相馬日式火鍋 (Closed)

每隔一段時間都會想食火鍋🍲今次就同朋友嚟咗呢間日本火鍋任食呢個餐包咗雞牛豬 海鮮 同埋自選湯底湯底方面有8款選擇今次就試咗甜豉油湯底雖然顏色真係好似豉油 但湯底齋飲都唔會太鹹 配搭肉類更加係相得益彰🌟🐮美國特選牛肩胛肥膏唔多 而且每片都有一定厚度 有肉味又唔會油膩🐽日本鹿兒島黑豚肉脂肪分佈均勻 食落軟熟唔乾鞋🐔雞腿肉肉質偏厚 就算渌得比較耐都唔會柴然後係好期待嘅海鮮～有日本帶子 廣島號 蟹棒 青口 虎蝦 蜆 同埋螺全部都算新鮮 其中最鍾意係虎蝦 大大隻肉質彈牙🦐除咗問店員攞嘅食材都有自助火鍋吧 炸物 飲品同埋雪糕炸物拼盤都幾有驚喜～有墨丸 紫薯仔 蟹子丸 吉列蝦 午餐肉 蝦多士 芝士春卷 同埋米網蝦春卷全部都灑上七味粉 味道惹味濃郁其中最鍾意係紫薯仔 細細粒又甜甜地🍠自助火鍋吧係普遍嘅款式 試咗唔同嘅丸類 冬菇 響鈴 等等味道都唔錯 欣賞佢擺得好整齊 感覺好衛生👍🏻

見好多朋友都介紹相馬嘅甜豉油湯底 我今日就試左佢哋嘅泡菜湯底一嚟到已經見到係紅卜卜咁 上面仲有唔少大大片嘅泡菜🌶️放配料前飲左一擔個湯底 味道好溫順 唔會有平時食泡菜嘅辛辣感或者刺激感 接受度好高😊放咗個烏冬去煮即刻有韓國嘅感覺🇰🇷由於我同朋友本身都麻麻地肉類所以幾次主攻海鮮首先一大盤就有廣島蠔，蟹棒，青口，虎蝦，日本帶子，蜆，東風螺全部都無腥味或者雪藏味 仲會食到鮮甜嘅味道😚然後都見到三款嘅雪糕同埋有任拎飲品 選擇多籮籮 絕對唔怕食唔飽😝

一入餐廳就被自助火鍋吧給吸引了～頂層是不同的包裝麵類 其中當然有我最喜歡的烏冬 也有細麵和方便麵🍜然後就是各種各樣的丸子 超級喜歡芝心丸🧀 咬開有滿滿的芝士 芝味濃郁！另外也叫了雞翼拼盤 新鮮炸起所以外酥內軟嫩 雞皮薄薄的也不會覺得油膩🐔試完這款就覺得一定要試試炸物拼盤 份量挺驚人的 放了滿滿一盤 全部都熱辣辣🔥甜豉油湯甜甜鹹鹹 放了蔬菜 肉類和海鮮都很搭😋❤️另外餐廳坐位分得挺開 服務態度也很不錯 絕對會回訪！！

好耐已經未出過街打邊爐，呢段時間都係喺屋企食或者我屋企打邊爐比較多，真係已經好少再出街食。呢排開始心旭旭想食番出面嘅高質打邊爐🤤，最後就揀咗呢間屋企樓下嘅日式火鍋店，但一直都冇嚟食過今日就試下！大門外面裝修都係以日本日式簡約風格為主。入到去就已經閔到各種各色香氣嘅湯底，非常之香~ 我就揀咗個豚骨湯，老公就揀咗中華辣湯，湯底鮮味清甜美味不油膩， 感覺都好健康~餐牌就有幾個套餐選擇，我同我老公就分別揀咗兩個唔同套餐，日式鹿兒島黑豚肉同埋美國特選牛肩胛套餐，牛肩胛套餐裏面配任食進口牛肉、優質豚肉、雞腿肉，而日本鹿兒島黑豚肉就唔配牛肉嘅~，任食選擇仲有海鮮包括日本帶子、廣島蠔、青口、蜆、螺、蝦，賣相真係非常之吸引，食落去都非常之鮮甜！另外出面肉丸肉類、飲品同雪糕都係無限供應、加任食即叫即做雞翼、串燒炸物，真係非常之抵！喺呢度一定唔會食唔夠飽！吾滿足！整體嚟講呢個絕對係一間高得嘅火鍋店！

