陶源酒家 (Closed)

雖然呢餐係本週末最後的一餐，但因為實在太興奮，一定要寫先。男友不知從何途徑獲得陶源乳豬券一張，五人或以下光顧就可以無條件送乳豬半隻；聽聞此店食物質素不錯，就去拜會一下。以為送的乳豬，一定份量較少；所以二人除了乳豬外，還另要了兩個「平餸」：高原木耳海蜇花($38) 和鮮魚湯山珍泡魚腐 ($65)。先來的是高原木耳海蜇花。海蜇和木耳都夠爽夠新鮮，加上拌入了適量的芫茜，滋味得很；份量雖少但作頭盤剛好。接著來的是鮮魚湯山珍泡魚腐；以一個大鍋，盛著魚湯，浸著魚腐、娃娃菜和本菇、鮑魚菇等物；魚湯味道鮮甜，而且感覺滑溜得很，用上了足料的鮮魚製作，很好喝；而魚腐也很鮮美，娃娃菜和菇類也很新鮮，吃下去既美味也舒服。最後就是乳豬上場了！哇！半隻乳豬，一點也不欺場，份量相當大！兩個已經半飽的人不禁心裏滴汗....如何消滅呢？侍應將半隻乳豬金體捧來予我們過目後，就捧到一旁去將其剪件了。剪件這過程最失敗 - 好端端的一隻乳豬，偏被剪得一岩一忽的甚不美觀！何不以刀切整齊地切成一件件呢？這點太公實在不太明白。但除此以外，這乳豬實在是非常出色 - 是剛烤出來不久，乳豬還是暖的，芝麻皮很脆，肉質也很鮮嫩，味道實在是太好

留港消費團check out後,到這間名為鮑魚專門店的酒家飲茶,人一世物一世嘛!!從人跡罕至的商場裡左穿右插,終於見到酒家所在,要不是有這間酒家和另一間食店,這間小甜甜商場真的職員多過遊人了!!竟然不用等位!! 而且桌與桌之間頗有空間,情況跟一街之隔的翠園是2碼子的事!! 大堂吊著大大的水晶燈,真的有點氣派; 那隻墊碟用的玻璃碟也很別緻,不過我還是喜歡翠園那套有英式下午茶感覺的茶杯多一點。前菜分別是很像紳士牌花生的花生,脆脆的很好吃!!另一碟 xo 醬就留給大人好了!翻開餐牌,這裡似乎主打商務客,商務套餐比較多選擇,幸好點心也算多款式!! 特價上湯灼菜心份量很大,大人還懷疑是否給正價的份量! 菜心質素不俗,用上有坑紋的笑口菜,味道會較清甜,配上不太咸的蠔油,簡單的美味!!叉燒腸粉質素比翠園好, 軟滑得來沒黏得那麼過份,厚度也很適中!最重要是醬油的味道又濃又甜的很好吃 叉燒質素也很好, 肉質軟軟不太肥,切得也不會太碎,不錯!!娥姐蒸粉果造得很晶瑩, 從薄得透明的澄麵外皮中輕易看到豐富內餡,賞心悅目!! 甘筍、粟米加蝦肉的內餡吃來爽口, 味道偏淡不太濃! 月巴人將粉果蘸了甜豉油後, 味道

和爸爸兩人於星期日早上去喝早茶，爸爸先去等位，我到10點多才去，我到的時候客人不多，沒人在等點了千層糕，叉燒腸，灌湯餃，鳳爪，蜂巢芋盒，小籠包，蟹肉餃食物是一貫水準表現可是服務是我這輩子沒有感受過的差！速度慢，侍應每個都是臭臉，水沒加過，吃完的點心籠沒人收走，實在忍不住，趁上點心的時候雙手捧給侍應，可是她居然瞪我，然後說我不收，然後就想要走開，我快要罵髒話了，結果我將那點心籠丟到那侍應的空的托盤裏面。 超級火大！我不會再來！

