野玩海店 (Closed)

同朋友慶祝生日，都想搵間特別嘅餐廳，係OpenRice無意間搵到太子有呢間野玩海店，各位朋友都話想試吓。餐廳嘅外觀已經好吸引，海灘嘅主題顯然易見。店外仲有一個俾小朋友玩樂嘅等候區，好貼心喔！煙三文魚pizza上枱熱辣辣，對於材料一啲都唔吝嗇，每一啖都好滋味。呢款水牛雞翼係微辣，唔食辣嘅我都可以食到，仲覺得好味添。炸軟殼蟹呢款小食分量十足，完全足夠我哋五個人share食，軟殼蟹炸得夠脆。呢款蜆肉意粉味道偏淡，但就有好濃郁嘅香草味。呢款牛柳粒炒飯夠乾身，而且牛柳粒夠juicy～

上次同朋友相約在太子，搵左幾間餐廳，但最後冇揀到呢間。但當日食完飯散步時經過始創於是行落去望下間餐廳，發現外面有個小朋友樂園 同埋 見到0830-1030晚餐時段會有類似band show嘅野，都覺得幾得意。於是咁岩過幾日朋友生日，決定左去呢間試下！首先我前一日打去卜位時已經係full喇，之但係職員好好咁樣建議我先留名，到時可能早段有人食完就可以入場；同埋進餐冇時限令我感到意外，可以同朋友傾耐d!另外餐廳冇收切餅費係超級好！！抵讚！當日等左一陣已經好快有位！我地4人order左1. 煙肉芝士薯條2. Pizza （跟餐）3. 豬手（忘記了影相）4. 鰻魚炒飯（細size)每樣食物都很有水準豬手都好大隻 pizza夠大 上蛋糕時，在現場的歌手有唱生日歌！好驚喜！所以感覺很好 值得再去！

服務員態度惡劣，冇服務可言，態度超差，食物單看賣相是吸引，可惜使上最難食的燒豬手，發生在這裏，燒豬手D皮唔脆都算，D肉同煲湯豬肉沒什麼分別，所以當晚只食了一様東西，便立刻轉場

始創中心地庫集中咗幾間餐廳, 唔行入嚟呢間餐廳, 真係唔知室內環境咁有趣.先見有一面牆身用咗唔同顏色嘅木門裝飾, 望落令我諗喺澳洲Brighton Beach彩虹小屋. 再抬頭望見到分別有幾塊滑浪板同艇仔掛喺天花上, 彷彿置身喺外國沙灘上嘆住冰涼飲品, 品嚐美食~野玩海店嘅晚餐有set dinner或散叫, 先嚟意大利火腿配火箭菜薄餅 ($128).呢道嘅Pizza宣稱係Handmade, 誠意製作. 餅底夠薄脆. Pizza一共有8塊, 基本上每塊都會有一片Parma Ham.即使你嗌套餐與否, 呢度都會上一份麵包俾你, 暖暖地幾好食.另外就點咗個Set for 1, 有3個set, 而我就揀咗Set B ($148).先嚟香橙沙律, 沙律菜配上橙肉, 再加埋橙嘅汁液流落沙律菜度, 酸甜開胃.而主菜就揀咗日式鰻魚炒飯, 鰻魚係一大塊上, 比起切細粒上更有口感.甜品就係朱古力Lamington, 小小嘅一口甜伴著意想不到嘅Live Music, 輕柔嘅結他與歌聲, 配上整體不錯嘅菜式, 置身其中享受到莫名嘅輕鬆感.

