明星海鮮酒家 (Closed)

屋企好少夜晚出街食飯 但係今晚屋企人都唔想煮 所以就提議不如出去酒樓食飯啦 留意到呢間明星皇宮酒家嘅夜晚飯都ok抵食 所以就嚟試下啦清蒸沙巴龍躉 餐牌寫咗約兩斤重 出嚟果然係好大條好足秤 而且魚肉非常之鮮味 所以係好明顯嘅游水海鮮 唔似有啲酒樓咁樣畀啲死咗一陣間嘅魚你食片皮鴨二食片皮鴨不嬲都係去酒樓食飯必叫既菜式 呢間嘅片皮鴨 鴨皮比較淋 唔夠脆 但勝在皮下面好多肉 夠飽肚而且口感好似好厚咁樣Xo醬炒鴨肉 鴨肉非常之多而且夠曬入味好香口 要嚟送飯一流上湯焗海蝦伊麵 伊麵被上湯包住曬 入曬上湯嘅味道 幾濃味。海蝦肉都好新鮮彈牙總體嚟講 呢餐算唔錯

去咗這間食冬至晚飯，D啲餸菜冇味⋯啫啫雞煲冇味雞肉太老超級難食！翅湯花膠娃娃菜⋯D花膠太硬咬唔到⋯好像未煮熟就攞出嚟俾人食咁！太難吃了⋯⋯以後都唔會再去這間明星酒家了！最後埋單去收銀台啦⋯點知個部長攞完張單叫我返去坐位坐等一陣子，佢一陣過來找我畀錢，點知一等就1個小時人影都冇行過來搵我，跟著又係要我行過問，一問把就鬼火，張單放著在收銀台冇人理哦！兩個收銀人員真是廢廢！態度太差了，我勁嬲爆⋯！我地再上前話她知點解埋單要等咁耐⋯才起身拿起張單來計算囉！D員工責任一個推一個

通常大時大節都只會係屋企食住家飯，因為我全家都唔鐘意等位同人迫😂 反而平時唔想煮就會去酒樓食返幾個小菜當一餐🤣之前黎明星多數都係飲茶，食晚飯都真係第一次🙈 不過食完今次就覺得以後一定會多啲黎，因為我地六個人嗌左八個餸先係八百幾蚊埋單炸！真係好抵😍剩係呢三隻龍蝦其實已經佔左$210蚊🙈 但係龍蝦都真係好多肉 好抵食☺️ 可以揀上湯或者蒜蓉，$70一隻，鐘意嗌幾多隻都得😊片皮鴨二食🙈 $108就有曬兩樣野食！不過炒鴨肉太甜 廚房師傅好似落糖重手左😂龍躉二食🙈 普普通通還可以🙈乳鴿好香好好味😋海皇雜菜煲&沙嗲金菇肥牛煲👌🏻 普通家常小菜既味道😀

紅日單拖去飲茶，搭枱就梗，成張枱一家大細，多左一個陌生人，仿如焦點，好似漆黑中嘅螢火蟲一樣，咁鮮明，咁出眾，同時，無人親近我，我是透明的，好矛盾呀。 特色點心拼盤，襯番好似我啲咁出色嘅男人。 特色點心拼盤，$19，(星期六、日及假期，每份加$4)=$23。 水晶鮮蝦餃、蟹籽燒賣皇、滋補紅棗糕、潮州蒸粉果、鮮蝦菜苗餃、蠔皇叉燒包，每一樣都能夠獨當一面，而家集合埋一齊……問你怕未，單身狗精選。 潮州蒸粉果、鮮蝦菜苗餃，個皮晶瑩剔透，但黏性強，黐住晒張紙，仿如痴身的情人，好痴身呀!餡料多，有內涵，幾好。 蠔皇叉燒包、蟹籽燒賣皇，味道普通，但我喜歡。 水晶鮮蝦餃，食蝦餃，會諗起初戀感覺，皮煙韌蝦爽口。 滋補紅棗糕，滋補下，岩我呀!紅棗味好勁，軟林林口感。

今日原本約咗去行山， 但係天氣唔穩定， 改咗去飲早茶 。見到呢幾張黃色點心紙， 叫做早市醒晨推介，( 星期一至五 早上6:30-11:30 星期六日及公眾假期 早上6:30-9:00供應) 真係好抵食喎。 一個飯或者一碗粥都係$12，仲有自選孖寶， 每份$23。叫咗十多樣點心 。仲有最特別佢哋有京式點心， 我哋就叫咗高力豆沙，不過呢個無特價， 炸到脹卜卜， 外脆內軟，裡面包住豆沙唔係太甜 ，糖霜散咗喺面 ，唔錯喎。 其他點心都熱辣辣 ，真材實料，咁嘅價錢，又坐得舒服 ，又可以一班人聚埋傾下偈，抵!

