湯•米 (Changed Hand) New Restaurant

近期真係好興一人一鍋，旺角入面都有十幾間！但..點解最後我會選擇呢間架啦，原因係因為...超鐘意佢仲有食既野台式飲品部呀 臭臭鍋又點小得一杯好飲既台式飲品拼在一起先得架！好睇一睇餐牌先...旺角黎講，價錢好合理！選擇都幾多，我老公叫左出名既臭臭鍋，而我就叫左藥膳鍋。臭臭鍋黎啦，好臭既臭豆腐呀！我老公即刻話正，你食啦唔該😆每個鍋都有唔同既材料，臭臭鍋有臭豆腐，牛肉，豬紅，米血糕...好多台灣既特產，因為我好多都唔食既，但我都有試下個湯底，好香！其實既野，我見老公食得好開心！差不多清哂...咁唔洗講都知好食啦我呢。叫左個扮哂健康既藥膳鍋，我真係好鐘意藥膳既味道！好香，好清甜材料好豐富，豬肉片好好味！除左豬，入面仲有雞件，唯一唔好係...魚皮點會一齊，淋哂啦...除此之外，其實好大鍋，份糧好足料每個鍋都會跟一個粉絲或者飯，仲可以加錢要滷肉飯tim! 正野飲我地叫左水果茶同芝士茶茶8號芝士好喜歡！超喜歡的好飲！上面仲有隻可愛公仔tim! 茶清芝士濃厚，我喜歡💕水果茶用料都好十足，清新，好飲！

招牌臭臭鍋（$108)今次試嘅係呢間由將軍澳殺入旺角嘅臭臭鍋 #湯米 😍咁嚟到梗係要試吓佢哋個招牌臭臭鍋啦😎 臭臭鍋湯底聞落少少臭，但食落都幾正，仲食到臭豆腐、肥牛、滷腸、貢丸同米血糕等等，配埋粉絲都幾好食。沙茶牛肉鍋($108)沙茶牛肉鍋雖然配料同臭臭鍋差唔多，但因為佢落左更多沙茶醬，所以味道更濃郁，啱晒更鍾意濃味嘅朋友，配料都係咁豐富，蔬菜份量都好多，仲配左公仔麵可以吸收湯底嘅日月精華☺️小食方面，叫咗台灣夜市小香腸($26)同埋鹽酥雞扒($28)，香腸味道啱啱好，鹽酥雞扒炸到又脆又嫩，兩樣都幾好食。呢度最特別之處係佢仲有台式飲品，我哋就叫咗🍓芝士莓莓($35)同埋☕️芝士茶茶8號($29)，兩杯嘅奶蓋味都幾香，做得絕對唔差得過其他坊間嘅台式飲品店，整體餐廳質素不俗，可以一試👌🏻

聽講呢度有得食特色台灣臭臭鍋加類似喜茶嘅芝芝系列 我就毫不猶豫地入了這間餐廳😍連裝修也走台灣文青風 很像之前台灣去的咖啡店😆餐牌較簡單 每日選一個自己喜歡吃的鍋 然後再加台式飲品便可 仲有一些台灣夜市小吃🤤我愛吃海鮮 點了個泰式海鮮鍋 $112 湯底是冬陰公湯 微微辣 很香而且濃郁😚 海鮮不算多 有海蝦 青口 蜆！海蝦肉質厚實 食落啖啖肉！ 而其他配料也很多 番茄娃娃菜椰菜金針菇冬菇豆角等等😆 跟鍋還送一個麵或粉 我的選了粉絲 因為可以吸多點湯底的精華 朋友選了公仔面 🙈沙茶牛肉鍋 $108 沙茶湯底濃郁 略油膩 而且牛肉份量多 肉質鮮嫩肥美 加上沙茶湯底配合一流🤤 配菜豐富 更海鮮鍋一樣多！ 台灣夜市小香腸 外皮煎得香脆可口 完全沒有烤焦 細心咁切開一小片的 好快就食哂😆👍柚子蜜雞翼 燒得較乾身 但外皮脆脆的 食落甜甜的柚子蜜 令雞翼清甜 減少油膩感😆今晚主角 一路火鍋都係靠佢解渴 冰涼透心 我叫了芝芝莓莓 好新鮮嘅草莓 佔滿了成杯 味道酸酸甜甜的 配合埋香甜濃郁的芝士 而最底仲有果肉 果然好freah 好幸福☺️朋友的芝芝桃桃 同樣很不錯 唔會太甜 中和翻火鍋的油膩！ 果然芝士水果茶