訂枱的時候已訂卡位，但他們沒有理會我們的，食物遲遲還未到，叫他們幫忙追食物，也沒有理會！只是跟你說：「來緊」，食物到了，食物質素又不好，長期叫服務員，他們長期都扮聽唔到！

食店: Something Wild - The Sea(太子)食物: 野味龍蝦服務: 西面西到冇朋友🌚環境: 海攤渡假style ~~~~~~~~~~~~~~~~~~~~~~~~~~~~~~依個龍蝦二人套餐除左有大大隻龍蝦, 蜆, 青口, 大蝦, 仲有少量薯仔粟米蒜蓉包做配菜. 仲包左一個pizza, 沙律, 湯同甜品. 醬汁方面就有大蒜汁同芝士汁揀. 性價比高. 大蒜汁似黑椒汁, 辣辣地, 幾惹味. 不過就蓋過左海鮮既鮮味. 另加左$20轉左個周打蜆湯, 湯濃又足料, 唔錯😋 ~~~~~~~~~~~~~~~~~~~~~~~~~~~~~~其他配菜正常, 冇乜特別驚喜. 不過服務就真係麻麻, 餐墊一野飛上枱, 仲要com住d餐包, 咁究竟個包我食唔食好? 上菜速度偏慢, 要求店員幫手影相, 回以冷笑一聲, 然後講左句等陣, 就消失左. 其實如果你唔想影, 可以直接講😀 好彩當日有live band🎶, 稍為拉番少許分數, 如果有得點歌環節, 就仲好. 如果住係附近, 又或者行街順路, 都可以一試

原本以為多一個親子聚會點，但是服務太差，當天我們在二點到餐廳點午餐，約二點半我們向店員表示希望refill檸檬茶，因見餐牌上表示可refill，但店員指二點半已無得refill，我們向店員表示從沒有店員向我們表示只可在二點半前refill，覺得如有這樣的policy應寫在餐牌上，或在客人order時應告之客人，最後女店員只refill半杯給我😓，之後又聽見其他枱的客人也有這樣的要求，希望管理層留意店員的培訓吧！

主菜上晒， 餐湯都未到 ， 要我地追服務員先有， 服務員上菜超無禮貌， 拎住碟野行埋黎， 「拍」 一聲， 就咁放碟食物去枱邊（ 完全唔係我或者我男朋友前面）。 就算出面食茶記， d伙記都識得將個碟放係客人面前啦。 第一道上左pizza ， 我同男朋友問服務員拎兩雙碟， 個女服務員係我格離經過， 我叫佢， 佢無反應，根本唔知佢聽唔聽到 ， 轉過頭我問另一個服務員，佢話前面個同事拎緊比我， 其實應一聲ok拎比你都唔難掛⋯中段，我叫佢收一收d用完既碟， 佢黑我面，企左係到，好似我求佢幫我收咁，我直程成碟拎起遞比佢先收。結果拎辣椒油，我地都廢事叫人，自己去拎。最後甜品又係，岩岩先開始食主菜， 連飲品都未上，服務員就上埋甜品。 飲品又係要追先有。 同男朋友開開心心去食飯， 但要食到受氣，心情又差。老實講總體食物係好既， 如果改善到服務就好了。非常令人失望，以後都唔會再食啦 ， 比錢買難受！

朋友介紹呢間野店俾我（唔知點解硬係記唔到個全名）。。。佢叫野玩海店，專門食海鮮，仲要有勁多芝士係上面，仲唔啱晒鍾意食芝士同海鮮既朋友?今次我就係為左呢個398二人套餐過黎，波士頓龍蝦，2隻大虾，2隻青口，加d栗米薯仔多士，再加成盤芝士，食完仲要將芝士掃晒，果份滿足難以形容。。。個餐有餐湯麵包，沙律，仲有個pizza，其實份量都好夠。想飲酒既朋友，仲可以點杯紅酒或白酒，當然係得一少杯，好酒既就唔多夠喉啦～最後仲黎個一小口甜品，可以將成個餐劃上句號。但其實佢仲有live band，可惜今日我被安排坐係最入，欣賞唔到live band之餘，仲要8位女士坐係後面gathering，大家可想而知，人聲笑聲係大過live band，呢度係唯一一幕令今晚失色既地方。。。攪到我同老公冇晒mood兩個撐枱腳😅

第一次黎 食下午茶2:40入座，食物半個鐘都未到追佢就話有單眼見隔離檯 由上菜到食完賣單我既三文治都未到請問整個包需要幾耐時間追一次，上一樣野 我叫左三個餐 前前後後要追幾暈無下次，浪費光陰

