Starry Night (Closed)

星期日同老公去銅鑼灣Starry Night任食生蠔，之後返屋企睇世界盃決賽。除左生蠔任食之外，仲包左三款頭盤: 黑糖麵包、煙三文魚、餐湯。黑糖麵包幾軟熟，煙三文魚好肥美，蘑菇忌廉湯正常發揮。首先會送上生蠔拼盤，有10隻生蠔、4隻蝦、4隻螺。今日提供既係日本生蠔，即場開殼，所以相當新鮮，隻隻都好大隻。蝦同螺絕不遜色，都好鮮甜。Encore左一次，好滿足。主菜揀左美國西冷牛扒同紐西蘭羊架，都係五成熟。美國西冷牛扒肉質軟腍，仲有薯菜伴碟。羊架帶少少羶味，都夠腍。

食時令生蠔放題 $468/2小時慶祝2022世界盃今日完結啦！前菜有湯、包同煙三文魚，唔知抵唔抵食呢~黑糖麵包比Outback既甜，同切埋。煙三文魚好味道無得差，幾厚切既。餐湯係忌廉薯仔蘑菇湯，出奇地嘅菇味都幾重，佢無打碎，但都幾濃。今日蠔係日本蠔，另外仲可能會有愛爾蘭蠔或者法國蠔，睇吓嗰日係邊位主角。佢嘅海鮮盤相出嚟好有氣場，會用乾冰整一個舞台。蝦好彈牙，螺肉有驚喜！鮮甜，雖然都知應該係急凍過，但係佢好口肉之餘仲要係真係甜加無沙，而且唔會話咬唔開。佢唔係好亂，但係至少爽爽地。日本蠔鮮甜，微微cream cream既口感，香味單一。但係唔及外國蠔或者日本珍珠蠔咁海水味。美國西冷牛扒配黑椒汁加厚切薯角比預期中大件同厚切，我哋以為得一半咁厚啦，哈哈。美國西冷牛扒7成熟，不老不血水，牛味都OK。佢嘅好似雪糕口感好好，厚得嚟又脆！紐西蘭羊架望落去有啲細，呢個係冇配菜嘅。不過食落去都幾好食，帶一浸甜味，佢嘅配菜唔係西式芥末，而更似日式，辣好多！另外依個餐嘅主菜都可以揀卡邦尼意粉。overall可以試下蠔食！

唔知點解依排好似多左餐廳做生蠔放題, 我同個愛蠔既朋友已經鎖定目標, 揀左依間大拆一餐, 目標每人起碼兩打❗120分鐘$468/人, 坐低好快就有餐包, 煙三文魚, 餐湯和揀個主菜, 有牛扒有羊架, 雖然戲肉係生蠔~ 但羊架都唔錯喎唔會好酥, 正正常常。餐廳有唔同蠔款, 今晚有法國同愛爾蘭生蠔，生蠔即叫即開, 食蠔前習慣輕輕掂下蠔肉, 見到裙邊位會旭, 就知依間D蠔真係即開又新鮮, 而且中意佢唔會太細隻太瘦, 絕對有食蠔既滿足感。最後每人ENCORE左三ROUND就夠皮, 會再為D蠔而黎, 下次再戰

上星期誤打誤撞走咗上嚟呢一間兩小時任食生蠔嘅酒吧餐廳，裝修簡潔但都又幾chill。呢個半自助生蠔自助餐包埋餐前湯同埋煙三文魚小食，再嚟一個有10隻生蠔嘅海鮮拼盤，當然都係揀當日入貨時令嘅款式～今日食呢兩款海水味都比較重，而且隻隻蠔肉都係飽滿！主食揀咗牛扒，雖然望落唔係好大份，但勝在可以任點任食多幾次生蠔，回本嘛⋯牛扒唔會太靭，我自己鍾意唔點汁食返牛扒原味更好味～話晒去酒吧餐廳，加錢可以有生啤、紅白酒任飲，不過唔飲酒嘅都可以喺餐入邊包杯冇酒精飲品～

朋友話見到宣傳有個生蠔放題只係四百幾蚊，就有兩小時任食即叫即開生蠔！原來呢度係間酒吧餐廳，有大電視睇又有歌聽～四百幾蚊嘅餐仲包餐湯同煙三文魚前菜，仲有幾片黑糖麵包!今日嘅時令蠔係嚟自日本同法國～無論邊個品種都一樣夠新鮮又大隻，一嚟已經有十隻😍！海鮮盤仲有蝦同螺，好豐富呀！倒上乾冰製造煙霧效果，打卡最啱！主食揀咗羊架，如果鐘意羊羶香味嘅，可以叫嚟試下！唔係嘅仲有得揀牛/意粉！2件都好多肉，食完又可以繼續食生蠔～仲有fruit punch 飲！

