星十五

Open Now

Now Closed

好難食 第一次食咁難食嘅核桃糊 有種口腔被侮辱嘅感覺 五星大廚係咪失去味覺先辭職定俾人炒左先可以整出咁難食嘅甜品。個核桃糊 粉沖出來咁 仲微波爐加熱 六十幾蚊呢個質素 個蓮子明顯糖水醃過 糖味好重 到底香港人係幾耐冇食過擺得入口嘅嘢食先可以幫間舖寫到咁多千奇百趣嘅好評出來 到底發生乜事可以咁簡單嘅甜品可以咁難食楊枝甘露酸嘅 芒果得幾粒係度飄下飄下 如果我要去網紅店打卡我會去西餐廳 rosewood 而唔係一間裝修扮高級 味道極低級嘅糖水舖

食完晚飯就同朋友去食吓糖水再傾吓偈啦，見到呢間都有咁多好評就去試一試點解話佢專做遊客生意呢？因為佢啲糖水都真係唔平🤣，不過服務就唔錯，而且侍應們都好友善，一坐低就同我哋推介咗個椰皇燉鮮奶。我哋最後叫咗個綠豆沙，一個椰皇燉鮮奶同埋一個芒果西米露個椰皇燉鮮奶都成$68。我就覺得有啲貴，當然佢唔係難食嘅，但係$68就有啲貴囉。芒果西米露就唔係幾夠料，綠豆沙就OK嘅。不過最搞笑係我哋發現到，原來樓面嗰啲侍應們，全部都係男士。呢個對於一間甜品舖嚟講，應該都算幾特別。我哋啲食物齊晒嘅時候，其中一位侍應仲主動幫我哋影張相。服務係真係唔錯，所以先覺得佢哋應該係做開遊客生意，咁識做🤣🤣

當夜晚周圍糖水舖都排曬長龍之際喺路邊見到有位姨姨舉牌而得知佢寫住由名廚主理，食物相都幾吸引特別嘅係喺中式糖水店有鹹味點心二話不說就去試，不過都係要排隊店舖裝橫好鬼靚，食物擺盤有心思格調少似星級餐廳，又具古色古香🔎芝麻糊+新會陳皮紅豆沙💰38+2粒湯丸💰10選擇困難症兩樣都想試就揀咗mix😂紅豆沙真係有起沙🫘唔係豆&水分離即使冇揀遠年陳皮，都好香陳皮味整體唔太甜，超啱我心水不過湯丸真係幾細粒🔎日本流心蛋腐竹薏米白果糖水💰46+2粒湯丸💰10米白色望到都覺得豆味好濃配埋日本流心蛋原來係咁正都係唔太甜，湯丸都係幾細粒

行街見到間新甜品店，門口以中式佈置，幾有特色，一於就過嚟嚐鮮。間舖頭喺尖沙咀加連威老道地下，非常當眼好易搵到。餐廳有小食又有甜品食。小食🧆香脆迷你魚膠春捲🫔🫔🫔🫔🫔春節捲外面香脆，入面係彈牙的魚膠，食落去非常有咬口，新鮮即炸又充滿鮮魚味好香味。港式咖喱角🌮🌮🌮🌮🌮咖喱味濃厚郁的咖喱角，薄薄的脆皮入面包滿餡，咬落去咖喱就流出來，味道滿分又香又惹味。酒香雞翼🍗🍗🍗🍗🍗雞翼外皮爽脆雞肉柔軟，食落去酒香十足，味道一流。甜品🍬椰皇燉鮮奶🥥🥛香濃奶味嘅椰皇燉鮮奶，入落去滑嘟嘟，放入口已經溶入喉嚨，成口充滿鮮奶味，又有陣椰水的清香味。清爽呂宋芒西米露🥭又香又酸甜滋味滿分呂宋芒西米露，呂宋芒甜中帶酸，食落去非常清新。加上清甜椰汁🥥令芒果更香甜味道更豐富，西米露粒入口有口感，整個糖水超好味。