呢排中意左食一人鍋！好多野食之餘又夠飽😂我同朋友叫左2個鍋仲貪心到叫埋鹽酥雞扒肉份量非常足夠，啱晒我朋友呢啲食肉獸配料款式亦足夠我地嗌左小辣諗住我地廢廢地食辣但小辣略嫌唔夠辣，喜愛辣嘅人建議由中辣開始，但湯底味道濃郁，配上粉絲一流仲有雞扒麻煩必試！如果食得落因為真係外脆肉嫩，多汁，唔會話太多肥肉朋友未返過大陸入喜茶所以覺得呢啲飲品好奇怪點知佢話芝士和烏龍茶出奇地夾，值得推介我個芝芝莓莓都幾好飲😍同喜茶比都有7成一樣味所以整體好值得推介！

岩好落大雨勁凍食返個鍋暖下收工去到都差唔多9點但都係坐滿人好在有book位本身想試佢既臭臭鍋但見無人食最後食咗沙茶牛肉鍋好好食，好多牛食完勁飽佢既野飲好似喜茶比起街上野飲店佢算係唔差，幾好飲又唔會太甜，推介喔

自從在台灣夜市吃過臭豆腐，就愛上了，知道香港有臭臭鍋，即刻約朋友陪我試！餐廳冷氣夠，所以不怕吃完身上會有一陣火鍋味！一共有9款鍋，吃辣和不吃辣都兼顧到！可以跟據自己喜好點湯底！一人一鍋，一個人獨食也可以！我點了招牌臭臭鍋，朋友點了沙茶牛肉鍋，都是小辣！可以跟飯或公仔麵或粉絲！這裡的飲品都好有台灣特色！皇牌是芝士茶茶八號，奶蓋上有個好可愛的公仔！茶味很清，加奶蓋出奇地夾，清而不膩！朋友的芝士桃桃也很吸引，有很多桃肉！小食點了一份酥炸花枝墨魚丸，外脆，裡面有粒粒花枝粒！店員會幫你點火！沙茶湯底濃郁！我的鍋會隱若嗅到臭豆腐味，不會很濃！鍋的材料真的非常豐富！牛肉片、娃娃菜、米血糕、大腸、豬紅、沙白、鵪鶉蛋、炸枝竹！米血糕軟糯有咬口一個鍋都好夠飽，一邊烚下烚下，一邊談天，滋味又relax！

多數鍋都可以自選辣度 每個鍋跟粉絲或白飯（泡菜鍋可跟公仔麵）.🔹招牌臭臭鍋 $108我嗌左中辣 愈食愈辣 下次嗌返小辣會好d🙈臭豆腐真係唔好臭 係食落先有小小臭豆腐味娃娃菜亦都係勁多 食極都仲用 鴨血好薄味道其實似豬紅我配左飯食又幾好味 一啖餸一啖飯 好快就食哂.🔹韓國泡菜鍋 $112無錯 係部隊鍋d fd😂 呢個係唯一一個鍋係原本已經有半個公仔麵 係飽到食唔哂嘅同埋呢個鍋會比較吸湯 食左一半可能要加湯 吸哂湯嘅時候會變到好似食緊韓式年糕咁（同埋餐牌明明話有餃子但無 同行嗌左2個泡菜鍋都無）.🔹香辣牛肉鍋 $108唔係d咩特別嘅湯底 鍋中配料都係平時打邊爐嘅料 普普通通嘅一人火鍋-飲品都幾多選擇🔹芝士金鳳茶王 $25🔹芝士莓莓 $35🔹芝士凍頂烏龍 $27🔹珍珠奶茶 $21.飲品黎講真係很普通 價錢平過出面台式飲品店小小以我咁鐘意芝士奶蓋黎講 呢個係幾低分嘅 芝士味淡亦都較稀茶味都係偏淡 3杯都係 而莓莓其實可以落多小小.當佢係一人火鍋黎講都ok嘅 而且位置方便.5/10