朋友介紹呢個地方俾我，環境似樓上酒吧，最特別係有120分鐘生蠔放題！$300幾任食生蠔感覺都易回本有黑糖麵包、煙三文魚同餐湯做前菜😛煙三文魚同黑糖麵包幾夾，麵包煙煙韌韌有口感，加埋清新嘅三文魚味道豐富生蠔一次會有12隻，仲有啲蝦同螺，都幾豐富，每隻生蠔嘅大細都幾平均，有一個女仔嘅手掌咁大，味道都幾鮮甜，食晒12隻完全無難度😛😛 每個人都可以叫一款主菜我叫左紐西蘭羊架，本身都無咩期望，因為都知道主角係生蠔，但估唔到味道都幾惹味😋😋 肉味香濃而口感夠嫩，仲幾juicy!朋友叫左牛扒🤤🤤

放題食得多，生蠔放題真係第一次😍😍今日同朋友黎左食呢間，成120分鐘，仲有前菜同可以簡一款主菜😋😋前菜有黑糖麵包、煙三文魚同餐湯黑糖麵包香軟煙韌，配埋煙三文魚好開胃，餐湯係香濃既蘑菇湯🍄 上菜果陣仲熱辣辣，好香！跟住就到主角生蠔出場每隻蠔睇落都好肥美新鮮😍，海水味適中，又有鮮味，味道都幾有層次，首先會食到鹹味，然後最尾又有豐富既甜味紐西蘭羊架有三件，叫左5成熟，肉質鮮嫩，食落唔騷，多汁同肉味夠香濃，好食美國西冷牛扒唔少得cocktail兩杯都比較fruity, 易入口同比較香甜

依間生蠔放題近來討論度都幾高, 打電話黎BOOK位試一試佢。依個SET有餐湯, 黑糖包, 前菜, 主菜, 等緊生蠔黎既時候先黎個煙三文魚, 主菜揀左牛扒, 塊扒都幾厚下, 話要5成真係比到5成, 肉味同口感適中, 雖然唔算好嫩但一D都唔韌。FOCUS番落生蠔, 第一ROUND先黎10隻, 海蝦同埋海螺, 佢D生蠔堅係即開好新鮮, 蠔味鮮甜口感爽滑, 其一隻仲食到有蟹仔係入面, 依個真係要新鮮靚蠔先有! 之後再ENCORE既質素同SIZE都好穩定。另外海螺都好鮮味又大隻, 我都叫左兩ROUND先收手。如果你主攻蠔既話, 任食黎講依度真係值得黎試下!

當日一行共四個人一齊去食生蠔放題，見在座得三四檯客，心諗出蠔應該會出得幾快啦。錯晒，佢每次都係出8至10隻，四個人10秒食晒，之後又要再等10分鐘。問侍應可唔可以每次上多啲，佢話規矩每次只可以上咁多。大佬，我哋四個客你又係上咁多，隔籬枱得兩個客你又係上咁多，咩邏輯？去到截單埋單，每人都係食咗18隻，咁俾成$500我不如自己出去買。佢嗰日有韓國同埋南非蠔，啲味淡啲，但係冇臭冇霉嘅，係開蠔嗰個唔知係咪趕得滯，好多都插到穿晒，個蠔身又間唔中有啲蠔殼碎。至於啲熟食係OK嘅，個牛扒同羊扒都唔錯，味道適中亦都煮得幾淋。以生蠔放題嚟講，一檯四個客居然會10分鐘只係上10隻，做得咁小氣不如唔好做。

最近世界盃，親朋戚友紛紛到各大商場或酒吧觀看比賽，朋友建議「Starry Night」，看裝潢沒有特別吸引，但一晚狂歡及聚餐後，還是滿意及體驗暢快的。新鮮生蠔放題一堆朋友歡聚，推薦套餐，包餐湯、麵包、前菜、主食及飲品，推羊架。愛爾蘭生蠔餐廳會先送上愛爾蘭生蠔一盆，蠔肉大小適中、蠔身水潤光澤、味道清爽、海鮮味較淡，屬於吃多也不易飽膩。法國生蠔第二盆法國生蠔，蠔身比較肥厚豐腴、質感偏Creamy滑溜。粟米肉粒忌廉湯前菜 Fish and Chips看球賽吃炸魚薯條，滋味無窮。魚柳一件剛巧一口、炸衣薄而酥脆、魚柳質感油香滑嫩。薯條幼而脆身，一口一啖凍飲，冰極暢快。紐西蘭羊架兩支大羊架肥美甘口、羊皮煙韌、肉質柔軟細膩、羊肉肉汁豐富、油香而不膻。薯仔連薯皮切件香炸，薯角粉嫩。美國西冷牛扒總括來說，生蠔質素不錯，嗜蠔的朋友，不妨一吃。

呢排世界盃開鑼，我哋行街經過銅鑼灣，嚟到耀華街呢間樓上西餐廳食dinner嘅時候見到佢有世界盃直播,仲要$500就可以食到生蠔放題，感覺幾正忌廉粟米餐湯好香好濃郁嘅忌廉粟米湯，飲落覺得好creamy，有啲粟米🌽粒粒喺個湯入面，仲有火腿粒粒，幾正～卡邦尼意粉一件好精緻嘅卡邦尼意粉🍝黑松露醬幾濃郁，醬汁調味都好香，入邊仲有雞肉大蝦除咗有生蠔放題，仲有大蝦🍤同埋螺肉放題～好大隻蝦，入面嘅蝦膏都幾正，食落感覺得幾新鮮螺肉大大隻螺肉，食落覺得煙煙韌韌，同樣都咁新鮮，幾鍾意佢嘅口感

