意粉 360 (Closed)

見今日放假，同老公去將軍澳食飯。諗住將軍澳咁多食肆，應該唔駛等太耐位，點知都行左9個字先諗到食咩好。經過spaghetti 360見無咩人，求求其其搵D野食下算。士多啤梨白朱古力勁!!勁大陣藥水味。大家唔好叫......菠蘿燒雞薄批PIZZA 估唔到呢個又幾好味。首先個餅底真係又薄又脆。菠蘿多汁、燒雞大大粒，連埋個燒汁甜甜地，好食!!!墨魚汁海鮮燉飯飯既口感都唔錯，唔太硬。海鮮都算足料。不過不失。

端午節一個人食早餐，來到Spaghetti 360。幾個月前來過感覺不錯，但因為附近早餐店太多一直無N call。今天點了豐之全日早餐，先不說那麼多，上圖：估唔到擺盤幾靚。食落去都幾唔錯，唔會泛油，味道恰到好處，唔會太鹹或太淡。個Waffle又脆又香，正！雞扒同大家樂差唔多，沙律同粟米都係正常味，炒蛋有d笠，我鍾意更加乾身d，火腿好正，薯餅係麥當勞味脆脆地好香。總體上唔錯！

當Dayz 獨自—人，不知道該吃甚麼好時很大機會Dayz 會選擇意大利粉其中 Spaghetti 360 是一間 Dayz 蠻喜歡的意粉餐廳Dayz 很欣賞 Spaghetti 360 的用心～ 每隔一段時間就會推出新的菜單菜單加入了和風的元素每次都會有驚喜呢！春季的期間限定 Menu有 Pizza ，石鍋飯以及意粉等多款選擇較為吸引的是有配搭Waffle 及配搭酥皮湯的系列由於當天 Dayz 肚子比較餓...（笑）所以點了酥皮湯與忌廉汁雞肉意粉的 Set香味濃郁的酥皮忌廉磨菇湯酥皮焗得鬆脆可口，與幼滑的忌廉湯一起享用非常美味日式的忌廉汁雞肉意粉師傅特別用上低脂忌廉製作口感 Creamy，卻不像西式意粉般高卡肥膩很 light 很不錯女生們應該都會喜歡吧有點期待 Spaghetti 360 下一季的Menu 呢...hehee

餐店做推廣。450蚊入做會員，有三張100蚊coupon,兩張免費套餐coupon,每次埋單第二set tea set 仲係半價，好抵! 已經用了三張coupon,每次order既tea set不同，今之點了pizza,雞柳，同蕃茄麵。最正既係pizza,以前食開某某專門店pizza,都係厚批。今次依家店食既係薄批，覺得好好吃，比係厚批仲好味，而且焗得非常脆口，雞柳同出面一般既炸雞不同，食落不會覺得油膩，蕃茄麵個湯料非常足料。做了會員用餐比一般茶餐廳更便宜，但環境有西餐廳水平，適合一家大細。

今天假期，到這商場逛街.家人表示想食下午茶。看看時間，已是5點15分，於是急急過去這家餐廳。原來下午茶只做到5點，今天提早食晚餐啦！反正現在客人不多，可以悠悠閒閒地晚餐，所以環境比高少少分。看到枱面放了會員咭推廣，只需付450元，得3張100元現金券，2張美食券，以及其他優惠。但是職員表示，每張現金券/美食券，不能同時使用，即是今晚只能使用一張100元。某家薄餅意粉大集團，是接受會員一次用5張100元現金券喎！本來想有多張會員咭，間中可以到這餐廳享用優惠。既然今次不能同時使用3張100元現金券，做這家的會員無咩著數囉！所以不做會員了，不如開始點菜吧！最後選了1個小食及3個主菜　鐡板日式棒棒雞翼　一碟5隻雞翼, 分拆為10件單骨雞翼. 本想用手食啡黃色的雞翼, 但食雞翼要有儀態, 用刀叉. 可是單骨雞炸得較硬, 落刀要較用力, 終於拆出雞肉&雞皮. 單骨雞翼表面的肉炸得很乾身(啡黃色)，雞皮及關節位部份要用多少少牙力去咀嚼，掛住咀嚼，期間已經忘了味道了。近雞翼骨中央的肉才較為正常肉質(肉是白色). 註:我唔鐘意食硬掘掘的食物　　　360薄餅　　　餐牌表示這是熱門菜式，所以點了。這薄餅不是

