湯•米 (Changed Hand) New Restaurant

近年見不少媒體也有報導這間臭臭鍋專門店，今天便與友人來一試。店內光線充足，以白色為主調，感覺乾淨。除了臭臭鍋外，餐牌內有不同種類的鍋物可選擇，在餐牌下方亦有指示說明該如何調配合適比例的醬汁。前菜分別點了涼拌青瓜和鹽酥雞，青瓜簡單地以芝麻和麻油調味。而鹽酥雞則以椒鹽調味，十分香脆。鍋物分別點了泡菜鍋和巴蜀魚鍋，巴蜀魚預先燒好再以火槍烘脆魚皮再放上鍋頂，但進食時要小心魚骨。泡菜鍋可選辣度，鍋物預熱時間比較長所以建議先點一兩款小食邊吃邊等。此店更提供芝士奶蓋類飲品，我們點了芝士奶蓋桃桃和珍珠奶茶。芝士奶蓋濃郁又有陣陣奶香，但帶點融化的跡象，如能在飲品製作完成後立即上枱則會更好。

之前一直想黎試試，今日終於試到。2個人叫左2個煱，本來我一心想食沙茶醬牛肉煱，但唔知點解話今日冇晒湯底。。。所以冇得叫。。。最後叫左藥膳鍋同辛辣鍋(2個名唔太記得)，藥膳幾好味，不過煲耐左就有d咸，而辛辣湯就一d都唔辣，叫左太辣，唔知係米黎錯左？？因為我本身唔食得辣(食雞煲少辣都食唔到)，只係男朋友叫就試下，但真係唔辣。加左幾次辣粉都係唔辣。。野飲就叫左滿杯菠蘿同芝芝紅玉，都唔錯。仲試左臭豆腐，雖然都寫係辣，但都係唔辣所以我有 d後悔叫左，同我湯入面舊豆腐差唔多服務我覺得都唔錯唯一唔好就係門口冇話有湯底冇，坐低就局叫其他湯。*隔離有幾間差唔多名，差d行錯

今日黎到呢間台式一人鍋配台飲嘅食店食個假日lunch! 店舖裝潢簡潔明亮，以白色為主。門口位嘅水吧位置counter 設計與一般台飲外賣店無異。Lunch menu 有台式便當、手作麵同埋熱湯供應，但就少了一個鐵鍋上碟。飲品menu 好多選擇，主打芝士奶蓋系列。酥炸花枝墨魚丸跟餐+$12大大粒、超彈牙！內裏有花枝粒粒，幾有咬口。麻辣雞翼 跟餐+$12 麻辣味比較淡，雞翼肉質嫩滑juicy。川味麻辣牛肉鍋 $49可跟白飯/米線/公仔麵附送前菜：青瓜麻辣味屬台式順口帶咸果種，可以飲得嘅麻辣湯。有肥牛、大量娃娃菜、豆腐、木耳、金菇都幾足料。芝麻醬滷水牛𦟌冷麵 $52麻醬味好香濃，但偏乾身。滷水牛𦟌只得一塊，都幾入味稔身。芝士金鳳茶王跟餐+$12芝士夠濃稠、密度幾高！茶底都夠香濃、有茶味！想不到幾有驚喜，好過很多台飲店。芝芝桃桃 $39 濃郁嘅奶蓋加上清新桃味沙冰，解暑又唔太甜。味道一d 都唔化學，不錯選擇。跟餐+$21 奶香嫩仙草 仙草份量都幾多，加埋淡奶幾嫩滑。埋單二百，食到勁飽無加一收費。

琴晚放飯同兩個同事一行3人黎左呢到食飯 用左eatigo訂位有6折 6點去到鋪頭 成間鋪得我地 我地叫左咖喱奶蓋鍋 藥膳豚肉鍋 一個跟滷肉飯 另一個跟粉絲 之後再加左個滷肉飯 一碟牛肉同花枝丸兩個鍋睇落份量好似好多 但其實大部分都係菜 其他配料有少量魚皮 丸 腐皮 肉同丸都見到係急凍貨 上枱個陣仲有雪霜係上面 ❄️湯底方面 藥膳比咖喱好味 咖喱味太淡 最後計埋加一折左之後人均85蚊 折完都呢個價錢 去吉野家打邊爐仲抵仲多野食 又係食過一次就唔會返轉頭既餐廳 🙅‍♂️