趁住我同阿媽都放假,我哋嚟到銅鑼灣呢邊行街,夜晚喺呢邊食嗰dinner~我哋揀咗呢間生蠔西餐廳試下~佢位於耀華街The Zing!16樓,環境舒服,仲有音樂聽黑糖麵包甜甜地嘅黑糖麵包🥯食落幾有嚼口，幾鍾意佢嘅口感，黑糖味都幾正煙三文魚卷得好靚，擺盤好靚嘅煙三文魚🍣食落幾香滑，感覺都幾新鮮紐西蘭羊架一碟兩件嘅羊架，煎得好香，半肥瘦嘅羊架肉，煙煙韌韌，幾鍾意佢嘅調味，我哋食得好滋味😋生蠔有唔同國家嘅生蠔放題，有南非🇿🇦日本🇯🇵法國🇫🇷同愛爾蘭🇮🇪嘅生蠔🦪全部都好新鮮，配埋檸檬汁同蕃茄醬，好Juicy～生蠔都大大隻，肉質好嫩滑，唔錯

適逢世盃開纙,與其約朋友上吧睇波,何不揾間坐得舒服又有好嘢食嘅樓上舖嘆吓呢！就是這樣,揀上它。任食蠔已經是賣點,餐廳個場不算太大,正好三五知己自成一角,原來16/F望出窗外都有D景觀。先上煙熏三文魚頭盆,够香厚肉,是日餐湯是磨菇忌廉湯伴新鮮熱辣麥法包,有個好的開始,未食主菜先來個生蠔併盆,雖然只有海蝦和翡翠螺陪襯,但任食也不用急於淨食主打的生蠔,今晚有法國、日本和紐西蘭蠔供應,外型超大隻也算肥美和新鮮,可能開蠔侍應造到忙不停手,間中幾隻有碎殼發現,算是要有改善的地方,但不失食蠔興緻,繼續睇波食蠔,侍應還提醒大家仲可選一份牛扒/羊扒或意粉作主食,大家狂飲酒嘗蠔,差些忘記了。這晚一於盡興！

💛好味指數:4.4/5💛💜回頭指數:4/5💜位於銅鑼灣嘅新開酒吧餐廳，可以任食生蠔放題，仲包咗餐包、煙三文魚、餐湯和主菜，唔洗正係食生蠔咁單調😗✅120分鐘生蠔放題$468生蠔全部即叫即開，可以選日本、法國和愛爾蘭生蠔，但咁啱法國生蠔賣灑，無機會試，日本同愛爾蘭生蠔味道唔錯，日本嘅海水味好濃🦪另外海鮮仲有翡翠螺和蝦🦐翡翠螺和生蠔都Encore咗兩次，不過每次Encore只可以半打，計埋佢整記得要預時間主菜味道不過不失，味道還好，食太多生嘢後尾食啲意粉暖吓胃都幾好～飲品叫咗杯Happy Ending🍹有漸變嘅層次之餘仲做到上甜下酸，幾有意思🐻總結可能有啲多人，上菜速度未必好快，店員Keep住開無停手🫣建議食完生蠔要即刻叫定下Round🤔📍Starry Night (銅鑼灣)銅鑼灣耀華街38號The Zing!16樓

▪️ Starry Night ▪️•除咗食Buffet會食生蠔之外平時真係好少會嗌生蠔食因為Budget 實在有限😂估唔到搵到呢間高性價比嘅生蠔放題😍•💬 120分鐘時令生蠔放題($468)海鮮拼盤一上檯擺喺假火山上面加上乾冰冒煙嘅效果真係勁有儀式感🤭生蠔係即叫即開保證新鮮品種有嚟自法國/日本/南非/愛爾蘭呢四個產地隻隻都好肥美大大隻食落鮮味十足完全唔腥唔會好似食Buffet嘅生蠔咁滯咁漏女士應該食到起碼10幾隻都冇難度🤣海鮮拼盤仲有螺同凍蝦亦都係可以refill嘅items螺厚肉又爽口凍蝦就正正常常呢個生蠔放題仲包餐湯、黑糖麵包、煙三魚同主菜忌廉湯入面有粟米同薯仔味道濃郁但略嫌少咸黑糖麵包鬆軟配有忌廉如果可以烘返熱就更好煙三魚卷成玫瑰花上碟成件事即刻唔同咗🤣主菜可三選一分別揀咗紐西蘭羊架同美國西冷牛扒羊架肉質嫩滑幾乎冇羊羶味調味岩岩好唔洗點黃芥末醬都夠味唯一係肥膏太大舊😂西冷牛扒大大塊叫左5成熟落望好粉嫩雖然食落幾有牛味但肉質偏韌伴碟嘅脆薯角好惹味又唔會過油忍不住一舊接一舊而飲品係Bartender特調嘅無菜單系列飲落幾fresh唔會太甜•🌬️ 推 介 指 數：3.5/5•📍 Star