陶源酒家 (Closed)

媽媽向來愛吃自助餐，因此媽媽生日已預訂了某某食肆的Bruch作慶祝，不料媽媽說新春期間吃盡佳餚，再吃自助餐也只會「味」不勝收，因此媽媽提議去飲早茶慶祝就好！早上十一時，我就到了陶源等位，罕有的沒人在等，還可以挑選坐在那裡，認真走運！冰燒三層肉所謂冰燒三層肉就是我們所說的燒腩仔，肥瘦相間的燒腩，外皮橙紅鬆脆，切成方磚狀，脆皮沒有一點破碎瑕疵，賣相十分精雕細琢。吃起來外皮鬆脆無比，肉質鬆軟，肉香與油香兼具，加上調味得宜，鹹淡適中，就連配上的黃芥末也花過心思，添了點白醋，吃起來更酸甜開胃，亦中和冰燒肉的油膩感，整體做的十分出色！唯有可以挑剔就是一客只有十六件實在太矜貴了！海蜇燻蹄海蜇燻蹄份量不多，不過燻蹄的賣相還算不錯，海蜇黃淨粗身，吃起來很有爽勁，調味除麻油外，還加入了些花椒，吃起來有點麻辣感，更覺刺激惹味。燻蹄外皮晶瑩爽脆，肉味濃郁，味道不錯！手拉芝麻滑腸粉未吃單看賣相已猜出這碟腸粉白叫了，腸粉賣相硬實、呈點透明狀，明顯是混和了無筋麵粉而成的，因此吃起來，完全沒能啖出米的清香，入口爽硬，完全沒了腸粉應有的腍滑質感。懷舊蔥花炸両腸媽媽每次飲茶都會心思思要吃炸兩，今次也不例外，不過炸兩的賣相

陶源以鮑魚專門店聞名，但鮑魚這類貴價食物因為食不起一值都沒有光顧過，最近常有這間酒樓的團購，於是就買了一試。因為已一早訂位，所以不用等。店的面積不太大，裝飾不算新，只是普通酒樓，餐具也是普通酒樓的款式，不特別精緻，不像是食貴價的鮑魚專門店。來到時顧客不太多，後來陸續來到，幾乎也坐滿八九成。堂剪奶豬 （團購價＄88半隻）乳豬雖然只有半隻，但也不算小，侍應半隻拿出來給我看過後才拿去剪開，乳豬是新鮮燒的，外皮脆，味道也不錯。名門蝦球 （＄98）蝦球表面有脆漿炸成，再加上沙律汁炒，表面有少量飛魚子，酸酸的很開胃，菠蘿是罐的，如是新鮮的會更好啫啫時菜 （＄78）時菜是生菜，砂窩是燒熱後再在客人面前把生菜倒進去，嗟嗟聲，香味飄來，裏面有蝦醬，十分惹味野菌雞半隻 （＄148）菜牌上說要預訂，問侍應後說可以即製，但時間會長點。可能腌得不夠時間，雞肉不夠入味，雞雖然不是新鮮雞，但雞肉也比較結實，有雞味食完後原來待應還送上生果，有西瓜和新鮮菠蘿，清甜，味道不錯，可算是額外驚喜。論食物質素不是說很高，比翠園差，環境也比翠園差，價錢就偏貴，埋單三人 ＄440 另外團購的奶豬 ＄88侍應有幫我們經常換碟及加水，

本以為陶源應比其他普通酒樓好，於是特地一行8個大人3位小朋友初七聚餐！怎料有以下的待遇，大家真的要好好考慮是否惠顧。8位大人，我們叫了個8人餐加些餐飲和壽包，8人計每人要500元，全張單4千元起初服務員的態度還可以，又來逗小朋友玩，但後來發現我們不打算給利是，便有所不同了！我們是第一次光顧，為何要給利是？不給就不能得到公平的對待？大家可以上網頁看最後一道菜名為「環球鮮果」，大家會認為是什麼？3千多元的套餐也應該是果盤吧？當時經理也是自己說最後上果盤，後來等了又等，都不送上，我們只好問一問另一位店長，她突然說「哦！你要果盤？來~~比個大吉大利你？」什麼大吉大利？最後來了11個大柑！店員放下時我有問「這就是你們套餐的果盤？」那店員猶豫，只說是便走開了！我不知道究竟「環球鮮果」是不是等於大柑，如果是，500元一位的收費大家也想想看，若不是，那為何我們受到歧視呢？服務差！大家三思！

