Spring field (Closed)

今日同朋友約咗喺灣仔，朋友推介咗呢間食越南河嘅小店，11:30剛剛開門我地就去，所以完全唔駛等位。由於第一次黎，朋友推薦我食招牌春園河 - 入面有和牛湯底、半生熟安格斯牛肉、慢煮牛肉條、仲有蘿蔔粒。店家好貼心，客人可以自己揀配料既分量，之前喺出面啲舖頭食成日都唔記得叫人地走芫茜，呢度就唔駛擔心啦😊 同時可以揀河粉或者轉金邊粉，唔食生牛肉既朋友亦都可以要求轉做全熟。枱面上仲有一張教你點食先正宗嘅圖 (但我唔太好香料就冇跟啦😅)今次我叫左一個配料比較少既版本 (芫茜-無、紫洋蔥-少、青蔥-正常)，同埋改咗金邊粉。粉既分量正常，肉嘅分量就好多😍和牛湯底 - 好濃郁，帶少少酸都幾開胃；安格斯牛肉 - 其實我好怕果啲生到好似仲流緊血既牛肉，但呢個生熟度啱啱好，食落好嫩滑；牛肉條 - 雖然見佢都幾厚身，但一啲都唔韌，一咬就咬得開，非常好！連個蘿蔔粒都要一讚，好甜！下次再黎試埋其他食物😋

一直都超想試呢一間pho!! 對上一次去旅行已經係上年去澳洲，記得好多地方都有得食pho，味道都唔錯。今日難得約到嚟呢度食，期待咗好耐啦！兩個人12點幾到開始等，等咗大約10幾分鐘就入得。一入到去就周圍望人哋食乜，因為心大心細，咩都想試🤣🤣最後揀咗大滿足，朋友仔就揀咗牛丸牛腩，再加咗個春卷！一嚟到，熱辣辣，電話食完之後就終於到我開始食，飲咗一啖湯，好鮮好好飲！河粉滑得嚟吸咗啲湯汁，好好味。牛肉嫩而唔會過腍，又係吸咗啲湯汁，超級正！春卷香脆，好回味！期待下次再嚟。

今日突然想食越南河粉，於是嚟到Spring Field 嚟間餐廳試食😆今次叫咗個招牌春園河，見到呢款係店長推介嘅，所以對佢都幾有期望食越南河粉當然要跟返越南嘅食法啦~先飲一啖湯底，佢嘅和牛湯底真係好美味😋唔會好油膩👍🏻餸菜方面有半生熟嘅安格斯牛、慢煮牛肉條🥰 真係要讚一讚佢嘅慢煮牛肉條，真係好淋呀👍🏻一啲都唔靭👍🏻提提大家💡喺落單嘅時候可以選擇多蔥少蔥或者多芫荽🌱 咁大家食嘅時候就可以食得開心啲啦🥰

今次同朋友仔嚟食嘅呢間越南餐廳🇻🇳小編覺得係食過算係最好食嘅☺️嗰日去食嘅時候遇正黃雨，都幾狼狽🥺店内座位唔多，大家想去嘅話記得早啲去排隊啦🥰值得一讚嘅係鋪頭落單嘅時可以俾我地自己剔要唔要啲配菜同調味料🥰唔會造成浪費之餘仲可以唔洗驚食到啲自己唔鍾意食嘅嘢(臭莤)啱哂🥝小編呢個臭莤黨員😚💐🍜招牌春園河 ($73)呢碗最主要同平時食到嘅越式牛肉河差唔多🤪佢地個河粉真係好好食，唔會淥得過淋，好有咬口🥰牛肉上菜嘅時候仲有啲粉紅色😍鐘意食熟啲嘅朋友可以自己淥熟啲😋湯底用咗唔同嘅香料熬成，食得出真係冇落味精😇一路食一路飲都唔會覺得口渴😋🐮🍜火炙半熟和牛河 ($98)呢一碗物超所值，令小編明白到佢貴真係有佢嘅道理😌首先佢用嘅牛係和牛，仲要炙燒咗先放上去碗粉到😇食落牛味比起招牌個牛濃郁好多，但份量少咗啲🥺朋友仔食完話唔夠飽要去隔離街食蛋撻🥲🌟8.5/10