一直都想試吓臭臭鍋，但係就覺得係將軍澳嘅湯米有啲遠，近排佢係旺角開分店，所以我特登就約男朋友一齊去食晚飯。去到嗰度發覺都幾多人，我哋等左一陣，就入到去。喱到係專食一人火鍋嘅，大概有八款嘅火鍋可以俾你揀，我就梗係試吓招牌嘅臭臭鍋，而男朋友就點左咖哩奶蓋鍋，因為好似幾特別。招牌臭臭鍋：招牌臭臭鍋係有啲臭豆腐，鴨血，個湯底好惹味，佢類似係沙嗲喎湯底，但係就加左啲臭豆腐味，都幾特別，我覺得應該要食吓，而且比男朋友嗰個咖喱湯底好味。佢啲料就尚算幾好，牛肉都幾滑。咖喱奶蓋鍋：個咖喱奶蓋鍋有啲辣，冇乜奶味，好重嘅咖喱味。其實每一個鍋啲材料都差唔多，牛肉真係幾好味。台灣腸：呢個小食幾好味，好juicy，都值得叫。青口大蝦我哋仲叫咗青口大蝦做配料，幾新鮮。我覺得呢度嘅飲品都好好飲，非常推薦大家。芝士桃桃：喱個好好飲呀，好濃嘅芝士味同埋桃味，但係就有少少甜，等啲冰融左就啱啱好，或者下次可以叫少甜。芝士茶茶8號：喱一個都勁好飲，佢唔係好甜，啲茶好香，而佢係奶蓋咁樣， 45度傾斜飲，就可以同時飲到芝士同埋茶，好夾，杯茶唔會覺得太膩。性格比好高嘅餐廳！

朋友呢頭番工，話最近開左好多新餐廳，所以就約過黎試下. 今次食呢間叫湯米，一開始約佢時候仲行錯左入隔離湯加， 然後湯加隔離係漁米. 所以，係姊妹店定從中得到靈感而起名嗎😂🤣一人邊爐味道選擇頗多，而且睇落都好豐富吸引.最後選擇左2號巴蜀烤魚$112 同埋7號咖哩奶蓋.等候過程中根據佢menu perfect match 比例調配左沙茶同豆瓣醬油. 呢d 小tips 蠻貼心. 除左邊爐，亦追加左2個小食. 臭豆腐同麻辣雞翼. 麻辣雞翼外層微脆，可惜麻辣味偏弱，略嫌唔太夠惹味臭豆腐係我一時興起想試下，因為個樣睇落幾靚咁. 其實之前同fd 都之前仲未食過臭豆腐，所以亦無從比較其味道是否正宗. 以一個唔食臭豆腐人口味黎講，佢既“臭”味無街邊聞到既咁強烈，所以頗易入口. 入口就會食到啖啖臭豆腐味道，好難形容其獨特味道. 臭豆腐beginner 都可以一試，最後食哂，不過個人口味就覺得其味道口感普通啦第一個煲黎到，巴蜀烤魚窩$112鮸魚size都唔細，同menu 一樣. 魚皮之前煎香過，魚肉嫩滑，不錯. 湯底主要麻辣味，選左小辣都幾惹味. 另一個選左聽落幾特別咖哩奶蓋$108 奶蓋mix 埋其實似係

