明星海鮮酒家 (Closed)

適逢年三十晚，同親戚去左北角明星酒家食團年飯，一早落訂預定了＜海班宴＞套餐💲2788🥢燒味拼盤唔錯，估唔到豉油雞係俾雞髀位😍🥢上湯焗蝦球伊麵 有好多蝦球，蝦球肉質咬落去爽口有彈性，蝦球同伊麵嘅比例剛剛好。🥢西蘭花蚌片花枝 既花枝同蚌片都幾爽口，不過份量較少🥢沙律海鮮卷唔洗再點沙律醬都夠味🥢花膠海皇翅，稀左少少，材料少🥢發財好市大利，蠔豉好難食🤢🥢清蒸大沙巴魚質嫩滑，蒸既火候啱啱好🥢燒雞個皮好脆，上色都做得好靚，隻雞唔算好肥📌廁所衛生情況唔錯，經過咗成晚咁多人流，都仍然保持得幾乾淨👍🏼📌冇咩服務態度可言，因為太多顧客嘅關係，樓面嘅同事都照顧唔到咁多

今日去了北角的=|| 明星海鮮酒家||= ，正午時分一行4人亦不需要等位。=|| 環境 ||= 步入大廳中，燈光昏暗，不像其他的酒樓般明亮。午市亦較多老年人光顧。值得一提的是廳面設置了很多電視機，如晚上有跑馬或是足球聯賽的日子，相信能滿足一眾人士。=|| 食物 ||= 午市優惠選擇眾多，令人心動的當然是9.8/一籠的《水晶鮮蝦餃》！我們也點了數款的小食，麻辣手撕雞、金磚脆豆腐/38、椒鹽多春魚/38、脆炸鳳尾蝦/38。可惜這間的水準不太好，麻辣手撕雞不麻也不辣，只有一股奇怪的油味；金磚脆豆腐沒有任何味道，配上旁邊的炸蒜也沒有任何的幫助；椒鹽多春魚及脆炸鳳尾蝦就是全頓飯中最好吃的東西，不但炸得蘇脆，也是充滿鮮味。但我肯定不會再回頭了。
還記得早年在荃灣的店，食物水準非常高。想不到不同分店的質素相差甚遠。回頭率：0%滿足感：10%comfort food ：椒鹽多春魚

通常食阿拉斯加蟹都係五斤至六斤， 原來有三斤半！ 一樣咁有口感， 咁鮮味， 都唔使$700！ 五個人食啱啱好， 食完仲食到其他餸菜！另外有個海鮮三寶都抵食； 清蒸沙巴仔， 蒜蓉白菜仔， 蒜蓉粉絲蒸刀貝，只係$198！星期一至五， 有著數又唔使同人逼！

我們一行9人初三晚飯聚、服務我地的一男一女伙記（40-50歳左右）全晚無笑容、全晚黑臉、叫乜都唔多想应。我地自帶一瓶Whisky 想要杯、水同冰塊、完全没有！後來比咗利是以為会好啲、结果一様咁差。依种服务态度绝对不能容忍、酒樓一定要負責任。全晚菜式質量一般偏差、油太多、無驚奇。酒楼無服务又唔好食、我已把這間酒楼從名单除名！

年初4要番工番學 就一班人食個開年飯我地一行6人 極肚餓甘去左明星😵一坐底就叫野食但等左好耐好耐好耐 先黎行一碟咖哩豬皮魚蛋👇 (太餓 食到冇晒先醒起。。) 不過從d汁都睇得出 “傑“到不行🤨 顏色偏綠 同想像中ge“咖哩“ 有d出入🙊 味道就。。麻麻 冇咩味😂之後又等。。 d野食終於一次過黎 係甘食又掃完 其他食物反而幾好味 d餃(🦐同帶子餃) 皮薄料多👍 唔錯個奶皇包都係推介😋 超流心 但又唔“溜“ 真係好味😍總括而言：食物整體不錯(除咖哩外) 但係服務就麻麻地 趕時間就。。。🙊6個人食左12-13碟 都幾平😍

年初一, 食店啟市嗎? 已經係一個問題… 而屋企人新春期間係要出外揾食既. 今日去咗屋企比較遠少少既酒樓飲茶, 這食店年中都會去一兩次…待應比較特別, 喜歡招待相熟既客人, 因為清楚佢既運作, 知道今次去食服務唔會太差, 就安心去食…只係擔心會不瘋狂加價, 加3加4是常識吧.去到, 合乎預期, 服務都算滿意, 相熟既待應都係度…價錢, 竟然意料之外, 只是加1服務費呢, 點心價錢都非常合理… 食物質數亦合乎預期, 好食, 京式小籠飽, 內有好熱騰騰既湯呢.. 薑汁雞飽仔, 飽肉混合咗一條條既薑絲, 口感唔錯熱騰騰的食物絕對係吸引我地一去再去的原因…

收燒鵝價錢，比燒鸭。識穿咗話換過，居然加兩個鹅頭便算。叫部長換，有去冇回頭。要求取消，伙計就話吾関佢事。劣，劣評。事后，伙計仲在我地客人面前，話吾関佢事，最好找當事人，即接呢单投訴的人負責，態度極差。當塲同我地鬧交。点解，好地地，有工做，都吾做好。

