陶源酒家 (Closed)

人老了，便開始注重養生之道，怕多吃肥肉不易走肉，怕自己的新陳代謝愈來愈慢，怕身體再消化不了主要以豬油搓的廣東點心，如燒賣。茶樓的點心不止是多豬油，也多味精，所以我再愛喝茶，也怕吃點心，怕長胖。陶源的點心卻令我很安心，因為不太濃味(食物鮮味很出)，也許在很多人眼中，這兒的食物都很清淡，但這兒卻是我的至愛飯堂之一。現在的物價每日上升，外出進餐平均也要百多二百元埋單。今次特意在放假時跟家人吃個早茶，想不到特價早茶竟是如此便宜，一百元己能埋單，CP價爆燈!黑芝麻流沙包(HKD11.8)大家一向認知的流沙包都是以奶黃作餡，記得童年時候有幾間茶樓曾經銷售黑芝麻流沙包，但也非常罕有，也不一定是真正的「流沙」。陶源的黑芝麻流沙包的確令人喜出望外。首先，價錢方面，十二元有找的三個包，這個世代究竟可在哪兒找到?很多餐廳也有黑芝麻的食品，如黑芝麻湯圓，但其流心程度幾乎是零，英文TERM的話，我可以說黑芝麻餡都很Viscous。原因通常是廚師偷懶，把餡搓好後便馬上包湯圓/包皮，沒有把黑芝麻餡冰凍。陶源的大廚一點也不懶惰，有時多做一步，結果會很不一樣!鮑汁野菌千層腐皮(HKD14.8)作為豆腐控，我盡可能也會嘗

又黎到食大閘蟹既季節，我當然急不及待相約朋友大擦一餐！可惜喺大group chat 到，班男人扭扭擰擰，其中一個女仔fd終於頂唔順，喺girls gp到約，仲即日已經confirm到日子！由於大家日頭都要返工，好難自煮，咁啱見到有陶源有團購，就決定一試。前菜係燒腩仔同素鵝。燒腩仔肥瘦適中，皮亦脆，nice! 素鵝外皮亦脆，但粉漿稍厚，亦比較油，仍都ok!之後係小米海參金湯，顏色吸引，但味道非常淡，要加很多胡椒粉才有小小味。鮑魚鵝掌，兩者都非常入味，鮑魚不"un"，鵝掌非常䭃，正！主角大閘蟹終於上場！一人2隻，都係公，會等你食完一隻先再上另一隻，唔會凍曬。size比一般蟹餐(eg.東x ，x星...)大，蟹黃豐富(因為太忙於食蟹，所以無影)，非常正！食蟹之後仲有野食，魚扒天使麵，其實不過不失，但好想有粟米汁配魚！均衡飲食係要食d菜既，上湯浸時蔬，味道正常。薑茶湯丸，敗筆！薑茶勁辣，湯丸太淋，失望！雖然甜品令人失望，但蟹水準高，今餐仍然令人滿足！

10月又到食大閘蟹季節, 早前朋友買了團購食大閘蟹餐金湯小米燴遼參, 遼參很彈牙煙韌冰燒三層肉伴素鵝, 燒肉好細, 皮好脆, 不過肥膏好多素鵝外皮香脆, 感覺有點太油主角大閘蟹, 每人有二隻太湖大閘蟹, 唔算好大隻, 膏也不多, 而且不夠creamy和不夠香蠔皇原隻鮑魚伴玉掌, 鮑魚好鮮甜, 鵝掌入晒味, 不錯西式香煎龍躉扒天使麵, 天使麵好乾而且份量超級少, 只有幾條而已另外龍躉扒吃不出龍躉那種深海鮮味, 彷彿似食緊魚柳最後的薑茶湯圓, 薑味好濃, 湯圓皮超薄, 芝麻味香, 不過有d油浮於面

中午同屋企人去飲茶😋叫左唔同既野食，樣樣都唔錯，不過佢地話燒肉好細件，細左少少，不過幾脆幾好食，唔油膩，細細件幾好xd重點係我飲茶必叫ge流沙奶黃包！熱辣辣！超流ge流沙！入面有蛋黃架！超香超好味！下次黎一定要再食！

今天上午11:07, 我跟媽媽, 還有兒子跟老公, 到了這家酒家用餐, 我們大慨坐了一會就把4張不同的點心紙遞到"娜姐"手上, 給她幫下單, 結果我們坐了半小時, 幾個人喝了不知多少杯茶了, 東西都還沒到, 於是乎我們就開始追已下單的點心了, 幫我們查單的叔叔很客氣的跑回來問我們, 你們點了什麼????你們可試想想等了半小時的我們, 在這個情況下...任何心情跟情緒都不會控制得了。那位叔叔問: 你們給誰的, 我們是給那位"娜姐", 叔叔叫娜姐過來一下!後來"娜姐"有走過來說了句: 我把他們的單放那裡了... 不過又不知去哪了?我們火都來了... 請問我是應該要知道這些流程嗎? 我媽馬上問她, 怎麼可能這樣做, 妳根本沒幫我們下單, 是不是?這樣是給什麼服務丫, 一句說不知道, 基本上是不想幫我們啦...難道我們下的單妳下藥我們都不知道啦?你們猜一下她的反應是什麼嗎?她用種看不起人的眼神轉身離開...oh my god... 然後部長陳波先生, 來幫處理了, 我跟陳先生說, 在上次我們來的時候是5月13日, 那位娜姐也是在我們要離開時, 說了點心沒到的幫取消, 順便請結帳, 她說不是她下

