Stormies (Closed)

今日同屋企人慶祝生日，所以近近地黎左呢間西餐廳食飯。但估唔到星期六晚都唔算好full。我覺得野食都可接受，但咁既價格有其他更好既選擇，但呢到就貴在環境唔錯，如果坐出面食個感覺仲好添！

去開元朗，又喺元朗搵食啦。出面落住大雨，都費事去街度搵野食，就一於喺yohoo mall睇下有咩食。最後揀左呢間餐廳，環境都幾靚，惟一唔好嘅地方就係佢連接唔到商場，雖然唔係行十幾秒，但落住大雨咁行都唔方便。好啦，食物方面係好食嘅，我揀左個牛扒，我要三成熟，但就整到五成咁，不過都唔會韌👍牛扒上面有牛油，好香，加分呀🥰配埋薯條同沙律菜，好夠飽。

Stormies 係yoho mall已經幾年了，位置其實不差，但偏偏人流不多，好似成日會走漏眼咁，同期開的餐廳也相繼結業，作為一個食客每次去光顧都擔心會結業，因為主菜經常買一送一，無論午市或晚市都有這個優惠。食物質素保持水準以及份量也非常足夠，非常抵食。

Stormies環境非常有情調室內有吧台室外有花園非常適合拍拖談心主菜有買一送一優惠優惠後平均每份$89-99以扒餐來說非常抵吃而且肉眼扒非常有驚喜味道出色非常juicy生熟度剛剛好100個讚推介必食薯條很有黑松露的香氣薯條又脆又熱很好吃另外的豬肋骨就不及肉眼扒出色也沒有跟薯條只有跟薯菜

呢間店既大門口係Yoho mall 出面，唔太顯眼，如果唔係係商場app見到，未必會留意。餐廳主菜類唔算太多選擇，反而小食款式多樣化，大概同餐廳有酒精供應有關，等d人就算食完正餐，都可以嚟飲酒吹下水。有小小驚喜既係晚餐主菜做梗買一送一優惠，可以揀唔同款，以貴價既一款計。小食叫左脆辣蜂蜜雞翼，估唔到有甘多隻，食極都有，平時最多一碟咪得6隻，呢度無記錯有8、9隻⋯味道好濃，辣中帶甜，勁入味。炸魚薯條配他他醬及麥芽醋，炸魚有半隻碟甘大，外皮炸到金黃色香脆，入面魚肉有一吋厚，勁嫩滑～好食！肉眼牛扒明明叫左medium rare，但係嚟到差不多係medium well，火喉控制得唔好，浪費左塊扒。拌碟仲有雜菜沙拉同黑松露薯條，薯仔份量幾多，2個人分嚟食都得～

係元朗睇完戲想食好西，係YOHO Mall搵到呢間Stormies類似Restaurant&Bar，冇乜人夠靜，一於揀呢間撐下枱腳★★★★★Quesadillas $108墨西哥烤餅我地叫咗牛扒，呢款就配咗個雞肉擺碟賣相都幾好，咬落皮薄餡靚，雞肉都好嫩配有三種醬料：蕃茄粒﹑牛油果醬同酸忌廉，三款都好夾好好味，夾埋個雞肉更清新鮮甜，足料又好食★★★★★U.S. Rib Eye Steak (10oz) $268叫咗7成熟岩岩好，肉質鮮嫩juicy，溝埋個香草牛油非常搭配。配有沙津同黑松露薯條，炸得好香脆。呢個價錢嚟講都幾抵食★★★★Crab Meat Risotto $168我超鍾意食Risotto見到一定嗌～呢個Risotto亦冇令我失望，香濃嘅忌廉同芝士，口感夠晒creamy，唯一不足係蟹肉少咗D，飯量都足夠嘅！Stormies整體評分★★★★地理環境★★★★★環境暗淡柔和，座位舒適，得閒嚟chill下都唔錯服務★★★帶位帶咗好入嘅自摺隱蔽位，係就係幾靜但冇乜客所以完全冇人特登過嚟望下，要等勁耐先有人招呼食物★★★★★質素唔錯，份量足夠價格★★★★價錢屬中上收加一，我地Walk-in