呢頭好似好多嘢食但又唔知食乜好，有好多都係外賣店上網睇咗好耐終於揀到呢間越南粉鋪面唔大，大概20個位左右點餐模式似拉麵舖，一人一張紙每張枱都有呢個得意嘅食用指南嗌左大滿足全配料牛肉河之後發現同招牌河只係差澳洲牛肉丸，但係差$25，好驚伏🙈果然！呢$25係值得嘅，牛丸勁juicy，咬落有少少爆汁食完河粉再試春卷，就覺得春卷無乜特別了補少少充：寫咗「扣底」，好似無少到，定本來真係好大碗？定⋯唔知扣底係咩呢

Loved their cold soy bean soup noodles❄️Their noodles were exceptionally silky and chewy, which went perfectly well with their rich but smooth savoury soy bean soup. All these components made me love this bowl so much that I was literally slurping until the last bite. I'd say this bowl is perfect for cooling one down under this relentless hot weather. I'm definitely pay another visit to springfield soon!!

灣仔其實真係有唔少💛店咁岩黑雨後的lunch比平時既lunch hour少人選擇咗呢間越南菜💕😝招牌春園金邊粉 $73灣仔食野真係唔算太過平但佢地呢度既金邊粉比平時出面食既有啲分別係一種呈半透明既金邊粉呢個招牌春園金邊粉有半生熟安格斯牛肉，慢煮牛肉條食落真係同平時既半生熟肥牛差得遠囉🤤勁重牛香🤩🤩🤩仲有慢煮牛肉條，即係牛展肉食落口感好軟熟🤤重點係個湯都好鬼正！成個麵三扒兩撥就食晒落肚啦另外仲要左碗香草牛油蒜香雞翼外層鬆脆入面既雞肉整得岩岩好食落好juicy😍👍🏻

Office搬離灣仔一段時間，Spring Field係我掛住小店嘅top 5。今朝一早出左去做野早餐都未食，就趁機revisit 呢度超有heart又好味嘅pho。好好彩12點多少少去到仲有位，即刻order左招牌春園河(走芫荽走蔥 )。半生熟安格斯牛肉好嫰一d筋都冇，慢煮牛肉條好爽有肉味又唔會老到癡牙，正！採用嘅和牛湯底真係好清好甜，可以就咁飲完全唔涸喉嚨，厲害在於就算碗河粉食到後段都仲係好清冇乜油，真係好純。雖然我都好鍾意近金鐘另一間幾出名嘅pho，但我更愛Spring Field 清純嘅湯底，同佢一碗牛河有兩款或以上唔同嘅牛，好味而性價比高，滿足貪心嘅我。食完碗牛河已經好飽，但難得嚟到所以好貪心咁叫埋招牌春園春卷，熱辣辣脆卜卜，唔會好油。就咁食超香口，而包生菜食就帶點小清新嘅感覺。食左好多次呢間小店嘅質素都好consistent，實在難得！唔怪得成日都大排長龍啦！

食得貓之眼，對面同老闆既 Spring Field都無可能唔去試埋。因為地方同 cateye 一樣非常淺窄，所以午市龍都係正常。 .澳洲牛丸牛肉雙拼河 💲75⭐️4.2/5配搭：和牛湯底 + 半生熟安格斯牛肉 + 和牛牛丸 + 蘿白粒 + 河粉。湯底香濃，上網睇佢地湯底係用左和牛慢煮16個鐘以上熬煮出黎。牛肉合乎期望，牛丸就似係30 Store 個隻和牛牛丸所以好食。麵底可以選擇越南河粉同金邊粉，私心推薦必揀佢既越南河粉，佢既河粉比一般既軟滑但唔會碎。 .和牛大滿足全配料牛河 💲118⭐️4/5配搭：和牛湯底 + 和牛 + 和牛牛丸 + 慢煮牛肉條 + 蘿白粒 + 河粉。價錢分別在於升級和牛肩肉，但可能安格斯牛肉已經幾好味，所以覺得分別不大。全餐亦都有牛肉條，都屬於合格之作。 .🔸性價比足夠既灣仔午市之選。

