拾祝 (Closed)

瑤柱杏汁燉豬肺湯 - $65買返黎係冰, 要放入冰格儲存!想飲湯就直接係冰格拎出嚟, 毋需拆袋, 連袋放入熱水加熱10-15分鐘就可😎😎幾足料! 有原粒瑤柱同有塊豬肺, 豬肺爽口唔腥, 杏汁都幾香同好濃郁! 好似食緊杏仁咁, 同埋無咩味精, 好清甜🤭🤭雖然價錢唔平, 不過有煲過呢款湯都明白係要用唔少時間同心機處理豬肺 👉🏻👈🏻我真係少時間去煲, 想飲唯有比錢買😳

我係一個湯精，但屋企甚小煲湯，出外食飯都只有例水，所以都幾留意有專賣湯水既食店，未有疫情之前一班同事會一齊ORDER湯連飯既套餐外賣，湯壺送到，依家疫情感覺吾太衛生！真係好懷念天氣凍時飲返個奶白豬肺湯，真係正都無得頂呀！有日發現叫開果間原來咁近公司有門市，即刻買返個回味一下！每日都有五至六款湯，今次叫左個姬松茸響螺淮山蓮子西施骨湯，湯包連湯料會預熱，另外會俾一個紙杯，返到公司倒出來已經聞到香味同埋唔油，份量都應該有兩碗，湯料都唔小要有既材料都有齊，食埋相當充實另外飯餸套餐連飲品(茶或汽水)都同樣有五至六款，當中有一款會特別優惠。簡簡單單既紅棗雲耳蒸雞，再加碗湯，甚有家的感覺

忘記了給少飯以前叫少飯都會俾多兩條菜而家一早pack好，根本冇睇remark 以前有套餐可叫餸飯加湯而家要分開叫，買貴左好多兩樣加埋要一舊水以前大概六七十雖然個湯係好好飲小薯銀彈有限好難繼續支持落去

章魚蓮藕冬菇排骨湯, 超足料好好味,好耐都沒有試過咁WARM的感覺，跟住講下大家對食物的睇法, 真係好接近, 所以攪到日日都要去下, 問心由15年開始沒有寫過食評了, 現在有信心可以寫返, 因為有質素。

鰂魚涌街坊福音，價錢ok，家常小菜好食。今日晏晝落舖外賣自取，即叫即準備，等咗大約5分鐘，個湯係用長洲果汁嗰款野飲袋裝起，連湯渣，唔怕行走中會倒瀉。第三次食，食物質素唔錯，加油！

拾祝嘅靚湯一向都好受同事歡迎, 通常我都會連飯一齊買. 但今日天氣實在太熱了, 一行出街又曬又焗, 搞到個人都無咩胃口食飯...好彩今個禮拜多咗個選擇就係 “日式麻醬雞絲菠菜粉皮” ! 食落好開胃, 菠菜粉皮新鮮得嚟亦感覺比普通粉皮更健康.(下次要多麻醬, 仲正😋)今日飲呢個 “羊肚菌瑤柱螺頭瘦肉湯” 亦保持一貫水準好足料, 好夠份量.對於我呢d 無飯食無住家湯飲嘅 “無飯家庭” 嚟講, 公司附近有呢間拾祝真係好感恩🙏🏻🙏🏻PS 外賣自取有得減 $4 !

叫左沙薑雞＋湯套餐. 外賣自取. 良心小店，值得支持！1. 沙薑雞推薦要試. 有已去骨既雞，仲有青瓜，蘿蔔絲，加埋沙薑汁，好啱送飯！2. 湯。。。。。唔記得個名分量足夠同有好多渣，佢個飯盒有特別設計，食完成包湯倒落去飲就ok 服務都友善有禮佢個menu 睇落會成日轉，分左星期1 to 日咁，係office 做野既黎食都應該唔會boring.......旁邊有d枱，不過唔sure係咪可以堂食。。。有機會會再幫襯。加油！

The coconut soup colleague got from here yesterday was yummy so I decided to order their daily soup with chicken rice today. I like the packaging- the soup was sealed in a plastic bag. When I got back to the office, I unsealed the bag and poured the soup into the container that came when it. Soup was still piping hot, smelt very good and tasted equally good. Also finished all the chicken with rice. For $65, no complaints at all. Will def order again. 👍🏼