一直住喺附近, 都未有機會嘗試。 特色買一送一嘅晚餐優惠即刻過嚟試一下。 我點了一份西冷, 先生點了一份羊扒。先不討論食物品質, 就環境而言的確有點擠逼。夫婦兩人可清楚聽到鄰桌對話內容, 亦有手肘碰手肘情況 食物方面, 周打魚湯濃杰適中, 忌廉亦見香濃。 七成熟的西冷扒恰如其份, 微焦部位肉味香濃😈羊排值得稱讚, 十分嫩滑, 不覺腥膻。主菜買一送一優惠下, 價格非常相宜 。不怕環境擠迫的朋友絕對可以一試

2018年的除夕午餐與女朋友去了元朗Yoho mall 的Storms西餐廳,坐落才知道是買一送一, 多了一份驚喜點了English Breakfast ,都是典型的組合,腸仔蛋麵包牛油煙肉等，一般一般Chicken Burger, 份量頗大,cheeze的份量也絕不吝嗇，睇頭十足, 有薯條伴碟，勁滿足全部套餐都包餐湯及沙律， 另外還有小小的cheesecake甜品， 配咖啡或茶， 這裏的咖啡水準值得一讚可能生意太好的關係，服務的速度有一點點跟不上，但都是可以接受的。

今天，一家三口外出午膳，見到餐廳星期一至五午市套餐買一送一，便入去試試。我們點了兩款套餐，每款兩份。1. 南瓜湯 + 沙律 : 湯微酸，不太合口味；沙律普通。2. 墨西哥雞肉卷配牛油果醬，酸忌廉配薯條 : 雞肉卷最好吃的是又脆又暖的外層，卷內除了雞肉，還有大量洋葱，汁有點辣但味道麻麻。3. 和牛牛肉漢堡伴車打芝士，洋葱配薯條 : 漢堡我們要了十成熟，依然不"鞋"，還充滿牛肉香，漢堡包亦軟熟可口。4. Cappuccino (加$10) : 奶泡不夠厚，味道普通。5. 另外兩份餐飲是熱奶茶和熱咖啡 : 上枱時侍應忘記給糖，告訴她後轉頭又忘記，追了幾次才終於有糖，飲品已涼了。6. 甜品 : 跟餐配甜品，上枱時我問侍應是什麼，她說不知道，吃下去應該是蘋果批，批底不夠香，味道一般。另外將四份甜品放在同一碟上，不太方便，每份獨立一隻碟會好一點。我們坐的位置附近有一金色圓柱，抬頭一望，有大量塵埃，職員應要好好清潔一番。整體來說，食物一般，環境和服務都有待改進。

7點3到，個所謂經理見你企係reception 前面等，佢係你面前寧願應其他客都唔睬你。好喇，過左5分鐘，你叫到佢喇，入面大把位唔比你坐，話全部訂枱（係星期三），要你帶住個小朋友坐吸煙區，仲要一副坐就坐，唔坐就過主樣。我唔期望呢種餐廳質素仲差過我係街邊篤魚蛋，起碼個呀姐仲會理我。食過一次，napel 籍侍應幾好服務，係班港籍經理冇服務。永冇幫襯。If there’s any management read this message, please provide more training to the local staffs, especially to those so called manager, how to provide a normal service to a customer.Worst service ever!

入元朗，就去咗Yoho搵食食個午餐。餐廳位置都幾偏僻，星期六午飯時間都冇咩人，以為會伏，不過都有驚喜入到去嗌咗個Set Lunch，首先係前菜沙律同埋餐湯。個沙律汁非常好食，一啖接一啖好快就食完。(8.5/10分)餐湯係南瓜湯，以咁好環境、咁靚擺盤嘅餐廳而言，碗邊掛住湯汁真係有啲失禮，影響影相。南瓜湯唔太啱我口味，所以飲左幾啖就冇飲了。(5.5/10分)同朋友嗌咗和牛漢堡同意大利麵一齊share。芝士半融，和牛多汁，成個包一啲都唔dry，非常好食，而且份量十足，食完半個burger就已經有八成飽。個薯條更係粗切即叫即炸，熱辣辣外脆內軟，非常好食。(8.8/10分)朋友叫的蕃茄意粉亦相當唔錯，味道恰到好處，小酸小辣，絕對不俗。(8/10分)整體而言，餐廳環境裝修有格調，服務質素良好，食物高質，有機會會再去！