卻說某日朝早因工作關係去左荃灣如心廣場呢間陶源酒家個商場唔知點解乜舖頭都冇，係我蠢定乜鬼啦，要上到 3 樓搵到呢間野都花左一段時間聽聞間野係新開，新左幾耐就唔知，不過裝修的確十分華麗枱同枱之間好多空間，有大電視，連四人/二人卡位都有個十幾吋既獨立電視，豪裝！招呼方面，由於我去拎野，姐姐仔要我等，就帶左我搵張枱坐低先，叫同事俾杯水我坐左陣睇下 D MENU，我就叫姐仔不如開壺茶黎，食埋早餐先走！阿姐一邊開茶一邊問我︰「係咯，飲埋茶先，D 野食好吸引哩~~？」我心諗，食過先知~一個人食得幾多野？於是叫左一盅排骨飯，同埋一個千層糕上菜速度其實幾慢，都等左成十五分鐘先拎到黎，呢段時間我就留意到環境其實幾靜到到阿姐上菜時，禮貌真係 100 分喇，早晨都講埋，抵讚~個盅頭飯同出面食既唔同，有咩唔同？SIZE 唔同囉，呢個少大約一半啦~不過唔緊要，女仔人家食早餐係咁少少地先似樣架嘛食既時候，自己心急未試味就落豉油，其實都唔駛，本身已好夠味！飯同排骨都好好，食到底，通常咪有爛飯痴底既？呢度都冇，粒粒分得好開~到個千屠糕，食完成個飯佢都仲未凍，GOOD!好鬆軟，唔甜，仲加左果 D 咩仁(？)咬口好好，正

星期六女朋友生日，之前去過幾好，諗住再去多次，叫經理寫左菜先，10個人，4千蚊，有鮑魚、有翅，仲有龍躉食。都算ok，全程服務都幾好，值得一提係個壽包，好巨型，入面仲有蓮蓉，仲有粒咸蛋黃，暖苙苙，好好食。

奶奶今年七十大壽, 我地幾個決定一家人食餐飯同佢做壽, 因為奶奶唔鍾意走得太遠, 最後選左位於荃灣的陶源酒家, 因之前係佢地旺角間酒家飲過茶都覺得唔錯.一個星期前打電話過去問佢地是否有六人壽宴, 聽電話的小姐好禮貌表示叫經理同我寫菜單, 叫左佢寫張三千元左右的菜單傳真俾我, 當天收到張菜單, 個經理還打來叫我收到沒, 同埋叫的菜式啱唔啱食, 有無野要更改之類, 返去同屋企人商量後, 奶奶話經濟不景, 唔好食太貴, 過左兩日, 我又打去叫佢改左唔要鮑魚, 金額改為二千元, 聽電話的係上次同一位小姐, 不厭其煩的同我對菜單及其它細節, 語氣完全無因為改細金額而有改變, 第一感覺巳很好, 一間食店俾人既第一印象就係佢地既服務員态度.今天下午, 呢位叫阿梅的小姐再打來同我確認今夜既時間及人數, 八點準時去到, 本來諗住佢所在的位置唔係咁旺會少人, 點知見到成間酒樓坐晒客, 行到門口即刻有服務員帶位去到留俾我地既台, 六個人坐張八個人都坐得鬆動的大枱, 好舒服, 呢個時候, 自稱阿梅的服務員走來同我打招呼並遞上卡片, 所有服務員都好有禮貌, 感覺好好, 齊人後叫佢地上菜.首先上枱的係江南五小碟,

星期六晚上在荃灣食野，想起在openrice 講如心廣場新開一間陶源酒家。一行三人去到如心廣場全商場只有兩間鋪頭，以為一定很少客人，怎知道進去後，全院滿座，更有人擺喜宴。看了一會兒菜牌，點了三位飽魚魚翅大閘蟹套餐，每位$338。鮑魚夠大隻，不過是鮮鮑，味道不錯．魚翅夠份量，大閘蟹膏夠香，整份餐食完覺得很飽．見服務員很忙，飯後還幫我更換熱茶，餐具一套一套在換，不錯．可以再來．　