放假啦，今早大仔叫去飲茶，還自動請纓去找位，大埔明星雖然很大，但假日例必人多等位，難得亞仔話去排隊。一家四口，明星裝修後，以前有泰式點心，小食，甜點已經沒有，大排擋的小巧小食也沒有了，懷念以前的特色！但廚房依然保持水準，不會太走様。 叫了差不多10款點心，每款都ok嘅！今次個人較喜歡鮮竹卷，蒸得很軟熟，入味。還有煎芋頭餅，芋頭切幼條撈粘米粉蒸後煎香，口感很好，調味適中。😋其餘幾款煎焗點心都不錯。當然其他蒸籠點心保持水準嘅！大家食得開心！

約攞餅飲下午茶真係好多人等位等到兩三點到仲要排隊真係好生意，誇張坐低tick點心發覺都幾抵10幾蚊一碗臘腸雞飯跟住好lazy嘅我又唔想trouble 叫咗個點心拼盤＄40已經有蝦餃燒賣算係咁再叫多個孖寶都係20幾蚊飲茶一定要食山竹牛肉先至有feel

星期日9點前去拎位， 唔算多人， 等一陣就有得坐。 環境係街坊啲， 服務都普普通通， 點心紙冇哂要追幾次先拎張紙黎...煎腸粉， 唔似煎，睇落都冇金黃色，食落又唔香脆😑點心拼盤，蝦餃 燒賣 奶黃包 都有，得三個人食叫拼盤就岩哂， 燒賣好差， 冇味奶黃包， 次次都流沙👍🏻雖然只有好少咸蛋黃味，不過包質地好實， 唔鬆軟

屋企無人煮飯, 所以是但去左酒樓食. 附近有間明星價錢較平, 而且夠家常便飯, 唔洗太花巧.先要個燒腩仔例牌, 例牌份量不多, 每人得幾舊. 燒腩仔個皮夠脆, 食落索索聲, 脆卜卜. 燒肉部份唔算太咸, 肉幾嫩, 舊舊都唔會太肥.上湯海蝦焗伊麵, 海蝦不算太新鮮, 細細隻, 無咩蝦味. 伊麵唔夠上湯, 所以有D乾, 一PAT PAT咁, 不過味道清清地還可以, 份量亦算多, 每人兩碗都夠飽.

個個隊友都係諗住開飯先到埋，費事悶麻。我第一個到場，人未到啤先到 ﹗一早已經放定 set 生力啤係枱面，真夠朋友，怕我地唔夠飲啦。八點喇隊友們，您地在那啊？好明顯一早已經係 Baby 度隊緊酒。大家都好尊重我地既傳統，一圍埋就黎劈過您死我活喇 ﹗以酒會友，大家黎 hot hot 口先，十三張一支七，thank you ﹗未開席先飲醉啦，真係機乎每次都係咁，哈哈。我唔要飲咁多呀，食唔落野喇。我原本只想飲壼靚靚鐵觀音等開飯，最後都被迫上梁山呢 ﹗係都要人玩埋一份，勁飲大賽咩。好 ﹗唔係您死就我亡，殺殺殺 ﹗飲飲飲 ﹗上湯脆肉瓜蝦球伊麵，咁快有伊麵喇，頭盤係麵﹗有創意，從來未試過，非常體貼，怕您地班您班餓鬼餓親，先黎個伊麵醫醫肚先。晨早黎個伊麵您食先，到最後再整多伊麵，唔怕您唔飽啦 ﹗奇怪，伊麵同芡汁真係完全無味架喎，唯有狂落豆瓣醬。整個麵真係非常清淡喎，無味既？要勁落豆瓣醬先有返少少味道囉，有 XO 醬就更好啦。蝦球味道還可以，應該蝦仁先正確，嫩滑爽彈，無煮過火，不過不失，肉質微彈有鮮蝦味，唔係霉肉已好開心喇。麵質有點過腍，不過還可接受既。燒味併盤，百鳥歸巢都幾雜喎，有乾硬叉燒、特咸燒肉、

