辛安東元祖奶奶雞 (Closed)

韓風係香港基本上係沒有停過，開完一間又一間，你基本上食都食唔切，燒肉，炸雞，醬油蟹，我計過下，我肯定佢個新餐廳數字已經超越左香港日本餐廳，就如個陣紅磡開加太賀那熱潮咁強勁，現在，韓國菜都可以算係take over 左日本菜嘅主流，至少，我相信係平分秋色。這個風氣如果以數字可能會嚇你一嚇，當我看到一間炸雞店c一間又一間開張，救火英雄又係有幾間分店，仲有大大少少的達人烤肉，烤肉達人，烤肉烤肉，達人達人等等，我相信呢個風氣係黎緊一年都會維持著，至少，我想來自星星的你都潮左有兩三年多吧。之前說過媽媽喜歡吃呢個韓國菜，係我放annual leave 嘅第一天，我就約定和媽媽去食兩餐韓國菜，先食飽肚的韓午餐，再去同佢食炸雞。連媽媽都聽過辛安東元祖奶奶雞，你大約知道佢有幾流行。我們約定了的就是前陣子出名到不得了的奶奶雞，好多個地方都有分店，到到都有人排隊，排嘅時間同119救火隊，高比雞有過之而無不及，但還是媽媽有智慧，佢話兩點鐘食飯邊有人等，原來來到了荃灣的星期一下午，完全直入，幾時都話聽阿媽話有著數，這下午，我吃到了不用等的奶奶雞。韓風的特別，特別在雞係核心中嘅核心，炸雞，燒雞，人蔘雞，彷彿佢地前

係附近做完野，約左友人食晚飯，行下行下見到呢到新開左間新安東元祖奶奶雞!之前係旺角經過，見到太多人排隊，所以放棄了。今次可能時間尚早，直接可以入座啦!見個個台面都有杯野飲，我地當然唔執輸跟風叫一杯先! 價錢又唔貴喎，最緊要過癮，味道都唔錯，柚子幾濃。大大杯，唔會飲兩啖無哂，抵飲喎！偷飲左友人個杯梨味，清清地，岩晒陣間食D濃味野叫多個牛肋骨炆得好稔好入味，特別係個白蘿蔔，吸哂D湯汁!坐到八點到，嘩，爆場咁濟，好彩早左黎!而且餐廳都好細心，每張台都有放樽水，自助形式都唔錯呀！不過點解無人比雞仔卡我寫既

一直好想來試,今次終於試到,當然食雞,先來辛安東元祖奶奶雞,好滑,有薯仔,瓜同一些粉,幾入味同好食再來是雜菜海鮮煎餅,有少少尤魚,魚蛋,泡菜,簡單而脆口,唔錯燒芝士一口餃子,基本上太多芝士,得芝士味,愛吃芝士是不錯選擇還有各款韓飲可選擇總結味道唔錯,服務也可

係附近做完野, 約左友人食晚飯, 行下行下見到呢到新開左間新安東元祖奶奶雞 之前係旺角見到太多人排隊, 但今次可能時間尚早, 直接可以入座啦 見個個台面都有杯野飲, 我地當然唔執輸跟風叫一杯先! 佢有幾款口味, 我地叫左杯柚子同梨味試下先 價錢又唔貴喎, 最緊要過癮, 味道都唔錯, 柚子味幾濃! 大大杯, 唔會飲兩啖無哂, 抵飲喎！偷飲左友人個杯梨味, 清清地, 岩晒陣間食D濃味野 呢個牛肋骨炆得好稔好入味, 特別係個白蘿蔔, 吸哂D湯汁, 正 叫多個海蜇, 咁既價錢有咁大兜, 幾抵食! 不過個人口味覺得偏濃, 重口味人士至愛 坐到八點到, 嘩! 爆場咁濟, 好彩早左黎! 而且餐廳都好細心, 每張台都有放樽水, 自助形式都唔錯呀

朋友同雞有仇…好多時都要以雞做餸…今次黎呢度既目的…唔講都知啦…仇人見面…當然要將佢煎皮拆骨…order左個原味雞…呢碟係半隻份量…除左雞…仲有薯份雜菜…雞既入味又夠滑…唔覺口渴…應該無咩味精…食食下都好快無哂…海鮮餅有少許泡菜伴碟…唔算好辣…加奇妙醬反而覺得怪怪地…餡料份量一般…薄餅煙韌而帶點脆…幾好味…餃子細細…估唔到都有十多隻…餡料係普通既菜肉…其實芝士味已經蓋過哂…兩個人食三碟餸已經好飽肚…至於飲品…只係普通罐裝…無咩特別…