好難得可以約埋一家人食飯，因為要就埋其他親友、所以揀咗係北角明星海鮮酒家食飯、人齊就開始点菜，首先叫咗一條清蒸海上鮮，魚都有番咁大條，魚味唔錯， 蒜蓉粉絲蒸元貝 ，元貝超大隻，味道鮮甜，雙冬羊腩煲，羊腩煲都好大，好多、又叫咗幾碟生菜，可以慢慢食，差唔多十一点就埋单。

今天帶九十多歳祖母在北角明星酒樓食下午茶，侍應要求我們坐近她容易沖茶的走廊枱，我說有二個細路及老人家我哋坐入邊比較安全，免得有茶水及推車容易碰到，之後我行去入邊一張枱她連忙指揮我們要坐回近茶水間的走廊位，然後有其他客人坐了我選的枱時，其中一短髮女待應更加對我們說你咁叻咪叫人起翻身俾你楚囉，我對她說我有小朋友及老人家想坐的位置比較安全的位置！所以我揀選了另一張枱坐，之後她們完全不招呼亦沒有過來擺款擺筷子，我舉了手很多次他們仍然看一眼但不過來，我起身行出去對他們說，他們竟然說你坐到咁入我哋睇睇唔到喎😡，之後我要他再擺茶位她非常不願意地擺位及開茶，點心紙亦完全毫不理會不肯主動拿紙入單，我對你呢間酒樓極度失望，我從未試過去一間酒樓嘅服務態度咁差，重點係你嗰道得幾台人飲緊茶，有成五六個侍應，但係個個都掛住傾計對客人單單打打，我隔離枱個師奶亦都話呢度服務態度好差佢入嚟嘅時候亦都係個侍應指定要去坐邊一張枱唔好行嚟行去，而家我係嚟消費唔係嚟受氣，我永遠都唔會幫襯你哋旗下一間酒樓😡😡😡最可惡嗰兩個指認見到我影相之後扮執枱做嘢

今天三人行來到午餐。一開始無叫茶，後來想加。個部長竟然話，頭先又話唔要，然後走左無幫我地加茶。最後要搵另一個人先加到。仲要之後不停叫人，都扮睇唔到真係好過份。茶錢照收但唔俾加茶。

今晚四個人去晚飯，帶位員帶往一四人小枱，因各人帶有很多袋的東西，而且當時尚有很多空枱，所以問待應可否轉往一張較大的枱，好有空椅可以擺放物品，但在旁邊的一位姓曾的部長聽到後黑口黑面，對該待應大聲説：「只有四個人咪坐四人枱囉。」大聲兼態度差劣，似是故意說給我們聽的。身為做領導的部長，這種態度只能教壞下屬，兼且趕客。

北角區內很有性格的一間酒樓與員工，在網上看到不少這家酒樓的評語，壞的比率不低，似乎覺得不會的啊，但再往內看，點解近十篇八篇的都是不愉快的經歷呢？故以食客身份去試試，第一印象，如其他顧客的說法很是一致，服務員不願理睬顧客，開茶等揚手動作叫極都唔睬，明明啲侍應啊姐見到都當無事，行過的侍應叫開茶就話請等等，唔通要請等等佢，佢跟著就消失？個個都喺噉。都唔知著住件制服的侍應做乜嘢至喺做緊佢應做嘅工作。其次在忍無可忍情境下與她們提意見或投訴服務的態度時，好像她被挑戰的感覺，說一句喺迷來“嗌交”啊，天啊，顧客的意圖和目的是來幫襯，來消費，來解決吃飯的需要啊 ! 真是奇怪的想法，固然很有性格。茶客又好心地說這樣做嘅服務容易無生意，她又感覺被挑戰，回應唔使擔心，這裡大把生意，唔會冇....。唔通茶客真喺嚟搵交嗌。果然好有性格。再睇番網上差劣評論，真喺絕對唔會個個喺打手，有啲評論話間酒樓真喺不知所謂，絕對無講錯，好貼切。 

約左朋友天后交收,近近地揀左呢間食lunch,因為大集團關係,已經冇乜期望.一上去,知客比張飛我,行入去,無人理,唯有自己揾,點知揾唔到,見到有個樓面阿姐執緊枱,問佢我張枱喺邊,佢話唔知喎!然後繼續執枱,無理我地.見到另一個樓面,問佢張枱喺邊.佢話是旦坐坐低左畫好點心紙,舉左好耐手,無人理.有個阿姐行過,叫佢落單佢話等陣先.一直無人理,同一個阿姐第2次行過,佢又話等陣先我話又等?好艱難先落到單!蝦餃,肉絲炒麵味道ok,田園海鮮炒飯,冇味道,只有油味.唔夠食,再加單,點知Ｄ點心去錯晒隔離枱.已經冇耐性再食落去了,谷住滿肚子氣埋單!

今晚有人叫食飯，中歺一向小食，有人叫到就出席，ok wor !亜拉斯加蟹，👌🏻！好鲜味！其他小菜，正路，椒盐鮮鱿，豆苗，鱼，冇伏咁啦！荷叶飯，好味好味，古早味！

今日我的去飲茶，坐咗好耐都冇人理我的，叫嘅冇反應，有個大嬏掛著同隔離枱吹水，叫佢仲大聲叫我的等一等，今時今日仲有咁態度！難為仲有咁多人去食。野食又唔新鮮又難食，真心過句冇下次。