Sogno Cafe+ (Closed)

放題］［8/10］某日小編睇ig見到有人介紹cafe放題🤩而且可以食足5個鐘😋大食既我當然即刻去openrice睇食評🍰見到啲款式多價錢抵就即刻book位📅✨✨✨《主食篇》✨✨✨1️⃣黑松露鴨胸野菌意粉🍝黑松味都算濃既而且好creamy但食太多會好膩.鴨胸就普普通通不過不失2️⃣All Day breakfast🍳 有牛角包🥐，炒蛋，沙律🥗，腸同蘑菇.最好味係炒蛋🍳炒得好滑🥰同埋個餐可以比你揀自己想要既野食🤩唔鍾意食腸可以走腸仔又得3️⃣溫泉蛋素肉醬蕃茄扁意粉🍝個人認為味道偏淡.任食既話留quota食其他野✨✨✨《小食篇》✨✨✨4️⃣吞拿魚碎蛋千層酥吞拿魚同千層酥都係現成所以冇乜特別.5️⃣日式南蠻雞配薯條🍟依個雞好滑而且配埋沙律醬簡直perfect match🍗薯條上枱熱辣辣又脆🫶🏻好味6️⃣他他醬蝦多士🥪細細件而且幾脆都唔錯😋✨✨✨《甜品篇》✨✨✨忍唔住講依間甜品好出色🍰質素絕對比得上某大型蛋糕甜品鋪🤩💕7️⃣伯爵茶戚風蛋糕🎂可以話係依間鋪既王牌✨蛋糕咬落軟綿綿🥺而且伯爵茶好濃郁.同某大型蛋糕鋪既60幾蚊件有得比😋但依到可以任食！！8️⃣麻糬窩夫雪糕🧇🍦窩夫外脆內軟🤩而且仲有麻糬係入面令成件事升華左🥰雪糕就普通朱

喺klook訂咗個任食任飲任坐放題，選擇雖然唔似自助餐咁多選擇，食物亦只係一般質素，但勝在環境舒服價錢亦抵，值回票價。嘢飲質素同選擇都足夠，二百零蚊連埋加一同朋友食坐飲足三個鐘，無人催，性價比好高！唔好對食物存在期望會令你驚喜大足。基本上作套西餐都齊全，由頭盤嘅沙津，炸物到主菜意粉，全日早餐，薄餅，然後甜品，飲品都任君選擇，大食可以不停嗌主菜，唔食齋飲佢都好多選擇，真係抵到不得了，十分推介。由頭盤講起，沙律好普通，都叫新鮮欠擺盤only。炸物好似有炸雞薯條多士吞拿魚酥，都同平時樓上cafe質素差唔多。主菜方面，意粉真係唔差，最基本意粉硬度適中，汁足夠，味都調得唔錯。薄餅，熱辣辣上起，好味嘅。全日早餐，賣相唔靚，其實佢係連埋舊麻糬窩夫，但佢話要遲啲先上埋喎，令到個賣相更差，但可入口嘅，同你喺屋企求其煮埋啲嘢食咁上下，其實佢舊麻糬窩夫做到唔錯，煙煙韌韌，外面都仲係脆。甜品都係食返依舊窩夫，配返雪糕，口感升返級，我自己最滿意依個，麻糬窩夫就係要中間煙韌，面頭脆，外脆內軟就好味。建議佢改良一下，如果佢成舊窩夫做返厚身啲似格餅口感或者索性變薄脆配合中間麻糬軟感，用佢嚟做主打相信會好吸引。

｛食物篇｝【明太子卡邦尼意粉】🍝1. 明太子的份量頗多，鹹香和辛辣明顯2. 卡邦尼汁偏稀，味道淡，只有一點點忌廉味3. 意粉偏軟身，不掛汁4. 雜菌的菇味香濃，肉質厚實彈牙【黑松露鴨胸野菌意粉】🦆1. 黑松露醬濃稠度適中，味道頗濃郁2. 鴨胸的份量頗多，煙燻味明顯3. 意粉偏軟身，不掛汁4. 野菌份量多，肉質厚實彈牙，蒜香味頗重🍄【溫泉蛋素肉醬鮮茄扁意粉】🍝1. 溫泉蛋有流心效果🥚2. 素肉醬很碎，茄醬頗稀，但蕃茄味酸酸甜甜🍅3. 意粉偏軟身，不掛汁【他他醬蝦多士】🦐1. 蝦多士上桌時熱騰騰的，口感香脆，略油膩2. 他他醬味道酸酸的，很開胃【吞拿魚碎蛋千層酥】🐟1. 雖然上桌時是冷的，但酥皮依然是脆的，餡料飽滿2. 吞拿魚的鹹鮮味明顯，沒有腥味3. 碎蛋微甜，拌了沙律醬很美味【英倫玫瑰Scone】🌹1. 一口size，乾身2. 只有麵粉味，沒有玫瑰味（玫瑰應該是裝飾？）【伯爵茶戚風蛋糕】🍰1. 蛋糕鬆軟，空氣感強2. 忌廉口感輕盈3. 伯爵茶味道明顯【麻薯窩夫配雪糕】🍦1. 麻薯窩夫很特別，質感鬆軟，邊緣脆脆的；蛋香和奶味明顯，麻薯Q軟可拉絲2. 當天是巧克力雪糕，有淡淡的可可味🍫｛飲