係尖沙咀食完飯行完街 仲意猶未盡想食野見到呢間新開既中式甜品店 即刻就去食番碗糖水先☺️位置便利 鄰近尖沙咀站 行多兩步就到設計新穎略帶古風 有別一般中式糖水店 燈光柔和舒適 感覺幾CHILL😇座位闊落 唔會太迫 坐得舒服星十五寄意每月十五號滿月 有美好和幸福團圓既意思☺️由經驗老到既中菜廚藝主理主打本土懷舊 乎合節氣 養生又美味既中式甜品除左經典款式既甜品 仲有時下流行精品小食 頗具創意👍🏻今次仲有啲餓 所以叫左二人六格格套餐有六件小食同兩碗糖水👌🏻💥六格格套餐我地揀左 酒釀雞翼x2 咖哩魚蛋x2 炸蝦球x2酒釀雞翼 濃濃既酒香味 肉質嫩滑 完全唔痴骨👍🏻咖哩魚蛋 微辣 咖哩醬汁勁香 彈牙又好味炸蝦球 炸漿夠薄 脆口又彈牙👏🏻💥新會遠年陳皮紅荳沙爆香既陳皮味 久久不散不愧為用左耐年份既陳皮煮成紅荳起晒沙 唔會死甜 粒粒紅荳甘甜 好好味🤤💥楊枝金露王清爽涼快 芒果肉甜潤滑溜 柚子肉清爽帶酸 一啲苦味都無夠晒解膩滋潤 😙

事緣我喺openrice見到尖沙咀公司附近新開咗間好有格調嘅糖水舖，見到佢有中西式糖水，仲有好多小食揀，所以入去試吓。香脆粵式嫩雲吞，賣相美觀，金黃酥脆嘅外皮，包著豐富嘅餡料。味道鮮美，雲吞嘅香氣與煎熟嘅外皮完美結合，帶來一口口嘅滿足感。沙薑玫瑰脆雞球，賣相吸引，外皮酥脆，雞味濃郁，沙薑同玫瑰嘅結合帶來左豐富嘅味道，令人回味無窮。香脆大蝦球嘅賣相精美，外皮香脆，裡面包著香氣四溢嘅蝦肉，味道鮮美。冰凍透心紅豆涼粉，賣相精緻，涼粉好有彈性，充滿左新鮮又甜嘅紅豆，味道清爽。

喺尖沙咀食完晚飯，想係厚福街食個糖水點知得2間糖水鋪，仲要勁多人排隊所以就行過幾條街搵其他糖水舖，然後發現呢度有間新開嘅糖水舖（都唔知係咪新開，但第一次嚟🤭） 呢度主打傳統糖水，全部都唔錯我自己食馬蹄露，成碗都有好多馬蹄而且唔會太甜，仲有啲馬蹄嘅清香食完飯好飽，仲要食糖水，呢一個真係唔錯嘅選擇👍🏻 值得一讚嘅係呢度嘅服務唔錯，就算好多客好忙都唔會好似其他糖水舖咁，令客人咁除咗食甜品之外，仲會食到一肚氣 菜式：- 生磨河南芝麻糊：$36- 鳳凰馬蹄露：$36- 嫩香蛋白杏仁茶：$48 味道：🤤🤤🤤🤤/5性價比：🤤🤤🤤🤤/5

尖沙咀開咗間新派中式甜品，入面嘅設計都行緊簡約風，但係啲嘢食就一啲都唔簡單，仲好多有得揀添😍有糖水又有小食，逢星期一至三仲有每日指定嘅半價糖水，真係好抵呀😆✨二人六格格套餐🥣你一啖又我一啖，呢個套餐包有兩款自選甜品或者飲品同6個點心，都好多款式揀嫁😚 我就嗌咗特製蓮子合桃露王同新會遠年陳皮紅豆沙，點心就有雞翼、咖喱魚蛋同溏心蛋每款兩件🥳 同朋友一人一件唔使爭🤩1️⃣ 特製蓮子合桃露王🥄我係極少極少會食合桃露嘅人，因為覺得好似糊仔咁，唔太中意呢種口感🤣～ 雖然個樣就差咁少少冇楊枝甘露嗰啲咁靚，但真係估佢唔到咁好食😂 佢哋先將合桃炒至金黃色香香脆脆再生磨，之後再加入新鮮嘅淮山同埋其他藥材，望落好濃稠，食落去好順滑，又帶有一陣陣嘅焦香味🤩2️⃣ 新會遠年陳皮紅豆沙🫘間唔時都會食吓呢啲懷舊嘅糖水～ 紅豆沙就係其中之一，起到沙先叫紅豆沙，起唔到只可以叫做紅豆水🫣 而佢哋嘅紅豆沙係煲到‘’起沙‘’添㗎😍 聽佢哋講仲加入咗18年以上嘅陳皮，難怪咁好食啦😆3️⃣ 點心 🥢點心就揀咗香港好地道嘅點心，咖喱魚蛋、酒釀雞翼同酒釀溏心蛋✌🏻咖哩魚蛋大大粒好彈牙😋雞翼好大隻，啲肉都好嫩滑🫣而溏心蛋嘅酒味都好夠，一啖半隻好吸

