慢煮工房 (Closed)

今日休息,同太太一起食lunch.首選都係食西餐..... 今次試吓慢煮, 因要在食lunch後買北海道熊牧場馬油,所以選咗樓下呢間.叫咗兩個set lunch, 我叫咗安格斯牛仔肋, 太太叫咗個西班牙橡果豬肋排. 先嚟個甘筍湯, 雖然细碗.....但味道都幾好味, 跟住主菜上我的安格斯牛仔肋😛, 口感似牛腩, 心想全熟牛仔肋比較"嚡", 食落有幾好, 配埋佢哋自家整嘅芥辣, 味道一流.太太選的豬肋排, 醬汁酸酸地配豬肋排非常一流, 不會太肥膩. 最後餐飲系特濃咖啡, 太太因為飲唔慣特濃咖啡, 所以加咗啲糖, 女店員話啲糖加咗少少雲呢拿, 令啲糖比較乾身d, 加咗落啲咖啡都未到都幾好飲😛😛.如果大家食開西餐, 想又試下另一個口味 ..... 可以考慮試慢煮西餐, 一個幾好的選擇👍👍👍👍.

觀塘區越來越多新的食店，想食好野有時都要「瓹窿瓹罅」。上個星期六約左朋友去觀塘，佢平日喺觀塘區返工，試過去慢煮工房食Lunch，感覺不錯，所以帶我去試下個假日Menu。餐廳係開放式廚房設計，地方不算太大，但個假日餐牌又幾豐富，可以滿足鍾意食肉既朋友，同時鍾意食得Light啲既女仔都有選擇。我其實週末就想食得清啲，所以點左個Rocamadour Cheese Salad。出人意表地個沙律都幾足料，份量亦絕不吝嗇。隻芝士襯起個象葉生菜又幾好味，芝士本身個味都算濃，配合生菜同橄欖油黑醋就啱啱好。仲加左好多合桃同紅莓乾，令個沙律更加多層次。合桃焗過好香口，Craneberry乾帶少少酸，好開胃。依個沙律既配搭我非常滿意，外面成日都係食Caesar Salad，偶然都要換下口味。

試過觀塘很多工廈的食肆，通常感覺都是平價的一般貨式，但這次“sous vide”的經驗非常不一樣，所以特別寫一下食評。餐廳主打慢煮菜式，肉質好才可以發揮慢煮功力。以前吃過另外一家慢煮，價錢是便宜，但肉質很差，效果強差人意。這家店走優質路線，是小數真正的慢煮餐廳。首先，建議大家訂位，上周五過來逛想walk-in但滿座，所以這次是預先訂位。我們挑了豬鞍和牛利。豬鞍賣相非常高級，完全看不出是工廈食物，感覺更像米芝蓮餐廳的樣子。豬鞍使用西班牙黑毛豬，切下去肉質非常柔軟，因為慢煮關係，肉汁完全保留，好juicy。而且可能是黑毛豬關係，after taste 很長。牛利用傳統法式鍋出，牛利慢煮後很“臨”,從來沒有試過這種質感。整體來說非常出色，建議老闆多點介紹，如“sous vide”是慢煮的意思（我在網上查才知道）,不同才式的由來等給顧客，別埋沒好東西。

捱了幾天外賣飯盒，今午較清閒，決定岀去走走吃個中午飯。四眼仔最近失戀，沒精打采，便拉他一起去，散散心。聽同事説公司附近工廈有間新開不久的慢煮餐廳，高檔好食但價錢不算貴，便去試試。店不大，去到已見八成滿，只能坐近門口。午餐價錢由七十至百多元，不收加一。我們選了紅酒燴牛仔肋及墨西哥燻醬厚切豬扒。湯是南瓜湯，很香滑，飲完仍覺不夠喉，真希望再來一碗。主菜牛仔肋超好味，少少辣，少少甜，又稔又入味，滿滿紅酒香味。厚切豬扒因為是慢煮，又嫰又多肉汁，那墨西哥醬味道特別，刺激味蕾，很有驚喜，四眼仔吃得津津有味，看來美食確能撫慰他失戀的心情。飲品我們選了咖啡，提提神。 一星期獎勵自己一次也不為過。好，下星期約埋Honey再來！