又有人請食生日飯當然開心去應約. 意粉360係西日餐廳, 有少少fusion味道.叫咗兩個set lunch share食, 餐湯羅宋餐冇乜特別, 係有d酸. 餐包好似餅乾咁.主菜青芥醬呑拿魚長通粉, d醬都幾攻鼻, 有唔少呑拿魚喺入邊, 唔錯.2mm薄餅(煙肉, 火腿, 蛋, 蟹子), 口感豐富, 好薄好脆, 食多兩件都唔滯.其中一個餐包窩夫, 上邊有d士多啤梨醬配合一齊食都唔錯.餐茶咖啡有件曲奇餅伴碟, 咖啡幾濃, 唔似一般美式咖啡, 為生日午餐寫上完美句號.

是晚跟母親大人約了睇9:30，眼見時間為7:30，離開場仍有兩小時，既要消磨一下這兩小時，那不如便來這家吃吧，反正他們的上菜速度一向是以慢見稱7:30左右抵達餐廳，眼看內部已有3,4 組空枱，部份是客人結帳了但還沒執枱，部份則已是清理好了，心想也應該不用等太耐吧怎料一有這個想法便出事了......在門外站了5分鐘，眼見經理忙着打單、結賬，而另外幾位侍應行來行去，但即不是在執餐枱、也不是在傳菜，門口除我以外，也有4-5人在等拿號碼票，依然沒有一位侍應會出來派號碼票 如是者，又過了5分鐘，終於經理安排了一位侍應來派號碼票，但2人枱依然要等，不過正如剛剛提到，其實餐廳是有3,4組空枱的，但不知為何不安排在外面等的客人入座終於又再等了5分鐘，終於安排我倆入座了其實，正常晚飯時間，等15分鐘入座絕對不是問題，只是不明白為何餐廳內有吉位，侍應行行企企，但依然無人出來安排客人入座，讓座位空着，叫在外面等位的客人是十萬個無奈，真的有一鼓衝動自己走入去坐低便算甫坐下，見時間已經7:45，擔心會像以往一樣每款菜色要三催四請才會上菜，所以便選了當時推廣的秋日二人餐，更特別提醒侍應"請快上，因為等陣要睇戲"

今晚到屋企附近食晚飯, 隨意地走進一家不用等位的 Spaghetti 360。這家餐廳装潢時尚, 環境開揚。最特別是這裡有個"kids wonderland", 放了不少玩具供小朋友玩耍。意念不錯, 可是位置比較小而且設在送餐的路上, 不太理想。如果可以像一些日本餐廳加設兒童遊戲區實在對父母來說是一個喜訊, 在香港這類親子餐廳實在太缺乏。露荀煙肉温泉蛋意粉$75這餐廳以1.7ｍｍ意粉作招徠, 其實1.7mm的意粉有什麼特別。首先將温泉蛋打穿, 伴上意粉食, 味道夠creamy, 夠creamy。配料煙肉香口l 露荀多而且新鮮, 整體味道不錯。欖菜牛肉石煱飯$82香口而且有小小辣味, 幾惹味。曾經在銅鑼湾分店光顧過2次, 印象食物及服務都非常一般。今日光顧比想像中好, 是整體進步了還是這分店質素較好?

難得假期, 梗係要同我家的長食總司令--媽媽撐下枱腳之前也試過spaghetti 360於沙田的分店, 覺得菜色多選擇, 味道也不錯, 所以揀返呢間食因為到埗已接近2點, 雖然係午飯時段的尾聲,但依然有人等位, 即刻拎號碼飛, 唔洗5分鐘就可入座了因在等位時已經好醒目咁睇定餐牌,一入去就揀左休閒2人午餐($188), 有: 湯2客, 燒豬仔骨併薯條配沙律, 豚肉生薑燒石窩飯, 餐飲2杯另外再多叫一份鐡板薄燒牛柳($58)先來的竟然是鐡板薄燒牛柳牛柳片數量不算太少, 上次灑上乾蒜蓉, 食落甚為惹味不過總司令第一啖已經話偏鹹我覺得還OK, 如果配飯可能就剛剛好, 可balance返然後到紅/白湯 配蒜蓉包燒豬仔骨併薯條配沙律豬仔骨弄得很"冧", 直接用刀叉就能拆骨,豬仔骨本身已有調味, 若嫌不夠味, 亦可沾附上的BBQ醬, 更為惹味此時....張2人枱已經擺滿左心唸等陣個石窩飯真係唔知放邊好可能餐廳真係知自己的枱很細張又或者係D 石窩唔夠用,要等其他客人食完D石窩才能回收返廚房...個石窩飯催左3,4次都仲未來隔離枱的客人是我們食到中段才來及落ORDER但他們的石窩飯竟然已送上來了可是我們