週末旺角看完戲後，就來試試新開張的湯‧米。這裡的裝橫既簡潔又美，給人一種很舒服的感覺。4種醬料任你配搭由於我們食量不大，就只點了一個巴蜀烤魚鍋 小辣 ($112) 配台式滷肉飯 (+$12) 和粉絲 ($15)，整鍋都十分足料，烤魚、薯仔、菜和其他配料都很入味，小辣已經頗辣，但吃下口也不覺辛苦，反而越吃越爽呢。滷肉飯的滷肉肥瘦恰到好處，味道也不錯。另外我們加了台灣貢丸 ($32)，是女朋友最愛，都ok的。小食方面，先點了鹽酥雞扒 ($28) ，價錢便宜，雞扒外脆，內裡卻很滑很嫩，十分推介。酥炸花枝墨魚丸 ($34) 炸到金黃色的墨魚丸十分彈牙爽口，感覺很新鮮，沾上甜酸醬就更加好味。前兩者十分出色，相比下，麻辣雞翼 ($26) 就較為遜色了，可能先吃了烤魚鍋的關係，雞翼不怎覺有麻辣味，3隻的份量也較少。來到這兒當然不得不提麻辣臭豆腐 ($38) 啦， 本身是不吃臭豆腐的，不過這裡的臭豆腐沒有街那種臭味，豆腐蠻嫩的，不會很乾，容易入口。芝士莓莓 ($35) 不會太溜又失濃濃的芝士味，配合草莓的感覺酸酸甜甜的，恰到好處 。超級杯水果綠妍 ($35) 十分解喝，味道也剛剛好。

2個人想打邊爐，酒樓任食火鍋太多不適合，所以來湯米每人一鍋也是不錯的選擇。飲品是最新的芝士茶熱潮。芝士茶茶八號 $29飲芝士茶我多數不用飲管，就這樣大口飲，芝士連茶一齊品嚐。香濃幼滑而不甜的芝士奶泡，夾著中濃度的綠茶，非常之美味。芝士桃桃 $35芝士味一樣香濃，而桃味意想不到的甜美，似是原個真桃打成，好有驚喜！朋友點了前面的招牌臭臭鍋 $108另外我點了藥膳豚肉鍋 $120，另加滷肉飯 $12，滷肉入味又不鹹。招牌臭臭鍋有臭豆腐、牛肉片、米血糕、鴨血、滷大腸、台灣貢丸、雲耳、金菇等等。叫臭臭鍋因爲有臭豆腐，原來都幾臭架，哈哈，至於米血糕細細粒質感如糯米糕好特別，而牛肉片都有好多塊。藥膳豚肉鍋有豚肉、紅棗、枸杞、椰菜、金菇、冬菇、粟米、豆腐等等，湯底的藥材味適中，豚肉片也是好多片，味道不錯。而粟米好甜、豆腐幾滑，用料也是新鮮。飲品確實令人回味，離開時也點了另一款芝士金鳳茶王 $25，這個茶味最重，與芝士味一起剛剛好，很適合我。繼大陸喜茶後，在香港最美味又經濟的芝士茶！

第1次食臭臭鍋呀☺ 好似黎左香港都有1段時間都未食過~~ 搵到間地方靚又好坐既就1於試下新野✌🏻✌🏻同朋友2個一人一鍋, 本身都諗住會食唔哂, 但係都岩岩好~~ 仲有另外叫左1人1杯野飲, 同1個小食.. 我就叫左泡菜豬肉, 哩個鍋入面本身已經有半個公仔面, 所以係1定夠哂食呀🤪 同埋個湯真係好好飲, 好飲到要係咁加湯🤭另外朋友就叫左個比較特別既奶蓋咖哩鍋😂😂 雖然聽落好似好怪? 但係食落就真係完全唔係個回事呀~~ 係估唔到個味係會咁夾... 好後悔冇叫到個白飯撈黎食😔😔柚子雞亦...野飲其實都係好好飲, 真係係SO FAR我自己飲過最好飲既奶蓋烏龍☺☺💕

