Soi Eat Thai Cuisine

Open Now

Now Closed

呢間餐廳座位都幾闊落，有木椅同泰國既佛像畫裝飾牆身，感覺都好chill,我地叫左一份冬蔭功pizza，聽講係呢度自家制研發既，pizza用左脆皮餅底，一啖一口，食落好似食既脆卜卜既餅乾甘，口感脆卜卜，而上面就有好香既冬蔭功涵料，味道辣辣地酸酸地甘都幾開胃同特別，呢度仲有榴槤pizza都好出名，榴槤控記得黎食下。我地仲叫左一份必食炸蝦餅，蝦餅厚肉，彈牙，最近小編好鐘意食泰國菜，由其是蝦餅。脆炸即上碟。

這間充滿文青風格的泰國餐廳,提供了多元化的泰式風味菜式。餐牌的款式選擇非常多,讓人目不暇給。老闆特別介紹他們家的招牌菜–泰式船麵。這道菜採用秘製的豬骨湯熬製,湯頭濃郁醇厚,麵條Q彈有勁,再配上各式爽脆的蔬菜,實在是非常惹味。另一道不容錯過的菜式是冬陰功pizza。餅皮薄脆,上面鋪滿新鮮海鮮,再淋上濃郁的冬陰功醬汁,酸辣交錯,令人胃口大開。此外,他們的鳳爪沙律也頗受歡迎。鳳爪肉質鮮嫩,配上香脆的生菜葉和酸甜的醬汁,既爽口lively又不失辣度,非常開胃。最後必試的還有芭堤雅走地雞。半隻雞肉已經是非常入味,再配上店家特製的醬汁,又香又滑,讓人意猶未盡。

原來長沙灣都有正宗嘅泰國菜餐廳㗎！今次放工就約咗朋友嚟呢間 Soi Eat Thai Cuisine 食晚飯！😊☺️ 1. 泰式木瓜沙律🥗，老闆好細心，主動問我哋食唔食得辣，我和朋友都唔係好食得辣！佢就叫廚師整咗個少辣嘅沙律比我哋！酸酸地辣辣地，非常開胃呀！👍😋2. 烤芭提雅走地雞半隻🐔，外皮燒得好香脆、又入味！配埋泰式醬汁，令人回味無窮啊！🤤🙌3. 青咖喱雞煲，非常大碗，不太辣，有椰香味，雞肉好嫩滑，仲有茄子、豆角等等配菜！😎😍4. 蒜蓉包，好香嘅蒜蓉同牛油味，十分脆口！撈埋青咖喱一齊食就perfect ！😋🙌Soi Eat Thai Cuisine: 長沙灣青山道454號地舖

Soi Eat Thai Cuisine （Lai Chi Kok）最近工作泰c服🙂‍↕️ 終於抽到時間食下好西😙😙 近近地去咗荔枝角食餐泰國嘢🇹🇭 估唔到又有驚喜喎～⌖二人晚餐Set💰$418嗌個二人set 乜都有齊唔使諗 正呀！🤭🤭 前菜：柚子沙律🥗 唔係純柚子 口感幾豐富🤨小食：串燒拼盤（五串）🍢 啖啖肉食得好爽😍 推薦👍🏻蔬菜：泰式炒通菜🥬 差咁啲辣🌶️ 正常發揮啦！主食：泰式炒金邊粉🦐 經典款必嗌 炒得又幾乾爽😌😌飲品：珍多冰+椰子冰🥥 ☻ 回頭指數：8/ 10 ❝ #Amiの九龍覓食記#Fatshit_ami #Dinnertime #荔枝角美食 #香港美食 #港式美食 #食好西 #泰式料理 #柚子沙律 #泰式炒金邊粉 #泰式炒通菜 #串燒拼盤 #珍多冰 #椰子冰

