意粉 360 (Closed)

餐廳環境舒適，寧靜光亮，座椅安排可選擇sofa 位置或正規座椅。食物今天我選取三文魚🥑帶子焗飯。味道不錯，粉量亦足夠，7成已飽！午餐牌選擇多，也照顧到素食人士，同時也分配飲品set 和沙律/餐湯＋飲品set疫情期間亦能得到很多人支持這餐廳也反映餐廳也處於高質素但價錢親民化。繼續支持💯

今日同女朋友喺旺角行街，見到依間餐廳啲食物都幾吸引所以黎試一試🤗。餐廳嘅環境都唔錯，坐位都幾舒適😌。另外呢個係一間親子餐廳有一個Area可以俾小朋友玩下玩具，都幾特別👍。雙色芝士焗蟹柳忌廉意粉份量都唔錯，蟹柳都有好幾條，食落質素一般吧，唔算太假嘅口感😄，另外意粉都煮得啱啱好，唔會太淋身，撈埋啲芝士味道都好好😙。芝士焗牛油果海蝦蟹棒熱石和墨魚汁飯原來依個飯都有蟹柳，點餐時無睇清楚添😅依個飯芝士味無咁重，墨魚汁就比較突出😊，牛油果夠淋同都幾香，蝦好大隻亦都幾彈牙，整體配搭都唔錯😉😉。

我喺旺角新世紀意粉360係親子餐廳，裏面除咗有個玩具室之外，係食嘢方面都好照顧小朋友㗎，食物不會太過濃烈，不單止提供食具BB櫈，而且環境舒服又寬躺。今次我哋嚟食下午茶嘅甜品，我點左個什果雲呢拿雪糕waffle, 雜果有芒果、菠蘿、士多啤梨、藍莓及香蕉，而waffle 上邊也淋上少少朱古力醬配埋雲呢拿雪糕，waffle 內外鬆脆，真係好好味

叫了一個唔錯的牛油果沙律 + 夠熱小食扇貝 + 有驚喜墨魚汁海鮮石頭窩飯 + 及一份味道唔太好的pizza,但我們都覺得個飯係好好味既，係一間有下次的餐廳。人唔太多，但座我們兩旁的人說話都很大聲，餐廳樓底唔高變左好多雜聲好嘈吵，如果要傾計就唔建議啦，仲有個花茶都唔錯的。但個人覺得餐廳環境係唔錯的，座位都很舒服，而店員都很細心我們一座低就遞給我們熱水，但座落餐廳的確冷氣都大，所以d餸都好快變凍。起初我們都想試埋甜品的，但由於我們買了蛋糕，所以最後都冇試，希望下次有機會再試甜品。

I seldom visit this restaurant. Quite pricey if you don’t visit for afternoon tea. However, the membership card is the card the best. You can save a lot and upgrade your drink. The food is pretty tasty. Coffee is one of the best, very unique taste of coffee, I often drink 2 or 3 coups anytime I visit this restaurant. They may work on coffee cream. Employees often get confused with coffee cream and coffee milk.The takeaway service needs to improve, Restaurant uses coffee cups for soup, and it was

今日同朋友慶祝生日，就同佢去食意粉360，一向很喜歡意粉360嘅意粉，朋友又想食Pizza，呢間啱晒我地。我哋2人點了三個菜，小食拼盤、三文魚pizza及明太子海鮮意粉。飲品方面，我揀咗熱Latte, 朋友就選凍朱古力咖啡。三文魚pizza，我喜歡薄批，好似食緊薯片咁。小食拼盤方面，雖然好多炸物，但不太油膩，我最喜歡佢嘅炸芝士條。明太子海鮮意粉，可能本身個汁係較creamy，佢嘅意粉不像平常般彈牙，但我覺得不錯。其實我當初認識呢一間餐廳，全因為佢嘅咖啡，咖啡迷絕對值得一試。

由於老人家，困在家好耐， 所以去行下商場同一田， 之後去意粉360食午餐， 佢哋防疫做得好好， 由於老人家行動不便，佢哋好樂意協助， 我哋一行四個人， 叫咗一個燒牛肉沙律，兩個2 mm薄pizza， 一個意粉同墨汁飯， 佢個2 mm薄pizza，好脆，好似餅乾咁樣，如果鍾意薄批嘅就好啱囉， 個意粉都好好味，蕃茄醬， 個墨汁飯，因為係石窩嘅關係，所以油咗少少， 燒牛肉沙律係日式芝麻醬， 不過比平時嘅酸少少， 所以最尾最鍾意嘅都係pizza

落雨天～唯有轉戰室內活動～因為最近發現新鴻基旗下集團ge商場都有park車promotion！所以今日去左moko食個快lunch！經過360見到餐廳夠大！又冇咩人！覺得幾安全就入去試下啦！！睇menu發現都幾多種類嘢食！仲要全部都幾吸引！最後決定叫左一下嘢食🤣🤣🌟海鮮野菌牛肝菌汁燉飯（$118）wow好足料！！d汁好豐富又5會太咸太濕！撈飯ichiban！！😍😍d蝦雖然冰鮮但都好爽！兩個人分都好夠！🌟比目魚柳意粉+酥皮黑松露帶子湯（$118+$58）d番茄意粉不過不失！但魚5錯！落左d pepper～酥皮湯就其實同大家樂質素差不多😂😂😂⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️作為快餐～質素份量都到位！而且我聽到其他客話2:30有tea time好抵～😂😂仲有原來lee間係親子餐廳黎嫁！即係有個地方俾小朋友玩～疫情後媽媽們都係一個tea time好地方！！

