Video
7-min walk from Exit A1, Tai Po Market MTR Station
continue reading
Telephone
26531868
Introduction
SOHO CAFE 的特色是Open ，大門敞開，好有坐係露天茶座的感覺，不過來到這兒當然唔係飲咖啡啦！伙記！先來個全吧最煞食的「九連杯」！
continue reading
Additional Information
八款不同國家生啤
Opening Hours
Today
17:00 - 03:00
Mon - Sun
17:00 - 03:00
Above information is for reference only. Please check details with the restaurant.
Signature Dishes
Review (11)
啱啱聽樓上啲師兄講話Soho 泰國嘢食好食, 諗住今日去一試.總共叫了四set啤酒, 八様菜。 埋單就只係同我哋講$1800， 張單完全冇嘢食價錢。 佢最後手寫嘢食張單出嚟都爭成二百幾，仲話餐牌嘅價錢係唔啱嘅. 之後話nuts加$100。 就算nuts+$100都爭成百幾蚊。 見我哋飲到醉醉地就亂收錢, 大家小心吧.總共叫咗八樣餸，張相中間嘅就跟餐單價錢。 佢加埋嘅都唔係$640。 我計連埋四set酒都係1500百幾， 之後佢話有$100係nuts. 總共收咗$1660 . 比起佢同我講話收1800都係多咗百幾蚊.
continue reading
Guinness，新鮮機打不是罐裝，特別清新。Dada white wine，見到藍色有點卻步，唔會勁甜掛？提子甜味突出，幸好不太甜亦無石榴味。青木瓜沙律，傳統泰國嗅水，辣度高涼浸浸，嗅水不嗅，味道獨特，爽脆青木瓜絲，酸辣帶鮮茄味。泰式酸辣鳳爪，酸辣並重，整隻啪入夠豪氣，爽脆過癮，再凍要點更好。泰式生蝦，即叫即劏不是預先預備，新鮮度保持高質超班不容置疑！爽彈黏黏濕濕的蝦肉滑溜溜，濕潤細緻淡水蝦滾上酸辣秘汁。酸辣汁係靈魂係精髓所在，捲上辣椒蒜片提鮮提味，夠酸夠辣夠惹味，還有生蒜辛辣味道，真的生色不少，嘆到不能發出任何聲音，被轍底擊潰﹗如有苦瓜片就更開心更錦上添花。沙嗲串燒，新鮮出爐滴著肉汁肥美雞肉，彈滑鳳脂甘甜。豬肉有著兒時路邊小販串燒風味，焦香外脆，嚥韌油香。兩者醃味醇美充滿香茅獨特氣味，食完唔怕比蚊咬，串串都好食好食好好食！可能係全大埔最好食既串燒，非食不可，必食推介！帶辣花生味濃沙嗲醬，厚厚醇美使得雞肉豬肉更加滋味！炸魷魚鬚，魷魚天然味道突出吸引，質地嚥韌頑強，趙到我牙骹軟軟的，而且脆漿略硬刮口啊。椒鹽墨魚咀，圓碌碌大大粒好鬼得意架呢！鋪滿惹味的炸蒜酥，整粒掉入口一咬爆汁脆卜卜，鮮甜爽彈讚不絕口。泰式咖哩炒青口，都有心理準備只能用愛爾蘭雪藏青口，明白的。師傅手藝出眾，質地仍有彈性不粉不老。香料香菜咖哩汁出色，黏黏稠稠香辣兼備，柔和的味道神秘有深度，撈炒飯食一流無得頂，只能著迷地忘我不停扒飯也﹗蝦膠皮蛋，您滷味好好好好食，好食到邊食要邊開粗口，太過份喇！熱辣辣飄煙流心皮蛋釀蝦膠，一向唔多愛皮蛋既我都不停啪！可遇不可求高質頂級特上皮蛋，黃油滴滴甘香到世界盡頭，綿綿黏黏漿嘴的感覺，配埋鬆脆鮮甜炸蝦膠，萬般滋味難以抵抗，不需要甜酸醬啦！