Video
Good For
Casual Drink
Opening Hours
Mon - Thu
07:30 - 23:00
Fri - Sat
07:30 - 00:00
Sun
08:30 - 22:30
Above information is for reference only. Please check details with the restaurant.
不知何年何月，星期日都會食BRUNCH，其實唔少地方都有BRUNCH食，食物黎黎去去都係果堆野，食物既水準都係想像得到，其實心目中已經有好幾間好選擇，不過都仲係會周圍試，都係期待有更好既發現，今次就試左呢到，不過真係完全不是那回事，又分享下。兩個人，一份要All day Breaskfast，一份要Fish & Chips。All day breakfast，炒蛋，快餐店的也比這個好，可能這裡少了點味，而滑既感覺同蛋味也欠奉，是可以做得更好的炒蛋。腸仔同煙肉都是煎香就上碟，茄汁豆是罐頭貨色，仲有幾舊小生果。中環附近好多地方都有All day breakfast食，這裡好似少左點誠意，人家賣貴幾十蚊，確係有原因。炸魚薯條，魚係即炸起，有香脆既感覺，不過魚係無味的，再加上同薯角一樣既SIZE，賣相有點茶記FEEL。薯角就腍腍地，食落就真係麻麻地。咖啡，唔夠熱，有點澀。蜜糖茶，味道略為淡左D。附近真係好多選擇，這裡真係唔係我杯茶。
continue reading
之前買了兩張團購券標明"超筍價 $46 享用價值 $ 134 的SohoWay一人餐，包四選一主菜 ， 二選一餐飲及餐湯", 但我實在太失望!! 星期六我放工去食.去到大概2pm,點知去到先知原來lunch set 最貴都系$74(包湯,主食,飲品)! (3pm重有tea set)而我可以選的餐最貴都系$64,如果要改龍蝦湯,加salad或garlic bread,同改特別飲品先要加錢.我初初以為我券標明的$134是代表我的lunch set已包含要另外收費的價錢.點知..原來我兩張團購券系唔包,即代表如果我要加或改都要另外加錢!!!! 另外我重要脾原價即$134的加一服務費$13.4,o甘成個餐要$59.4,節省$4.6o甘多,真系多謝!!!. 我跟服務員問個究竟,他只懂說我只能選邊4個lunch set.我問他團購標明價值$134是什麽,點知他都一舊云要打去問團購公司先知原來團購公司是拆開每一樣同你算先會得出$134.我覺得他們都是被騙因為lunch set 都不用$80又何來拆開會有$134,這麼涉錢的生意誰做呀! 所以我都沒有再跟他們理論...對於這餐廳,我覺得是食輕便餐為主,因為分量真的很輕便比較適合女士.如果唔系o甘肚餓,都是一個不錯的選擇.忌廉蘑菇湯 - 普通餐包 - 凍既白汁煙肉意粉 - 雖然有小小油,但味道OK青口蘑菇意粉 - OK碎蛋三明治配煙三文魚 - 如果包去皮及烤熱會好味D凍O茶 - 外國人口味但我真的覺得這里的服務是OK因為當我質問他們時他還是態度很好.
continue reading
想不到第一篇文章係呢間，真係引不住寫寫佢。因為住喺中環，以前一直有幫襯開舊時的TW，好鐘意以前TW的落地玻璃同bar枱，可以望街外人。而家呢間改頭換面的TW - Soho Way，之前剛開時幫襯過一次，感覺麻麻，想走年輕人路線，整了很多新款飲品，但我對此不大有興趣，只懷念佢最basic的咖啡，那時問waiter有無，佢話無囉喎。趕走了以前的大部份老顧客如我，但看來新裝修又未能夠cool到吸引到年輕人。今天經過見佢一個人都無，就入去試多次。叫了兩款下午茶餐，茄汁意粉加菠菜和公司三文治加薯角，飲品都叫了咖啡。咖啡先來，一聞，yeah! 是比較像TW以前的標準咖啡，太好了! 茄汁意粉加菠菜OK, 而公司三文治加薯角就很低食，薯角是連皮一起新鮮炸，三文治大大件，很不錯，$45連咖啡我覺得很超值，人不多，其實是很好的地方hang out. 我會繼續幫襯!