出街食飯，很重視白飯的質素，洗米煮飯看似容易，卻最能反映廚師實力。向來要求飯有飯香、粒粒分明、帶嚼勁兼軟硬適中，大埔明星的鳳爪排骨飯就能完全滿足貪婪的我。這盅飯僅足一人享用，在下午茶時段售價為八元，價錢較一碟山竹牛肉還要平一元，但廚師沒有亂煮交貨，選用附有脆骨的半肥瘦排骨，放置飯面中央位置，蒸熟後肉汁流入熱飯中，香氣四溢；鳳爪並非完體登場，以這個價錢而言，也不奢望可食用一整隻鳳爪，爪身沒有過多的醬汁致稠口，也沒有蒸過火令爪身見爛。令人食得開心的點心茶餐，充滿誠意之作，值得讚賞。

嘗試了流沙包，味道很好，裡面的流沙漿甜度剛剛好，不會膩!鮮奶千層糕：比較鬆軟的蛋糕，有淡淡的奶香，不過沒有千層的口感啦，雖然已經很不錯!生汁菠蘿鮮蝦球：生汁是沙拉醬，鮮蝦球是油炸鍋的蝦球，伴著菠蘿吃，酸酸甜甜的，味道很不錯，就是沙拉醬比較容易膩，吃不了多少個!蒜蓉蒸大元貝、蟶子：海鮮很新鮮，鮮味十足，伴著蒜蓉醬油，十分爽口清甜，個頭比較大，吃起來也很過癮!絲瓜鮮魷魚：魷魚不是很容易入味的東西，這道菜很清淡，魷魚也只有淡淡的鹽味，絲瓜可能是因為削皮沒有削乾淨，吃起來有些苦，不推薦這個菜!這裡的洗手間比較乾淨，還算不錯!

今晚有$28卷食片皮鴨，仲要係宵夜時段都可以點2人份量片皮鴨看似不多但配埋摩摩食係幾飽，片皮鴨皮脆，鴨係熱的，片得有皮之餘帶點肉，配料都新鮮，非常好食。妙醬脆肉瓜炒蚌，個醬唔好食，搞到脆肉瓜都唔好食魚香茄子好野味，茄子好多，肉碎做得好好野味不過幾多油，我見到有少許草菇粒，這個餸撈飯一流！避風塘蟹雖然唔貴，但份量好多，而且炸得好脆，推介！另外一碟係芝士汁魚腐個汁好好好味，魚腐炸至金黄色，芝士汁夠芝士味。蒸鮑魚-抵食，豉汁油又較得唔太咸，正！干炒牛河，睇價錢就知係抵食，炒得唔多油，正！平過去茶餐廳食咯！

是晚又回到這個相當熟悉的地方, 跟外父慶祝生日, 叫了一個$2688的套餐, 坦白講, 實在不太抵吃, 而大部份的食物也是水準之下, 除了壽包.壽包: 7分, 包是熱辣辣, 幾軟熟, 蓮蓉香甜, 不過甜度是比較重了點, 如果輕宜一點會較好.當然, 慶祝生日, 還是要吃壽包才算圓滿的!

爸爸話上次同朋友去譽宴食晚飯，隻片皮鴨份量超少，四個人去食每人只分到3塊，仲收人百幾蚊，好唔抵咁喎!咁因為我哋之前都食過明星$38 片皮鴨，份量好多，價錢又平，今日就去食喇!訂枱時講明用COUPON先可以$38叫片皮鴨的~1) 片皮鴨 ($38)份量好多，每人食到成六、七塊，片皮鴨仲連左D肉，我覺得有適量的肉連皮才好吃。2)照燒汁墨魚餅 ($38)送來時見到係碟炸茄子，以為上錯餸，但店員話依碟咪係墨魚餅LOR~ O哂嘴!!!咁即係改錯名LA，應該改做 "炸墨魚膠釀茄子"，不過炸得熱辣辣，加埋茄子叫做有D蔬菜，健康D咁LA~3)馬拉盞通菜牛肉($48)依碟菜超級大碟，牛肉都算多，不過超級油膩，條條菜都吸哂油，好唔健康，唔知可唔可以叫少油既呢?!4)生煎包($25)爸爸說都幾好吃，我太飽了，另外四個外賣回家，盒錢$1。呢間酒樓有糖水飛的，最好吃的是蕃薯糖水，如果9點過後好多時都送哂，要食要襯早LA~題外話，茶錢 $8，花生$10埋單$202.5，三個人去酒樓晚飯都只係兩舊幾水，真係好平，都值得比個笑面丫~