燒扒屋

Open Now

Now Closed

生平第一次打食評！！丫大廚夠膽拎呢碟黑炭黎上菜，好野！塊牛扒又乾又苦，我完全唔知自己食緊d乜，其實有心做飲食業既，真係會煮到d野咁難食架咩？我唔會再幫襯！送俾我都唔食丫！

我地三個人叫左三個餐：炭燒牛肩扒拼司華力腸跟沙律， 蜜汁燒豬扒拼司華力腸跟薯菜，燒大蝦配安格司牛柳跟沙律，另加芝士焗青口。首先件豬扒係又乾又鞋，差少少可以做豬肉乾。牛肩扒仲差，一D味都冇，又係乾到以為食牛肝。大蝦D肉係梅嘅。青口係乾真真嘅。埋單盛惠$270.00。總之，一句講哂“冇下次”。

今日母親節正日，周圍都人山人海，想簡單食個飯，竟然俾我哋搵到一間唔使等位嘅小餐廳，諗都無諗就入咗去，誰不知，中伏了......「美式自選鴛鴦扒精選午餐」我選擇了薄牛扒及雞扒，配意粉。其實意粉是正常，汁都正常，唯獨是兩塊扒咸到苦，食到一半已經唔想再食落去，好擔心自己個腎會負荷不來。其實這個價錢，相比附近食肆，的確十分經濟吸引，但食物質素方面，的確有待改善（可改善的空間非常大）。*餐廳沒有提供BB櫈。

以後會永久blacklist 1. 見你一家大細拎位 借d易俾左人地4位先 但明明係我地到先 好聲好氣問多次 就話因爲你地要拎3位 唔係4位 但態度極差 d阿姐會怒睥你 講到係你錯晒咁 所以唔俾位你 2. d扒靭到用刀大大力切都幾乎切唔開 要超級大力 食落口更加唔洗講 𡁻擦膠咁 老實講 唔係第一次幫襯 但d水準真係好參次 一時好食 一時又完全食唔落口 真係要搏下個次煮得好唔好食3. D扒太鹹 落太重調味醃 食完好口渴 要飲好多水總結 平野無好野 大家試之前要三思 尤其係一家大細係繁忙時間 人地係「做生意」 無謂「阻住人」

一行5人食生日飯, 叫左兩個大蝦羊架跟薯菜，一個什扒, 兩個牛扒. 什扒牛扒份量正常, 問題在大蝦羊架跟薯菜，近一百蚊一個餐, 冇湯、羊架冇得要求生熟程度都算，上菜得一件又細件又薄既羊架、「梅」既所謂大蝦同埋炸唔熟既薯條....自己睇相決定，我就一定冇下次

話說成日(幾年黎)經過好想試 ,到偏偏每次想食野又吾會去食咖渦😂家姐同媽咪前排食過話幾好,所以今次即管一試一直以黎系街都見到有佢既廣告牌,餐系好抵食每日都有不同款式既set,星期一較為吸引😍可能時間尚早🕕既關係唔洗等位,但入面已有3-4枱眼見有2張大枱都擺左留坐既牌我地坐低左d客陸續黎有d已經要等位🈵講返嗌左咩食先…………海鮮焗飯🦑🦐🦀🐟同出面既味道差不多,不過………份量十足亦吾會話超多飯好少料,系平均既肉醬意粉🍝對我哩個鐘意芝士既人黎講真系面頭芝士焗得夠香口得黎可以拉絲肉醬吾會太咸,食到最尾意粉吾會太油出面好多肉醬意粉食到last25%已被油浸焗薯🥔應該系今餐最既一樣焗得乾身系正常,但系焗到燶左就😕因為吾鐘意浪費食物既我好想食哂佢可惜真系越食越苦真系食吾落焗田螺🐚我欣賞既其實吾系主角😅而系配角薯蓉🥔吾會好似焗薯甘燶哂除此之外,至愛香口野既我,系哩度可以搵到60%系焗到脆口40%雖然吾會太脆,但吾會太濕,保持乾身

今日下晝屋企冇人煮飯 所以我又出去繼續我嘅尋味之旅啦 行過見到有一個banner寫 新西蘭肉眼牛扒餐都係43蚊 咁就梗係唔放過啦呢個牛扒餐佢標明係有8安士 黎到嘅時候 睇落塊牛扒都幾大塊 應該都足料嘅 而且飯嘅份量夠多 食落真係夠飽肚 牛扒雖然冇得揀幾多成熟 睇落亦似全熟 但係牛扒一啲都唔硬 又唔似用過鬆肉粉去醃 仲食到有少少嘅牛肉香味 值得一讚 算係唔錯嘅一餐午餐

係大埔咁耐，第一次食呢間店我叫咗份雞扒，男友個份係牛扒+羊架，再加杯凍檸茶上菜個陣見到「嘩」一聲，又幾大份雞扒唔錯，夠滑，煮得啱啱好，但個汁個人覺得麻麻地，唔太夾同濃味，唔夠多汁，個飯略嫌乾咗啲羊架唔會膻，幾香但係牛扒有啲位有少少韌，整體都唔錯呢度服務態度都好好，大家可要去試下大大份夠抵食，一定夠晒飽