叫了個2人餐  再加個石頭鍋飯  非常之飽鮮果沙律份量好足  亦黎菜好快   配日式芝麻醬好開胃呢度有2mm薄pizza  夠薄夠脆  時間剛好  唔會烤到好硬  配上蟹子火煺同蛋  再上蟹子意外哋match~蟹子再多啲就好   個雜菌意粉好香  好多菇菌  配料十足  好多意大利餐廳成日菇菌得幾片  呢度又大片又多  啖啖都食到菇呢個牛油果芝士海鮮墨汁石頭鍋飯  熱辣辣   好香  牛油果配墨汁飯都幾夾  芝士份量剛好  如果唔係會蓋過牛油果味  有魷魚又有蝦   又係好足料  所以飽到滯個餐每人有杯餐飲  個紅豆冰幾正  但個草莓佳人就好普通  好勁既梳打水味    好難飲呢~本人不喜歡梳打味呢！

看電影後吃晚飯，到處都人頭湧湧，走到意粉360，等候的人不算多，稍候片刻便可入座。接待的侍應在我們等位時已替我們落單，所以坐下後不消一會食物已送上。我們點了「西日式二人套餐」，用獅子銀行的信用卡只需$258(未計加一)，價錢合理。食物包括：牛肝野菌忌廉湯(兩客)：雖說有牛肝菌，但我覺得和一般的忌廉湯分別不大，湯頗稠，味道尚可。脆炸意大利飯球：第一次吃到意大利飯球，我很喜歡。外層很脆，但不會很油膩，內裏的飯卻黏黏的，煙煙韌韌，加上酸辣醬，味道頗特別。精裝胡麻番茄沙律：份量的確是「精裝」，與主菜一併送上，蔬菜較少，但竟然有原個去皮番茄，配上醒胃的胡麻醬，感覺新鮮。露絲瑪莉燒春雞(半隻)配烤燒菠蘿及格格脆薯：烤燒菠蘿太酸，而且烤得不夠，而燒春雞味道偏淡，只屬一般。唯一可取是脆薯，惹味可口。芝士焗北海道魷魚海鮮熱石鍋墨魚汁飯：賣相不是黑色的，因為面層加了龍蝦汁，魷魚和帶子都算多。最欣賞的是墨魚汁飯又香軟又入味，底部更有少許飯焦，好味道！餐飲：我喝了鮮檸奇冰，沙冰狀的飲品比預期酸，我覺得既提神又有助消化。朋友喝了凍咖啡，質素不過不失。值得一讚的是其中一個貌似經理的男人服務十分周到，有禮亦有效率。

較早前得知知老爺住區有間新開意粉360.趁着平日就牽過老人家之手、為家中的活寶貝去共進西餐．．．抱着開心心情去食(其實覓食生涯上我是從未試過意粉360.這店子)賣相吸力之價錢食物牌，總教人坐下目不轉移先給老人家要上一個吉列魚柳蕃茄湯意大粉$68.賣相不討好，厨師沒有刻意心思，跟一般性餐廳，眼睛吸力大大下調味道方面魚柳加上香草酱調醃，味道得見入味、將大大份蕃茄醬複蓋了魚件、簡單得再冇難度，意粉入口亦未能達到柔韌性，有點失望、幸好老人家不甚挑剔，全碟亦食上六、七成而套餐方面亦附上當日餐湯及麵包、不為慷慨之一件裝圓型小法包，薄薄的塗上香蒜醬、沾上濃郁雜菜湯下，填填肚、不過不失而自己就揀上單點黑松露五菌意大利粉$80.可惜一上枱已發現油光滿碟，面層黑松露雖強勁、但入口稀薄，好大理由相信是松露貨質較次一級、固此香氣亦同樣較薄，同様犯錯的便是全冇賣相可言，(平面式大大份)連加一要上差不多$90.元的一碟意大利麵、同街坊茶室別無多樣，今天我身上之(紅衫魚)死得毫無價值茶包式的套餐奶茶，不期望便不會失望附加上$18.喚來一杯凍Cappuccino，滿滿之白滑忌廉佈在凍凍的Cappuccino、呷一口味