上星期買左呢間cafe任食任飲套餐coupon。其實咁嘅價錢，原本都唔會好高期望，志在hea一個下午。估唔到，呢度令我喜出望外，食物好用心製作,唔單止味道，連擺盤賣相都非常有心。牛油果芝士奶蓋沙冰 - 夠香夠滑，好有水準，而且可以叫半杯，等你可以試多幾樣，好體貼All day breakfast - 蛋炒得好滑，最驚喜係個包，睇落去有啲似窩夫，食落原來係牛角包texture 黑松露鴨胸野菌扁意粉 - 送上枱仲係熱騰騰，超香超creamy, 味道恰到好處，好想食多碟 （不過實在太飽）溫泉蛋素肉醬蕃茄扁意粉 - 個人覺得味道略嫌偏淡小食有叫他他醬蝦多士、吞拿魚碎蛋千層酥、日式南蠻雞配薯條同鹹蛋黃手作scone, 當中蝦多士同千層酥都有encore, 特別欣賞蝦多士，脆而不膩，好難得不過好戲在後頭，奉勸大家如果去食，一定一定要留肚食甜品伯爵茶戚風蛋糕，新鮮鬆軟，伯爵茶嘅香味好出，而且唔會太甜，忍唔住食完再食金寶麻糬窩夫配雪糕，好食到唔識點形容，窩夫外脆內軟，再加上入面QQ麻糟，超豐富口感，配藍色嘅海鹽雪糕，同埋用心嘅擺盤，超高質，好後悔之前食咗咁多主菜同小食，如果唔係我一定叫多份！除咗食物製

酒店自助餐或放題餐廳食唔少 Cafe放題就真係未試過正好想同好耐冇見嘅朋友慢慢傾計吹水💬於是就去中環嘅Sogno Cafe+ 食餐飽啦🤤Sogno Cafe+推出咗「任座任飲任食」放題 ($188；另加一)無限供應食物同飲品各十款 下午時段仲可以坐足5個半鐘🕔絕對係消磨時間嘅好選擇😍今次我經網上平台付費 仲有9折優惠添～鋪內空間唔算大 枱與枱之間有少少迫不過環境相當雅致 以木色為主調 近門口嘅梳化卡位就最坐得舒服 而我哋就揀咗坐靠窗🌅嘅二人枱Cafe以本地卡通人物Fluffy House為主題四處都可見Fluffy House人物嘅大小擺設 以及各種周邊 儼如一個展覽廳✨每個月嘅任食menu都有少少唔同✨我哋就試咗以下呢啲～Sogno全日早餐有最近大熱嘅croffle🥐 加上炒滑蛋同菇菌類等配料食落都飽肚🍜黑松露鴨胸野菌扁意粉 黑松露味道濃郁 食完會想再食🤣🍝溫泉蛋素肉醬鮮茄扁意粉肉醬份量偏少 而可能係素嘅關係 味道頗淡🥪他他醬蝦多士多士炸得香脆 配上他他醬就更好食🫔吞拿魚碎蛋千層酥 食落鬆脆可口 加入碎蛋亦令口感提升🥗田園麻醬沙津 沙津加埋藜麥同蜜桃粒 好清新🥧鹹蛋黃手作Scone

朋友介紹的樓上cafe，訂位要一個月前，仍是waiting list,慶幸佢一有位馬上通知我，可以嘗試到這間雖然地方細小，但裝修精緻，食物質素好，服務員態度殷勤親切，今次我們點了入食套餐，指定食品任點，其中黑糖窩夫必食，另外伯爵茶蛋糕都不錯，蛋糕香軟濃郁的伯爵茶味，飲品牛油果芝士奶凍沙冰正。下次再試其他散點餐品。