Yoho mall啲西餐都試得七七八八，今次就試下未食過嘅Stormies佢位置係幾偏僻，行勻曬成個yoho mall 用左半個鐘先搵到我叫左個雞肉漢堡 落左單先知買一送一，折左即係$56，即刻變到勁抵食但係個餐冇縮水冇hea做值得一讚個包同芝士唔算好香，塊雞肉好健康，係4塊薄雞胸疊起食曬成個burger都唔會覺得好heavy最值得一讚係啲薯條！空氣感十足夠脆又夠味放到最後再食都仲係好脆唔油膩係暫時係元朗cafe食過最好味嘅薯條餐飲叫左凍奶茶，但係伏到爆佢係自己落糖水落奶嘅～沖完出來隻色係似奶茶，但一啲奶味同茶味都冇好似飲緊水咁名乎其實整色整水 lol最後佢送左個blueberry cheesecake, 好的色可以一啖食曬，為成個午餐畫上完美句號

元朗西鐵站，形點樓下，好近形點聖誕飄雪嗰度，不過開咗應該會好多人食物質素不錯，味道剛好，不是太淡，鮮味十足有枱上有蠟燭，感覺浪漫，二人撐枱腳很不錯略嫌服務員太多，服務速度有點慢，希望加添人手，整體不錯2個人食300幾蚊左右，高級西餐價😝

係YOHO MALL行街，一期地下入口見到呢間西餐廳，夜晚非常旺，而且星期一至四叫主菜有優惠，可以買一送一，一於搏下有冇位。咁啱有張吉枱，要個半鐘後就交枱，我地快快趣就入座。前茶點咗慢煮八爪魚沙律，好大碟。八爪魚慢煮過後，非常柔軟，沙律菜有唔少，又有平常都會有嘅橄欖、青瓜、乾果，配埋甜辣嘅蜜糖芥末汁，好開胃。主菜點咗兩款，第一款係雞肉漢堡包。雞肉爆多汁，中間仲有煙肉、車打芝士，口感好濃郁，配搭嘅薯條都好脆。第二款係烤豬助骨。一見淋咗咁多醬汁，仲驚會太鹹或者油膩，但其實同豬助骨好夾。個燒烤汁係用健力士黑啤調製而成嘅，味道有d甜甜地。豬助骨特別鬆化，入口即融。見到隔離枱叫咗點品，賣相好靚，我地都想叫，不過時間有限，夠鐘交枱，下次有機會要再黎試下。

Stormies係一間我好中意去嘅餐廳！第一，坐得舒服(同朋友吃飯聚會係最重要的)。第二，食物種類多選擇。第三，食物質素高。最後最緊要就係抵食(用信用卡還有優惠)。星期五七點幾仲有happy hour，飲品都有七折（用咗信用卡優惠就冇七折)！叫咗兩杯cocktails飲！酒水呢家野都係睇手勢！今次我嗰杯ocean breeze略嫌過淡！麻麻地！不過之前嗰幾次啲cocktail都好好飲！Stormies啲前菜一直係我嘅大愛，每次都唔知揀邊款好，每樣都好吸引！今次我地得兩個人食，所以只叫咗個Nachos！啲tortilla chips無doritos嗰啲咁咸！佢有少少鹽吊味，食完唔會好頸渴👍🏻 nachos就最緊要佢個dip! 佢蕃茄茸好正，蕃茄加olive oil，咸咸地，食到停唔到口！另外嗰個芝士辣牛肉撈埋左guacamole同sour cream，都好好味！主菜叫咗chicken penne同crab meat risotto！ Penne嘅口感好al dente，好正！個sauce嗰量岩岩好，唔會乾爭爭，每一條粉都食到蕃茄醬！不過味道都係淡咗少少！Crab meat risotto