未食過既真係好值得試下，今次試左胡椒豬肚湯很夠味，用料很豐富，無味精，超讚！另外試左沙薑雞飯，飯大細適中，好味，一定會再光顧。不過如果有得用外賣app 買就更好。

因為新型肺炎依家咩都叫外賣本來想食CHAMPER但係人都多唔想去食行下行下見到依間新野就去試下價錢定位以中式黎講不便宜 但係依家D湯水舖都好似唔平叫左可樂雞翼+花膠姬松茸湯(另外+$$$)飯餸分開匙羹造型方便食野飲湯 筷子另外獨立包裝 但係同匙羹一齊包裝唔係更好????餸菜味道真係好一般般雞翼淡而無味 得4隻 但係飯就唔少以中式老火湯黎講 湯水亦都係一般般對於鐘意飲湯GE人或者成日都有飲開屋企湯水GE人黎講 係無咩驚喜無咩特別之處

本人公司在附近，見到有新店，即管試試。早３個月前還很好，所以再次幫襯，點知出事！同埋幾位同事叫外賣，又話120蚊免費送貨，點知等咗好耐，再打電話落去，一句話無人，最後要自己落去攞！服務態度唔洗講(一個字差+惡劣)。食物質素原全唔掂燉湯無味湯渣似嘔吐物、 蒸飯４款，無款掂！絕對無下次！鰂魚涌真係有好多選擇，點解要幫襯你。因為你公司標榜每日新鮮製作，無味精燉湯、蒸飯(係無味道+難食)。咁點做食物，唔好再害人。唔知佢點開食肆等執

我經常去幫襯，點解？因為佢地店舖每款湯料都落足，老闆娘每次都好有禮貌，所以一定會繼續幫襯，仲有老闆娘知道我地係附近返工既打工仔，除左要湯水外，仲想食到屋企既住家飯，專登整埋唔同既菜式，一流！佢地keep住都有4款菜式可以選擇，每幾星期就會轉菜式，怕我地食到悶🙊🙊，咁貼心為我地諗，好感動😭😭我好鍾意佢地既餐具😍😍好靚同重用都得，見到老闆娘係真心去做每一個客既需要，值得值得去試，我啲同事都話無得頂👍🏻👍🏻👍🏻👍🏻

平時係少屋企飯食，食親都係茶記，難得屋企附近有間咁高質嘅蒸飯加靚湯嘅舖頭，小弟長返夜，有啲湯水補下確係好重要，黑蒜湯令我印象最難忘，蒸飯未叫最好但有水準，所有食品都冇落味精，特別要再讚下個湯嘅包裝，好方便，翻熱又容易，老闆娘好好人，特別係近排武肺嘅時候，佢會去諗好多加強免疫力及強肺補身嘅湯水，所以各位絕對值得一試

每一日lunch 要諗食咩真係諗到頭都大埋，返工已經辛苦。點知～今日經過鰂魚涌呢間鋪見到個寫住（每日新鮮製作），再望原來係我至愛食既蒸飯同埋無味精湯，立刻入去，店員已經好有禮貌地介紹每日有咩湯同蒸飯，非常好今日我揀左（蝦米土魷蒸肉餅＋花膠姬松茸瑤柱螺片湯），嘩，肉餅好好味🤩，好有家既感覺！再試埋個湯冇得頂呀，以我多年飲湯既經驗，真係新鮮製作＋冇味精，又足料，價錢又抵幾位女店員好好人，又好傾，好有耐性介紹每款食物，我一定會經常幫襯！仲有仲有，個筷子好靚，店員話係經過消毒既，絕對無用漂白水❌，硫酸❌，雙氧水❌，硫磺❌浸泡！食得健康又好味我終於搵到我既飯堂啦🤩💕

看到新開業、抱住一個新賞試一下，可惜、實在令人非常之失望、難飲到極點、不收錢也不會再幫襯、服務態度非常惡劣、食品非常差、根本就唔心去做一些美味的食物、送錢给我也不會再幫襯