今日去咗長沙灣搵朋友食飯，呢間餐廳整體感覺都幾滿意。午市套餐的選擇很多，有Set A $65，Set  B $75，夾埋有20款。我地點的泰式炒金邊粉做得唔錯，粉條炒得啱啱好，唔會太乾或者太油，調味平衡，食落去頗為開胃，蝦亦都新鮮冇雪味。另外泰式船金邊粉牛頸脊，牛頸脊肉質軟嫩有肉香，同湯底嘅味道好夾。湯頭頗濃但唔會過火，飲落去好舒服天然。至於飲品，龍眼冰甜度適中，飲落去清涼解渴，而青檸梳打則清新提神。呢間餐廳嘅食物同飲品質素都相當不錯，價格公道，服務態度亦好。下次想食泰國菜，我會考慮再來訪。

🇹🇭街坊泰菜小館🇹🇭-陪老媽子去長沙灣睇家品直至飯點 我哋喺附近一間泰吃小館落腳 呢度午市套餐款多而且價錢實惠 人均價$80左右-🧋泰式凍咖啡🧋泰式凍奶茶行到成身汗 先嚟一杯凍飲 作為嗜甜嘅奶茶控 泰版奶茶深得我心😚 甜度夠 有茶澀-🍳辣肉碎香葉煎蛋飯午市套餐肉碎炒香之後 少少辣更惹味 青豆粒香葉令味道清香而且口感好 唔覺唔覺 成碟飯好易食晒 我索性用埋碟中僅有嘅生菜🥬做生菜包 唔好嘥咗啲滋味肉末嘛😜-🐔泰妃雞午市套餐呢度用肥雞 啱哂老媽子 佢話泰式海南雞如果太瘦風味會大打折扣😅 雞皮薄滑有光澤 我偷食咗一嚿 果然又香又滑😚-🥬馬拉盞通菜-🥥椰汁西米糕餐廳門口咁大個甜品櫃 唔食幾件糕點 總係覺得唔圓滿😁-📍 Soi Eat Thai Cuisine長沙灣青山道454號地舖

長沙灣泰式小店，成日都經過，今日就去食下。裝修乾淨衛生，適合家人和一班朋友聚會。榴槤薄餅呢個特別嘅想法，熱左嘅榴槤會比平時更加甜，熱左嘅榴槤夾薄餅可以平衡到，食落無咁漏，又可以飽肚啲。泰式生蠔生蠔新鮮乾淨，平時肉厚又鮮甜，加泰式醬汁，酸酸辣辣更加帶到鮮味，食一隻已經她滿足。正宗泰式生菜包生菜包真係食極唔厭，呢個我覺得特別鐘意，因為酸味方面稍稍輕啲，咸味重啲，又夠濕潤，香味夠。唔會夾完生菜就淡哂。烤芭堤雅走地雞半隻食完一次已經列為我下次再嚟嘅必叫item，雞肉本身已經入曬味，又燒到外皮勁香，無一個位置係好乾，未上檯已經聞到香。泰式千層糕椰汁千層糕斑斕菜葉糕3款甜品糕點都係造型好靚，好用心製作。味道甜得嚟好順喉，特別係斑斕糕真係真心推介。

今日收工即刻碌左去長沙灣搵朋友食飯，食完上佢屋企聚下吹下水～佢俾左幾間餐廳我揀，最後由呢間泰菜勝出😁我哋叫左幾樣野share～❤️冬蔭薄餅呢個賣相好精緻好似西餐，同我預期有啲唔同😲薄餅好脆口👍芝士下面鋪咗兩隻爽口嘅蝦同醬汁，冬陰功味突出，都幾夾幾好食，有驚喜！😋🫶🏻⭐️青芒香茅炸魚面頭好多酸酸辣辣好開胃嘅蔬菜絲，好似食緊沙律😂條魚炸得好香脆👍魚肉唔算厚，某啲部位有少少乾，但整體都OK～❤️馬拉盞通菜大碟惹味又重鹹香味👍 食泰國菜必點😋❤️泰式酸辣湯金邊粉平時我都係食開炒金邊粉多，朋友話想試吓湯～佢嘅酸辣比較溫和，但係出奇地啱我地胃口，我同朋友都覺得幾好食😵金邊粉爽口唔會太腍，魚蛋彈牙，肉碎都幾多唔會太肥，又一驚喜！😇一開始仲驚我哋兩個女仔眼闊肚窄食唔晒，點知越食越開胃最後清鬼晒😹😹