尋日(1-5-2015 Fri),男友人LKH o黎荃灣攞獎,咁不如我請佢o地一家同到來o既朋友DC同BCL夫婦食晚飯啦,我就揀o左呢o度,而最後,LKH太太因為唔舒服而返o左屋企,而佢又因冇帶門匙,細女就要返屋企開門,所以計埋我男友同LKH大女婿一共8人食.佢o地個個都就住我銀包o黎叫餸=.=”,我先叫o左:1. $38.00o既藍莓汁淮山餐前小食賣相唔錯,軟腍o既淮山本身冇乜味,加甜酸度o岩o岩好o既藍莓汁食係唔錯.不過呢晚個個提起藍莓色變,所以多數都係我同男友食.2. 素鵝唔知係咪知道我o地呢張枱有8個人所以切成8件,呢個皮脆,素餡料唔係好多,味道清淡.3. $124.00o既黑松露鮮蝦賽鎊蟹呢個樣樣都對版冇問題.4. 玉子豆腐呢個加o左蝦籽,個人覺得鹹o左啲.5. 蒜蓉炒菜心呢個味道o岩o岩好, 唔錯.6. 鹹魚蒸肉餅呢個肉餅唔係黐住,散o既,我食唔到鹹魚,可能呢個係鮮魷蒸肉餅o掛,不過佢加o左鹹油,又係幾鹹.7. 蒜香雞皮脆肉嫩,唔使蘸汁食都好夠味,唔錯.8. 冬瓜盅應該係分到10碗,湯o既顏色幾深,我o個碗有帶子同蝦仁,男友就有響螺,食材都幾鮮,但湯都幾鹹.我o地都有叫兩個

因為有張優惠券買一送一大閘蟹套餐.， 所以專誠搵朋友去試下。 可能今日星期一， 可以用冷清黎形容! 所以去到想坐邊都得講返野食先， 呢個套餐基本上以為好多野食， 但個問題係個餐冇樣好食一黎前菜係三粒燒肉粒 ， 再加兩條唔知咩卷 講真我唔覺得好食 仲要話燒肉係招牌菜跟住上個黃色既冇味湯， 飲左落口第一啖都唔知飲緊咩 我要睇返菜單先知自己食緊咩接住上個蟹粉小龍包黎 都係覺得一般 之後就上主菜大閘蟹。 我可以講呢個係個餐唯一食得既野。 但個餐得兩隻，所以 唔夠食最後每人加左每隻88蚊 諗落我不如去鴻星食佢個餐， 起碼有個飯落下肚先啦仲有個菜苗油過我塊面， 食左兩條已經食唔落塊魚柳都一般個湯圓咁基本就唔多講啦 不過都係唔好食總括黎講冇下次首先野食唔得都已經唔掂 服務又唔得 講真又唔係多人 上菜完全冇效率 d員工自己又唔溝通 明明已經叫左佢上 點知都未黎 又要我叫多次 個服務員企係隔離完全係冇靈魂既 唉 話哂都要做集團式大酒樓 冇諗過咁樣囉

朋友聚會, 決定用買一送一的優惠食大閘蟹... 個餐係 568一位, 買 一送一, d 餸係一位一位上, 初時感覺都幾好, 幾衛生, 點知... 講返個menu, 每人可以食到,. 1. 生拆大閘蟹小籠飽 (好味, 我好想加多幾隻, 不過因為....... budget 關係, 無加到)2. 冰燒三層肉配一哥又燒 (好普通, 份量好少)3. 正宗太湖大閘蟹, 每位兩隻, 每隻5.5兩 (逐隻上, 不過個問題係, 有人食得快, 有人食得慢, 要等齊人先上, 就有d 人要睇住人地食, 個情況唔係好理想....... )4. 金湯小米燴遼參 (唔好味, 個湯底好似南瓜湯, 再加上小米同 遼蔘, 個人覺得唔match!)5. 西式香煎龍躉扒, (配一少少angel hair, 有少少不輪不類, 不過個魚扒就好好味, 好正)6. 珍菌米湯浸豆苗 (麻麻地, 因為我地食的時間已經凍左)7. 薑茶湯圓 (又幾好味, 好有薑味!!)8. 時令鮮果 (呢個麻麻, 因為生果唔係太新鮮同埋件西瓜片上面有紙碎)上面都提到, 因為係一位一位, 上菜, 食到大閘蟹就出現左問題, 因為人人的速度唔一樣, 變左有人要