天氣凍喺街頭收到傳單，就入咗呢間尖沙咀新開張嘅糖水舖。本身睇到價錢都唔平，但係佢話五星級大廚主理，諗住去試吓。點知就中伏。叫咗一碗蓮子桑寄生蛋茶，啲糖水好淡，剩係得個甜。個蛋都冇乜味，仲要冇紅棗，咁都要收$36。咁都算啦，朋友叫咗個腐竹白果糖水，都要$36 ，而且加一隻日本糖心蛋，居然要貴$10。上菜，朋友話冇乜白果同薏米，腐竹又碎晒，唔足料。見到周圍啲裝修都係啲網紅設計，我諗應該都係做遊客生意。唔建議大家去食。

朋友帶我過黎加連威老道食美食，話呢間餐廳的食物好有水準。餐廳主打中菜糖水和小食，每一樣都好好味！最近天氣越來越凍，一於就叫D暖笠笠的甜品食，再叫左佢地6款小食。黃金番薯薑王糖水充滿薑味，食落去非常暖胃，番薯🍠又香又甜，煮到軟綿綿，真心極度超級好味，而且番薯又飽肚，冬天食真係一流。南北杏燉津梨食完真係潤喉到不得了！南北杏燉津梨顏色非常靚非常清澈，材料非常足，有好香的梨味，味道清甜，飲落去好舒服！🩷香脆大蝦球夠哂彈牙，蝦🦐味鮮甜，外面炸到香脆極惹味。🩵香脆迷你魚膠春捲外脆內Q彈，有口感又夠滋味，得一條點夠呀！🧡港式咖喱角咖喱味香到不得了，入面滿滿的咖喱香要爆發出來咁，非常吸引人。💜香脆粤式嫩雲吞，入面包滿魚肉餡，外皮又薄又香脆。🖤酒香雞翼酒味清香，皮爽肉嫩，非常好味。💚沙薑玫瑰脆雞球，蒸的就食得多，炸旳真係第一次食。

啱啱食完晚飯就同朋友經過尖沙咀一間糖水店，見到啲糖水都幾吸引，當然要整返個飯後甜品啦🥰鳳凰馬蹄露🥰必食推介！好清甜嘅馬蹄露，仲要有啲馬蹄粒粒，口感好豐富！馬蹄露仲要好少地方有，所以真係好正。蓮子合桃露王🥰必食推介！勁濃厚嘅合桃露，飲到好香嘅合桃味，入口濃稠得嚟又順滑，唔錯。金沙擂沙湯丸🥰湯丸都好好食呀，個皮唔厚唔薄，岩岩好！仲要好多餡添！三款糖水都好好食，但我最鍾意嘅就係馬蹄露，因為真係好清甜同埋好少見。而朋友就推介合桃露王，飲過覺得比起坊間其他糖水店都好飲好多。

