麻辣五三五 (Closed)

烤魚這菜式真是太耐沒有食過了，第一次食既時候覺得條魚真係好多細骨，所以我怕怕了，因我唔太識食多骨既魚，但老婆試過一間唔錯又對我怕食多細骨既人可去試下。咁我有信心可去試下吧。店員說今天有青紅蘿蔔豬骨湯送，送到來都多料，湯又夠濃，不錯，食之前滋潤一下先。【酸菜烤魚+水晶粉】一來到賣相不錯，烤魚表面有微微煎炸過，令表面有少少脆口，但唔想食脆口可浸落個湯汁再夾來食又另一種風味，酸菜味道酸酸鹹鹹，真是令我食慾大增，沒有想過這條魚好少細骨，真是適合我食，魚的嫩滑鮮甜，再連埋酸酸的湯汁一起食，真是不錯，食了少少之後再加埋水晶粉落去煮黎食，超正，水晶粉晶瑩剔透帶點煙韌，仲吸收左酸菜湯汁，一流。【夫妻肺片】滷水煮熟的牛肚、牛展，並切成薄片，再加上惹味的麻辣醬汁撈成，口感煙韌又彈牙，味道又夠濃郁，我叫了小辣，都已經好辣，但我又很喜歡。【香油鹽水雞】高湯浸住香滑的鹽水雞，非常入味又嫩滑，再夾埋香蔥一齊食，一流!!【涼拌豆乾絲】天氣轉熱，食涼拌野是不錯之選，豆乾絲清脆爽口，非常清新。到最後食夫妻肺片真有點辣，所以點都叫個椰汁來解下辣，飲完之後真是解辣之選!!

同朋友一齊lunch食得辣，當然搵間好野呢朋友介紹得幾驚喜。本以為係即食即走小店，點知係一間好有feel地方。不錯不錯店員好細心介紹今日午餐一條燒魚做特格99蚊，係99蚊。99蚊🎤🎤🎤。真心，當見到條魚時我心諗（是否比錯我定是199😂😂😂大條鉗魚，外面係炸過入面肉係滑。加上麻辣得恰到好處，麻得來又小小辣。再加上所有配料只是10蚊。係10蚊10蚊😂😂😂小妹又點會放過呢呢碟只係50蚊每樣10蚊係午市先有蠔是急凍但配上麻辣味道。都算不錯。萵筍更加完美。鴨血簡直一流。每口都有濃濃辣味另加上豉椒炒蜆大大隻。蒜蓉比較多。重味左一點。但都好正鴨舌好夜魅。爽脆。最緊要要點王老吉，解解小小辣。正呀喂

今日和友人光顧了位於尖沙咀樓上鋪的川味店。餐廳面積不大，座位不多，想來吃的話一定要book位呀。一坐下餐廳先奉上是日例湯 青紅蘿蔔唐排湯，店員還告訴我們這個湯無味精呢，難怪那麼鮮味。本來一心想來吃酸菜魚或水煮魚，但看到餐牌有烤魚，想來也頗懷念吃烤魚的感覺，價錢又較便宜，便轉選水煮烤魚了。可加配料烤魚來啦！我們點了最少辣的，可是一看整個鍋都是紅辣椒。雖然如此，但辣度還是可接受的。魚皮非常入味和香脆魚肉嫩滑如果湯底有寬粉等配料會更好，不過我們自己後加了鴨血、田雞、萵筍等配菜。份量雖然不太多，但勝在夠新鮮。三款配料都吸了湯底的重口味。另外我們點了干扁四季豆，平衡一下辣味，四季豆的咸香味令人欲罷不能。點了一道不常見的椒鹽鴨舌，椒鹽炒得非常香口，鴨舌份量ok. 外層脆但內裏還保持鴨舌的肉汁，不錯。

難得星期日放假一天要出去走走，近排疫情關係平時車水馬龍的尖沙咀亦變得安靜下來，走動起來也比較輕鬆，餐廳也比較容易訂位，我們倆又去試想起都口水流的酸菜魚。首先一定要提侍應端來兩碗老火湯，今次是黃瓜豬骨湯，俏俏地告訴你們我們各自添了三碗。剛好餐廳正正有烤魚套餐優惠原價$198, 現在只需$98， 我試過烤車跟酸菜湯底，但因為好想食酸菜魚一於試下。一試就愛上，烤魚烤得剛好魚皮黃金，魚肉依然滑，加上酸菜湯少辣，不怕上火，我本身以為湯加烤魚，烤魚會變得過淋，但驚喜是魚烤出的香茅仍然保留(當然不會仍然脆啦），而且多了酸菜湯的濕度。還可以加配菜打邊爐，我們加了肥牛，窩筍，油麥菜，出前一定，酸菜魚配出前一定真的很配。螞蟻上樹－米粉炒得乾身，不會糊成一團，入味，少辣，加上肉碎，多了口感。香油鹽水雞 - 鋪滿蒜蔥，蒜香不絕加上鹹香，雞肉滑溜京蔥爆羊肉一京蔥甜不辣，掛汁，羊肉入味椰子汁－解辣一流，依個包裝亦久遺了

