星昇麵舍 (Closed)

經常係大角咀搵食既我，今日剛好經過此間新開的車仔麵店。車仔麵的餸跟其他車仔麵差不多。我們一家三口分別點了冬菇，大腸，香辣肉碎油麵，蘿蔔，牛腩油麵及蘿蔔，雞翼麵。另外點了兩款小食，口水雞，秘制水尤。此水尤真係直得食，平時食的水尤通常都只係外面有味，入面一D味都無。但此店的水尤做得真超好味，無論外及内都好入味，正。口水雞好滑，紅油好香口。車仔餸既冬菇好入味，牛腩都好淋，只係個湯淡佐D。如果可以一點就更好。此處有個特別飲品，咖啡紅豆冰。必試之選。

美食天堂大角咀，餐廳多如繁星，但好多都因為貴租而曇花一現，好似呢間餐廳嘅前身巴蜀米線咁，再好食都難逃易手命運！新接手嘅竟然係車仔麵店！冇乜點改裝修，好快就開舖！配料同醬汁選擇不多，但勝在價錢公道，值得一戰！最近腸胃差，想食清啲，叫咗雞翼+腸仔+通菜+米線，配牛腩汁。等咗約5分鐘就有得食，都算快！碗麵一上枱我就好驚訝，從來未見過車仔麵嘅廚司腸會𠝹花𠝹到好似八爪魚咁，煎過先放入碗！真係好有heart!因為老闆嘅心機，激發起我要為佢寫一篇食評！至於通菜，冇浸到淋晒發黃，真係即叫即淥，爽口非常！雞翼就滷水雞翼，煮得夠淋，但唔算入味，不得不失啦！3餸麵埋單只係$36，喺大角咀嚟講，算好抵食喇！值得推介！