泰婆蝦膠多年來都屹立不倒無得輸，香脆鮮彈加埋甘香滑滑皮蛋使得出品更上一層樓！豬肉碎生菜包，濃酸微辣，甘甜油脂，爽甜生菜，彈彈肉鬆濕潤味濃。濃酸微辣格外醒胃！大量香料蔥頭蔥花洋蔥青檸汁混在肉鬆其中，大大羮肉讓鮮爽生菜捲著直接啪入，多層次多味道互相碰撞好味道！海南雞半隻，已去骨食得暢快啖啖肉！正宗泰式白切雞散發麻油香，皮厚肥美，鳳脂油潤，白肉綿滑陣陣雞甜，滾上家傳酸辣汁，食得津津有味！馬拉盞炒椰菜苗，鑊氣迫人拍手掌，微辣帶甜，落味溫柔加菜苗獨特的甘味！泰式炒通菜，混合蔥頭、蒜蓉、辣椒、魚露等等，猛火快炒鑊氣拼惹味，還有爽甜的通菜！美味到鴉雀無聲，點點地密密地大注大注地不停搶食呀﹗咇哥手藝及功力跟安姐不相伯仲，可能略勝一籌青出於藍添喎。蒜蓉炒椰菜苗，椰菜苗少少爽少少甘味不苦澀，與蒜蓉兜炒散發濃味辛甜。咸魚炒芥蘭，還以為會係廣東一粒粒硬咸魚肉，居然係霉香咸魚蓉，均勻地掛在每棵芥蘭上，芥蘭爽脆可口少少甘味帶著霉香咸鮮。泰式炒雜菜，芥蘭、椰菜、椰菜花、甘筍，鮮甜爽嫩調得惹味不停食，太美味使得我失控狂噬。煙肉炒椰菜，我最期待的炒菜，上次連相都無機會影就已經迅間蒸發掉！鑊氣迫人滾熱辣，爽甜多汁散發煙肉咸香，被我清得乾乾淨淨，差少少汁都飲埋呢！泰式咖哩豬頸肉，滑滑咖哩芳香，椰奶味甜撞咖哩辛辣，撈飯都是絕是絕配！豬頸肉爽彈有嚼勁，油香豬甜食多幾件。辣椒膏炒蜆，吐沙不徹底食到滿口沙，過份汆出無晒蜆汁蜆味鮮味，過熟縮水不幼滑肥美。青檸酸菜煮盲曹，主廚推介梗係食啦！已經煮熟熱熱上檯，不用等可以立即享用。滑而鬆軟，骨少啖啖肉，魚汁解放大爆發！酸酸甜甜開胃醒神，啖啖滴汁嫩肉配炒飯絕頂合適！香炸盲曹，估您唔到有造型架喎！龍吐珠？魚噴泉？鯉躍龍門？似炸米粉作裝飾。起晒球黎酥炸您好野！炸得乾爽微脆，厚身鬆化啖啖肉，魚鮮滾泰汁搭埋炸香茅絲夾到絕，就連魚骨都炸到香口脆卜卜。冬蔭功湯，不計成本大量白菇半打海蝦！海蝦肉質結實充滿冬蔭功酸辣味。以大量白菇代替草菇，湯汁激甜菇味，而且白菇十分爽甜呢！湯汁充滿椰奶青檸鮮茄香茅味道，複雜多層次，酸強茄濃辣微，熱熱灌入醒胃順喉好味道！紅咖哩虎蝦煲，游水活劏鮮味脫俗。檸檬葉香噴噴，幼滑香辣兼備紅咖哩，比黃咖哩更辣更惹味。忍唔住用蝦餅索盡咖哩汁品嚐，辣到汗水微滲刺激興奮，差不多汁都飲晒！蝦餅吸盡紅咖哩汁或黃咖哩汁超和味超美妙，第一次配咖哩的驚喜體會！黃咖哩炒膏蟹，咖哩蛋花掛著蟹殼，忍唔住不停舔不停啜！欲罷不能。她媽的鮮蟹肉味！食得到膏蟹魂歸天國不久，鮮味鮮汁盡在其中。膏蟹新鮮無比，蟹肉散發鮮味，蟹膏結實甘香。蟹味蛋香咖哩汁，大大篤厚厚搽在多士上，幼滑加香脆滿足幸福。乾炒雞肉河，多菜多肉陣陣芥蘭甘甜味，還有豉油香甜味。成隻碟拿起不停掃不停掃入口，足料兜勻豉油味超卓，河粉彈、雞肉滑、菜甘甜滿貫大三元！泰式肉碎炒飯，感受的到的香氣及鑊氣，飯粒飽滿嚥韌，重手的調味不過份，醬油跟肉鬆菜粒雞蛋飯粒金不換完全融合！戰鬥力大幅提升，我只能不停狂噬，我投降了﹗泰婆醉貓炒米粉，有芥蘭有金不換有肉碎，感覺真的隨意選料隨意配搭，不過出來的效果也不錯。百味交雜，獨特而美味。蟹肉炒飯加辣，跟我食開的蟹肉炒飯風格不同。蟹肉兜亂融合隱藏放炒飯中，乾爽飽滿飯粒襯鮮味蟹肉，不用客氣大大啖細味，微辣惹味好好好！泰式蝦醬炒飯，老友重手落足料，遠處已聞到蝦醬飄香。蝦醬味極濃烈略咸，混著炒蛋肉碎豆角粒添點清爽，香口回味。泰式海鮮炒飯加辣，添少許辣椒吊吊味，更醒神更生動，味道更精彩！乾爽飽滿的飯粒散發蛋香，甜美包著海鮮粒大啖大啖地享用，配埋泰式咖哩汁更是一絕，停不了地吞噬！