6點就來到，已經有唔少客人係餐廳。我地入到去餐廳冇人理，諗住自己揾位，點知比個侍應喝住，跟住黑口黑面帶位，仲態度唔多好咁拋左句：個半鐘交枱。我地叫左「辛安東元組祖奶奶雞」半份（$148）少辣：有雞、薯仔、蘿蔔、青瓜、洋蔥、粉，雖然係少辣，但都要飲幾杯水解辣。而個汁都幾濃，配菜都好入味。個雞唔似平時林patpat既雞肉，好彈牙，但友人話有啲鞋，可能係老雞。汁太濃，食到味覺得有啲漏。食完覺得唔夠就再追加第二樣送，等等下侍應比張單我地埋。但係一來我地未叫埋單，二來又未夠個半鐘，我哋唯有同佢侍應講啲野未來齊，佢先幫我地追野食，可能漏單吧，又再等左廿分鐘先來。燒豬肋骨（$68）：有4條豬肋骨、配菜係生蘿蔔、生青瓜、生菜。豬肋骨外面燒到有啲焦糖同咸香味，但係燒到有啲燶。但係啲肉少左啲，咬2口就見骨。一路食啲肉一跟咬啲配菜，感覺青新啲。食物還可以，只係服務差左啲，同埋好多油煙味。

晚黑六点才开门，一开市就没牛肋煲，失望😔点左芝士奶奶鸡，味道不错，鸡的分量比较小，酱汁味道浓郁，适合捞饭吃。紫菜包饭不错，牛肉石锅饭没什么特别。。店面比较小。

一早已經訂定位～所以去到五洗等位！店內既環境好韓風～聽住k-pop～食住泡菜甘～心情特別興奮！膠原蛋白沙律先黎個沙律～勁新鮮！果然係真係有膠牙！冇花冇假！燒牛肉生菜包正牙～五洗自己燒！泡菜加生菜加肉真係一流！個肉非常juicy，有肉汁tim～～辛安東元祖奶奶雞「全隻，小辣」嘩！一黎到熱辣辣，馬上胃口大增，份量非常足夠～～～入面有雞，洋蔥，青瓜，薯仔，紅蘿蔔，薯粉。d薯粉吸哂d汁，好入味！正！芝士安東奶奶雞呢款加左芝士，冇甘辣～其他既料都一樣～不過我中意食芝士多d～～芝士地獄薄餅有個朋友話之前食過，係甘話五係好辣～甘我就信左佢咬左一大啖⋯⋯辣到飛起！！！五食得辣既真係五好點呢款～超地獄！真露煮蜆份量係好多～但係入口冇嘜鮮味！湯汁不錯！炮兵鍋姐係部隊鍋～入面都幾多料～味道好正，食五停！燒原條鰻魚配生菜，泡菜，鰻魚汁，辣醬食！另一種風味！今餐太豐富，個個都變成大肚腩甘走！

這天要出荃灣做點事，正想著中午吃甚麼好時，老婆二話不說的說去吃昨天經過的奶奶雞早在奶奶雞在香港開業前，已經聽說韓國很多人去試，名聲也頗大雖然去過韓國兩次，但我們兩次也沒有去試，只能說韓國實在很多吃的選擇既然它來了香港開店，那就在香港試試好了我們出門時已十二點多，起初真的很怕去到要等很久，怎知到後只見店內只有兩枱客人店員很沒禮貌地把我們安排入座（就是望都不望你然後態度很差的隨便點張枱叫你坐下）我們坐下後發現枱未抹，凳還是暖暖的坐下不夠三十秒另一位店員走過來用無奈的眼神望著我們，問我們可否坐另一張枱（他的眼神是覺得我們自己隨便坐下的感覺，明明就是另一店員亂點我們坐）其實店內都是空空的枱，為何不給我們一張已經set好的，卻要隨便點一張而又覺得是我們的問題 之後我們被安排到廚房附近的枱，終於可以安心的看餐牌因為不知道份量的大少，所以我們最後只叫了芝士地獄薄餅及奶奶雞芝士薄餅先到薄餅有厚厚的芝士，我倆都很喜愛芝士，所以加了點分可惜中間的肉很鹹很鹹，結果分數全給它敗了之後我們一直等一直等，等了好一回奶奶雞都未出現眼見廚房裡的廚師是在煮東西，但卻不是我們的奶奶雞但我們都覺得很奇怪，因為店裡只剩下我

朋友生日，去到都唔洗等位，唔太多人，環境幾闊，同平時韓國餐廳都無乜太大分別。芝士奶奶雞其實我覺得普通，不過裡面有啲薯粉好入味。仲有雞腎係好食好香，但啲蒜頭仲大粒仲多過啲雞腎，咁都60蚊真係覺得好貴超級唔抵食！整體黎講我個人覺得味道係唔錯，不過無乜大驚喜。我地6個女仔叫左7樣野食，埋單都6百幾，但個個都無飽既感覺。份量真係太小，失望，好唔抵食