無論出面風大雨大，打風落雨 打仗 打疫苗，都絕對唔可以吾打邊爐🤣🤣🤣 對於我幾時打邊爐係唔會有任何障礙嘅🤣，我平時都鍾意周圍去周圍睇下有冇乜嘢高積嘅打邊爐可以試下，但係其實香港有唔少打邊爐都好隨便屬於好地道嘅家庭打邊爐認識囉！ 就好似啱啱上碟嘅肉都未解凍嘅狀況，呢啲已經去到好極端。今次就帶大家來食一間火炭高質打邊爐！位於火炭沙田中心1樓嘅「相馬日式火鍋」打邊爐!過往我都有留意過呢間餐廳，一向佢對打邊爐嘅評價都唔會差，評論甚至講到有喜出望外、耳目一新嘅感覺，咁我一於就嚟試下。大門環境就乾淨得體令人舒舒服服既，自助飲食區嘅食品都分配得井井有條，睇落都新鮮乾乾淨淨，可以睇得出老闆係對餐廳係有要求！咁我嚟到一於就試下佢特別嘅菜式，炸物同雞翼喇！ 佢哋都係標榜住即叫即做，想才嘅時候佢哋都係呈金黃色外脆內軟，鮮嫩多汁！每款食材嘅口味都唔同，你啲你個真係先知道呢種滿足你唔同口味嘅感覺係有幾幸福~ 款式實在太多，海鮮佢哋都非常新鮮多元化，貝殼類嘅海鮮相對比較多，青口，虎蝦，蜆，螺，鮮甜又多汁，呢個價錢簡直抵到爛！ 黎唔黎試下就你哋自己決定啦🤤🤤🤤

之前都一直想打邊爐,其實我想嚟呢間相馬日式火鍋店打邊爐好耐㗎喇~ 雖然疫情關係,但佢都唔會阻擋到我打邊爐對飲食要求嘅態度🤤 其實佢嘅方面同埋空氣對流設計方面都做得好好,都唔使過份擔心。另外仲有飲品可以飲用，出面少有嘅無糖可樂呢度都有，老闆真係體貼，我都係個小糖之人，所以呢度都加咗分，另外仲有其他特別嘅飲料whit guava drink都可以試一下。一直喺網上見到佢哋嘅食材都非常之新鮮，咁我就親自今日嚟見證下啦，我就叫咗個日本鹿兒島黑豚肉套餐，再加海鮮、雞翼等等。上菜之後見到佢哋真係同張相完全一樣，唔會伏係啲乜假相囉 ，特別係有幾個菜色真係令我耳目一新，就例如雞翼好特別好有新鮮感。而且任食價錢都相當實惠，唔會離地。我對食品同環境一向都有要求，所以除咗有好食嘅美食之外一個良好嘅環境都好有影響成個飲食嘅體驗。整體環境氣氛都非常有格調，有種高級日式台式混合嘅感覺。我覺得呢度真係你食幾多次都唔會厭，佢嘅飲食選擇真係非常之多元化，食物質素又高，上菜速度快，所以鐘意打邊爐嘅你一定要過嚟試下！

雖然最近嘅天氣都唔係話好凍，但呢一間相馬日式火鍋店我都係會堅持黎食🤤🤤🤤，位於火炭沙田商業中心一樓嘅「相馬日式火鍋」，距離地鐵站唔會話好遠，交通都非常方便。我鍾意食呢度嘅原因主要係佢係自助式無限量供應食品，而且食物質素味道都非常之高質，我已經食咗幾次食物質素都依然維持水平，所以我非常欣賞鍾意食呢間餐廳。你一入到餐廳就可以見到食材間隔分明、乾淨又企理、就連餐具都井井有條，而且地方環境闊落唔會覺得擠迫，兩個人一張大枱，非常舒服嘅。飲食方面選擇真係多到好誇張，最重要呢度係多咗好多特色小食，海鮮、炸物、串燒、特色雞翼呢啲都係任食即叫即做，你想食得唔新鮮都唔得啦？😂 呢度有返少少嘅飲食提示，一次過真係唔好嗌太多，即使佢哋枱大，都唔及每一份嘅拼盤分量大，所以呢度值得留意。你可以見到佢嘅海鮮同埋雞翼依然都係有擺盤嘅功夫喺度，賣相有新鮮肥美，勁吸引，食得重鮮甜嫩口，實在太有口福喇~ 🤤 海鮮再配上我呢個中華辣湯簡直冇得彈！