最近想吃辣，特意來這裏吃四川菜。我們點了酸菜烤魚：魚的肉質嫩滑，份量有一整條，而且沒有小的魚骨。魚調味很夠，表面煎過，上菜的時候已經全熟。湯底放了很多酸菜、蒜、秀珍菇和芽菜，酸酸辣辣，非常惹味。吃完魚之後，可以加湯直接打邊爐。麻婆豆腐：麻味很重，辣味帶有一點點酸味，很特別，感覺很正宗。豆腐也很滑，推薦。正宗四川擔擔麵：辣味以外還有花生味，味道很有層次。肉碎也煮得惹味，麵條有彈性，不錯。這裏味道正宗，地方乾淨，staff 很有禮貌，推薦。

無意中發現這家食四川菜的餐廳，難得開返晩巿當然去食啦環境感覺幾潮😂服務態度親切點完菜會上熱湯比我地暖胃，好似返屋企食飯咁🥰/先叫了小食: 避風塘鴨舌好多蒜頭🤤第一次見鴨舌用尼個煮法，香脆可口，送酒一流！主角水煮烤全魚🤩有各款湯底可以選擇，我地叫左小辣試吓先，原來唔太辣，所以一般來講都食到，岩晒想小試牛刀嘅人👏🏻魚皮香脆，魚肉嫩滑，吸晒湯底有d重口味😯要keep住加水🤣如果底料可以多d就好了，不過都可以另外加另外一定要食返少少唔辣嘅平衡下，干煸四季豆嘅咸香好岩送飯👌🏻豉油王乾煎蝦碌😋蝦碌肉質爽口彈牙，又煎到外殼透明，脆脆地，居然可以食埋😯/總括來說尼度嘅食物選擇眾多，加上辣嘅程度唔難挑戰，岩晒想食辣又唔敢食嘅人🥳

今日來到尖沙咀和朋友逛街，先來吃個午餐填飽肚子再慢慢逛，於是朋友推介了這家專吃麻辣美食的樓上餐廳 麻辣五三五。餐廳座位多而舒適，午市套餐價錢也很相宜。精美靚湯 蓮藕豬⻣湯一坐下就會送上一碗熱辣辣的自己煲靚湯，鮮甜入味，火候足，材料豐富，滋潤美味。午市套餐 辣子雞丁 配水晶粉雞肉炸得外脆內滑，鮮甜多汁，帶有少許辣味，惹味香脆，麻香可口，辣椒和芝麻等配料很足，炒得入味。水晶粉晶瑩剔透，彈牙滑溜，幼身而香甜，湯底濃郁香甜，麻而不辣。午市套餐 干煸四季豆 配擔擔米線四季豆爽脆清甜，有蒜頭，肉粒和欖菜等一起炒，濃郁美味。擔擔米線湯底有濃郁的花生味，香甜美味，帶微辣，米線爽滑彈牙，吸收湯底的精華。酸菜龍脷柳魚魚的份量很多，湯底呈金黃色，微辣而酸甜，魚肉雪白，軟稔香甜，和湯底的味道很配搭。酸菜的份量很多，入味而不嗆口，湯𥚃還有寬粉和菇等配料。豉油皇干煎大蝦碌蝦得大隻新鮮，蝦肉彈牙爽滑，煎得香氣撲鼻，豉油皇味道濃郁入味。

一直想念川菜的味道 疫情關係一直不能晚市堂食 上週六終於忍受不住午飯時段直接出去尋找川味 聽從朋友推薦嘗試了這一間川菜館 值得推薦他們提供午市套餐還有單點小菜，套餐已經滿足不了我對川菜的渴望，直接單點小菜先來一個小驚喜 餐廳奉送例湯給每一位顧客，而且還是地道的老火湯，誠意十足，味道清甜有豬骨味香油鹽水雞，十級推薦！香蔥和鹽水完全滲入雞肉，非常入味，而且餐廳應該為了迎合更多香港人口味作出調配，帶有廣東注重雞肉本身味道的狀態，唯一美中不足的是份量可以再多一點，可是味道的確無可挑剔酸辣土豆絲，這一道就完全追隨川菜的步伐，酸麻辣於一身不缺，土豆絲故意切成不規則，每一口亦能感覺到粗幼，達致不同口感我最期待的酸菜魚，先看顏色已經知道湯底味濃郁，果然沒有失望，酸菜的酸味融入金湯之中，另外魚肉採用龍脷柳，厚身滑溜冇骨，適合不喜歡骨頭的人，另外他們亦以大量菇類作配菜，香菇把金湯的味道完全吸收，非常適合送飯，這一道酸菜魚的確值得推薦

