左麟右李粥麵小菜專門店 (Moved) New Location

聞名而至，一入來就一直聽住左麟右李的歌曲！都幾好feel！人流不多，好舒服，兩個人佔一張檯！睇食物價錢都唔平，但為名氣而食就另當別論！生滾粥好好味，好綿，好足料！配三色腸粉，有牛肉，叉燒，鮮蝦三樣！都算皮薄！蒸魚水準唔錯，keep到魚肉好滑，甜美！值得推介係燉湯，貨真價實，值得一試！最後送綠豆沙兩碗！

成功的男仕背後有一個女人, 好真. 但成功的男仕須有一位好的合作伙伴, 更加真!!  看兩位歌星, 譚校長和李克勤, 唱而優則齊齊開食店, 一間再多一間, 更成佳話, 值得學習, 也是今天給年青人的好例子.位於銅鑼灣海旁信和中心二樓的 左麟右李 是們我喜愛的食店, 因為全日有 Video 不停播送兩位歌星的演唱會, 可回味他們的名曲多首.店內裝修金碧輝煌, 牆上掛了不少照片, fans 一定很滿足.有 VIP 房, 佈置很特式.餐具都印上左麟右李的名字座位舒適, 店員招呼有禮. 水滾茶OK.  我們看了彩色餐牌, 叫了一個二人生滾粥套餐.合符經濟原則, 有1窩 4 拼粥, 1碟油炸鬼, 腸粉,  豬手及甜品.4 拼粥, 我們選了牛肉, 豬膶, 肉丸, 魚片, 材料豐富, 粥底夠綿, 入口的漿感很好, 粥的味道鮮甜.魚片肉鮮, 牛肉味同質感 OK, 豬膶及肉丸都很爽, 調味適中.油炸鬼, 脆及香口, 應是新語鮮炸品, 服務好.腸粉二選一, 我們選了叉燒腸, 腸粉蒸得不錯, 粉皮軟軟滑滑, 有煙韌感, 內裡的叉燒很多又夠甜味.  配備一小瓶暖的豉油, 很貼心！南乳豬手, 炆得很腍, 南乳味

午餐吃得豐富左，晚餐食得簡單D。今曰試試小菜套餐同克勤㕚燒麵。白菜豬肺湯：很清，淡淡的燉湯味道，唔係好濃郁，但ok la.黑椒牛仔骨：好夠鑊氣，黑椒味香濃，牛仔骨軟稔多肉汁又夠入味，送飯一流！油菜：很嫩！又清脆！蠔油又夠味，不錯！紅豆沙：好好味！起哂沙又唔太甜叉燒麵：叉燒厚切大大片，食得過癮有口感。肉質軟稔，肥瘦相間又有肉汁，正呀！

星期一專程到來吃下午茶，當時有四枱客人叫了三款飯麵，第一款，炒飯多油，不吸引第二款，炸醬麵的麵是糊作一團，很林，應已煮了很久，炸醬很油，難食蒸河粉一般，排骨沒味道，水準普通以上三款份量都是迷你版

剛去完旅行返嚟,又係時候約朋友飯聚傾傾偈同派手信了! 銅鑼灣真係唔多熟,朋友提議到呢間左麟右李試下,好吖…可以試新嘢!我諗如果唔係搵食關係,真係唔會行入呢個商場呢! 坐低咗…揀嘢食先……都幾多選擇,粥粉麵飯點心甜品小菜款式多多,淨係粥麵都各有十幾廿款了,不過我地無試到! 價錢方面,比一般餐廳或酒樓貴,煲仔飯有D成$168,真係幾貴! 不過又唔係全部都咁貴嘅,好似我地揀中嗰D,都係同出面價錢差唔多又或者貴少少,可以接受!睇相見叉燒同燒腩仔都好吸引咁,於是就叫個雙拼,一次過試晒兩樣(仲有貴妃雞可以揀),叉燒軟身唔un甜度適中,好味,而燒腩仔就仲正,皮脆到不得了,又唔會有肥肉,所以食多幾舊都唔油膩,好得!!!!!落單時同咗店員講後上,店員仲幫我地換過筷子同碟,服務周到!