又是與家母飲茶的早上，她選擇了荃灣如心廣場內的陶源，因為首選的彩晶軒，沒有那麼早開門。她拿著特價點心紙，不斷地揀心水，最便宜的是盅頭飯，＄9.8一盅，不過鳳爪排骨飯則貴＄4。如果是＄13.8一盅，只是比外面便宜少少，飯底頗濕，未盡滿意。蝦餃的外皮，仍是與大多地方一樣，用筷子一夾，感覺很黏的通病。鮮蝦莧菜餃的外表晶瑩剔透，可惜的是，外皮一樣地黏，任由蝦肉與莧菜的甜，也無法挽回。另一款餃為娥姐粉果，都是一樣，黏。炸點代表春卷，新鮮炸起，當然不太差吧。特價後＄16.8的棉花雞，賣相求其，加上蟹柳完全是整色整水，虛張聲勢，只有魚肚最為可取。蘿蔔糕粉多過絲，唯有狂加甜醬辣醬，來掩飾自身的不足，像相貌平庸的女生，要施厚粉，化恆妝一樣道理。同樣是＄16.8的瑤柱蔥花布拉腸，特價後亦不算便宜，貴在有瑤柱在內？連茶錢，埋單差不多＄200，貪平貪特價的話，不如去荃新天地的麗都，就便宜得多了。

我係海鮮達人梗係中意食海鮮,有次老表請飲,野食就soso咁la,但果一味帶子就正到暈.嫩滑不特止,仲要有鮮美,好彈牙gum,我唔似好多話自己食海鮮叻既人,我真係叻既.仲有條魚就唔太得,蒸得un到爆,成日都係咁,離譜ar不過甜品就好好,仲好過街口轉角間野,紅豆沙夠甜,我呢種人最arm食.女友都話好,所以一定好.

今日星期日，去左呢到同阿媽去飲茶，咁我地得2個人，見到佢地有個叫做「雀籠點心」既未試下LOR，佢張紙又冇話會等耐D，落單個陣個姓劉既女經理都冇講! 咁好啦! 等得耐本來都唔係問題，星期日多客都明，((雖然佢完全唔洗等位，隔離彩晶軒要等起碼9個字))，但係我地由12:30分落單，12:45分第1次問個劉姓女經理，可唔可以幫我地跟下張單，睇下係唔係走左單定係要等咁耐，佢一路話「好好好，我幫你睇睇下!」之後等到12:50分又見到佢再問多次，佢又話跟緊，之後13:05，再問多次佢啦，佢話「呀小姐! 雀籠點心係要耐D 家，你等下啦! 起碼要等半個鐘家!」之後我未話「下! 宜家都唔止半個鐘啦! 13:05啦WO，我12:30叫你落單! 就算真係要等耐D，你係唔係都應該係客人落單個陣提一提呢?」之後佢黑口黑面唔出聲又走左去，咁我真係好鬼肚餓，咁我未落多張單叫多碟腸粉啦! ((當然叫另一人落單再順便睇睇本黎張單點啦!))之後碟腸粉又到左，仲要食完啦! 個「雀籠點心」仲未到個陣13:15分啦! 咁我再問多次點呀到底佢到唔到呀? 唔到我走家啦! 點知呢個時候，個劉姓女經理先至走黎話「喔! 同事冇同你落單W