有日忽然想食辣野，就去咗呢個評價幾好嘅川菜新店~一坐低，店員姨姨已經態度好好，送咗兩碗熱湯上嚟，仲話可以無限添飲!!碗湯完全係家的味道，無味精，飲完唔口渴，好正！我哋叫咗三樣野食青椒土豆絲 $58因為另外兩樣野都幾重口味，所以特登想叫番樣清啲嘅青椒味好突岀，同土豆絲岀奇地幾夾份量亦慷慨，雖然係炒，但唔會感覺好油!豬大腸干鍋 $118干鍋上枱都會有個爐喺下面一直加熱，豬大腸處理得好好，炸到好脆，邪惡但滿足~ 不過干鍋入面如果有多啲配料就更好~ 金湯桂花魚 $238點菜時店員姨姨都有提我哋呢個湯底偏辣，食落我覺得還好，未去到水煮魚咁刺激。桂花魚片無泥味，夠滑無骨，好食！整體來講，無論食物定服務都會令我想再encore：）

星期六去尖沙咀行街，見附近有間麻辣菜，跟姐姐上來試下。店員會主動把酒精搓手液放到餐枱上👍🏻青紅蘿蔔粟米湯湯煲得足料夠味，不覺得有味精，像家中煲的湯一樣，店員話唔夠可以再添，感覺好客。麻辣口水雞 | $58雞肉大件啖啖肉，不會太肥，加上了芝麻及花生碎，食落好香，雞肉充滿了辣味。蒜片牛仔粒 | $78一上枱便聞到蒜片的香味，炸得香脆，牛肉粒不韌，一口一粒。擔擔麵 | $48擔擔湯底有好香的麻醬味，湯比較稠身，粗身的粉大大條好吸味。雖然點了小辣，但吃起來是幾道菜中最辣，整個人立即出汗，好正水煮桂花魚 | $238桂花魚滑少骨，魚肉加上椒麻味，吃到嘴唇麻麻痺痺除魚塊外，還有豬紅、青瓜、寬粉，麻辣味道出色，寬粉沾滿了水煮的辣油。

今日嚟咗尖沙咀，中午行經見到呢個川菜館，見到啲菜式好吸引，於是同朋友入去食lunch 😋水煮桂花魚 ($238)- 水煮嘅底料香濃，我地叫咗中辣，麻辣味非常濃郁惹味，我同朋友不嬲都係川菜fan，非常好食👍🏻- 桂花魚轉咗龍脷柳，但都好好食，魚肉雪白新鮮，肉質軟滑，索晒辣汁一流- 配料好多元，有芽菜、菇粉、青瓜、豬紅，口感層次非常豐富😋霸王辣子雞粒 ($108)- 辣子雞炸得非酥脆，外皮香脆，內裏軟身，值得一贊嘅係肉質一啲都唔會柴，非常嫩滑- 辣椒同其他配料都好足料，辣子雞一上臺有火煮住，保持溫度，而且香氣四溢，未食已經流晒口水🤤香油鹽水雞 (午市套餐) (酸辣水晶粉) ($68) - 鹽水雞賣相吸引，雞肉白身，大舊多肉，咬落多汁，一啲都唔會老- 蒜蓉同蔥同鹽水雞超級夾，將成個菜式嘅風味昇華💛- 酸辣水晶粉份量充足，水晶粉軟硬適中，而且好索味椰子汁 ($23)- 川菜嘅辣配甜甜香香嘅椰子汁果然冇介紹錯，香濃嘅椰汁中和咗辣味，好好飲😆整體食物質素一流，有正宗川菜嘅味道，份量同賣相得宜，食得非常滿足👍🏻

同朋友揀咗麻辣五三五去食辣野，因為大家都想有啲刺激味蕾嘅感覺😂店舖門口的霓虹招牌都幾有趣😂哈哈，當坐低睇餐牌就開始有選擇困難症，最後我哋就點咗：酸辣桂花魚，點知話桂花魚賣哂！賣晒😱，店長介紹可轉龍脷柳，其實對我而言，冇骨嘅魚就得架啦。這個酸辣龍脷柳，酸菜味濃，魚柳非常大嚿，又多又滑，不得不提它的辣味係食嘅時候不覺的，完全係aftertaste，好正👍🏻香油鹽水雞，真係好香，而且碟雞果然係用鹽水浸，因為雞肉好滑之餘仲係好入味。😍😍前菜嘅小食叫咗：小葱皮蛋豆腐，朋友好鍾意食皮蛋，但係我就一般般，因為我好怕皮蛋有D“額”味。點知一見個皮蛋，糖心㗎😋，放低了戒心便試了一口，嘩！這個，完全冇嗅味㗎👏🏻👏🏻由唔食唔食卻變成同朋友爭食添🤪🤪最後因為朋友係羊肉控，好想食葱爆羊肉，我諗$88應該都唔會有好多羊肉俾到你！係出面食過，都係蔥多過羊肉，但係這間真係大件夾抵食！蔥多之餘羊肉更多。咁豐富，唔得啦⋯⋯又叫咗杯生啤嚟啤啤佢！大吃大喝，這才是人生必須💪🏻💪🏻