前排去咗中環一間樓上cafe，一開門已經見到好多Fluffy House公仔，入到去先知道有任飲任食餐😂價錢$178一個人，價錢唔貴，見又有主食同甜品，所以就試下，食食吓發現好似無限時咁，上網睇好似係可以食6個鐘🤣一開頭叫咗薯條、蝦多士同巨峰提子沙冰🫠呢3樣野都唔好食，薯條同蝦多士都凍凍地，而且無乜薯仔，得油味，沙冰如圖果汁分層🥲個刻以為自己中大伏！之後開始上意粉，覺得兩個都正正常常，不過不失，開始無咁sad🤣牛油果沙冰幾好味，好細心有半杯選擇，唔洗怕滯😚玫瑰雞翼係送嘅，超級好食😍玫瑰蜜餞汁超級香，雞翼外皮香脆，嫩滑多汁🤤中伏嘅感覺完全無曬，仲覺得要再嚟食雞翼🤣甜品非常高質，極度推薦麻薯窩夫配雪糕，好香蛋味，麻薯煙煙韌韌，好好味😋野飲都係可以任叫，方便曬同朋友吹水傾計👍🏻

食物好味之餘又抵，一定夠飽，唔會漏單，而且有輕音樂，裝飾有好可愛嘅公仔，我無乜點影相，個earl-grey lemon tea我叫咗3杯，係好好味，就算無任食都值得上去坐下食tea

HKD 178任食嘅cafe,真係第一次聽。平時中環普通食個意粉都要過一百蚊，今次聽到任食即刻去打電話去book, 點知都要book到一個月後。如果想坐窗邊嘅朋友記住早啲去，因為早去嘅人可以揀位。Salad 🥗有黃桃藜麥蕃茄仔加芝麻醬，適合關注健康嘅OL。🍽黑松露鴨胸野菌意粉鴨胸肉個煙燻味好濃烈，有少少蓋過左黑松露個味，但二個味加係一齊又幾match,鴨胸肉好嫩好肥美。玫瑰雞翼（任食會附送一份）🌹雞翼外層有蜜糖同埋玫瑰糖漿，加上玫瑰花瓣做點綴，香脆得黎又有點甜味，十分開胃。小食類蝦多士配他他醬 🦐一份會有4嚿，外層炸得好香脆，加上中層足料蝦膠，令人想一試再試。炸魚配松露薯條🍟🐟正常會配普通薯條，不過侍應搞錯咗變左松露薯條。炸魚外皮比較厚，但係內裡都鮮嫩，薯條亦都炸得好脆，有淡淡松露味。《甜品飲品篇》🥤牛油果芝士奶蓋沙冰有淡淡牛油果味，不過個味同我平時飲開既牛油果又唔係好似，加上芝士奶蓋味道有啲似奶茶，不過愈飲愈香，唔會話好甜。☕️mocha 個咖啡味偏nutty，拉花好靚😍不過覺得有少少甜，如果再叫會要少甜。甜品麻薯窩夫配紫薯雪糕🍨窩夫係新鮮焗製，加上內有麻薯，口感又脆又煙韌。加埋冰凍嘅

我第一次寫食評！食品其次，勝在呢度服務夠好👍🏻本身睇到網上嘅介紹，任點任食嘅Cafe，咁就WhatsApp 落Booking，好快脆轉頭有人覆電話給我，可惜，想book位個日已full booking，但同朋友商量過決定排walk in，估唔到，對方知道有booking取消後，好快就幫我地reserve 好位置，真喺好有心同盡責環境唔錯！安排坐窗口位置餐單內任食menu 可以點嘅食品，基本上已包沙律、小食、主菜、甜品，散點得嚟可以湊成一個set 咁上！我地兩個女仔點齊menu上所有食品，由12點坐到6點，傾住偈食住嘢，飲品無限Refill，真喺唔覺口乾，而餐廳唔喺求其沖而且款式選擇多，最緊要喺，每位侍應的服務態度好好，不停送上新飲品同時收走舊空杯，一天下來，她們都充滿笑容，不停送上服務，讓我感受到佢地確實喺真誠地為客戶服務，這一點很欣賞他們的員工👍🏻玫瑰🌹雞翼 - 必食推介喺優惠期內，免費送多一客雞翼，足足有6隻咁多玫瑰蜜餞汁好香，雞翼嫩滑多汁好入味炸蝦多士黑松露煙鴨胸意粉海鹽麻薯雪糕窩夫，有驚喜，呢個我會想返轉頭再品嘗多次甜品咖啡都好好味😋有貓貓公仔因為太貼心嘅服務體驗，食品也有驚喜

