

慕名而來，購物過程順利，店員有禮。買了一個伯爵蛋卷，cream不太甜，微微既茶香味，面上灑上可可粉，一切味道來得自然不造作，鬆軟度剛剛好，如果再鬆軟d更好，$37有點少貴，但間唔中一次半次係ok ga~

拿破崙唔會一味得個甜字，甜度適合香港人口味酥皮皮脆，中間果仁新鮮，另外有少少cream,中間整體口感有少許焦糖嘅感覺，同一般市面上賣ge稍稍不同只係稍嫌有少少貴，124蚊一小條，大概夠分4個人食其他蛋糕仔都算中上之作

見到賣相幾靚，入去買黎試下，竟然得單一死甜味…$21一件嘅假煙囪餅…真係寧願食小店麵包舖7蚊個紙包蛋糕…最後要加埋店員態度愛理不理…問野好似唔想答…趕客！唔會再幫襯！

新蒲崗呢頭愈開愈多烘焙店之前都介紹過享樂同理想今次就介紹吓另一間糕餅店喺區內都稍有名氣🌟店舖位置唔算太顯眼但經過門口就會被純木色調 玻璃櫥窗吸引到店內最出名就係佢嘅招牌 —手工製古法拿破崙❗️除此之外 亦都有不同款式嘅蛋糕 酥餅 小甜點 售賣大部分烘焙產品都係手工製古法拿破崙拿破崙一共有九層三層係手搓酥皮夾雜兩層合桃蛋白餅、四層手打忌廉單係合桃蛋白餅已經要焗個半鐘聽到都覺得工序繁複🤯我都係負責食就算😆😆拿破崙有幾種size選擇自己食、散水餅、送禮、做蛋糕都得😻今次自己食就買個最細🤪同出面一般見到嘅拿破崙好唔同除咗以蛋白餅取替咗忌廉個酥皮亦較薄身聞落都係好香牛油味食落就唔算好重牛油香口感較實淨 但好鬆化酥脆中間夾住合桃蛋白餅同忌廉又帶些少軟滑感加上脆口嘅果仁粒口感同層次都好豐富🤩係幾特別 不槐為名物❗️巴馬臣芝士杏仁曲奇曲奇都有幾款口味透明盒包裝幾精美🌟好啱送禮🎁$58有11塊 唔算太厚身聞落好重芝士同牛油香味道鹹鹹甜甜 有芝士鹹香又有好重牛油味！曲奇質感偏向硬脆唔係鬆化嗰種 似硬餅乾🍪味道都唔錯啦！開心果金磚金磚就係法式甜點費南雪 Financier呢個就相對上有啲失望🫠雖然有啲開心果仁碎

古法拿破崙 12cm ($110)同朋友去新蒲崗附近嘅party room去玩, 咁常溫就啱啱好係新蒲崗, 所以就決定今次去試下啦。見到佢有好多唔同嘅拿破崙size, 有迷你版一人份、有12cm六至八人份、同埋仲有一個24 cm嘅超大份。因為我哋都準備咗蛋糕俾生日朋友, 唔想要太多甜品所以淨係要左個12cm真係有啲後悔。佢個拿破崙真係超級好味, 首先係佢個餅皮非常酥脆, 而且佢中間有少少鬆鬆化化嘅一層一層嘅餡料, 真係特登為咗佢去新蒲崗我都會覺得係值得。Address:新蒲崗大有街33A號佳力工業大廈地舖G/F, Canny Industrial Building, 33A Tai Yau Street, San Po Kong#food #foodie #foodhk #foodiehk #新蒲崗 #美食 #新蒲崗美食 #hkrestaurant #hongkong #foodlover #香港

最近經朋友推薦去幫襯左常溫餅店，買左拿破崙，蝴蝶酥，栗子芒果& 伯爵茶蛋糕🤤—首先個人認為最好係蝴蝶酥超香脆，甜度啱啱好，大推！（個人認為好過某酒店🤫）.其次係拿破崙牛油味超級濃，亦唔會太甜，不過太貪食，食得太多，有少少膩哈哈🤣建議同frd ，屋企人一起開心share.最後係兩個蛋糕整體一般，冇驚喜，餅底唔脆，太冧，加上伯爵茶味唔濃，個人唔推薦—小結：拿破崙，蝴蝶酥值得一試👍🏻