近排我覺得有驚喜嘅餐廳係呢間 - 麻辣五三五！餐廳地方比較細，但係乾淨整潔，間隔寛敞，都算坐得幾舒服。首先要讚吓嘅就係呢度嘅服務，店員有笑容又好禮貌，即時喺枱上面放上酒精搓手液。喺我哋睇緊餐牌嘅時候，佢仲為我哋送上靚湯，材料都幾足，飲得出係老火湯又冇味精。之後店員仲同我哋講係可以添飲嘅，仲問我哋要唔要有湯渣嘅，真係好細心。本來諗住上嚟食個午市套餐，幾廿蚊唔駛加一仲連飲品，十幾廿幾蚊嘅飲品都揀得。點知見隔離枱嗰啲嘢食好吸引，仲傳嚟陣陣香味，令到我同朋友都食慾大增。 加上聽到廚房嘅炒餸開鑊聲，就知道有鑊氣，應該好掂！真係冇估錯，呢個【蒜香蝦仁炒飯】一上枱已經聞到好有鑊氣，炒得好乾身，飯粒粒粒分明，完全見唔到有油，加埋菜粒同埋都幾多嘅蝦，好得。 我地揀埋一罐$22嘅椰子汁，呢個餐先係$58，無加一。【青椒清香魚】面頭放咗大量芫茜，加埋青花椒獨有嘅香味，味道果然好清香。 湯汁清澈，酸酸地幾清新。 桂花魚片無骨，大大片，鮮甜，嫩滑而不膩。【馳名樟茶鴨】又係一上枱就先聞到好香嘅味道，未食都知正！ 伴碟係三色蕃薯片，係熱嘅，新鮮炸起。 鴨就唔算好大隻，但都幾多肉，最好食係個皮，超薄、好香脆，又淡淡煙

近期冇得北上食酸菜魚 在香港也可吃到 這一家新的麻辣餐廳位於尖沙咀 相當有水準的由於女朋友和我都喜歡食辣 所以就坐低咗 裝修簡潔寬躺 牆身寫上得意字句 相當好笑 笑住享受午餐 點餐後細心服務員為我們送上自家湯水 魚味濃無味精 夠火候 好有心機前菜 燒椒皮蛋 造得出色 燒椒酸酸甜甜帶點辣味 配上皮蛋 十分配合本身自己好鍾意食酸菜魚 酸菜魚是用桂花魚 一食之後：魚大大片 又無骨 魚片又香滑 滲滿了 酸菜湯的味道 酸菜酸度十足 辣度剛剛好除此之外 干鍋鮮田雞 田雞口感辣中帶點鮮香，肉質彈牙鮮甜 好似係口中跳跳下一樣 加上熱辣辣 相當滿足下次一定要再試一下其他菜式 ：水煮魚

我個鐘意左食辣嘅朋友真係食辣食上癮，今日又叫我去食川菜，位於尖沙咀寶勒巷，第一次黎呢度，原來成棟都係食肆！店內採用落地玻璃採光，好光猛好舒服！未叫野食店員就已經送上雨碗老火湯俾我地暖下胃，仲話飲完可以再添，叫我地唔洗怕醜，感覺店員幾warm幾有番屋企食飯嘅感覺！先黎麻辣口水雞套餐，份量都ok，雞肉幾嫩滑，味道麻辣，不過唔係好勁，好易入口！值得一讚係個白飯，超香飯味，應該係珍珠米！主角梗係酸菜桂花魚啦！雖然唔係火鍋爐咁上，但係新鮮整出黎都係熱辣辣！桂花魚本身醃左，做到好滑，同時魚味好重，一d腥味都無，亦都起哂骨，可以放心大啖食！湯底有勁多酸菜，但係魚嘅清甜可以做到平衡！非常好味！呢個酸菜魚處理得好好！樟茶鴨係經典名菜，呢度做得好出色，一上檯已經聞到好濃烈嘅煙熏味，鴨肉呈深紅色澤，皮脆肉嫩帶鹹香，別具風，處理做得好好，一d鴨腥味都無後記，番到屋企先醒起漏左野係餐廳，即刻打電話去，我未講完店員已經話有執到仲幫我keep起左，第二日番去拎番，店員都十分有禮貌！我覺得呢間餐廳真係幾有人情味！值得再去！