相馬日式火鍋 (Closed)

相馬不知不覺間越開越多分店，成日行過路過都冇機會入去試，今次開到嚟屋企附近，終於可以試吓牛涮渦以外嘅火鍋放題。店舖入面都幾多位，主要以梳化為主坐得好舒服。🔅蕃茄湯底：酸酸甜甜咁 開胃之選，為陣間又食炸物又食串燒又打邊爐做好準備。入面都已經配備左幾多番茄丁，另外再嗌蔬菜配料嘅話可以唔使再嗌蕃茄。私心隱藏食法係 嗌薯仔自己熬製一個蕃茄薯仔湯，勁好味 一定要試吓！🔅肉肉：打邊爐唔少得嘅一定係瘋狂下肉，呢度嘅牛肩胛、肥牛、雞肉、豬肉…全部都係仼食。當中比較出色嘅一定係美國特選牛肩胛，放題都食到牛味香濃嘅quality 值得表揚！

同完朋友仔聚會 打邊爐絕對係唔會出錯嘅選擇🤓因為可以自己決定食啲乜 自由度夠大👍🏻加上係一人一鍋 所以連湯底都個人化😆湯底🍲豬骨同中華辣湯 辣湯係免費湯底入面最吸引嗰個🔥煲熱咗嘅香味令人流哂口水🤤辣度亦都大眾化配料🥩晚市基本款包各式嘅豬牛同雞肉 海鮮包括日本帶子 廣島蠔 青口等等都係任食🤩🤩一啲火鍋必食嘅配料 好似丸類都好多選擇 點少得經典嘅芝心同蟹籽丸 食材嘅質素就普普通通 不過值得一讚係上菜速度幾好 飲品🧃選擇都有唔少 揀咗款少見啲罐裝鳳梨烏龍茶 甜度唔算好高 適合一解油膩感👍🏻

今日星期五同男朋友撐枱腳仔，決定去打邊爐獎勵下辛苦咗成個禮拜嘅自己！話明係要獎勵自己，所以肉類方面我哋都揀咗高級啲貴少少嘅價錢嚟食～好多時候出面啲任食放題係預咗重量多過重質，預咗唔係咩靚肉，不過為咗唔蝕，都會塞自己食到幾多得幾多～我地叫咗美國特選牛肩胛 $288 再加咗 $30升級個豬肉做日本鹿兒島黑豚肉。呢個價錢係星期五、六、日、公眾假期及前夕嘅價位，平日嘅話會再平啲啲～佢呢個價錢已經包括咗可以任食呢個級數嘅牛同豬，仲包埋任食雞髀肉、唔同嘅海鮮例如日本帶子、廣島蠔、青口、蜆等等；而熟食方面就有唔同口味嘅雞翼、串燒、炸物、飲品同雪糕，性價比嚟講其實都值。果然係「一分錢，一分貨」！啲肉一送到上枱已經睇得出係高等靚肉：美國特選牛肩胛呈鮮紅色，完全睇到係好新鮮，唔會有啡色瘀血嘅位；而個日本鹿兒島黑豚肉塊塊分明，肥脂嘅部份亦都好靚，超正！我哋冇乜點攞丸食，因為想食多啲肉～不過蔬菜方面我哋都攞咗好多，尤其係雞脾菇、冬菇、金菇，對於我咁鐘意食菇類嘅人嚟講簡直係天堂！

雖然我平常比較注重健康 不會常常大魚大肉 但為了維持長期的飲食習慣 間中也會犒賞自己吃好的 今天就決定與老公一起打邊爐 順道久違的約會一下雖然說要獎勵自己 但是外食的話我也會盡量避免煎炸油膩的選項 所以在選湯底的時候與老公分開了一人一鍋 不用管理身材的老公點紅油油的中華辣湯 雖然對於吃得辣的我來說十分吸引 但理智的我最後決定分開一個鍋點清湯湯底 若然嫌味道不夠 點一下額外的醬汁即可 適可而止是保有健康體魄的關鍵為了確保均衡飲食 吸收足夠的營養素 我也會比較注重攝取足夠的蛋白質 纖維 和碳水化合物 所以肉類 蔬菜 粉麵 我也各取了一些 幸好這裡各類食料的選擇多元 甚至有優質蛋白質的海鮮可供選擇其實只要學會如何選擇食物 對於注重飲食管理的人 火鍋也不失為一個好的外食選項