continue reading
8 月中旬 (晴)週日，原本想到曾試過早餐、著實不錯的來佬 (英文叫 Loyal) 試下午茶。4:00 pm 左右，店內坐個滿堂紅，侍應正張羅是否要開埋樓上，看看餐牌，再問一下，才知週日不設下午茶餐，主餐牌食物都不平，又要等，這個想 loyal 的我，loyal 不成，唯有轉戰在擺花街遠的 Sohoway。這店早前試過早餐幾好，環境舒適，价錢合理，食物亦不錯。奇怪是店內一個客都冇，推門進內才見有個黑板寫著下午茶的 menu，似乎應該放在外面，方便招徠客人嘛我的 mini club sandwich 一点也不 mini, 是 full size, 用料足，薯角亦做到外脆內軟，連咖啡才 $45, 抵食、好食同行的蕃茄湯菠菜蝴蝶粉亦清新醒胃，配 iced tea, 不錯！和侍應哥哥傾落，得知原來店子是以前也曾在擺花街經營的捷榮咖啡新系列，咖啡確實不錯，感覺良好，是休閒的好地方，會 encore
continue reading
呢日突地去到中環冇去Starbucks，而係去開咗幾多月的＜SohoWay＞，為嘅就是很多報章雜誌都紹介過的＜辣椒咖啡＞囉！呢間鋪前身其實係<TW Coffee Concept>，亦即係開設＜SohoWay＞嘅主腦，但格局簡約清新多了，食物飲品都以特飲及輕食作主打，好像年輕多了。是日１３點正去到，空無一客人，店內有幾名職員，我地坐低後即刻睇吓餐牌有乜野食先？哦~~原來Cafe主要供應咖啡，食物選擇不太多，除了沙律、小食和三文治等輕食外，都有一點點意粉同飯嘅，不過都係冇乜得揀架喇。另外都有多款甜品揀，如自創的麻糬Tiramisu、Pudding、Cut Cake，另外都有Tea Set。睇來呢間以走年輕人路線嘅Cafe味道都偏啖，係咪想迎合中環ＯＬ路線，感覺再健康Ｄ呢？不過呢日係星期日，我地坐咗１個幾鐘，只有分別２個和２次獨個兒的客人入來幫襯，都幾靜，但係佢將一度大門長開，其實真係好大風哩，開冷氣等於冇冷氣，最閉係好多塵呀。１）蘋果撻 (Maple Apple Tartlets) ($35)以一隻長碟一邊放上大大個蘋果撻，另一邊則是果醬同草莓，睇落好靚仔，而蘋果撻都唔錯喎，熱熱的，撻皮唔油膩面層脆脆的，而裡面有大大件蘋果肉不太甜，正！２）奶茶木糠布甸 (Milk Tea Pudding) ($28)係我印象中好似第一次食木糠布甸，木糠以馬利餅碎而成，其實多年前我都好鍾意食馬利餅架，所以都覺得呢個幾好，因為面層有厚厚的木糠，裡面的奶茶味布甸就比較啖了，冇乜奶茶味呢，好處係唔甜囉。３）黑松露油伴木魚蟹子凍豆腐 (Japanese-Style Tofu with Fresh Crab Roe and French Truffle Oil) ($28)隻碟好大，份量都幾少，約一磚凍豆腐，不過木魚同蟹子出奇地多，雖然黑松露油唔覺有乜野味，不過整體都幾清新。４）辣椒咖啡 (Coffee with Chill) ($35)其實只有杯邊點上辣椒粉，如果用飲管直接飲的過話係冇辣椒味嘅，咖啡味同奶味都唔重，都幾啖口，我對呢杯野係有Ｄ失望嘅。５）岩鹽烏龍茶 (Oolong Tea with Sea Salt) ($35) 好似話係用上紐西蘭有機海鹽，與辣椒咖啡一樣，都係只是杯邊點上海鹽而已，不過茶味一樣很啖，一般啦。連加一 = $177
continue reading