見到餐廳入面光猛企理，而且亦有大量台式飲品。天氣咁熱，一於入去試下啦❤️總共有九款唔同嘅鍋物，任君選擇。不過今日嚟到有幾款都咁啱賣曬😭仲可以另外叫小食同埋銅物配料😏而最開心嘅係佢哋有好多款唔同嘅台式飲品選擇❤️❤️如果時間早既朋友，可以嚟食佢哋嘅set lunch㗎😊食鍋物之前，就梗係要落一啲調味料啦😍等咗陣我哋嘅芝士桃桃同埋芝士8號茶終於嚟喇。 芝士桃桃味道較淡，加上咸咸嘅芝士幾好味㗎！而8號茶飲落有啲似珍珠奶茶嘅味道，都唔錯㗎😋酸酸甜甜嘅柚子雞翼，雞翼唔算好大隻，不過食落幾開胃❤️泰式海鮮鍋嚟到啦！一開波以為佢唔會好辣，點知食到後期，開始覺得佢啲辣味好出。因為下面有個火坐住，所以啲辣味越煮越出。而上面兩隻大蝦係先炸香佢嫁！而且配料充足，酸辣味道香濃，一鍋都已經好夠食👍🏿而呢個日式鍋，一嚟到見到大量豬肉喺面，真係好抵食！ 而且仲有啲蟹柳，豆腐，菜等等。 而每個鍋可以俾你選擇跟飯，粉絲或者公仔麵。🤤識食就梗係要粉絲，索曬啲湯汁，夠曬惹味🤩見媽媽咁鍾意食海鮮，另外再追加多個海蝦拼青口。好滿足呀❤️環境舒適，價錢公道。仲有免費wi-fi上網😍值得一試嫁！

旺角臭臭鍋推介之選。先講環境真是值得一讚 光猛企理乾淨。店員友善又有笑容 未食已經開心左一半。記得試下小店推介既完美醬料比例 幾惹味～臭臭鍋有9種選擇～ 我揀左招牌臭臭鍋 湯底唔會太油膩 有淡淡的沙茶香 微微辣。配料好多架！牛肉片 豬腸 貢丸 鴨血 米血糕 臭豆腐等等 好足料。臭臭鍋 仲會配上粉絲/公仔麵。如果兩個女生 我就覺得可以一個鍋 再加配料。好多台灣地道小食 我地揀左酥炸花枝丸 正～ 香脆惹味 夠曬彈牙又粒粒花枝 yummy飲品 必試！滿杯紅柚子 好清新 絕對係夏日之選。唔會太甜 香香的西柚味 配上臭臭鍋 有解膩既作用添～ 我下次經過麵要外賣其他招牌飲品 好像好正 哈哈～

經朋友食過數次後，再介紹俾我果然沒介紹錯只係鋪面比較不明顯，到最後要打電話去先搵到😅😅洗手間不太整潔，希望有待改善到店後先看看餐牌，價錢合理經openrice訂座仲有9折今次2人行，每人叫佐一個鍋同一杯飲品每個鍋仲會跟一個 飯/麵/粉絲我同朋友都揀佐粉絲，鐘意佢放入湯煮會特別入味。😋每款辣鍋，仲可以因應自己食多少辣既程度選擇😄湯好濃郁，所有配料都好夠味😋豆腐夠晒臭，好正😍煮耐佐後，越食越似沙嗲味但一樣好食😝魚肉係湯內煮好入味，魚皮都煎得好脆配料都係一樣好味😋只係揀佐小辣，個人黎講已經好夠怕太辣食唔出d食物味😆之前從沒飲過芝士茶既我，第一次飲仲照杯上說明，打開杯蓋傾斜45℃飲果然，一點都無令我失望😍😍飲到表面既芝士同時又飲到茶最後食到好飽都有飲晒同樣沒令我地失望，好香既士多啤梨味真材實料👍🏼👍🏼總結係 : 以後同朋友食飯終於多一個選擇了😝😝