事關屋企人好鐘意打邊爐所以成日都會揾唔同嘅新火鍋店食😎呢間係我同屋企人一致認為覺得好食同埋抵食,我地應該已經食過7-8次🤭真係冇誇張😳🔹晩市120分鐘放題(美國特選牛肩胛) $268因為我地都好鐘意食牛肉🐮所以就揀咗個牛嘅套餐😆牛肉係美國特選牛肩胛，牛味係適中同埋肥瘦都係岩岩好💕仲有好重要一啲都唔老係淋嘅🫶🏻而丸類都有6-7款可以選擇😍蔬菜真係有啲多🥬特別係菇類竟然都有4種，身菇控當然不能錯過啦🍄而除咗火鍋配料好多外，呢度最抵係有埋任食嘅串燒，炸物同雞翼🤩食物嘅水準唔係hea你，款款都係熱辣辣🔥同埋都係好好食😚

任食嘅火鍋放題 最正係咩？當然就係任食佢地嘅靚靚肉肉🥩🐮🐷呢間日式火鍋放題店🍲最特別係 佢晚市有兩個鐘頭入食之外 仲有無限時放題♾星期一至四$368 星期五六日都係$378咋❕❕平時有啲放題都唔止呢個價錢🤑🤑套餐包任食美國特選牛肩胛、進口牛肉、優質豚肉同雞腿肉🍗當然都可以加$30 要埋日本鹿兒島黑豚肉🤓仲可以任食多款海鮮、自助火鍋吧、飲品、雪糕、雞翼、串燒、炸物🤩嗱 嚟到我就專攻佢嘅肉肉喇😎牛肩胛同黑豚肉片都真係好高質🤤兩款都好嫩滑 肉味超香濃💕最估唔到嘅係連進口牛肉同優質豚肉 兩款相對較平嘅肉都唔錯😍

經朋友介紹，今天來到相馬日式火鍋的火炭店吃火鍋！其實比起肉類質素，對我來說火鍋店的食物種類繁多與否更為重要。幸好這裡自助吧有林林總總無限量的配料供應，甚至乎熟食也有串燒、炸物和雞翼拼盤等供應，實在令我目不暇給！因為肚子實在太餓，未等得到泡菜湯底滾起我就先試吃了各種熟食，當中的串燒拼盤真的驚艷到我，有燒魚餅、免治雞肉棒、金菇肥牛卷、豚肉村、燒粟米、翠玉瓜、大頭蝦等，媽媽還笑道說我們未開始打邊爐會否已經吃飽😂當然不會啦！我還預留了肚子吃我最最最愛的——丸子！每款丸類我也拿了三至四粒，基本上全都是我一人吃掉，因為爸媽主要想吃肉類居多。雖然我不怎麼好牛和豬，但是雞肉真的有驚喜！首先一碟的份量已經很多，而且每件也十分大，部位鮮嫩，吃起上來一點也不「孩」，我也忍不住吃了幾件呢！😋最後我們每人也吃了兩球雪糕，棒著鼓起的肚子，滿載而歸～