朋友去完日本後出來食晚飯兼俾手信，提意到呢間明星開既飯堂。入座時待應見朋友大包細包，主動搬了一張椅給朋友擺放行李，值得一讚！义燒口感香稔軟嫩，不乾身而且肉汁可口，可說是近年來食過最美味义燒之一。炒油麵麵身乾爽，麵條比較幼碎，吃來油而不膩，整體來講不過不失。脆麻花咬落很鬆化，加上少許蜜糖帶甜，完美飽肚。今次友人好介紹，打破明星效應既印象，值得推介。

今天相約2位朋友去這間 Causeway Bay 分店食午餐。大約12：00時分，不用等位，真好😊人齊後，我們點了幾款點心：蝦餃 ~爽蝦👍                                     蘿蔔絲蘇餅 ～ 有點過咸 （利X酒家好食得多）                                     淨水餃 👍                                     燒腩仔 👍                                      蘇皮焗叉燒包 ~ 叉燒不新鮮，硬 最後點了2客蛋白杏仁茶 ～ 太希。。又吾夠香，好似飲水咁。。 整體來說，環境可以，食品有待改善，招呼不錯。

每個星期日都同爹地媽咪食飯，今日媽咪提議去「左麟右李」食，前一晚上openrice睇過都多好評，心諗應該冇事既.....點知...裝潢好靚，成間「糖潮」格局，已經覺得唔係做香港人生意，望入去坐晒人，都係強國人樣，店員好快安排我地坐低，一坐低，小朋友位下面全部都係水😰我套碗筷，碗有豉油漬（未影已經收走），湯匙上面有粒乾左既飯同豉油漬😡可以再污糟d丫笨😡果下冇晒胃口。侍應又唔覺得佢有唔好意思既樣，目無表情收走就算😒碟其實都油油地😰到睇餐牌，其實唔平,平均一個餸約$100，收咁既價錢有好既質素係唔緊要既，想行中上價餐廳唔該衛生環境好少少得唔得？黎到冇理由食粥，想食粥又唔會黎呢道，但又唔覺得有咩菜吸引，好似燒味正，但聽到隔離台話唔好食😰是但叫幾樣試下（好彩醒目冇叫得多）好普通又好細碟，蓮藕唔脆，菇冇味😰好似係海鮮粉絲煲，好驚呀，成個煲上至海鮮下至粉絲都完全冇味，個底超級多油咩事😰食到底全部係油唔敢食。成既最好食係呢碟牛柳粒😒但牛肉唔係全熟仲見生，夠冧夠入味，牛柳粒大既好大，細粒既可以超細粒，點解唔大細差唔多？好似自己屋企亂切炒埋一碟咁囉，又細碟，盛為$108+10%我其實覺得佢地都係岩番去唱歌

聽聞蜜汁燒鱔是20年前風行一時的一道招牌菜，後來不知為何沒了蹤影……這日朋友在左麟右李電話訂座時聽說有此難得之物，而且必須提前至少一日預訂卑師傅提前準備……我有口福啦平時燒鰻魚就有食，今次廣東菜燒鱔第一次見，食落口感邊脆內鬆，上碟配有一層不知名的啫喱，口味清新同出奇的夾……再加上一份十分爽脆的陳醋雲耳海蟄，慢慢品嘗，令到鱔食起來唔會太漏……還可以再柯打一份燒肉叉燒及啫啫芥蘭。叉燒標榜厚切，食落又真係几有口感……甘好味的食物，一定常到！

挾著譚校長與李克勤的名字，這間左麟右李剛開幕時人龍不絕。這天下午茶時間路過銅鑼灣，一時心血來潮，放棄幫襯老字號何洪記，也不介意多走幾個街口，專門來信和廣場嚐一嚐新。結果：蘿蔔糕：酸的腐皮卷：勁咸，用茶沖晒啲汁先勉強食到。拉布腸粉：夠滑，合格好彩冇介紹朋友去。$61，當股票輸咗。