今日特意嚟食，原來佢收半晝，所以我哋係最後一台客人，點了豆漿湯底的黑豚凍河粉再加一個雜錦牛丸牛肉河粉，再叫一個春卷同埋一份蒜香炸雞翼。雞翼都算比較濃，如果下次再食可以點少蒜，可能會比較好😬第一次食凍湯嘅河粉，再加上係豆漿湯底感覺好特別。牛丸牛腩牛肉，都做得好出色，每一啖都食到香濃嘅牛肉味👍🏿👍🏿

以和牛湯底打響旗號的餐廳，假日會出現人龍。咁多人排緊，味道應該唔會差啦！📍招牌春園河上菜時先飲啖湯，有牛味但唔算濃。當中有半生熟安格斯牛肉和慢煮牛肉條，食落無咩牛味，比較普通。唯一蘿蔔粒吸收了湯底味道，食落唔錯。總結：味道比較普通，未去到一定要試既程度。

听友人说这家越南餐馆颇为受欢迎，经常有客人在外面排队。今天是较早到达，门外等候的人不多，但由于店内座位不多，也需等了10分钟才被安排进店。他们的餐单很简单，主要是几款不同的河粉或饭, 排队时先想好吃什么，进店后可以马上下单。有专门下单的表格，可以选择配菜的多少。招牌春园河粉有几块牛肉和牛肋条，牛肉据说是安格斯牛肉，上桌时已全熟，没有生牛肉慢慢浸熟般嫩滑，而且牛肉上也有筋，口味一般。至于牛肋条，的确是熬了一段时间，一咬即断。另外还点了一份春卷，即叫即炸，用生菜包着吃，味道不太差。整体感觉是不差，一家正正常常的越南餐厅。

🤎Spring Field🤎高質黃店💛唔知道大家知唔知汕頭街嘅Spring Field @spring_field_official 同對面嘅cat eye係同一個老細的，兩間都係超高質嘅黃店，勁好味。如果午飯時間嚟到，多數都要等位，由於店舖內唔係有太多位，通常都起碼要等半個鐘，晚市可能就會坐得唔太舒服。🤍招牌春園河 $73呢個真係必點！首先佢係和牛湯底，好濃郁，唔重味精，再配半生熟安格斯牛肉同慢煮牛肉條。呢兩款牛都好正，不過我鐘意慢煮牛肉條多啲，因為比較嫩口。不得不提佢嘅蘿蔔粒！Spring Field超有心機整，佢唔係淨係求奇放落個湯底到淥，佢地係加左鰹魚汁！超超超好食！每個湯都有香料配送，如果唔夠可以再加！

明明只係五月，但係天氣熱到好似七八月咁，行幾步已經岀晒汗，落灣仔買完啲嘢熱到想死，諗住食埋嘢就返屋企凉冷氣算，喺橫街入面見到一間越南fusion，咁啱又冇人排隊，快啲入去坐底先。餐廳好似係主打食牛肉嘅，不過我就比個冷麵吸引咗，一來天氣熱想食凍嘢，二來凍豆漿河粉我未試過呢個組合，加上好少見呢種口味，所以就要咗個「鹿兒島黑豚肉濃豆漿冷河粉」。湯底非常清爽，咸咸地但保留到豆漿嘅豆味。河粉都好爽口再加埋大量紫洋蔥、芫荽同青蔥食落更加清新。我知餐廳主打係食牛肉嘅，牛肉就等下次啦。

呢間越南河想試好耐，都排左45分鐘先入到去，店內得十多個位。和牛湯底夠清，飲完唔會口渴，和牛牛味重過澳洲牛，但半熟牛肉質滑過和牛，小妹揀左多蔥但都係得咁少蔥😅河粉係靚河粉，好夠滑，闊度適中👍🏻帶微微煙韌感，牛肉條夠淋唔鞋口，最好食係粒牛丸❣️彈牙，做到丸入面有小孔藏住肉汁。整體未算好驚艷，但可以一試#澳洲牛肉丸半熟牛河HKD75#和牛大滿足全配料河HKD118#招牌春園春卷2條切做4件配酸甜汁及生菜，正常之作HKD36Spring field灣仔