是日 舊同事生日我們選擇去呢間以慢煮為主題嘅餐廳跟他們慶祝當日我先去到法國發覺差唔多成間餐廳都比人book左位係我入去嘅時候我就多口問了句'可唔可以係甜品上寫上happy birthday ' 送給同事待應話'早訂位時可以'那時我心想，即時訂位時要同佢講定現在沒有，咁算啦而我就一早book 左8位 點知突然多了四位同事黎左係呢個情況之下待應首先拒絕不給我另外四位同事入場 （明白待應原因）我就問可否可坐逼點跟我們同台侍應拒絕之後佢就安排佢地坐一張四人枱咁我當然好多謝佢啦願意咁樣比一張枱我另外嗰四位同事但到我走的時候 都發現除了我地 以及另外一張大台外 都無人入黎午餐時間只有一個小時 店內只有一個待應次次叫他只有等等這點都令我們覺得無奈大家應該都知道慢煮的特徵就是可以保持肉質鮮嫩同鎖住佢嘅水份我點了一個豬扒飯味道 及賣相的確唔差但是 肉質硬左dd亦唔係太juicy 失望左既反而同事們order 的牛肋骨口感好腍亦好juicy無啦啦，待應過來問我'你未比字我'我個刻完全不知道發生什麼事他語氣愈來愈差跟我說你剛才要寫字我才知道他說什麼這個紫薯甜品紫薯味道香濃唔差其實，這家店食品唔差個個吃後都讚

星期六帶埋啲小朋友去觀塘買野，行到下午有點攰，想試下啲有新意既菜式，唔想又去茶餐廳。剛剛經過依間主打慢煮料理既餐廳，試下又無妨。進去時見到幾枱客既碟頭都份量十足，帶著啲小朋友就啱哂啦！叫咗個厚切豬扒配煙燻醬同番茄意大利麵，同埋個假日特級拼盤。我覺得個厚切豬扒慢煮過肉質幾稔，有肉汁得泥又幾香，小朋友都可以食到。個煙燻醬又幾襯，依個配搭夠香口啲小朋友好鍾意。仲有個意粉幾啱我個人口味，因為真係有蕃茄既酸味，好開胃。個假日拼盤先誇張，又有炸魚，又有漢堡扒，又有炸雞翼，仲有薯條！！我個仔到啲薯條雞翼就開心到拍手掌。小朋友通常都係好簡單。值得一讚既係幾款炸物都的確做得好好，食得出係新鮮炸既，調味又好有心思，用香茅去襯個炸魚我好鍾意，感覺有啲泰國風味，一啲都唔漏。炸雞翼俾我個仔食哂，佢話好好食喎。個薯條啲調味粉好正，又大條。一家大細泥食都唔錯架，個假日MENU都好多選擇，下次再泥試過！

在街道見到招牌 打去問佢 佢話依加有位就即刻上去裝修簡潔 格調情調都好有feel叫左個carbonara同慢煮20安士牛牛🤤牛肉medium 上 意粉夠creamy 意粉好食意粉夠軟 索晒啲濃厚汁意外係個配菜薯仔，好入味😍沙律醋都值得一讚❤️

很多人說慢煮是法式高級料理，但近年已越來越普遍。很多餐廳都有一兩道慢煮菜式，不過觀塘區一向都是以速食為主，慢煮概念或許還未普及。上星期五與兩個同事放工後到這間餐廳食晚飯，點了個慢煮法式小鍋牛脷配蕃茄醬紅米飯、慢煮西班牙伊比利豬鞍配北印度乾果飯和慢煮美國安格斯肉眼配法式焗忌廉薯。對於我地一班食肉獸來說，真是開心！這兒的食物都幾特別，慢煮過的肉的確可以保留肉汁。外面的餐牌都千篇一律，沉悶的話不妨到慢煮工房一試。

週末去完拜山，跟手落觀塘行下工廈，見到呢間慢煮，就諗住入去試下，入到去入面人唔算多，侍應安排我地坐最入，但都有啲蚊芝仔飛來飛去，所以要調返出門口，跟住我地order完等左大約45分鐘先有得食，真係慢煮囉……跟住野食上台，我地叫左一牛肋排，一豬肋骨，同一豬扒餐，第一啲野唔夠熱，第二啲扒真係好普通，第三把刀完全唔夠利，味道可以話係好差，唔鮮唔嫩，過熟，直頭浪費左塊肉……絕對唔會再黎，因為之前食過慢煮第二間既系列，所以完全可以分辨得出同作比較，百幾蚊一個餐完全唔值

觀塘工業區原來有好多嘢食，今次嚟到駱駝漆工業大廈4樓嘅慢煮工房，一行八人，經過推介下，就試咗呢間餐廳。去到大約有八個套餐可以選擇，有肉眼扒、雞肉、豬鞍等，我哋八個人分別叫咗大約四、五款嘅嘢食。首先個套餐有兩款唔同嘅餐包，一款係咖啡色，一款就係蒜蓉包。前菜係沙律，有三隻青口，好大盆，都幾抵食。個湯好濃味，幾好飲。肉眼扒好大塊，一隻手掌再大一半，有成二十安士，真係食到個肚都脹埋，但係味道OK，肉質嫩滑，中間紅色的，熟度啱啱好，味道唔錯。雞扒就非常厚身，底下有意粉，但係雞扒有少少鞋鞋地嘅感覺，可以再改善。豬鞍配以飯，味道唔錯，大約有兩塊豬鞍骨，都好有份量！墨魚汁海鮮意大利飯，飯粒唔太硬，唔似出面啲意大利飯，幾好個甜品就比較有多點酒味，但係個人喜好，我就唔太好。