呢間台式火鍋裝潢簡約明亮，一共有9款火鍋，包括有招牌臭臭鍋、香辣牛肉鍋、泰式海鮮鍋、咖哩奶蓋鍋等選擇，仲有多款台式飲品及小食呢☺️！🍲咖喱奶蓋鍋 $108大大鍋放滿食材，包括牛肉，魚蛋，娃娃菜， 金茹，鮮冬茹，豆腐，炸魚皮，炸薯仔，鵪鶉蛋等等，咖喱湯底加上奶蓋更加香濃同creamy😉！🐮香辣牛肉鍋🌶🌶$108而友人愛吃辣就選了這個，食材跟我那個差不多，湯底就好香辣，味道更濃郁😊🐣鹽酥雞扒 $28雞扒外皮炸得好脆，內裏的肉幾滑, 簡單以鹽酥的方法去炸已經好好味😋！🍑芝士桃桃 $39 好香桃味，仲有桃肉吃到呢，加上芝士奶蓋，味道亦好夾😝🍹芝士茶茶八號 $34這個是每日限定的，茶是用上八種唔同嘅茶混合而成芝士奶蓋濃厚而茶亦好清香😌！

朋友足足係我耳邊講左2星期呢間湯米一定要去,超級好食,成日同我講話芝士茶茶8號好好飲,一定要去試,咁好啦,見佢咁誠意推介,今日終於去左試下,試左佢杯招牌飲品先！芝士茶茶8號,同朋友2個一齊叫,店員沖完一杯再一杯,但沖第二杯時已經見到芝士已經開始溶緊落茶到😅,我記得佢之前買唔係咁既樣嫁喎！芝士明顯稀左好多,行番出大街,成層芝士已經無左！我自己好鍾意飲芝士/奶蓋/雪絨之類既手調飲品,未試過有一間d芝士溶得咁快,朋友都話今次既味唔同上次,呢杯野30幾蚊,唔值得飲😅寫過咁多間手調飲品鋪,呢間係小數比負評,請正視！

再試臭臭鍋其實同打邊爐無咩分別，只係一人一鍋，鍋內有灑配料，唔洗自己逐樣落～因為腸胃剛好返，所以無得食冬蔭功湯底，就叫左個藥膳豚肉煲，友人就叫泰式海鮮同巴蜀魚鍋友人初時想試招牌臭臭鍋，點知話無（但後來聽到後面果檯都叫...竟然係有...）友人勁無奈，我地仲叫左3杯飲料🥤同一個柚子雞翼...雞翼黎到有點失望，因為係響雞翼上淋上柚子醬...果d醬仲要好似係沖柚子蜜果種所以味道唔太特別飲品方面，就唔太環保♻️啦，堂食都要用外賣杯，但份量算多～我果杯水果茶，飲落幾清新跟住到主角出場啦～～先講藥膳豚肉鍋，藥底同配料算鮮味，聞落已經有好大陣藥材味兩個友人ge湯底都唔差，惹味，唯獨個巴蜀魚鍋較油，整體都唔錯ge

上次芝士茶及臭臭鍋好令人回味，我們又來了熱鍋價錢沒變，但飲品大幅度加價，以下是上次飲的價錢芝士茶茶八號 $29 ➡️ $34芝士金鳳茶王 $25 ➡️ $32芝士桃桃 $35 ➡️ $39芝士莓莓 $35 ➡️ $39今次也是點了臭臭鍋 $108、韓國泡菜鍋 $112 + $12 滷肉飯點小食酥炸花枝丸 $36香脆彈牙不錯韓國泡菜鍋有豚肉、泡菜、年糕、娃娃菜、豆腐等，豚肉差不多有十數塊，都幾新鮮。不過後來發現少了王餃子（原來沒有供應但又不update menu）、炸薯仔、炸枝竹。泡菜味不算太濃，最想食的餃子沒有了，好似失去靈魂，至於年糕太大條。招牌臭臭鍋有臭豆腐、牛肉片、鴨血、滷大腸、台灣貢丸等等。臭豆腐雖臭但美味，但這個也發現少了米血糕，廚房的錯漏太多了。芝士金鳳茶王 $32，芝士面上沒有可愛logo，茶味算是香濃，味道都不錯。芝士桃桃 $39，芝士不平均又太厚桃味也香甜，不過張檯太小，飲品好快融。