食開燒味有癮，今日去咗呢間擺明高檔嘅。諗住要散叫，居然有腩仔四寶飯$68，我都冇問有乜，見到就叫，加咗個菜乾豬肺湯$10。嚟到好有驚喜，居然有燒腩仔、叉燒、油雞、鹹蛋，基本上係我常食嗰幾樣齊哂，而且份量都頗大。燒腩仔肥瘦相間肉質嫩滑，個皮鬆脆咬落卜卜聲，調味啱啱好冇過鹹，個芥末醬冇搶味點咗仲冇咁膩。叉燒半肥瘦軟腍，有肉焦香。油雞近胸位都嫰滑但肥咗啲，薑蓉冇溝葱。鹹蛋隻黃都算幾濕潤唔過乾。碗飯有米香。個湯滾燙，好足料冇味精。糖水係蜜棗龍眼水，冇過甜，夠滋潤。環境好企理，啲嘢食上碟美觀，質素高，水滾茶靚，而且好近公司，可以經常去。

左麟右李嘅銅鑼灣店除咗燒味最好食之外，仲有好極具創意嘅小菜！蒜香燒鷄皮脆肉嫩多汁！師傅功力深厚，齒頰留香，好食到唔停得口！檸蜜燒鱔香脆嫩，肉質彈牙，一試難忘！蒜香燒鷄同檸蜜燒鱔要提早預訂！喺左麟右李食飯可以一邊食飯一邊欣賞左麟右李嘅演唱會真係一大享受！

左麟右李「銅鑼灣」店嘅招牌叉燒皇真係一試難忘，香甜多汁，入口鬆化，係必食推介首選！脆皮燒腩仔香脆可口，絕不肥膩！招牌雲吞麵麵質煙韌，雲吞爽滑彈牙！酸薑皮蛋凍極具創意同驚喜！蛋白杏仁茶即叫即做，味道濃郁！店內員工服務態度良好！

明星開食堂不是新鮮事，水準參次，這次光顧左麟右李，出品確有驚喜。三人行，點了推介的厚切豚肉叉燒拼窩心燒腩仔，炸蝦多士及蒜香牛柳粒。先來燒味拼，份量適中，厚切叉燒約有半吋厚，肉質爽，肥而不，帶點焦香；筆者愛吃某食府的招牌食神叉燒飯，相比下可說有過之而無不及。另一是窩心燒腩，的的骰骰，看上份量偏小，但始終腩是較肥的部位，太多會覺油膩，師傅特意切成小件，相信此處便是”窩心”的地方；皮脆，三層肉清晰可見，這拼盤推介！再來是炸蝦多士，與拼盤相對下就較遜色，或者筆者對炸物興趣不大，一般做法配上沙律醬，不大驚喜。最後是蒜香牛柳粒，此食雖不是店推介品，但尚算出色，味濃惹味，蒜片香口，醬汁帶甜，配飯一流。其實還點了小吃魚皮及蛋白杏仁荼，味道平穩，不過不失。總括而言，筆者較為推薦燒味出品，小炒可嘗試，至於小吃、甜品就取決個人喜好。

由於工作地點的原因，下午茶時間，黃埔花園的左麒右李經常去，貪距環境坐得舒服，價錢相宜……友人相約銅鑼灣，醫肚時間也就試下這間位於告士打道信和廣場的分店……翻看菜牌發現平時係黃埔食開雲吞麵同生滾粥分店竟然有燒味供應（或者燒味是港人的喜愛緣故）。柯打一碟燒味雙拼飯，一柯蝦多士燒肉皮脆味道適中，切到粒骰仔甘的適，叉燒的軟淋嫩滑我最欣賞，想不到的是粥麵鋪有這樣出色的燒味……蝦多士水準都唔錯，或者是我沒有即食的原因 稍微油左少少……一餐普通的午餐，令我又有新發現