在大埔超級城附近，閒逛了很久，叉電也叉了兩次，還看了澳假一輪，結果會合。以為到哪一個比較偏僻的屋苑，原來只是超級城附近邊皮的位置😯，有次一間廉價鋸扒餐廳。看這間扒房的樣子，比超級城裏面， 759旁邊那一間，好像更加港式🤓，但是內裏比較暗，卻又有電視📺看的扒房。有是日精選，還有其他可以選配燒大蝦的套餐。雖然沒有湯，但是可以選擇飯、意粉、薯條、沙律。鋸扒可以選配沙律，其實比較少見。於是我問一問店員，沙律是哪一種沙律？店員都呆一呆，可能她以為我不知道沙律是什麼。結果，其實沙律不是那種菜葉的沙律，而是有沙律醬的薯仔沙律。我的安格斯牛柳，不算非常之厚實，但一塊安格斯，體積也不算太小。店員落單時沒有問明幾多成熟，然而，來到的時候，牛扒中間還有少許粉紅，不算是全熟，那就剛剛好，否則完全沒有肉汁又顯得太鞋，那便沒有意思。起初，說到旁邊一小塊牛扒，吃落的時候覺得有少少冷凍的感覺，還想破口大罵，但是後來才想起，其實只因那一端比較靠近沙律😆，所以才會有點兒冷。整塊安格斯，也沒有很多位置有筋或韌的位置，或者咬/切不開的情況，整體質素非常不錯，而沙律亦都用料充足，好像有蘋果、西芹、薯仔、蘿蔔，而且沙律醬不少，但

午餐去咗位置比較邊嘅燒扒屋，一點去到仲有位，點咗嘢食大概五分鐘已經上曬。以扒類午餐嚟講，燒扒屋係又快又平又好食，一般唔駛$50都有一個餐加凍飲。肉眼牛扒餐好大份，牛扒都好嫩，唔怕太乾，飯嘅份量都唔少。而魚柳都好大塊，係新鮮炸起，不過沙津就有少少暖，少少奇怪，加上條腸太細，似配菜多過主菜。什扒就好高評價，雖然相比其他餐大約$15，但係豬牛雞都好大塊，一啲都唔求其，不過建議配飯或者意粉會好啲，薯條唔新鮮同太淋。

夜晚游完水，咁就近近地搵間餐廳食個dinner，見燒扒屋又幾平，就走入去食啦。原來佢逢星期一至日都有特價晚餐，咁就叫左焗俄國牛柳絲飯同埋一個炭燒美國牛肩扒跟飯。叫左之後唔洗五分鐘，個牛肩扒飯已經到左，超級快姐係應該一早整定，然後淋d 汁就得。個飯黎到，真係嘩一聲，一dd 菜都無。而所謂嘅牛肩扒就應該係牛𦟌，成個飯可以用普通到唔普通黎形容。而個焗飯就真係幾多芝士，食落都幾濃同埋都幾飽。但牛柳絲就唔多。

相信燒扒屋陪住好多住喺大埔嘅人成長。 佢哋嘅特色就係每日都有超級抵食嘅扒餐。 雖然係港式鐵板西餐，而家大個咗出嚟會食好啲嘅牛扒，但都會想間唔中返去食下呢一種味道。 除咗每日精選特價套餐仲有其他套餐都唔貴 非常大眾化。 老闆一家仲會經常喺舖頭 好有親切感

從常餐的飯中找到驚喜......段古唔會因為坐出面，小強（唔大唔細）會從天而降並且混有燒汁滿身都是卦，仲掉了一條鬚。。。可能已送入口中。。。。（豪畀你！）。。。以後都不會再幫襯了！睇清楚先放入口！衛生其實1分都無

到晚飯時間，基本上每間餐廳都要等位，見呢間有位而之前又未食過，就試下啦叫左兩個牛肩扒餐，一個跟意粉，另一個跟薯條牛肩扒，以呢個價錢黎講，尚可接受。只係個黑椒汁，唔夠黑椒味，唔夠香，偏咸（應該鹽重手左，牛油同黑椒少左）意粉，白灼，食落好寡。加埋汁食勉強都可以既老公話個薯條即炸，應該唔太差熱檸茶，茶泡得太耐，好苦呢個價錢同大x活差唔多，個人覺得兩者冇乜分別，反而前者相同價錢仲有埋湯，呢到要另加$18. 如果只係想食飽，呢到都可以既。

偶然行過 見到午餐只係$42 博一博 試一試第一次光顧 睇餐牌固然要耐少少 阿哥仔在旁好不耐煩地撻住筆等 仲以為自己食緊澳牛 想加個湯 問有咩湯 話有羅宋湯 不過而家無 成12點午餐都未有湯 正丫唔夠兩分鐘就上菜 快到一個點 但係隻碟邊有印 好似洗唔乾淨咁叫左牛扒意粉 好多汁 鹹到一個點 意粉就漿住左 原因一係啲意粉就開左好耐 一係就未開晒牛扒就我唔肯定佢係牛 有牛的質感但無牛味 而且好乾好乾好乾佢無寫單俾我 所以食完就叫埋單 佢一句得埋黎話出去埋 Fine食完背脊骨落的一餐 睇在$42份上就算 不過無下次喇