同朋友行街發現呢間叫＂星十五＂的甜品店，店鋪帶有中式風格。原來呢度的廚師之前都係煮中菜的大廚，所以甜品全都中式港式甜品，真係好期待！美味度🩷🩷🩷🩷🩷環境度🩵🩵🩵🩵🩵服務度💚💚💚💚💚清爽呂宋芒涼粉就係最啱嘅選擇。想像一啲金黃色嘅芒果丁，鮮甜多汁🥭，爽口得嚟唔覺膩，真係每啖都爆發滿滿嘅熱帶水果香氣。而啲涼粉嘅口感又係一絕，Q彈得黎入口係咁滑，同芒果嘅香甜完美融合，令人一食再食。清甜嘅糖水基底，不單止提升咗芒果嘅味道，反而更加係咁清新抵死，飲落去覺得塊面都清爽哂😌。有時候食晏食得太飽，真係要靠佢黎調節一下，唔同於平時食嘅糖水，呂宋芒涼粉令人食後心情舒泰，完全無負擔😊。而且望住啲顔色鮮艷嘅芒果，心情都會跟住好轉，就算係外面天氣如何焗熱🌞，食完一碗，成個人都涼快晒。唔止小朋友鍾意，大人都會愛上果香四溢、冰涼可口嘅滋味👍，分享俾一家大細一齊享受，係一個簡單又快樂嘅家庭時光。當你用匙羹舀起一啲充滿陽光味道嘅芒果涼粉，個碗裏面嘅黑亮涼粉好似夜空中閃閃星星✨，喺色香味俱全之中，都帶出一份輕鬆自在。有時候簡單嘅食材，都能夠製造出驚喜萬分嘅美味滋味，輕輕一試，就令人懷念，呂宋芒涼粉正正就係咁樣，給你無窮嘅清

今次去試一間港式甜品店，環境擺設又靚又舒適💯🍮星十五🥭每款甜品都美美的，睇相已經相當吸引🤤📌《港式小食》；呢盤小食簡直就係華麗登場！打卡滿分！賣相擺盤靚到不得了。有多款小食，香脆大蝦球、香脆迷你魚膠春捲、港式咖喱角、香脆粤式嫩雲吞、酒香雞翼、沙薑玫瑰脆雞球。每一件小食都金黃酥脆，香噴噴，影相個陣已經令人流晒口水👀📌《冰凍透心紅豆涼粉》；清涼爽口，口感綿密細膩，紅豆甜香同涼粉滑嫩係口中交融，口感沙沙又帶有滑溜感，感覺非常美妙，令人愉悅👍🏻📌《黃金番薯薑王糖水》；香氣撲鼻，口感綿密順滑，番薯好香甜可口，薑王有辛香味道。番薯口感軟糯，配上糖水暖胃之選🫶🏻食物賣相靚又好味，擺盤設計滿分，已收藏10大回頭名單🗂️

同姨姨、媽咪行街行到攰，我地決定去食少少野，結果眼前一亮，見到咗個鬼咁吸睛嘅餐廳——<星十五>🧚🏻‍♀️鳳凰馬蹄露真係令人驚艷到爆，啲馬蹄爽脆，湯底又有微甜嘅味道🤤真係一啖接一啖都停唔住㗎！而金沙擂沙湯丸就更加係一絕啦，湯丸軟綿綿，入口即化，上面有好香嘅黃豆粉🉐最吸引我嘅係佢地個天梯裝飾嘅點心架😻上面有自選嘅香脆大蝦球，每一隻蝦球🍤都好大隻，肉質鮮嫩多汁，真係好過癮㗎！港式咖喱角就更加係一定要試㗎呢，外皮炸得香脆，內裡嘅咖喱味道濃郁💥，同埋啲蔬菜嘅甜味相輔相成，真係令人欲罷不能！香脆粤式嫩雲吞都係一道傳統粤菜嘅經典，薄皮餡多汁♨️每一啖都好滋味㗎！😋 仲有酒香雞翼，啲雞翼好入味🔝每一口都帶來一陣陣嘅幸福感！再追架個燉鴛鴦日本蛋就更加特別㗎啦，佢上面嘅蛋黃，下面嘅蛋白，分層燉煮，質地綿軟，口感豐富👍🏻真係好好食！

聽朋友講尖沙咀加連威老道有間新開嘅中式糖水店唔錯，於是去試一試佢♥️因為冬天有啲凍，想食返啲熱嘢，所以揀咗熱嘅黃金番薯薑王糖水同椰皇燉鮮奶。黃金番薯薑王糖水🔸裝滿金黃色嘅番薯，賣相非常吸引，令人心情愉悅。一飲入口，濃濃嘅薑味充斥着成個咀，微微嘅番薯味，清香鮮甜，食完成個人暖晒，冬天食真係好適合！ ✔️椰皇燉鮮奶🔸成個椰皇咁上碟，好壯觀，奶白色嘅鮮奶，睇落好精緻，撳唔到淡淡嘅奶香味同椰皇味，食落味道濃郁，又有營養，真係一款令人滿意嘅甜品！