Video
Read full review
2018-06-25
217 views
美食天堂大角咀，餐廳多如繁星，但好多都因為貴租而曇花一現，好似呢間餐廳嘅前身巴蜀米線咁，再好食都難逃易手命運！新接手嘅竟然係車仔麵店！冇乜點改裝修，好快就開舖！配料同醬汁選擇不多，但勝在價錢公道，值得一戰！最近腸胃差，想食清啲，叫咗雞翼+腸仔+通菜+米線，配牛腩汁。等咗約5分鐘就有得食，都算快！碗麵一上枱我就好驚訝，從來未見過車仔麵嘅廚司腸會𠝹花𠝹到好似八爪魚咁，煎過先放入碗！真係好有heart!因為老闆嘅心機，激發起我要為佢寫一篇食評！至於通菜，冇浸到淋晒發黃，真係即叫即淥，爽口非常！雞翼就滷水雞翼，煮得夠淋，但唔算入味，不得不失啦！3餸麵埋單只係$36，喺大角咀嚟講，算好抵食喇！值得推介！
新接手嘅竟然係車仔麵店！冇乜點改裝修，好快就開舖！
配料同醬汁選擇不多，但勝在價錢公道，值得一戰！
最近腸胃差，想食清啲，叫咗雞翼+腸仔+通菜+米線，配牛腩汁。等咗約5分鐘就有得食，都算快！
碗麵一上枱我就好驚訝，從來未見過車仔麵嘅廚司腸會𠝹花𠝹到好似八爪魚咁，煎過先放入碗！真係好有heart!因為老闆嘅心機，激發起我要為佢寫一篇食評！
至於通菜，冇浸到淋晒發黃，真係即叫即淥，爽口非常！
雞翼就滷水雞翼，煮得夠淋，但唔算入味，不得不失啦！
3餸麵埋單只係$36，喺大角咀嚟講，算好抵食喇！值得推介！
Post