估唔到係長沙灣搵到間正宗泰菜， 仲攞左Thai select, 門口擺左炸蝦片、豬皮、雞皮同泰或糕點， 餐廳充滿文青溫馨氣氛， 老板亦都好nice。有2款2人晚餐， 有齊必點泰國菜式， 今次揀左A餐， 有前菜、小食、蔬菜、主食及飲品2杯。♡鳳爪沙律酸酸辣辣好開胃🥰♡墨魚餅爽口彈牙得黎夾左好多墨魚粒，好有口感～♡芥蘭馬拉盞好入味， 亦可另外選擇通菜。♡青咖喱雞煲配薄餅咖哩好大碗， 下面仲有火保溫， 唔會好辣， 口味岩岩好。♡龍眼冰&珍多冰

一間平時成日經過但總會擦身而過的泰國餐廳，裝修都幾骨子，有泰國風格！雖然係一間低調食店，但味道質素的確不錯的泰菜！好近荔枝角戲院，大家黎開行D2 睇戲前後可以黎食！✔️泰式炸蠔餅新鮮熱辣炸出黎！好香脆！配泰式辣醬好惹味！✔️泰式扎肉沙律好多扎肉，好fresh嘅沙律～ 係很好的開胃菜！✔️招牌紅咖哩雞肉煲 配蒜蓉包咖哩幾滑 香濃椰奶味 蒜蓉包份量多 件件都有很濃厚的蒜蓉同焗得夠脆口。總結坐得舒服又抵食 菜式份量多～

最近發現長沙灣有間隱世泰式料理，佢啲嘢食好正宗，係由泰國人煮既，所以質素非常好👍 佢門口出邊都擺咗啲泰式甜品同埋蝦片，有泰式千層糕同埋椰汁西米糕，全部都好吸引，可以買返屋企食🍮 泰式鳳爪沙律 🥗首先頭盤試咗個泰式鳳爪沙律，佢用咗好鮮甜嘅醬汁調味，少少辣辣地，幾開胃🤩串燒拼盤 🍢自己本身都好鍾意食泰式串燒，當然就叫拼盤啦，有豬、牛同埋雞串燒，仲有沙嗲醬點添，啖啖肉好好食😋炸黃金菜（通菜） 🥦呢個菜比較特別，會建議試吓，炸黃金菜有兩款，通菜同埋芫荽，佢個通菜脆卜卜幾好食，食落都唔會覺得好煎炸，同平時齋食菜會比較特色啲😛正宗泰式牛頸脊金邊粉 🍜至於泰式粉麵就一定要試佢嘅招牌牛頸脊船麵啦，佢有幾款粉麵揀，任君選擇，湯底非常之香濃，必試菜式之一！

我鐘意周圍發掘周邊大街小巷既小店最近在青山道發現左一個隱世泰式家常便飯的小店好地方呢間泰國餐廳位於長沙灣同荔枝角中間店內環境好舒適 菜單選擇多適合一家大細或者朋友相聚既好地方//冬蔭薄餅 $78//以冬蔭功既材料同mozzarella cheese放上薄餅上有蝦有芝士鹹鹹地 入口又少少泰式香料味配合得好好 仲可以拉絲餅底口能似餅乾薄脆剛好二人份量 食完唔會飽膩 可作餐前小吃 //正宗泰式生菜包 $118//豬肉碎肥瘦適中用乾葱、蒜頭、香葉、檸檬葉炒得好入味加上少少辣好惹味肉碎沒有炒到好乾 依然保留到鮮甜肉汁肉碎用生菜包住入口生菜的清新口感剛好中和了肉碎的味道不會覺得好油膩 //烤芭提雅走地雞 (半隻) $138//驚喜! 烤雞即叫即烤雞皮燒到好脆雞肉嫩滑 火喉同時間控制得剛剛好唔會乾配埋個甜甜地既醬汁好惹味 食唔停口餐牌：