套餐包括: 自助飲料、餐湯、面包、自選主食、甜品今天中午我選了魚柳配薯菜, 配上RE-FILL的檸檬茶魚柳味道很鮮, 魚質嫩滑, 魚味重, 但熱度不足.醬汁濃郁, 但汁比較少, 吃完感覺比較乾.薯條熱辣辣, 這店的薯條一直都很不錯, 薯條厚身又新鮮出爐,熱騰騰, 配上醬汁, 感覺很不錯, 加上份量不少, 可以填肚子推薦大家早一點來, 這樣就能挑卡位坐, 卡位位置大, 又舒服, 吃完跟朋友聊聊天,感覺很不錯的!

在openrice找餐廳沒什麼期望只是真的冇idea食乜才來嘗試看看自己能否分辨出打手與真用家的評語原本想去新世紀廣場因為近火車站但看了OpenRice 負評後實在揀唔落手退而求其次去始創都很方便就找到這家餐廳沒什麼負評相片中理境很colourful便來試試門口有小片地方讓小孩自己瘋大人終於可坐下來說說話原來還有歌手演唱而且還唱得不錯人也靚仔總算是賞心悅目原來慶祝生日可免切餅費夠六人還送一支sparkling 滙豐卡全單九折食物也很夠水準要推介炸蠔很好很好吃！價格又合理下星期又要再來了

#野玩海店 🐠🦐🐡🐬🐳🐋今次嚟到始創中心 的野玩海店，裏面嘅裝修都係水手嘅感覺，晚上九點有live band 可以聽音樂，外面設置 設施比小朋友遊玩，適合一家大細嘅餐廳，另外更加設有多國菜！我就叫左一個海鮮套餐，300多元，有生蠔，蟹腳，海蝦，青口,蜆肉！非常新鮮，可以話10分抵食 而配菜就有粟米和馬鈴薯！還附送pizza😌 雖然Pizza比較普通，不過這個價錢也算了！💁🏻🌞夏日熱辣辣想要感受 海洋氣氛，就要來間餐廳試吓啦！😁

感受陽光與海灘！位於太子以海為主題的餐廳，店主熱愛户外活動，所以將岀海要嘅野放入餐廳，來個海灘funsion！餐廳設計有特色外，menu亦以海洋為主題，大量海鮮可選擇，魚蝦蟹樣樣有！當中波士頓龍蝦更是主打，而且點整都得，有芝士焗、醬汁焗、pizza、炒飯等！前菜少不了麵包，每台客人不論是叫套餐或單叫都有，麵包軟熟餐湯有兩種可選擇，分別是海鮮農夫包($78)，湯內海鮮非常多，有墨魚、蝦、青口等而另一選擇是黑松露野菌湯($58)：湯由蘑菇打成蓉而成，味道好濃薄切吞拿魚($168)白酒青口($88)：用青口、香蒜辣椒配白酒汁波士頓龍蝦手造薄餅($198)：餅底比較薄身，入口香脆，另外用上大量莫札里拉芝士波士頓龍蝦蝦肉拆骨後放於上，懶人必選薄餅烤紐西蘭短骨肉眼扒($168/12安士)炸蠔配他他醬($68/細)：炸得好脆，而且蠔大大隻P.S.門口仲有個無沙無水既海灘玩樂打卡區，讓你餐廳內外都感受到夏日的味道！

首先，要讚一讚該店接待服務，十分專業，有禮貌，親切。位置十分近太子地鐵站B 出口，始創中心地庫扶手電梯旁。餐廳環境十分有夏日的感覺，仿似在海灘旁的小屋渡假，天花板也裝飾了滑浪板，感覺好像在東南亞一些旅遊勝地享用晚餐。這晚是朋友生日，餐廳裡有迷你音樂吧，有專人自彈自唱音樂，所以十分relax 餐廳食物和特色飲品都十分吸引特別是飲品，隻杯十分浮誇，其中一杯高度長過手臂，食物十分有東南亞風情，十分夾餐廳主題。十分滿意這餐廳服務和食物質素，我會再次光顧及推介朋友!!