自從上次與友人吃嚐過臭臭鍋後有點念念不忘, 一直想要再吃一遍, 剛好在網上看到這家主打台式鍋物的新餐廳, 就想著試一下好了室內是走白色簡約路線的先來的是小食和飲品~酥炸花枝墨魚丸 ($34)新鮮油炸, 小心被燙到喔~ 口感很爽, 墨魚味濃鹽酥雞扒 ($28)皮脆肉滑, 讓人禁不住連接著吃芝士綠妍 ($30)芝士奶蓋夠香濃厚身, 綠茶味夠奶蓋上的該是店家的自家招牌恐龍公仔? 挺可愛的XD芝芝莓莓 ($39)有新鮮士多啤梨的清甜果香, 奶蓋同樣夠滑夠香是時候說一下是夜主角---鍋物了啊~~~首先, 枱上有著數款醬料, 分別是: 蒜蓉, 醬油, 豆瓣和沙茶醬, 但其實湯底已經十分濃郁, 不加醬料也很夠味啊!招牌臭臭鍋 ($108) 材料有臭豆腐、牛肉片、米血糕、鴨血、滷大腸、台灣貢丸、娃娃菜、椰菜、雲耳、金針菇、鮮冬菇、粟米、蛤蜊、鳴門卷臭豆腐很入味而味道易於入口的, 牛肉和蔬菜也下得慷慨。不過湯底雖然我們選擇了BB辣, 但鍋還是比想像中要辣, 辣味有稍稍蓋過了湯頭和食材的味道, 要不然就更好吃了~沙茶牛肉鍋 ($108)友人點的是沙茶牛肉鍋, 沙茶味挺香的, 材料同樣豐富! 就份量而然, 

有日經過旺角見到有間好光既食肆開左 個裝修感覺上好fresh 有d文青feel 啱晒我啦🤓 所以個晚就即刻捉左個friend去試下啦〰️沙爹牛肉鍋〰️$108呢嗰牛肉鍋一拎到過嚟都已經聞到好香噴噴沙嗲味啦 勁多嘢食啦 有牛肉片/牛肉丸/菜/豆腐/粟米/炸魚皮/鵪鶉蛋等等 而且呢個餐係包埋個公仔麵架 坦白講呀 淨係食個鍋入面既野已經好飽啦 〰️巴蜀烤魚鍋〰️$112大大舊既魚係勁吸睛 魚肉雖然唔係十分嫩口 但係佢吸左個湯底既辣味令個魚惹味左 就算食晒呢個咁大舊既魚都唔會好膩 為左配呢個魚 我特登加$12改左個魯肉飯添呀 其實個飯係好味架 唔會太咸 肉粒又夠多 可惜個鍋真係太多野食 所以只係食左半碗ja〰️芝芝桃桃（下）及芝芝莓莓（上）〰️各$39厚厚既芝士係面好正呀 我個人就鐘意飲晒d芝士先食再繼續飲 我飲既係莓莓 食緊d咁濃味既鍋再飲返呢杯野真係好清新 值得一提呢杯野飲係好似台式飲品店咁係一杯杯㗎 飲唔晒仲可以拎走慢慢嘆

幫襯過幾次，見佢質素好，所以有keep住去，不過今日真心失望咗，仲有啲嬲！😡我明白可能一間食店一開張係點都做得幾好既，慢慢可能有機會有變化，但服務點都唔差得🙈話説，今日帶咗個朋友去幫襯，大家都叫芝士茶茶8號，之前飲開幾好飲，特登唔坐底飲，叫外賣，叫左一杯少甜，一杯正常！我果杯正常既率先整好，用咗矮裝杯，我記得之前黎幫襯都係用高裝杯，而我之前亦都問過高裝杯係比外賣嘅，所以今次唔坐低飲，叫外賣！然後我要求換過隻杯，服務員就話冇得換，朋友果杯就有得用高裝杯！同一時間，另一位服務員都係用高裝杯去整另一杯芝士茶比其他客人！我好不解～ 我之後要求多次換杯，服務員即發脾氣，大力將用具放入洗手盆~ 為咗一隻杯，有如此行為，真心莫名其妙～ 結果拎到飲品之後，發現飲品杯邊外都係芝士漏岀😰 仲要今次芝士溶得超級快～ 我哋行到路口未過馬路，我朋友已經問我，點解成杯茶由茶白兩色咁快變咗做奶白色？變咗飲奶茶！(我之前仲極力推介佢呢間超級好飲，芝士同茶兩種味都分別飲到) 我唯有答佢天氣太熱平時唔係咁！其實一飲就知，芝士變到流質左(好似水)，唔知點解，可能製造formula有啲改變左掛！最搞笑係，飲到差不多最後，仲飲