Soi Eat Thai Cuisine 好開心，又發現咗一個隱世開餐好地方。呢間泰國餐廳位於長沙灣青山道，店內環境好舒適，菜單選擇多😃。1） 泰式肉碎生菜包 - 上枱嘅時候香噴噴我哋都嘩咗😃。豬肉碎肥瘦適中，加洋蔥蒜粒炒得好入味，加上少少辣好惹味👍🏻😋。生菜爽脆碧綠清新👍🏻肉碎用生菜包住入口，咁樣就唔會覺得好油膩🤗食多多都唔怕。2）烤雞肉豬肉牛肉串燒配秘製醬汁呢個串燒好香好juicy，肉質好鮮嫩入味😌唔錯👍🏻再完美配合埋秘製沙嗲醬汁。整體配合得好好！好惹味😋推介💁🏻‍♀️3）冬陰功 pizza - 呢個超有驚喜嘅pizza。有蝦有芝士。配合得好好😋－試愛上。真係停唔到口。呢個正👍🏻整晚食物美味。呢度服務態度都好好。上菜速度理想👍🏻我哋邊享受美食邊傾偈，全晚都好寫意Yeah。而且Menu仲有好多其他選擇，相信都好出色。好難得長沙灣可以搵到一個咁舒服咁正👍🏻嘅開餐地方，極力推介❤️

好耐冇食泰國菜，朋友放假，約埋一齊去長沙灣呢間「Soi Eat Thai Cuisine」試下。餐廳地方唔算大，坐得好舒服，服務員招呼週到，價錢合理。菠蘿炒飯 $75賣相好靚，米飯粒粒分明，不油膩，飯上面有三隻大蝦，配料有新鮮菠蘿、青瓜片、粟米粒、紅羅白粒和提子乾，伴碟有豬肉鬆和腰果，認真足料。凍泰式咖啡(套餐 +$5)泰式咖啡味道濃，飲完好有滿足感。泰式金邊粉(牛頸脊) $75湯底濃郁，新鮮嘅牛頸脊，慢慢畀熱湯浸熟，唔會韌。金邊粉剛剛煮起，所以係一嚿，要自己用筷子整散佢，啲粉都好多，食落仲好好味。凍青檸梳打 (套餐+$5)青檸梳打濃郁酸爽，清新怡人。Soi Eat Thai Cuisine長沙灣青山道454號地舖

Soi Eat Thai Cuisine (長沙灣)泰式私房菜🧡放工系列🌸今日去咗長沙灣同朋友仔食晚餐🥰嚟咗一間食泰國嘅餐廳 木系的泰式裝修風格 舒服清新🇹🇭今晚叫咗呢個必食SOI EAT2人晚餐😋總共$418🧡🧡▪前菜 鳳爪CHICKEN FEET 但係有少少辣味嘅鳳爪真係好開胃🤤鳳爪嘅質感都夠爽脆▪小食 蝦餅 SHRIMP CAKE 蝦餅再配埋甜酸醬好好食😋蝦肉夠香濃▪蔬菜 通菜WATER SPINACH 份量足夠二人享用，通菜嘅顏色非常新鮮 再加上腐乳嘅味道👅讚✌🏼▪主食 青咖喱雞煲 + 薄餅 CHICKEN IN GREEN CURRY + PIZZA 唔食辣嘅朋友仔都可以食到呢個青咖喱 滿滿的椰香味道👅雞肉夠嫩滑再配上熱辣辣嘅pizza 好夾▪ 冷熱飲品兩杯DRINKS 珍多冰+椰汁冰值得稱讚嘅地方係 兩杯飲品嘅椰汁都非常之濃郁 😋😋值得encore！食物：🌕🌕🌕🌗🌑價錢： 🌕🌕🌕🌗🌑回頭指數 ：🌕🌕🌕🌗🌑📍長沙灣青山道454號地舖