出去餐廳食火鍋嘅時候，湯底係👧🏻都幾著重嘅地方，因為會好影響啲食材嘅味道🤓～相馬呢到有成十個免費嘅選擇，亦都有幾個升級嘅湯底，由濃烈到清淡任君選擇！🤩🤩今日兩個人想食清啲，所以就揀咗經典豬骨湯底同甜豉油湯底🇯🇵，唔會太重味精味又唔會太鹹👍🏻👍🏻由於我哋兩個都係不折不扣嘅食肉獸加牛魔王😈，另一個着眼點一定係肉類嘅質素同牛肉嘅肉味🤎！呢到其中一個嘅招牌就係美國特選牛肩胛，每碟嘅數量十足👍🏻，加上牛肩胛嘅牛肉味好香，肥美嘅程度又啱啱好🤤大推！

之前朋友食過覺得好正所以前日就去咗食雖然已經知道有好多嘢食但見到後真係有少少嚇親!!不論蔬菜,丸類,麵都有好多款式而且仲有雞翼串燒炸物等等~真係包係你食到姐飽!!因為我哋有六個人嘅關係，所以就係鴛鴦鍋冇得一人一鍋分別揀咗一個辣嘅同一個唔辣就係番茄湯底同中華辣湯底。我就比較鐘意中華辣湯，更加惹味而呢度最正係海鮮仲要係任食同款式超多！！我同朋友係狂食海鮮簡直變咗海鮮放題咁~~我地食得最多係廣島蠔，真係好正！而配料同肉類我地就冇食好多但都係好食嘅！有一個位係令我覺得一定要講係呢度竟然有胡麻醬，個人打邊爐係一定要配胡麻醬，呢個位真係大加分！

每次的家庭聚會總是令我「頭痕」😞既要遷就老人家的口味 亦要遷就小朋友的口味 確實是很難找到一家能夠符合所有人要求的餐廳😅經一番搜尋後 靈機一觸 決定帶他們到任吃火鍋店吃放題😌他們可以自己選擇喜歡的食物配料 也可以自己選擇份量 不用互相遷就👍🏻於是我便預約了在家附近的相馬日式火鍋🥘另一個我選擇這家火鍋店的原因是因為它的環境光猛 座位闊落 不會太過迫促 絕對方便老人家以及小朋友們的行動💯一坐下來第一件事就是選擇湯底 大人們的鍋選擇了中華辣湯 至於小朋友們就選擇了豬骨湯底 分開兩鍋吃 正宗的「河水不犯井水」😀 中華辣湯的湯底呈深紅色 面層浮著一層的辣油 吃起上來也真的挺嗆喉的 打邊爐就是要吃辣的🔥至於豬骨湯底 我沒有特別嚐試 但小孩子們都吃得津津有味😋吃了三輪肉類之後 我們就轉投熟食的懷抱🤣想不到這裡的熟食也有這麼多選擇 連小孩們尤其喜歡的炸物也有 最後吃了數之不盡不同口味的炸雞翼 再吃了甜品完美作結😛

平時一大班friend聚埋話去打邊爐，我都一定會推介佢哋嚟book相馬！😗我諗我已經榮升老是常出現嘅熟客仔😂朋友成日問我點解咁推薦呢間，其實最主要係因為呢度真係❗️超❕多❗️選❕擇❗️首先佢哋嘅湯底選擇係好flexible，有得就咁一人一細鍋，又可以揀大鍋，大鍋又可以揀鴛鴦湯底，啱晒一大棚人嚟唔洗就呢個就嗰個😌湯底味道選擇有成11款咁多，仲有啲特別嘅味道，例如山盛香菜、牛乳呢啲比較少喺連鎖火鍋店見到嘅湯底！緊有一款啱你食😜 講完湯底就緊係到主角：肉！打邊爐無非都係想食肉啫🤭呢度有唔同等級嘅肉類可以揀，由最普通嘅美國進口牛肉，到美國特選牛肩胛、頂級牛小排、日本鹿兒島黑豚肉都有🤤除咗任食肉類，仲有得任食海鮮，熟食，同基本嘅丸類，蔬菜類都有齊晒🉐不過最最最滿足嘅係，呢度雪糕同飲品都係無限量供應，仲要有我至愛嘅韓國藍白罐忌廉溝鮮奶🥹叫我如何唔愛上呢度呢？😋

