Sogno Cafe+ (Closed)

平日因為返工成日都會經過中環,但假日好少會過嚟,真係估唔到,原來中環竟然有一間隱世休閒主題cafe!!今次特登約朋友嚟呢度朝聖!!Cafe裝修以白色為主,有一排玻璃窗可以透到天然光,側邊有個半開放式廚房,但一d油煙味都冇,雖然環境唔算大,但乾淨舒適!!因為呢度係間主題cafe,無論牆,玻璃窗or枱,都充滿住好治癒嘅白雲先生同彩虹妹妹!!打開menu全是人手寫,睇得出店主滿有心思!!我地選擇左<All Day Breakfast Deluxe>, <All Day Breakfast Vegetarian Deluxe>, <Earl grey Latte>同埋以Fluffy House主題的<彩虹妹妹BB蛋糕> & <兔仔棉花糖朱古力>!首先來到係 <All Day Breakfast Deluxe> 有黑松露炒蛋,香腸,牛油粟米,野菌,茄汁豆,煙三文魚,沙律和香草包,雖然每樣都係簡單嘅食材,但整得非常好味!! <All Day Breakfast Vegetarian Deluxe

同朋友要去參觀大館，想搵間舒服小小的cafe食個午餐，順便同好朋友慶祝生活，所以揀左呢間，因為曾經在網上見到啲公仔好得意！因為我身體關係，只可以點熟食啦，set lunch之中，有呢個鰻魚炒飯，味道可以呀！但沒有太大驚喜啦！呢個係豚肉飯，還可以的，不過上菜時略嫌有啲凍。朋友點的all fay breakfast！好食！但最好食最大驚喜係呢個雞翼！玫瑰蜜糖雞翼！我本身不愛玫瑰味，但想不到它同烤雞翼可以咁夾。btw，我分不出這是烤的還是炸的🙈因為朋友生日，店家仲細心寫上朋友名字！大💓其實我唔係好識呢隻公仔，不過見到覺得幾可愛，幾舒服。總結，中環黎講，有間cafe可以同朋友慢慢坐，傾下計，真心覺得不錯。會再來的！

與朋友食late lunch, 到達時差不多快2pm，故不用等位。好乾淨、舒服、cozy，一進侍應亦好有禮好好笑容。一間論食物的味道、質素、賣相、環境、地點、服務都值得推介的餐廳。食物好好味，份量適中不會過多或太細份，平均$88-$98包一杯茶或咖啡，加錢可轉特色咖啡。朋友叫的生薑豬肉飯與我叫的豬頸肉飯都好好味，我加錢要了杯Green Tea Latte比Starbucks的好飲好多，好夠味好滑。我最欣賞的另一樣東西是好用心的小手工藝美術感十足的餐牌，逐張相貼同寫captions，仲每頁有立體貼紙。整間餐廳都清新，感覺好藝術、用心。環境開揚有窗，侍應服務亦好有禮貌好貼心主動了解顧客需要。地點亦非常方便。我已把這餐廳放在我的最愛。👍🏻😋💖

今次去係同朋友們一同慶生，佢有個promotion係送蛋糕！蛋糕係香橙桂花戚風蛋糕，原本係為左Earl Grey 味去的，但個日冇：（不過桂花味都好好味，好香花香d cream, 好creamy,蛋糕極鬆軟！推介佢地既甜品。主食都很有水準。不過我最推介飲品，牛油果那款超好飲，牛油果味雖然唔濃，但可能加左黑糖，我不太清楚，整體出黎好好飲！環境不大，但個日上到去人唔多，有好多可愛公仔decoration. 係個打卡好地方

從來未試過咁惡劣既飲食經驗！無論服務及食物水準都惡劣！我與同事食飯時間一點三到cafe，然後落order。落完order話無雞扒，咁我地咪照cafe推介改囉。等到一點九先黎左兩個餐同飲品。摧order時侍應態度惡劣咁回應：d食物我地要焗架，下次你趕時間就預先同我地講啦！然後走開左。然後黎左兩個All Day breakfast，應該兩個都係我地既。佢放低左一個，我地叫住佢，佢完全唔理，將另一個比左隔離岩岩到既客。我地再問佢時，佢先知自己比錯左人，又惡劣語氣咁話：比左人啦，你食第二樣啦，比番個九折你，一路行一路講。一點五十分終於黎晒食物，其中一個係是但比左個拉麵。豬扒飯塊豬扒似豬肉而唔係扒，又老又無味，個拉麵portion細。之後再摧佢黎飲品同埋單，飲品黎左兩杯又差兩杯，又要再摧。黎埋兩杯凍咖啡但唔比奶。又要摧！最後求其比左一杯好細既「熱」奶for凍咖啡？但都係未幫我地埋單。好快倒晒d食物落口，然後埋單走，但都係令我地遲到！埋單時又無講施捨左九折比我地！