continue reading
走來走去一整天, 身心亦疲勞了. 食完飯, 胃子仲有空間, 吃甜品去?? 我不是甜魔, 一個人比較少吃甜品. 行行下, 看見有open式既酒吧, 感覺比起那些拳手吧清靜, 冇咁雜同relax. 一丁人, 就直入吧檯. 做個獨自浦吧的憂鬱帥哥.地方就是open, on tap既有不少名酒選擇, 而且啤妹沒有hard sale你飲佢既品牌啤酒. 來的, 大多是老外, 一大班人來是特登來談天的, 沒有人係度 "十五、二十、開哂、對........."坐在吧檯的, 亦有幾名像我一般, 一個人收工後, 扮哂憂鬱係度Happy Hour既帥哥.叫了一杯Stella, 係新界區既酒吧. 價錢方面, 比市區的平一大截. Happy Hour 做到8點, 一pint Stella 只是$24. 同出面市區的比, 同樣的酒, 同樣的份量, 顯得酒既貴平, 全部都是因應鋪租多少而定. Stella, 比利時最出名既啤酒, 全名 Stella Artois, 比起其他啤酒, 苦味重DD, 酒精濃度亦較強. 感覺上, 酒量不好或初學飲酒既人, 不宜攞Stella黎"劈". 而且一定要凍飲, 擺耐左, 凍氣冇哂, D苦味出哂黎......其他品牌如美國B字頭隻淡啤尚可唔夠凍咁飲. 大電視播著Golf, 有Now即是有波睇. 純感覺, 聽球迷聲, 總好過聽猜拳聲. 而且係新界區既open式酒吧飲野, 比市區的多了一份空氣清新.
continue reading
自19歲開始飲酒起, 都響度飲左三年啤酒.... 飲既係一份感情... 特別同bartender and d 待應熟左開始.... 成日都心掛掛, 搬左都特登返黎飲, 70蚊的士錢都在所不惜.... 好啦, 講完題外話~~~呢度d 泰式野食真係一流, 特別炒金邊粉同埋生蝦刺身~~~ 我覺得落黎唔食返次, 真係有d 晒.....飲野方面, 勝在生啤款式多.... hoagaarden 乃本人首選~~ 之前飲開喜力生啤, 但係有一排喜力生啤d 質素唔穩定, 轉飲hoagaarden 之後, 對呢隻白啤酒著左迷tim.... 其他cocktail 都幾ok架, blacklabel 溝可樂我好多時都叫下黎飲~~ 落到黎, 都係見到其他熟客多囉, 但係一有足球直播, 就會好多人... 就算歐國杯決賽呢類大賽, 都係100蚊包兩杯野飲, 對我呢d ok飲得既人黎講算抵過其他吧啦~~
continue reading
玩具塵旋風式襲港，沒有8 號風球，卻帶來滂沱豪雨，原本要番教會聽talk，但因黑色暴雨關係取消，造就了可以捧一捧愛隊場，在大埔墟睇波我不作他選，與男友一同來soho，不知是否因為大雨關係，甚少人，我們選了對正大電視的沙發，先叫了kilkeeny 和hoegaarden，再order 了泰式金邊粉。金邊粉非常惹味，又大碟，配料勁多蝦，絕不欺場，眼看愛隊上半場已入兩球，極為興奮。下半場剛開始，正好是happy hour 的last order，趕緊多點一杯菲律賓生力，繼續看比賽，這兩季愛隊成日中柱，那所謂的前鋒把握力又「超乎常人的好」，看得我心都跳埋出嚟，如果唔係咁，至少贏5 粒啦！
continue reading