昨天中午四位資深金花相約到官塘APM逛街掃貨，行完IT已近兩點，決定再行一會吃下午茶，剛巧來時路上拿了幾款宣傳單張，其中有'Sous Vide'慢煮料理，就在附近工廈內，心想不妨行去望望，趕趕近期極heat的慢煮潮流。我們去到餐廳門前，向內望望，店不大但頗雅緻。我們坐下，女侍應立即殷勤招呼，送上餐牌，價錢頗平宜，我們選了牛脷包、厚切豬扒包、嫩蛋牛肉包及生炸雞脾，大家share。前三款料足好味，但吃到鮮炸雞脾，真的好食到說不出話，外脆內嫰，少少辣，陣陣香草味⋯⋯問靚仔廚師可否外賣一份，他竟然説不太好，因擱久難保水準，怕我們失望，不如改天再去食，專業態度抵讚！他還說若要真正試他們的高檔慢煮主打菜式，不如找時間吃他們的晚餐menu。金花立即七嘴八舌説四月到餐廳吃晚飯，慶祝小金花生日。期待，期待⋯⋯

早前去開駱駝漆買有機食材時，留意到開了這間型格餐廳，簡潔的裝潢，寫了一個法文——Sous Vide勾起了我的好奇心同為食神經，Souv Vide即近年大熱的真空低溫慢煮，很多人都喜歡此方法帶出原料（尤其是肉類）的最佳效果。不是牛牛Fans的我都常被slow cook的牛吸引。星期六的Brunch Set以包類為主，包之外只有一pasta一沙律可選，所以選了兩款長包Peachy.foodie rating: ⭐️⭐️⭐️(3/5)炒蛋和配料的比例均勻，味道幾適中但蛋略為炒過火烘過的麵包加試牛油香脆可口，但我更期待的是比較硬身的法包，相信口感會更佳番茄香腸有驚喜，鮮茄製成的醬汁令心感受到誠意，麵包沾上鮮茄醬其實更加好味Peachy.foodie rating: ⭐️⭐️⭐️⭐️⭐️(5/5)慢煮牛肉食得多，牛舌就比較少見，平日食牛舌多數都係串燒。慢煮的燴牛舌厚厚的切成粒狀，加上特製的醬汁，煮成好軟腍好入味，同時又保留牛舌特的彈性，鮮嫩得黎又有咬口，真係無得彈紅腰豆都好夾好惹味而麵包吸收了醬汁精華，外層又烘得香脆越食越滋味，欲罷不能！另外，由於我和男朋友兩人都病病地，所以店主好好人肯幫我地把薯條轉為沙律沙律

上星期去約了朋友在觀塘吃飯，二拉架看到慢煮餐廳，就想試一下，想不到有驚喜。我跟朋友各點了一個慢煮菜式，一個牛，一個豬。單看價單價錢不算便宜，但頭盤，湯，頭盤，甜品全包 感覺value for money。侍應講他們調到最適當溫度慢煮，做出特別質感，所以肉眼沒有問要幾成熟。20oz大得誇張，賣相不錯。切下去看看，肉色偏medium rare，但就沒有血淋淋，吃下去很嫩，牛味夠，完全沒腥味。另外叫個carbonara,賣相一般般，但好足料。煙肉不是平時的薄片，而且一塊塊，汁估計用了雞蛋醬，所以味道濃郁。  

我和一個朋友上星期六到觀塘區逛OUTLET，選了這餐廳食午餐。餐牌是假日菜單。我們先點了假日特級拼盤，有香茅炸魚柳、手製安格斯漢堡扒、生炸雞翼及香辣薯條。份量真是令人超滿足！每一樣食物都試得到是用心製作，加入了廚師的心思，絕對不是一般的口味。之後又點了厚切煙肉配卡邦尼大利麪。外面的都只有切得薄薄的煙肉片，這兒是大粒大粒還有很濃的煙肉香味。美食就是這樣簡單，在流行的菜式上花少少心思，足以令食物變得很與別不同。

慢煮慢活，讓我們更要懂得如何享受生活，享受人生。這餐廳的環境也能給人舒適之感。很自然的色調風格。更能在不同的地方看見植物的栽種，心思不錯。這個肉眼漢堡餐的配搭也不錯。沙律新鮮，雖然只有一種菜，但配上黑醋讓人不會覺得太單調。而薯條雖然是炸的，但一點都不油，味道也很好，很有新鮮即製的感覺。主角又如何呢？很有份量，而因為是慢煮，肉質很嫩，很易入口。而更重要是沒有油膩的感覺，吃完整個漢堡也不會有罪疚感吧！