今日去左中環PMQ整餅整完蛋糕之後就去醫肚啦間餐廳好得意架用呢舊雲嘅公仔去做主題連枱面都有佢嘅樣㗎一邊有好多呢舊雲嘅擺設雖然我唔識呢舊雲不過我成餐望住佢都覺得幾輕鬆😌😌我哋兩個女仔叫咗一個主食同一個甜品一齊開心share😋😋主菜係牛肉配明太子飯老實講上面果舊雲真係唔好食得出係乜嘢嚟嘅有食緊一陣風嘅感覺個飯入邊係滿滿嘅明太子超香超好味甜品啦你就叫咗個雲嘅水信玄餅佢個賣相好得意好可愛海水呢其實就係荔枝味嘅糖水水泡呢其實就係水信玄餅舊雲其實係麻薯入邊就包住紅豆蓉正正呀

白天在書展吸吮精神糧食，晚上就去G兄推薦的餐廳令肚子滿足Sogno Cafe+在中環筷子記附近Cafe聽聞是由兩位手作人開辦，店裏面嘅療癒系工仔是他們的傑作吧~ 雲先生好可愛，同TO-FU OYAKO有幾分似不過在下唔係文青，人在餐廳，食物能否療癒肚子先係重點帆立貝墨魚汁海鮮意式燉飯 (188HKD, Dinner Menu)充滿動感嘅墨魚汁plating，令我諗起米芝蓮甜品“Oops! I Dropped the Lemon Tart”聽聞廚師為左潑出具張力的形狀，每次彈到成枱都係墨汁，可謂為藝術而犧牲呀除左相中所見的大蝦，燉飯裏仲有不少墨魚同迷你帶子，配以濃郁嘅墨魚汁（隱約食到芝士味？），每一口都係黏稠的海洋滋味香烤澳洲極黑保濕豬鞍配香草蘋果蓉 (198HKD, Dinner Menu)肉嫩多汁，食得好滋味的G兄已經唔得閒講嘢，被蘋果蓉保護嘅豬肉果然和味Takeaway會保濕的豬肉是有福的，敷mask保濕真係好好好重要（?）茶具都是自家設計，又在木匙上巧遇雲先生當晚大概有10個人在用餐，整個Cafe（包括男女共用的洗手間）都頗整潔雖然使用開放式廚房，但室內都冇乜油煙味甫離開Sogn

同同事搵左好耐先上到黎呢間餐廳，一早已經係附近，但就係搵唔到個入口。同事一早book左枱，不過其實餐廳都冇坐滿，相信walk in都冇問題。餐廳menu係手寫，俾人感覺warm啲，字都靚，不過老實講佢枝筆寫出黎既字好幼，唔係咁方便客人睇。食物選擇唔多，我想食意粉，得鴨腿意粉，但我其實又唔想食鴨腿。另一個雞扒飯，又唔可以轉意粉，所以最終都係揀左鴨腿意粉。第一次見到西餐有鴨腿配意粉，都幾新奇。鴨腿有啲嚡口，但配既汁係唔錯既。意粉原來係扁意粉，冇一般意粉好食。份量偏少，男仕應該會食唔飽。黎呢度勝在可以坐低傾計，靠食物就應該唔會再黎食啦。

今曰同左2個朋友去大館行 行完7點幾 揾餐廳食野。我地好隨意地係OpenRice 揾附近的餐廳 就揾到呢間野。大家吾算肚餓 所以叫左3杯野飲 2樣小食。我叫左杯牛油果沙冰😍😍😍好吸晴 靚到吾捨得食 如果牛油果味重D 更正！朋友就點左花茶 😍呢個小食拼盤真係堅冇得輸 好大份呀😍😍😍有炸雞 薯角 腸仔 煙肉車厘茄 沙津好食！另外叫的軟殻蟹沙律 好多軟殻蟹呀！yummy!💕💕仲有好鍾意間野裝潢 好日式cafe 😍好適合同朋友傾計的地方！

之前來親都係慶祝生日，今次係因為過完大海返來要醫肚，原本想去果間cafe冇開，就諗到呢間。星期日晚上，仲以為未必有位，來到發現竟然連一半都坐唔滿（間嘢仲要本身都細）每次來，個餐牌都唔同（可能係我隔得太耐先來一次）得知佢地同雲朵漫畫（唔太清楚應該係啩）合作，只要點雲朵餐牌任何嘢食，埋單過$250就會送一個雲朵環保袋。於是我地就點左個最受歡迎既雲朵意粉（恕湯圓我唔記得全名）呢個我真係要彈一彈，雖然賣相係好靚好療癒，但味道真係一般咋，有種奇怪既味道反而跟餐既餐湯勁好飲！好濃郁既南瓜味，似食緊南瓜蓉咁，好滑好香！主菜羊仔扒，都唔錯，個汁少少酸同扒好夾，上面仲有d面包糠吊味，連薯角都炸得好脆口總括來講，係中環地區，呢間算性價比高，味道都算好，如果能夠改善合作餐牌既嘢食就更加好啦