家姐生日想食好d，之前都於其他分店飲過茶，都感覺唔錯，今晚對酒家完全失望，食物種類不多，1.一坐低d 伙記成日叫我地叫住d餐前小食食住先。2..餐牌上的套餐有名無實，原本叫個4人套餐，價錢$888，食下翅，有兩個小菜，點菜時個部長同我地講，呢個係午餐喎，不適用，但係個餐牌上沒有寫明是午餐囉，然後立即收起個餐牌。2.冇4人套餐食咁就轉叫隻叫片皮鴨$268，佢話冇喎要預定先有得食，最後我地叫咗個4-6人套餐$1490，3.食物水平唔掂，其中一樣係龍蝦伊麵，d龍蝦燶燶地，d麵又唔好食!4.唔問唔介紹，原來渣打信用咭做優惠套餐，見隔離枱d人叫個d套餐，我地先知，跟住問佢地係唔係，佢地先比我地睇d套餐，價錢都唔平架，個服務員同我地講個餐牌放係門口，要客人問先話有，先比餐牌佢睇，然後同我地講，明晚來食過囉，我已經好嬲，立即同個服務員，唔會再黎食囉，d野食咁，唔會再幫襯!最後埋單差唔多成$1800~

星期六晚去食晚飯, 一D都唔滿, 完全唔洗等位。陶源出名鮑魚靚, 但係價錢仲靚部長話3,4百蚊一隻既只係普通罐頭鮑, 要食乾鮑? OK! 2千蚊起一隻唔記得左幾多頭啦乾鮑就食唔起啦~ 就叫左個雞煲翅黎飲下, 5百幾蚊, d 翅既份量都算ok 啦另外叫左幾個小菜, 不過真係好普通, 所以都唔係好記得個名啦~~食唔到一隻隻鮑魚, 一粒粒既都照殺啦~海參鮑魚煲d 海參一d 都唔入味, 煲仔上但係一d 獲氣都無~~ 失望不過就勝在宜家渣打卡叫某d 送有優惠...不過4個人都叫左千3蚊...呢個價錢, 可以食到d 更美味既野lu~~仲會唔會再黎? ummm..等我終有一天叫乾鮑既時候啦~

如心廣場人流不算太多.在3樓有2間酒樓.同樣環境闊落.相當寧靜.服務有效率而熱情.但價錢絕不會數十元有交易.白灼菜心38元:如果我點的.我一定不要,幸好尚算新鮮.乾淨.有菜味.又不油.價錢雖不值,當健康食品也不俗.三層燒肉98元:上枱時.驚訝為什麼佻骰咁細,?味道肥瘦適中.重肉鮮味,皮不太燶.十分香脆.相當好食.芒果西米露:22元夠凍不會太甜.奶香味重.芒果來貸靚.相當鮮甜.可媲美糖水店...只是因價格高.不可時常食.另有2碗飯.茶錢已接近230元

小弟牛一, 老婆特登一早收工同我食飯, 今次係如心廣場陶源酒家, 平日得幾圍台, 環境吾噪, 兩公婆談下心又幾好, 今次吾食鮑魚, 試下其它菜式: 金銀菜燉白肺>>> 吾覺有味精, 個湯好濃, 湯渣食埋滋潤下個肺.通菜>>> 好難相信酒樓會炒出咁既通菜, 菜太老, 茶餐廳都好過佢, 好失望.乾坤海星斑>>> 炒得好乾坤, 蒸可能會比較好, 白白浪費左條石斑.宮庭醬烤骨加包>>> 烤肉骨夠香, 配搭個包一齊食都OK.最后送左個杏仁茶, 不過不欠.食完餐飯, 小弟只能說我比較喜歡平時來飲茶多過食晚飯.

今早一家由大家早早出了荃灣飲茶, 選擇這馳名鮑魚的酒樓, 去到雖然唔使等位, 佢話冇檯啦所以比左個門口檯我地, 位置唔係重點所以沒太大問題, 食野先係main point嘛, 點左一埋點心, 首先見到size嚟講可能呢間集團係做啲比較精緻的點心, 所以件件都好細, 細件都唔緊要, 點知味道真係唔似大集團出品囉!其實首先開茶, 明明叫水仙,你就比壽眉, 已經唔係用心去做野, 輪到點心, 味道的確平凡,點心紙寫到天花龍鳳幾名貴又鮑魚又鮑汁, 味道都係差, 最吊詭係所謂春風得意脆蝦腸, 究意係佢隻蝦脆OR腸粉皮內的春卷脆呢? 到呢刻都未解開呢個謎團, 到頭來所謂的春卷皮同腸粉皮一樣林囉......仲有蘿蔔酥上台係凍,試想想一件炸物上台係凍係幾難食呢.......但全部點心當中都有D味道不錯, 例如鮑魚干蒸燒賣, 其實有冇鮑魚都冇乜所謂, 反正得一小片, 我想讚的是燒賣唔林唔多肥豬肉, 香香冬菇味很不錯