去新蒲崗點都試一次常溫既古法拿破崙，拿破崙全部都係心機，時間同技巧一於就試試 🤘🏻-古法拿破崙 $27拿破崙一共有九層，層次分明又夠薄又夠脆，中間夾心係合桃蛋白餅，牛油忌廉夠薄唔油膩簡直啱晒我媽咪👍🤣-拿破崙卷蛋同樣用咗拿破崙嘅頭尾去組成嘅卷蛋，蛋糕鬆軟但已經有拿破崙啦下次我應該試吓呀其他口味嘅卷蛋，會比較好🤣-整體來講常温照佢個名話齋，真係賣好多常溫蛋糕，而且全部都獨立包裝非常方便。希望下次有機會試吓佢嘅甜品啦

當晚與朋友聚會，食到飽飽，已經預左食唔哂蛋糕。點知一分好蛋糕，5分鐘大家已食完，朋友仲講定，下次聚會要再食這個蛋糕。蛋糕有濃郁伯爵茶香味，海棉蛋糕超鬆軟，芝士味道濃郁得來唔覺得膩，蛋糕面上的合桃香脆可口，超級好味！講返轉頭，我睇較早前網友分享，說蛋糕店員態度不太好。當日我到蛋糕店取蛋糕時，想順便購買名物拿破崙試試，但已售罄。店員見我有一點失望，送了一塊同樣出名的蝴蝶酥給我試，好好味，多謝曬！下次再幫襯！

-{新蒲崗特色甜品🥞}有一間新蒲崗嘅麵包店 但呢間買甜品多嘅😛🤤古法拿破崙🤤 ($27)酥皮超級鬆脆！好香牛油味 有少少癡牙嘅了結糖糖同埋核桃好有層次感☺️原本覺得細咗啲但食落就啱啱好😋因為食得太多真係會油膩👖褲評: 7.5/10除咗買拿破崙之外仲有其他款式嘅甜品同埋糕餅見到抹茶麻薯卷蛋好吸引🤩性價比: 7/10服務: 7.5/10環境: Nil🚩 常溫 🚩地址: 新蒲崗大有街33A號佳力工業大廈地舖 #fuudjai #fuudjai甜品 #fuudjai麵包 #fuudjai新蒲崗 #fuudjai蛋糕

法式嘅拿破崙蛋糕就食得多 但係古法拿破崙就真係未食過！佢係係用咗三層濃郁牛油香嘅酥皮🧈夾住兩層合桃鳥結糖 食落香甜煙韌有咬口 再夾埋酥脆嘅拿破崙皮一齊食 口感相當之豐富！

好少會去新蒲崗不過陪要朋友，去之前做下功課，搵定有咩食，搵到呢間做古法拿破崙既小店，就緊係要試下啦～其實古法拿破崙既製作都幾多工序，所以依家都沒咩地方有得賣。去到呢間鋪，細細間但好骨子，有嗰玻璃窗望到入面工場既環境，幾乾淨整齊因為諗住試幾間唔同既鋪頭，所以淨係買左拿破崙就諗住走。店員姐姐超nice，見我生面口就問我有沒試過蝴蝶酥，我話沒佢仲請左塊比我試😊番到屋企先試淡味啲既蝴蝶酥，焗得好好，好鬆脆，而且牛油味好香。唔怪得會請人試食，因為食過係會番去買🤭古法拿破崙都沒令我失望，酥皮好香好鬆脆。中間好多合桃，好香～Butter Cream既甜度剛剛好，唔會膩，我鍾意，入左我去新蒲崗必買清單😁

今日係我第三次幫襯常溫（也是最後一次），佢嘅拿破崙蛋糕實屬一流，令我再一次去幫襯。以下是我實體幫襯經驗：第一次- 服務尚可，所以會再回頭幫襯第二次 - 一心去買拿破崙，但見櫃面沒有，於是問收銀櫃檯的一位妙齡少女，佢䟴住腳（un腳）再加上沒有眼神交流地回覆：賣晒🙄🙄於是我老公再問晏啲會唔會有，佢都仍然keep住un腳和沒有眼神交流地回覆: 你下次自己攞張卡片打電話嚟問吓有冇啦😡😡第三次- （真係好想食）所以再去，換來一位戴眼鏡的中年女士坐在收銀櫃內，全程沒有眼神交流不屑的樣子問我揀完未，我當時真係覺得想點啊😳😳😳其實我覺得佢哋嘅食品真係好味亦都feel到佢哋好用心去做，但係俾咗一啲冇心嘅人去賣，實屬可惜！如果打工的人係親戚或者是家人，更加無話可說🫣🫣