"如心廣場"商場尚未有商舖進駐,暫只有陶源一家,但商場仍燈光火猛,算唔話得!本人今次係食晚飯壽宴,評價如下: * 服務非常好,侍應服務態度殷勤,抵讚! * 食物有水準,賣相及味道都好好,用料新鮮,整體每道菜都OK,特別一提~ - 蟹皇翅用料真係好足,有料到,啖啖都有蟹有翅食到 - 荷葉飯一流,本人唔鍾意濕淋淋果種飯,而呢個飯就一粒粒乾身仲有好多料,好好味!! - 壽飽就好大個,飯後一定食唔晒一個,個飽好鬆軟,而且一個每飽都有一個 小蛋黃,意食蓮蓉蛋黃o既朋友一定好滿足! * 環境因為係新開,所以都好乾淨,o的餐具都有講究o下o既,當晚都見到有外籍人士在場用 餐,整體環境都舒服o家,廳房都有卡拉OK,未開席o既時候都可以唱唱歌! 一席$5,000連加一$5,500有如此服務及食物水準本人覺得物有所值! 希望陶源Keep住水準!!

之前去過中環果間，d野食係好，但係服務都係一般，點知今晚黎到荃灣呢間，d員工真係嚇死人，唔知係咪因為比較晏，差唔多八點先去到食到十點d人就放工，成班伙計掛住執枱同執場，好多野都做唔到應有既服務水準，你話我去左間68蚊任飲任食火鍋酒樓我就接受到d咁既服務，成晚d人係個場到由高級至初級職員都係度大大聲傾計爆粗，做野又做一半，收碟又將d汁倒到其他餸上便，d野食選擇係多同埋都算幾好食，但真係想間酒樓管理層認真執下d員工工作態度，因為黎得都唔係想食平野同想有好d既服務囉。

都知道中秋晚出街幫襯，一定被人斬，唔緊要，斬得我心甘命抵又無所謂，不過呢度唔係囉。炸子雞，油到飛起，皮完全唔脆；兩隻澳洲鮑魚，唔入味；焗龍蝦，伊麵係凍既；菜就真係最離譜，小棠菜扒幾條火柴咁幼的竹笙，再倒幾粒罐頭磨菇入去，收$88﹖有人搶錢呀，報警啦；鮑汁荷葉飯，我又真係未食過荷業飯，中間重係白色囉，連汁都未吸晒入去就拎出黎，廚房真係好忙咁喎。叫極都無人黎，落單位經理又神遊天外天，寫張單用左成五分鐘，講黎講去都未寫完，真係谷氣到極呀。

老公十點九拎飛, 十一點鬆啲有枱, 等了十幾張枱都算快! 既然係鮑魚專家, 當然係叫啲鮑魚類點心啦!先叫了鮑汁叉燒包, (大點) - 唔覺有鮑汁味, 只知好甜, 甜過千層糕! 極品鮑魚腸, (特點), 有幾條鮑魚, 仲有一條翠玉瓜, 食完唔覺好特別! 鮑魚雞粒酥 (頂點), 我唔知食到鮑粒定雞粒, 面係菠蘿包面, 唔名鬆化! 奶皇千層糕, (中點), 奶皇多到漏...不過, 唔太甜, 又鬆軟, 最好係呢個! 後再叫五香鹹肉糉 (頂點), 糯米好腍, 好綿, 餡夠! 上湯灼菜心 , $38, 好多, 幾抵食, 夠腍!個別服務唔錯, 不過, 樣樣點心都要等, 心急人唔啱啦, 連埋單都要等嫁!