櫻紅。櫻花芝士特飲($68) 第一次食櫻花味既野唔伏啊！飲品係清甜天然士多啤梨味smoothie為主，飲到尾有淡淡櫻花味，一d都唔藥水。面頭係cream 再有芝士奶蓋，底仲有士多啤梨同士多啤梨乾，我最愛呢杯！😍常綠。牛油果芝士特飲 ($68)好creamy ，飲唔岀牛油果味反而飲到係黑糖味，好得意，但係好飲既！芝士奶蓋同樣芝士味突岀，鹹甜得宜，富奶香幼滑唔漏，仲有幾塊牛油果添！黃金。蛋黃芝士金牌奶茶 ($68)好濃既港式奶茶，食到粒粒鹹蛋黃，配搭創新！空氣蛋白忌廉黑松露意粉($118)雲朵唔係得個樣，唔會好似食緊泡泡咁，口感綿綿，鹹鹹地幾過癮。底既意粉份量十足，有淡淡既黑松露味，不過個汁就稀左少少 。芝士龍蝦意粉 ($178)伴碟既沙律菜唔夠新鮮，有d苦。隔離既薯角放左好耐都仲好脆，炸得乾身又唔油。隻龍蝦就中規中矩，意粉口感啱啱好，醬汁惹味。餐湯南瓜味香甜濃郁，濃稠香醇。麵包外脆內軟有香草味，唔錯！宜家訂座同朋友慶生，仲有6吋(3-7人) or 8吋(8人以上) Signo 招牌Chiffon Cake 送。 呢個價錢（仲有蛋糕送）係中環黎講真係好抵食阿！仲有環境舒適，有好多打卡位，好

早前週五相約朋友午餐，雖然3號風球正懸掛，又下雨但仍然想試下此小店。小店位於在大廈2樓，去到午餐時段已經滿座，我和友人分別點了焗肉醬意粉及鹽燒翠肉瓜沙律。友人等了差不多25分鐘先有意粉，剛出焗爐熱辣辣份量剛好，味道一般，我點了沙律，沙律菜新鮮，燒翠肉瓜好味道。店內環境雅緻，在窗邊外牆有雲朶公份擺設，也放置了文青風格小物點敘，氣氛相當柔和，適合女孩子傾計食飯飲野。餐後咖啡也不錯，這是女生在中區午餐的好選擇。

今天和LG辦完事過來tea time，之前已經試過它的姊妹店雞翼山，今天繼續試熔岩芝士雞翼一樣好味，環境佈置可愛，老闆還親自介紹水果茶是新鮮的橙汁和番石榴汁調製，cake也是宜家handmade ，下次過去一定要試一下。

同事帶路試呢間嘅lunch😝座位唔多，裝修好得意好多動物😂😂我地要了4個set lunch包飲品呢個生玉子薑汁牛肉飯冇薑汁😂督穿隻蛋撈飯，個汁味道淡淡地唔太濃，加了菇菇增加口感，整體叫ok法式木瓜燴牛尾飯比較濃味岩我心水多d😬木瓜唔會煮到好爛，但一點都不會硬，牛尾夠淋又入味，不錯白汁海鮮闊條麵，夠creamy，麵條彈牙唔會好軟淋淋，海鮮方面有好多種類，魷魚，八爪魚，魚柳，青口，蝦等等好豐富👅加埋面頭芝士好正呢個香草鮮茄扁意粉最一般，唔夠蕃茄味濃，雞柳亦唔太鮮，不過係配料份量好多，雞肉全部好大塊🐔🐔🐔🐔另外要了4隻玫瑰雞翼(18蚊2隻)，呢個好好食！d 外層係熱辣辣，類似脆脆地嘅蜜芽糖包住雞翼，甜甜地又好好咬口，仲食到玫瑰花乾😂中環泥講呢個價錢有咁嘅質素算好唔錯，可能因為佢係樓上鋪，都比較唔顯眼😂

中環呢個地方唔係我成日必經之地，就算黎呢個地方多一個地方都會錯過左呢一片雲朵。今日再來到此地，當然要拉我既好閨蜜一齊黎喇！早幾年曾經為過佢嘅彩虹蛋糕黎過一次，今次重遊舊地，感覺依然存在。一入到餐廳到處都放滿Fluffy House既公仔，感覺好像去左另一個世界般餐牌以手寫形式展示客人眼前，而且好多都有圖文並茂，方便客人見到嘢食嘅樣貌叫左2個lunch set，因為所有嘅嘢食都係即叫即整，即刻預備俾大家，所以叫餐之後都需要少少時間比廚師準備。All day breakfast 都係正常野，不過一提既係黑松露炒蛋炒的好滑流，配埋黑松露嘅香氣整體味道不錯👍🏻Mr. Could on the Could☁️ 如果單單係睇個名可能未必知道樣貌係點，不過呢個意粉賣相的確好靚！蛋白打到好似雲層一樣，口感棉密鬆軟❤️ 下面係有菇同煙肉煮成既黑松露意粉，撈埋一齊個人覺得有多重口感的！整體方面雖然味道唔算10分出色，不過每道菜廚師都有用心製作，而且睇得出同感受到想將最好嘅食材展現客人眼前，呢份心思唔係間間餐廳都可以做到。繼續支持你啊😊