記得同事之前推介過呢間韓國料理，適逢朋友是個韓迷，一於同佢黎慶祝生日 我們7點半去到，雖然係平日，餐廳已坐得滿滿的。好彩一早book定位，即刻有得入去 芝士安東奶奶雞一場黎到，一定要試下招牌菜奶奶雞，芝士控的我地梗係點芝士味啦！奶奶雞好大碟，雞肉好嫩滑好juicy，芝士唔會好"溜"。雖然雞先係主角，但QQ的薯粉，沾上濃濃的芝士真係好入味好正 冰海哲好爽囗彈牙，辣辣地好惹味。平時喺上海舖食海哲，幾十蚊得一"住"仔，呢度滿滿的一大碗，超級抵食 真露煮蜆用韓國真露煮的蜆湯比用日本清酒的味道更濃更有酒香；蜆肉無沙，啖啖肉，朋友一囗氣吃了大半壼。加上用個鐵壼裝住，食到底D湯都仲熱騰騰 Cyder Rita 呢2杯的Cyder Rita令我地好驚喜，賣相過癮又大大杯，我們叫咗一杯柚子、一杯豐梨，2杯都好味，唔會好甜 侍應服務態度很好，餐廳環境好舒服，最欣賞佢地唔會限時限刻，不設入座時間，同friend黎食飯吹水，真係好爽皮

星期日放假，同主子出巡，補祝娘娘大壽之喜。主子話想試下呢間傳聞已久的安東奶奶雞。當日下午4點打去訂檯，竟然仲有檯。7點準時去到，餐廳開始爆棚，好彩有訂位，一黎就有位坐。第一次黎，當然叫半隻招牌奶奶雞，再叫一客廚師推介嘅冷豚肉，同飲品。兩個人，試唔到太多。10分鐘都唔知有無，食物就到齊，正。奶奶雞果然係招牌菜，好好食。醬汁其實似韓式炸醬面嘅炸醬，雞件唔算多，不過兩個人夠食，用黎送白飯，連汁都撈埋。識食一定叫白飯。不好辣的可叫唔辣，我地食嘅就無辣。凍豚肉少少辣，幾惹味，又係必試之選。

以前旺角返工，有時都會去奶奶雞(朋友之間的簡稱XD)食Lunch，除左lunch set，都會得登另外叫個招牌的「奶奶雞」幾個人share~~ 記得果時同事話夜晚去食經常要排隊，好彩我地可以lunch食~轉工之後一直都無機會再食，呢次週末plan左去荃灣行山，所以就book定位諗住試下荃灣呢一間奶奶雞 好彩早黎又訂左位，星期六好多一家大細同情侶黎撐檯腳，真係遲少少黎就要排隊~~ 行完山肚仔餓....唔小心叫到成檯都係野........ 希望唔會成為眼闊肚窄的朋友啦!! 辛安東元祖奶奶雞(半隻) $148咁多野食當中，第一樣當然不得不介紹鎮店招牌的「辛安東元祖奶奶雞」。今次揀左小辛，雖然其實我唔太食得辣......但一場黎到，心諗小小辣應該OK，有辣好似比較特別嘛~~首先講雞肉，半隻雞，份量其實好大。(隻碟仲大) 雞肉煮得非常入味但唔會老，果然係有秘方的吧~加入了大量大蔥切絲、薯仔、紅蘿蔔、青瓜(?)，配料非常健康醬汁方面，非常濃烈。應該是落了很多不同材料混合而成的醬汁~~小辛的辣度比想像中高.....一邊食一邊覺得個醬汁好「刺激」，越食越上癮，但同時會辣到出哂汗不得不提

身邊好多朋友都話韓國辛安東奶奶雞好好味，但小妹上次去韓國淨係試左炸雞同人參雞湯😋，奶奶雞就要係香港試喇！預先book左位準時入座，店內空間尚算闊落，色彩繽紛既裝修令人感到歡樂，當然美食更加可以令人開心啦，就好似佢既招牌菜🤗辛安東元祖奶奶雞，我地order 左一隻，份量超大!濃濃既醬油汁配上嫩滑雞肉、紅蘿蔔同薯仔等配料，呢個時候你可能想要白飯，不過當你發現底層隱藏住軟得黎有咬口既薯粉，你會食到停唔到口，因為薯粉同雞肉一樣吸收曬醬汁既精華，非常入味👍🏻cider rita (梨味），外型夠吸引，清甜既梨肉配合冰涼梳打氣水夠清新，食完奶奶雞飲佢仲可以解膩添炒雜菜味道一般，菇類處理得唔好仲有d 草腥味，其他菜炒得唔夠火候，有d 硬燒豬肋骨，以燒烤醬將豬肋骨烤到外圍香脆，當你咬到肉時仍保留了肉汁，美中不足是份量細，只有三塊，大家只能淺嘗。就係炒牛肉粒飯，普通🙈紫菜飯卷好似係韓國車站外買到既飯卷，勾起韓國遊既回憶，飯粒結實。海鮮餅無驚喜，粉比料多，唔夠香脆。

早前購買了團購，$94就可以享用原價$188的芝士奶奶雞 1 份之後一早打定電話去訂位，七點去到，都不算多人，亦沒有人等位，之後八點的時間就要等位了。同朋友二人就點了一份芝士奶奶雞，很大碟，是兩人份量來的，一整碟鋪滿了一大片芝士，雞肉大概有半隻雞的份量。味道略為太濃，雞肉都尚算以嫩滑。$94這個價錢算是物有所值，但如果原價就略嫌貴了一點。另外還點了梨味的七喜汽水，味道不錯，還有少許梨肉在杯中。$38一大杯，不錯！