今日阿哥生日，我就請佢去食次日式火鍋🤤 如果身邊有朋友生日都可以帶佢嚟呢間相馬日式火鍋店，絕對係一個好選擇！打邊爐十下十下咁樣，唔使食得咁急！😂 呢間餐廳位於沙田商業中心，都屬於係市中心地區唔會話好難搵。我就叫咗蕃茄湯底，好快就已經上咗湯底我就試咗幾啖，個蕃茄湯對唔會話好酸好鹹，味道適中拎嚟打邊爐，酸中帶甜、甜而不膩！套餐方面做叫咗個日本鹿兒島黑豚肉，我平時都係鍾意食豬多過牛㗎啦~ 味道有喜出望外，黑豚肉肉質紮實得嚟又有口感，食落爽口嫩滑、飽滿多汁，好正~ 分量都唔少㗎！而佢切嘅厚度有啱啱好😂套餐仲有包括咗好多唔同就唔食嘅菜式，例如有炸物、串燒、雞翼、海鮮，呢啲全部都係任叫！真係超抵仲有邊度可以搵到！真心推介！高質又抵食嘅火鍋店！

今日帶阿媽嚟食平時最鍾意嘅日式風未打邊爐啦！一定冇錯啱佢口味！😂 今次生日帶咗佢嚟火炭沙田商業中心既相馬日式火鍋店，店舖都屬於市區唔會話好難搵我我同阿媽就叫咗清湯湯底，啱啱釣完佢好快就已經上湯，成個過程都好快，即使係清湯湯底佢既味道依然係咁順滑香甜，味道啱啱好，唔會太鹹。因為阿媽都唔係幾鍾意食牛，所以我同阿媽就叫咗個日本鹿兒島黑豚肉套餐，黑豚肉嘅肉質口感真係好正非常有口福🤤 就連我最尖嘅阿媽都讚不絕口，黑豚肉除咗味道好食之外，份量同埋切嘅厚度都非常適中，而且上菜重依然新鮮。另外仲同阿媽叫咗唔少海鮮一齊食，味道依然都係鮮甜令人回味，而且仲無限添加，真係超正！呢間火鍋店真心推介俾大家👍🏻👍🏻

最近喺網上同朋友口中都聽到火炭有一間叫「相馬日式火鍋」既火鍋店，搞到我都開始好奇上網查下，網上睇到觀感都唔錯嘅~ 你話想對一般火鍋店呢一間一定係高級架喇~ 但價錢又唔會話好離地 可以留意到佢哋對食物既質素同烹調方式都係用參考量過，就唔係香港一般普通家庭打邊爐既呢種規模。餐廳環境佢地都算闊落，空氣流通，食物種類方面真係好多，多得嚟又唔會影響咗食材嘅質素水平。呢度就連日式串燒、炸物都有得食~ 你話普通嘅港式打邊爐點會有，佢哋就連一般嘅海鮮都係畀你任食，海鮮任食嘅質素又唔會差喎，依然隻蝦都好大隻，又新鮮鮮甜！真係絕對抵食！

朋友話好想食shabu shabu ，所以一齊去左「相馬日式火鍋」，呢度環境乾淨企理，我同朋友做緊咗個日式甜湯底，選擇咗日本鹿兒島黑豚肉套餐。湯底唔會太甜，唔會搶左黑豚肉嘅鮮味，而黑豚肉嘅厚度適中，唔會砌得好薄失去口感，個口感食完係唔會濟 又唔難咬 又唔溜牛骨隨食得出新鮮唔同平時食嗰種口感正所謂豬肉有豚肉味😂海鮮的話我就推介虎蝦，除咗新鮮之外仲肉汁豐富，又大隻又好味！😋，火鍋配料主要係蔬菜同少量丸類，款式多但係質素唔會下降，整體來講絕對係一間一間cp 值高的火鍋店！