喺豉油街有間食台灣臭臭鍋嘅餐廳睇落好似唔錯，入邊都有好多款可以揀，又有小食同埋台式飲品火鍋除咗可以配飯或者粉絲，亦都可以加錢配滷肉飯，我哋兩個都加咗滷肉飯，滷肉味道可以再重一啲沙茶牛肉鍋，上面有牛肉片，湯底亦都好濃郁，下面有好多菜，煮到尾聲嘅時候菜給晒個湯底又幾好食另一個日式味增鍋係配豬肉片，豬肉片嘅份量都唔少，下面嘅配料同牛肉鍋差不多，個湯底其實都好夠味道另外我哋又加咗兩個小食，又真係有驚喜，特別係小香腸，外皮夠脆而且味道夠，帶有少許蒜味，真係好想再要多碟鹽酥雞扒，外皮真係好脆，雞肉不會太鞋，如果份量再多啲會更好，哈哈芝士莓莓，都係我第一次飲芝士奶蓋嘅飲品，芝士味好重，如果撈勻左佢黎飲，會更加好飲

只係小小臭嘅臭臭鍋～其實我冇食過臭臭鍋，都ok嘅。雖然最多都係菜，其次係肥牛，仲有一舊冬菇，一片魚蛋，幾嚿豆腐，一片好細嘅豬紅…好在個湯底都ok，用嚟撈飯唔錯至於佢杯宇治抹茶鮮奶，算係奶味偏重，不過同其他手搖飲品鋪頭比較，真係唔算太好…就算堂食都係用膠杯…

今日HAPPY FRIDAY同老公去左旺角買下野同周圍行下, 台頭望一望有個好CUTE好可愛的廣告牌, SOUP &RICE 我地就去睇下夠竟係食咩? 開頭只睇SIGNAGE 同埋門面都以為係CAFE, 不過入到舖發現一陣好濃烈既味道, 正呀! 係臭臭鍋. 再望望MENU 原來係台灣料理有台式飲品同臭臭鍋食嫁.呢樣野令到我地都決定排隊食. 真係好好生意所以都等左成大半個鐘先有位, 好既係店內所有姐姐都好好人, 佢地做到金精火眼都冇黑面同冇禮貌, 仲好好人咁介紹食物俾我地! 好開心...大讚!先有柚子蜜雞翼... 炸左既雞翼上面加左柚子汁. 味道正常唔算好特別.鹽酥雞扒炸得好酥香, 有D 令到我掛住夜市既炸鹽酥雞老公叫左一個招牌臭臭鍋加錢配一個滷肉飯. 食晒台灣最出色既食物! 臭臭鍋真係好香, 臭豆腐做得好出色! 中間仲有米血糕, 大豆芽, 鵪鶉蛋等等唔同既食物. 滷肉飯就係特瘦既, 所以一點都唔油, 可以安心大大啖食.呢個係店員姐姐介紹最抵又最好味既韓式泡菜鍋. 有菜同泡菜豬肉年糕仲有公仔麵...  姐姐話呢個係最抵食既因為有埋公仔麵. 套餐我就跟左粉絲冇要飯... 個鍋好好味, 有D

行旺角行到攰發現呢間湯米有得飲芝士奶蓋 即刻衝入去買黎飲xd等既期間見到啲人食臭臭鍋食到好開心好吸引 所以直接係個到dinner埋🤣芝士莓莓🍓有果肉一啲都唔馬虎嫁！芝士仲好多好厚 一啲都唔慳👍🏻芝士桃桃🍑清甜 配咸咸既芝士奶蓋飲 口感一流👍🏻叫左涼拌青瓜 味道偏咸而唔係平時食開既酸 份量超多🤣若果再涼些少會較好炸花枝丸🍡正 建議可追加 外脆內彈牙同男朋友一人一鍋 佢食招牌臭臭鍋 我食韓式泡菜鍋！可能因為本住食台灣野既心 所以覺得招牌臭臭鍋係好味啲🤣最後搶左佢個個黎食！聞落有臭味 食落都有少少 正😋 火鍋入面配料超滿 同埋好多不同款 搵極都有驚喜🤣火鍋加芝士奶蓋茶呢個配搭真係好邪惡！但我十分鍾意！會再黎食！🤤