呢度係中環區一間根上Cafe, 搵係易搵, 環境乾淨優美, 窗外環境就一般般啦, 依家係一個地盤, 即使之前應該係一棟大廈都好, 佢都係樓望樓, 唔係咩靚景架喇講返佢嘅裝飾都係好靚好用心第一杯就試試牛油果沙冰先, 味道偏淡, 其實牛油果味係零坐低無耐就唔知點解上左個SCONE, 我聽到隔離枱講話自己個SCONE消失左, 咁可能係佢地啦, 但係疫情問題我無理由比返佢地, 佢地亦都未必肯要返....咁唯有自己試下啦, 比較出面嘅源少少, 係冇玫瑰味沙律就好得意, 佢冇用到麻醬, 反而係油醋, 酸酸地好開胃用黎放蝦多士嘅器皿都幾得意 而蝦多士自己都係油少少, 無乜蝦味, 但係非常外脆內軟炸魚薯條正常發揮, 薯角非常好味, 炸魚一樣外脆內軟, 魚肉好多汁, 推薦鴨胸黑杓露意粉都係推薦, 鴨胸超級多汁黑杓露意粉好Al Dente明太子卡邦尼過鹹, 可能廚房嘅調味加埋明太子變成過鹹, 呢點已經同店家講左, 佢地都願意接受評價Latte 一睇就知高質咖啡豆本身好香, 拉花亦都好有水準伯爵茶戚風蛋糕好濃郁伯爵茶香, 睇到蛋糕加左唔少嘅伯爵茶粉, 早知留肚食多件最後整多個甜品麻薯窩夫, 烘得好香脆, 一

Work from home 太耐今日就嚟work from Cafe職員知道我同朋友係工作所以俾咗張靚枱我哋安排10分好滿意望吓條街個人都醒神啲靚位梳化位要先用電話掃QR code俾咗錢先再畫紙仔點嘢食點嘢飲炸魚薯條一般 薯角大量 一定飽呀喂Open kitchen 所以要有心理準備啲味道會全間舖頭都係同埋個冷氣時冷時熱賞心悅目意粉又係大大碟鬆餅就普通啦叫一次就好喇咖啡大佬正常茶飲都係正常不過成日漏單，要催單咁嘅價錢都冇咩要求啦任飲、任食、仲俾你坐咁長時間又有Wifi又有電位不過全日嘅亮點就係伯爵茶戚風蛋糕🍰非常之好食茶味鬆軟新鮮整encore左三件

上禮拜去左呢間☁️cafe，一直都想試下呢間，因為睇相覺得環境好舒服，同埋裝飾擺設應該好岩打卡，禮拜四lunch就去左幫襯。一入度去就見到好多卡通主題既裝飾，同埋成個設計係整得幾治癒，有種cafe好舒服休閒既感覺。飲食方面我叫左一份all day breakfast同一杯凍既white mocha，個野食我覺得一般，冇特別覺得好好味既野，個包個質感我覺得麻麻地，因為鍾意食比較脆既面，個white mocha反而覺得唔錯，唔會太重朱古力味，咖啡味都幾重，同濃味，環境整體感覺舒服，但野食我覺得普通，下次得閒會過黎試下佢d特色蛋糕

第一次寫差嘅食評。這家店不是第一次幫襯，但恐怕是我最後一次。在附近工作嘅我間吾中會上黎，都知道上菜較慢，所以趕時間嘅時候係絕對唔會選擇。今日諗住鬆動啲就過嚟啦，但真係冇預過要等足一個鐘先上菜，已經火到爆！叫左平時叫開嘅南蠻雞蓋飯，啲飯又凍又硬，冰鮮一樣。又趕又餓，照食！男友嘅軟殻蟹蟹籽飯仲遲仲難食，個蟹炸完一陣怪味，啲飯又係冰鮮，忍唔住同佢投訴，佢話再比過碗白飯我哋。時間關係兼巳一肚氣，拒絕兼埋單算。超級失望的一餐！

呢間餐廳入邊有好多唔同嘅佈置，主打可愛嘅公仔，所以影相打卡唔錯。餐廳唔算好大座位唔算多，午市嚟到叫主食可以優惠價加飲品。星期六嚟都唔算多人，被安排錯咗吧枱位置、有窗口望出去，揀咗兩款主食。▶️牛油果醬油蟹籽煙三文魚扁意粉$118意粉份量都幾多醬汁夠多，creamy, 食完非常飽足。蟹子及煙三文魚都係碎碎地，所以用嚟撈意粉，仲有好多紫菜條喺面。仲有少量西蘭花🥦Hot Mocha+$30跟餐加咗熱朱古力咖啡、有拉花。叫咗少甜，咖啡味算重。▶️日式洋蔥安格斯牛丼$118日式飯跟芽菜、腐皮及麵豉湯。芽菜清淡，腐皮乾身唔錯。鍾意有洋蔥🧅甜甜地，牛肉唔會太老，珍珠米較硬身、所以牛肉汁較多中和剛剛好🙂Hot Honey Citron+$30柚子味幾香夠滋潤，呢個天氣飲啱晒！