平時爸爸媽媽帶住小朋友去gathering，同朋友傾計真係有排傾架，小朋友有時都會無咩耐性坐咁耐，來呢到就可以比ｄ小朋友放下電。呢到有個小朋友區，有ｄ玩具比小朋友玩，等小朋友唔使淨係坐，家長都可傾計傾耐ｄ。我就無帶小朋友去既，咁就好似平時食西餐咁啦，坐得都幾舒服，位置都好寬敞，感覺都唔錯。今次叫左豬肋骨配薯條:整個餐份量係偏少，應該係for 一個人食，唔係for share雞意粉：好足料呀，好多件雞，唔會太多汁，唔太油膩，都適合小朋友同埋甜品芒果pancake：甜品係每餐既重點，其他野可以唔食，甜品就一定要食。都可以食得出係用心之作。

做左人牙媽，夜晚真係好難出到去食飯，所以好蟹時都揀下午，同埋為左方便大家，都係揀油尖旺地區！今次的朋友就揀左旺角火車站既呢一間餐廳「Spaghetti 360」，以為得意粉食？咁就錯喇，仲有石頭飯食！咁我地2個人叫左兩個餐U4 溫泉蛋肉醬意粉，佢係連埋餐湯餐包，同埋湯律既，餐湯係忌廉湯！之後叫左個U11 溫泉蛋辣牛肉石鍋飯. 熱辣辣真係好好味！咁每個餐仲有一杯野飲既，好大杯下嫁！今餐食左$162.8 ，裡面包括左10%服務費既...

生日飯，又唔想食得太貴，又唔想走太遠，無卜位，所以target左旺角新世紀廣場(改唔到口)搵食，去到意粉 360 ，見無乜人，價錢ok，就入左去。叫左芝士焗海鮮熱石鍋墨魚飯, 香蒜醬烤雞煙肉野菜意大利粉, 芝士焗肉醬法蘭克福腸薯條，個墨魚飯好好味，芝士加墨汁嘅味道好吸引，而且用石鍋焗，好夠熱，大推！意粉嘅香蒜汁最令我難忘，雖然好似好普通嘅蒜汁，但佢炒得唔油，食完好上癮，會想繼續食落去…如果有埋辣味蒜汁就更吸引~最後焗薯條呢d，我諗無咩人會唔鍾意食，好特別係有d腸粒係入面，有2款口感~大致都好好味，同好夠飽~

今日同朋友慶生係到食飯，大致幾好。環境ok,中意佢張雲石枱同氣球型嘅燈幾靚，有個小朋友corner提供d玩具幾貼心，預小朋友玩會少少嘈，個人可以接受。食物嘅口味都好大眾化，主要西式野但都有石頭鍋飯，味道都ok正常,個燉飯最好味，主食價錢大約係88~200之間。去到上蛋糕位有員工好好咁幫我地點埋蠟燭攞出黎同埋俾左新嘅餐具，到影相位本身都唔諗住阻人做野自己影點知都有個待應好主動要幫我地影相。最後有個小插曲係，部電話跌左落坐位同玻璃之間嘅隙縫之間攞唔到出黎員工可以話係即刻發現我地要幫手，過黎用唔同工具嘗試攞番部電話出黎，好彩唔洗打爆玻璃都攞得番，不過聽講唔係第一次，都建議餐廳諗下方法填左個隙唔洗再有下次

昨天四個家庭去食下午茶，一行四個大人四個BB。點解我們選擇這間餐廳，除了有豐富美食之外，食物保持清雅，不太咸，適合小朋友食用，也能提供多張high chair ，而且還有個小小兒童遊戲室供小朋友享樂。我們分別點了tea set 白汁卡邦尼意粉配酥皮湯，白汁味道恰到好處, 而且有很多火腿，而焗酥皮湯忌廉湯好creamy，小朋友友們都吃得津津有味。各位小朋友吃飽飽後，小朋友們就去遊戲室玩，有玩具及小廚房，木馬等。旺角區人多擠迫，找一間餐廳容納幾個小朋友比較困難，這間意粉360的確是一個既舒適又好吃的親子餐廳。

今日一行4大4小揾食，就黎到呢間親子餐廳。特別鐘意食意粉嘅我又叫左卡白汁邦尼意粉配酥皮湯。環境非常好，4大4小都唔會逼，而且有足夠baby chair! 讚！食物方面，意粉份量都幾多，下午茶價價錢夠我同仔仔食，白汁味夠濃，多汁，勁多火腿，啱哂我口噤！酥皮湯個皮焗到好脆，而個湯好creamy，好濃！好好嘅配搭！最正係小朋友食完齊齊玩下，雖然玩具種類唔多，但向旺角有間親子餐廳食下玩下，的確係超舒服嘅一個下午茶！爽！

原因為同意粉屋嘅菜式相同，但係....當打開個餐牌，已經非常失望！因為.... 連我最中意嘅炸雞籃都無！~~>_<~~如果唔係"正宗"意粉屋係哂D遊行旺區，睇怕都唔黎哩間360.鮮蘑菇忌廉湯加酥皮，黑松露鮮雜菌意大利粉，吉烈豚肉扒奄烈咖哩飯，同芝士烤包各一客.好明顯, 哩一間意粉屋走 fusion 菜路線, 有日有西.酥皮鮮蘑菇忌廉湯無失望, 湯味夠濃郁, 滿意.黑松露鮮雜菌意大利粉份量略為少咗, 茨汁唔算多, 意粉彈牙, 雜菌新鮮食出鮮甜味，如果有蝴蝶粉或天使麵選擇更理想.吉烈豚肉扒外脆內軟, 豚肉無點醃制, 奄烈蛋亦夠滑, 唯一可惜係個咖哩汁, 其實咖哩汁無問題, 不過我中意甜少少嘅日本咖哩汁, 唔夾自己口味吧了.一路食, 個腦一直諗住個炸雞籃, 所以只俾個 ok...