郵票咖啡店

Open Now

Now Closed

外賣自取早餐, 食$18 的特式早餐, 無錯, 看似好抵食但老闆伙記態度差外賣自取竟然無比牛油多士問題係, 我都企咁耐等你慢慢整好份餐先比我啦伙記唔係應該CHECK 清楚齊晒先比人咩?打返電話同佢地講, 又態度惡劣, 講到責任不在他們不知所謂的餐廳!

我在紅磡多年工作，一年前同四個位同事去食Lunch，三位同事叫了雞扒意粉，我其中一位同事order左一份龍利柳意粉，結果食了一淡，只係一淡，咸到飛起，便立刻叫仕應更換，仕應等了一陣，話唔換，佢話老闆唔肯換，我就忍唔住同佢講，咸到咁叫人點食呀？仕應立即叫我入廚房同佢老闆講，我當然為有照入啦，點知個老闆重惡過我，話無可能，個個食一淡唔要我點呀？講真我地得一個鐘食飯時間，如果唔係難食到食唔到，都會照食啦！唔通博遲到咩…個老闆係都堅持自己D食物無問題，叫佢試下，佢又唔敢，係都唔肯換，重比佢駡一餐，當時重嘈到其他客人望住曬，結果我同個仕應講，如果唔換，我地食唔到果碟就唔比錢，到最後我地淨係比左食到果幾份錢，老實講到現在都唔會再幫襯，不知所謂！

好少TEA TIME響屋企附近蒲, 0甘0岩見完個客行過, 見呢間個門口都算企企理理入去TRY下, 老細好NICE, 介紹0左個熱狗SET話好多人食, 當然要試啦. 睇落只係一個普通0既熱狗, 但係一食落先知一D都唔平凡, 足料0既蕃茄青瓜, 沙律醬0岩0岩好, 我最怕太多醬, 因為會"必"晒出0黎, 而且熱狗腸個皮脆卜卜, 十分滋味, 有機會要再試.

記得在四五年前和太太在一次行錯路情形下見到一間CAFE，今天心血來潮跟太太再到這間連名字都忘了只是食品唔錯的CAFE懷緬過去，我倆先入錯一間CAFE，但冷氣太差了，未坐下就走反出去，本來在今天33度真的算吧！當我們踏出CAFE時見到左面有間CAFE幾位OL在等位，看真原來就是它了！我和太太等了很久，可能是午餐時间呢！終於有位了，進去馬上感到冷氣很凉，太太還要著多件外衣呢！我們叫了芝士焗吞拿魚長通粉但見到有好多人食牛尾，下次要試下先，而焗吞拿魚都唔錯，美中不足芝士多了些，小有地沒有很油的感覺，今天是南瓜湯，我太太很鍾意，可惜不是時時都有，想行開呢頭買給太太給她驚喜都有難度，在這STAMP CAFE給我和太太兩小時的開心時光，一有機會我一定會再來。

偶然要到紅磡工作, 人生路不熟, 想找一間"骨止"少少適合女仕去的餐廳都冇, 行左好耐, 見到呢間細細間, 又平, LUNCH$30. 啤酒焗雞扒飯, 幾好, 飯都靚, 杯凍奶茶都OK.人地食薯菜都好似好多菜。唔駛去其他餐廳同D佬迫住食...

平時經過呢間CAFE門口覺得都好似幾好,想食左好耐,今次一於試吓,點知...唉...一言難盡,價錢係幾平,可惜食物就...唉...仲有令我最唔滿意既就係幫趁其間有人整冷氣機,大佬呀,鋪頭細細,我就係部冷氣機隔離,咁咪即係叫我食塵,已經食到冇咩心情,跟住仲要熄埋冷氣,嘩!!!想熱死人咩,餐廳要維修就唔好做生意住la,唉...總知我就唔會有下次la 粟米忌廉湯,好大陣奶味,唔夠香滑,要落好多胡椒粉先辟到陣味,差... 紅酒汁薄牛扒配意粉,碟野一上枱,望倒汁料顏色已經冇胃口,不過人不可以貌相,再試...嘩!!!簡直係形容唔倒係咩味黎既,怪怪地,紅酒汁邊係咁既味ga,即刻攞支辣椒仔黎辟味,牛扒好(林),(林)到近乎(梅)既狀況,未食晒就走人...