今朝飲早茶，因為知道有早茶特價，叫了＄18灌湯餃，外表ok,餡料多是豬肉菇類，但湯勁鹹，鹹到飲叫落，另叫了鳯爪同叉燒腸，兩樣都幾好味，鳯爪好juicy,總括來講，都會再去，不過扣分係Ｄ伙計着重熟客，去到明明有Ｄ吉枱冇人坐，都話有人㗎，唔坐得，根本都冇客，對生客冇乜招呼，呢Ｄ唔掂！

只可以講，d點心得個鹹字。我地四個人點了叉燒包，燒賣，鮑魚雞粒酥，灌湯餃，排骨，灼菜，冰燒三層肉。以上每樣除了灼菜之外（叫了走油），其他點心到鹹到喊。叉燒包不知道放了什麼調味，味道勁怪。燒賣我食到粒臭蝦。。。冰燒三層肉個皮硬不特止重鹹到苦。灌湯餃個湯都不知道放了多少鹽。。。。侍應服務態度不錯，不過勁hardsell老火湯，燒鵝之類的。不同人來sell幾次，實在有些煩。母親節不用等位除了位置外，我想食物質數也是原因。試過一次便夠，不會再幫襯。

親放假, 一早起身飲早茶, 原本打算去新斗記的, 但去到先知開11點, 激C對稻香, 煌府無興趣, 之後再睇埋翠園, 好多人排隊, 就走左黎陶源一試2個人點左4個點心: 流沙包, 燒賣, 蝦餃, 鮮蝦脆腸粉1. 流沙包: 一D都唔流, 皮厚餡少, 好失望2. 燒賣: 一般, 同一般酒樓差唔多3. 蝦餃: 一般, 皮唔算薄, 蝦餡OK4. 鮮蝦脆腸粉: 皮太厚, 餡少, 入面有D炸腐皮碎之類所以叫"脆", 但落得唔夠整體點心質素一般, 但要$150落樓, 唔值SERVICE一般環境好嘈, 4圍D人講野好大聲

星期曰,被爸媽一早叫醒,萬般不願意下起床,和他們到這裡飲個早茶,雖然都算人多,但只需要等了約二十分鐘.點了一些點心,十分好味,腸粉超滑,皮又薄,勁正叉燒包勁軟熟,餡又多蘿蔔糕煎得超香,口感好好,不會有好粉的感覺整體十分好味,出色的點心!!!

高興能與家人午餐，爸爸決定到荃灣陶源酒樓，果然點心非常出眾，鮮蝦腸粉，晶瑩剔透，皮薄餡靚，非常好味。鮑魚汁鳳爪，非常惹味，味道相當濃， 亦非常入味，令平凡的鳳爪變得不平凡。叉燒包亦十分出色，熱辣辣的到來，快快趣的吃下。在這裏和家人吃了一個愉快的午餐！！！

上次我在九龍灣陶源食過榛子拿破倫, 好好味^_^是晚專程帶親人到荃灣分店品嚐榛子拿破倫, Oh no.....居然上枱三次都做錯咗(第一次做咗士多啤梨, 第二次做左只有少許榛子醬在餅面中間是芒果, 第三次有原粒榛子啦, 不過中間沒有榛子醬...已經算了吧! 只有吃下去, 榛子及酥餅都唔夠鬆化。

是日會去如心化石公園看展覽，早上先去如心廣場的彩晶軒飲早茶，點知9點9過到去發現未開門…明明上一次9點鐘來到她已營業(事後上網查資料才知道原來改了10點開門)。不想等於是便去對面的陶源酒家，反正未試過，此酒家是富臨集團旗下不過消費屬於中上格局，更是有鮑魚專門店的專稱。預算今餐不會便宜，開好茶後打開餐牌，內夾有特價點心紙，估不到這店都有提供早茶優惠(入單計)，星期六早上8時至11時，星期日及假期早上8時至10時，貼近街坊酒樓價，以這地點來說算得上經濟了。這裡的服務是意料之外的良好，加水速度是超快，基本上一開壺蓋，店員就前來加水了，他們的態度也不錯，正在執枱未有時間收點心紙也懂說”請你等等”，追單又真是有人跟進喎。距離10點還有15分鐘，我們當然主攻特價點心，基本上粥﹑飯﹑煎﹑炸﹑蒸都各有一些，所有點心都即叫即蒸，除了成品熱燙非常外，而且是需要些時間等候的呢。甜梅菜馬蹄肉餅蒸飯$9.80是友人的主菜，一個小盅的飯配以一大片肉餅，我只小試一口飯，飯粒分明，加上吸了肉餅流出來的肉汁，不沾豉口這口飯已經是好吃。我的主菜是菜苗什菇腸$12.80，迷你的三條，菜苗吃不出來，不過菇粒用量極多，但我食來