打邊爐任食最驚就係肉類唔好食，第二就係冇咩配料可以選擇同埋唔會再添🤧呢度完全唔會有呢個問題，嘢食多到你唔知食咩好而且種有一樣嘢食岩你食🤭大家打邊爐應該係鐘意食肉但我個人就較鐘意食配料，呢度嘅蔬菜同丸類有好選擇😜重點係呢度竟然有西蘭花🥦真係我嘅致愛，我食過好多間嘅火鍋店都冇見過有西蘭花所以我真係喺呢個位加咗好大嘅分！而丸類都有好多款，坊間嘅火鍋店未必有嘅遠呢度都會有！而肉類雖然唔係特別出色但質素完全係OK嘅，雞牛豬都係正常水準 而湯底都有10多款揀但某些就要加錢，今次我就揀咗中華辣湯，事關我鍾意辣，但對我來講可以再辣多啲就更好了！可能我會對辣嘅接受程度有點高~~

餐廳提供各種唔同類型嘅套餐：有主攻豬肉和雞肉的🐷🐔、較為普通嘅牛肉和高質牛肉🐮，梗有一款啱你心水｜美國特選牛肩胛 120分鐘晚市放題｜$258 （星期五六日及公眾假期$278）當日我哋揀咗泡菜同豬骨湯底，店員好快就已經上晒豬、雞、牛、海鮮拼盤，第一轉嘅外貌全部都好靚✨✔️湯底: 一致認為豬骨湯底值得一試！色澤白雪雪的，極具豬骨濃香 啖啖和風滋味😋 食完有黏口嘅感覺，證明充滿膠原蛋白 鮮甜又美顏😚✔️食物: 專登揀咗牛肩胛同美國進口牛肉嚟比拼下 想試吓個分別，咁當然牛肩胛會明顯牛味重啲 鮮嫩啲，但其實進口牛質素都唔差，非常軟滑夠肉汁 牛味都不俗🤪

係IG見到呢間相馬日式火鍋嗰中華辣湯同一排排高質嘅牛肉已經好想嚟試 難得喺火炭呢頭做嘢話即book位食食佢🤩果然無令我失望✨一嚟到見到Menu原來唔止有邊爐 連串燒炸物都任食 抵食到傻🙊必定Encore：🔥中華辣湯 食辣之人必揀🤤🤤會令到勁開胃又會好滋味 辣度大概係小辣嘅程度🥩美國特選牛肩胛 一上枱已經覺得色澤上勁靚又高質 影相一流食落都重口味 唔會好多筋🤩🐽優質豚肉雖然無升級去日本黑豚肉 但本身包嘅豚肉出乎意料地都好有質素 唔會有好重嘅雪味😎😎🍤米網蝦春卷炸出嚟好勁香口✨✨米網令到成個春卷有多個層次嘅口感

呢間火鍋店有好幾間分店，今日第一次嚟食。除咗牛肉、仲有雞肉同豬肉飲食，飲品任飲、出邊其他丸類、蔬菜仼夾。呢度係一人一鍋，我哋一行三個人分別就叫咗蕃茄湯底🍅、中華辣湯🌶同豬骨湯底🐖。我哋一致認為最出色嘅係豚骨湯，因為佢清得嚟係會帶甜嗰種，配任何食材都好百搭，入到豚骨果之餘，突顯到食材自身嘅味道。牛肉選擇有分幾個級數，估唔到最廉價嗰款肥牛質素都唔錯，唔會切到碎濕濕夠大塊 食落有滿足感。貴格啲嘅牛肩胛更加係肥瘦分明，肉味頗為香濃。至於出面嘅炸物小食、韓國出品雪條雪糕，選擇極多 胃口有限試唔晒，攞嚟緩和下口腔嘅肉膩感，又可以再食多幾盤牛肉回本喇！