只限 : 一至五 12:00前 / 六及日 10:30 前 時間 以電腦入單計算$7.8 什菌燸米包/香煎蘿蔔糕/陳皮牛肉球$8.8 豉汁蒸鳳瓜/山珍四季餃/上海素菜包$9.8 生菜魚茸粥/香芋排骨飯/秋茄肉鬆腸/蟠桃大壽飽小點$12 中點$18 大點$25八珍甜醋豬腳薑 - 大點 特價$25鮑汁叉燒包/上湯灼唐生菜 - 小點豉汁蒸肉排 - 中點南翔小蘢飽/筍尖原隻鮮蝦餃 - 大點鮑魚乾蒸燒賣 - 特點上次去食, 都幾好食, 地方大, 和荃灣廣場稻香差不多, 不過要由楊屋道入, 由入, 轉左, 再上, 再入, 都要5分鐘.沒有Liftd點心都幾好味, 我上次平日上午十點半到達, 我兩個人去叫了六個點心, 埋單$65.有很多抬, 但職員少, 未能立刻清理抬, 要等一會.有個職員話做到死, 我話唔試死呀!它的厠所都很清潔.

今晚原本去Munch....可惜訂位時是 waiting list, 然後...容龍...已滿, 退而求其次去附近既鳳城, 一落街見到陶源, 我就提議試試呢間!入到去只有三數張卡位枱有人, 每個卡位都有部電視, 唔錯 wor! 再入啲...原來都幾大, 電視也有好幾部, 看了看餐牌, 有個鮑魚套餐, $288, 都可以, 但我唔食翅, 唯一逐樣散叫! 一. 鮑汁花膠鵝掌, $68(八月下旬特價), 花膠鵝掌放在瓦煲上, 給我們看看, 再現場番熱, 花膠份量不多, 老公切開時好黏, 相信膠質份量多, 夾埋鮑魚汁一起吃, 真係幾好食, 我無食鵝掌, 老公話都幾好味!二. 素池艷影, $68, 外圍是冬瓜, 裡面有啲雜菇, 少少發菜, 木耳等等, 略為多了一點點獻汁....不過, 好多圍枱都有叫!三. 蔥花王青衣腩, $238, 看似份量唔多, 但二人分享就好夠, 亦都食到頭腩膠質既感覺, 不過, 面就油咗少少!最後送了生果併盤 (西瓜+哈密瓜), 前者好甜, 後者清甜, 亦夠凍! 前菜兩碟 (花生, XO醬), $10, 茶錢, $10@, 白飯, $10 x 2, 約共 $480! 食物

一至五 12:00前 / 六及日 10:30 前 平,,,,,, 有三個$7.8, 三個$8.8, 三個$9.8 茶錢 : 忘記了 $6/$7 加一, 沒有下午茶.下午荼 = 正價午巿 上次去食, 都幾好食, 地方大, 和荃灣廣場稻香差不多, 不過要由楊屋道入, 由入, 轉左, 再上, 再入, 都要5分鐘.沒有Lift d點心都幾好味, 我上次平日上午十點半到達, 我兩個人去叫了六個點心, 埋單$65.有很多抬, 但職員少, 未能立刻清理抬, 要等一會.有個職員話做到死, 我話唔試死呀!它的厠所都很清潔.

我一家大細共10人，點了比較貴價的菜式有$888一條東星，$688一隻澳洲活鮑魚(從魚缸外看似成人的手掌般大)共兩隻及$800一窩蟹肉拆絲翅。東星是我親眼見酒樓員工在鱼缸捉，鮑鱼則沒有。條魚食落無乜鮮味，可能是這種魚的味道較淡，日後大家可不吃，活鮑鱼切片以露笋炒之，味道亦較淡，日後大家亦可不吃。此外，鮑片的份量不似兩隻大鮑魚，但死無對證，穩陣都係食原隻上的好。蟹肉翅部長話有八兩翅，但以我食翅的多年經驗，四兩都可能多過佢，可能係將貨就價所致。向經理反映後，他在我們結賬後正離開之際，送上八小塊燕窩椰汁糕表示歉意。其味道可能係全餐最好食之作，值得讚。員工效率及尊業知識都有很大的改善空間。