旅遊返港…相約老友記嘆早茶…<陶源>已黎過幾次...本來試隔離間<彩晶軒>的...點知佢地閒日11點先開?!...結果今次就又”翻兜”<陶源>先啦!!...哩度好在早茶時段點心紙上o既菜式不時會轉換, 保持新鮮感亦讓顧客可以較低價錢試多少少吾同口味...另外一讚係佢地服務始終如一, 好有禮貌之餘亦緊張留意客人對食物o既意見!!...而且可能係地理環境關係, <如心廣場>哩幢商廈又真係開左咁耐都靜過鬼...客量少空間多, 耳根清靜!!初試o既有…金菇雲耳蒸滑雞飯…用新鮮金菇比用金針好味…米飯香亦粒粒夠企身好嚼, 雞肉夠滑溜…加上佢地調配o既撈飯甜豉油好鮮味可口, 真係齋豉油撈飯都可食上兩踠大白飯!!!...哈!!沙葛牛肉腸…原身牛肉腸餡料都係軟爬爬o既免治牛肉, 加沙葛粒後起左爽口o既作用但又吾會搶味, 加上粉皮滑芫茜香, 係相當吾錯o既配搭啊!!豉椒排骨蒸陳村粉…用荷葉托底, 賣相就一般; 味道冇問題, 失望係個粉層層疊得好厲害, 柔軟度吾夠…稍一放涼仲好快硬身…不過服務員小姐一聽到我地評論就話會快快同廚房講…其餘o既香蔥

睇完上次話星期六下午茶好抵飲,所以就去試一下......不過同上次筆者所有天大分別了.......UPDATE 一下下午茶由二點半開始，我地二點十五分登記下午茶只有一張特價紙，點心由$11.8-$$22.8 約10 款但没有特式.....我們點了以下點心: (5 分最高)翡翠牛肉球 $ 11.8 -- 3分殿堂牛肉腸 $ 11.8 -- 3分 雞絲春卷 $ 11.8 -- 4分蝦餃 $22.8 -- 3分 义燒飽 $11.8 --4.5分腐皮卷 $11.8 -- 2分炒粉麵只有5 款 由$68-$88 ( 不過全都不是特式野)其他點心全部正價加上要$10酸菜 + 每位茶芥 $10 又無選擇所以一次算了!!!

大年初一諗住同爸爸飲茶, 所以之前已經訂定位, 12:30去到同門口個知客講已經訂左位, 點知佢話無哂位, 得番門口個張, 由於家人仲未到齊, 所以我就講繼續等, 咁當我一路等既時候, 就不停有客黎飲茶(超過十組人), 無論咩人數既都有, 而且全部都可以直接入去就有位, 但係個知客一路就無理到我, 亦都無問到我人齊未呀..等等.我一路等就一路望住, 直至等到45分鐘, 個知客都係無同我溝通過, 於是等到我屋企人到之後就轉左過去隔離"彩晶軒"飲, 相對彩晶軒既知客就好好多, 講明入面有枱已經埋單, 不消五分鐘就已經有位坐, 我相信呢間酒家個品質應該都幾高架, 但係唔知點解會請D咁差質素既員工, 或者個日可能我無同佢講"恭喜發財"同埋比利是喇.....

本人是剛剛先開Openrice,又唔知寫咩好,不過有一樣食物令我好難忙,有一日,我想同我媽咪去飲茶,唸住做下孝順仔,去了一間廣場,那裡有一間桃源酒家,那裡點心很精緻,賣相亦很好,不過價錢就比較貴一些而當中有一碟小食,叫冰燒五層肉,其實即是燒腩肉,不過制法不同它是未解凍就燒,所以每一粒五層肉都能保持肉汁,而且皮很脆,一入口即刻熔化每層的肉和脂肪分得明顯,令人食完又想食多粒