今日同屋企人出街打算買啲生果返屋企食，行到下晝又肚餓就經過咗一間裝修幾靚嘅火鍋店，佢哋大門企理乾淨，間隔都乾淨企理，應該食物質素我諗都唔會差得去邊，應該唔會中伏，咁就決定一齊入去食喇我就叫咗個日本甜湯，甜湯再配上烏冬簡直係一流，係我食日式火鍋必嗌嘅選擇。而套餐方面我就叫咗個日本鹿兒島黑豚肉、屋企人就叫咗美國特選牛肩胛，分量大碟脂肪分佈都均勻，黑豚肉同埋牛肩胛肌肉質都鮮甜有口感，味道濃沃👍🏻佢哋嘅招牌特色係好多任食嘅炸物、串燒、甚至係各種唔同味道嘅雞翼，我系其他地方真係未見過，仲要即叫即做，抵食簡直一流！

最近轉咗工喺火炭返工，突然想同fd一齊打邊爐，返工成日經過呢間相馬日式火鍋睇落唔錯一直都想嚟食㗎喇~ 所以今日我就約左班friend一齊嚟食。我地就湯底就揀咗中華辣湯同清湯，而套餐方面做揀左美國特選牛肩胛，有點單嘅時候都上湯底都唔會用咗好耐時間，好快個湯都滾起埋就試咗幾啖，辣湯既辣又未至於去到地獄，但就好似食譚仔三哥3-4小辣咁，加上配料會更加突出食材嘅鮮味。係任食選菜專區佢哋放置嘅餸菜睇落都非常新鮮、色澤亮麗、睇落成件事都乾乾淨淨幾高級，一般火鍋店呢方面都未必做得好，真係要讚下佢嘅午餐肉切到都幾厚身，有口感，只係金華火腿午餐肉，味道金香可口至於炸物串燒都燒得金黃亮麗，睇賣相就知好食。蝦多士、米惘蝦春卷、芝士春卷一般火鍋店都未必有，絕對可以嚟試一下！

今日同親戚佢哋去咗佢哋屋企附近食飯，去呢間上馬日式火鍋店打邊爐，之前舅父介紹佢都大過嚟食過一次，佢哋嘅特色係有好多種熟食選擇，飲食選項裏面都好高質。我同親戚佢哋就嗌咗清湯底，打邊爐除咗湯底味道重要之外，當然梗係配料啦~ 佢哋一般嘅打邊爐食材配料都會具備 ，仲有好多出面好少食到嘅特色小食，本身鍾意食雞翼或者炸物嘅人的定要嚟呢度試下。湯底口味絕對唔使憂慮。喺選套餐方面，我哋選擇咗美國特選牛肩胛同日本鹿兒島黑豚肉，佢包括配任食牛肉、豚肉、雞腿肉之外，就連帶子,廣島蠔,青口,蜆,螺,蝦呢啲海鮮都係任食，多選擇之餘仲好鮮味👍🏻 而啱啱提到嘅雞翼都係即叫即做。整體都非常高質、抵食！ 值得推介

今日誤打誤撞上openrice搵到呢間日式火鍋放題。而家呢個時勢weekend好難搵位，見佢有得用openrice app book到即日下午嘅位仲有折扣，一book到位我就即刻搭車過來啦。雖然喺火炭工廠區，但一出港鐵站沿條坑渠行去大排檔方向就搵到橦商廈，算幾易搵。可能因為已是下午時段，所以冇乜客人，可以安安靜靜咁坐。Openrice app訂座優惠只限指定120分鐘正價選擇，揀好後湯底同第一輪肉類好快就來到了。另外有疊紙仔填海鮮、熟食，估唔到都好快來到亦冇漏單。我揀咗辣湯底同甜豉油湯底。海鮮任食，配辣湯底好襯！就好似平時食嘅辣汁煮蜆咁惹味！估唔到熟食咁出色！我encore咗海鮮同熟食 反而打邊爐嘅肉我就冇encore過喇熟食飲品任飲，選擇ok，有可口可樂。