Studio Caffeine (和富道) (Closed)

今日去咗北角約朋友食飯🥰見到呢間餐廳平平哋而且環境都幾靚決定試吓～門面好新淨而且店員好友善。我哋叫咗一個卡邦尼手工意粉同埋辣肉腸芝士薄餅。手工意粉嘅質感好特別，煙煙韌韌同平時食嘅不同，口感幾特別。辣肉腸芝士薄餅好高質！即叫即整出到嚟港女打完卡仲係熱辣辣🥰茄膏嘅味道酸酸甜甜同車打芝士好夾。而且裏面仲有水牛芝士，幾種食物加埋好夾🥳熱辣辣食超好味！而且108一個好抵食🤣🤣推薦呢個一定要叫～另外有啲口乾所以叫咗抹茶拿鐵飲，發現超級靚😍杯面拉花有個心心，好飲又好睇❤️🏠 Studio Caffeine (北角)北角和富道126號地下A2號舖

Lunch黎北角搵朋友食飯，之前見網上好多人介紹呢間Cafe，今次一於試下💜佢地既賣點係手工意粉採用來自意大利庫爾羅洛的麵粉及鹿兒島雞蛋每日新鮮店內製造，難怪好多人都讚不絕口🫶🏻Cafe有室內外位置，透光度十足都幾舒適，Lunch包左餐湯同沙律，南瓜湯好濃郁，沙律有煙三文魚，落左醋好開胃黑虎蝦蘆筍法式濃汁意粉 $168手工意粉口感煙韌，醬汁香濃惹味，蘆筍清甜黑虎蝦拆殼後有輕輕煎過，食落彈牙香口，有驚喜慢煮牛肋肉醬芝士薄脆紅酒汁意粉 $168呢款意粉係比較長同闊身，食既時候同千層麵差不多更有咬口，牛肋肉軟諗入味，面頭放上薄脆口感更佳，加上芝士帶鹹香，小編自己鐘意呢款多啲接骨木特濃冰搖 $60接骨木味道帶花香，酸酸地味道有層次感，平時比較少見Cold Brew $60微酸，係小編鐘意既果隻類型，清爽解膩

Studio Caffeine🌟整體: 好chill 嘅 精品咖啡店 放假呷一口咖啡就最refreshing 🏠環境: 木系為主 帶俾你cozy d 嘅感覺 窗邊吧枱位 係呢個天氣 都唔錯 好有放假放空feel🧑🏻‍🍳服務: ✅☆║．．．．．．．．．．．．．║☆‼️ 卡邦尼 $168✅ 豬面肉 意式煙肉 藍紋芝士 巴馬臣 芝士✅ 意大利麵麵糰用意大利庫爾塔羅洛的麵粉及鹿兒島的雞蛋，每天新鮮店內製造✅ 意大利麵比一般麵 更加有咬口 口感同香味都幾特別‼️ 意大利辣肉腸 pizza $108✅ 意大利辣肉腸 加 水牛芝士 車打芝士呢個經典組合 即叫即烤 係幾突出✅ 外脆內軟 我就不嬲麻麻蕃茄味 好彩呢隻蕃茄味調得幾好 唔會過酸‼️ 花弗姨丈 $40✅ Berries and Hibiscus hot tea✅ 果味重過茶味 ‼️ ESPRESSO PUNCH $ 60✅ 第一眼以為係威士忌加冰咁 都幾IG able✅ 酸酸地冇咗咖啡嘅苦澀味 幾開胃📍 北角和富道126號地下A2號舖Shop A2, G/F, 126 Wharf Road, North Point⏰ 星期一至日1

很久沒有出過這個主題的食評，是沒有假日？還是沒有遊咖啡室？兩日都不是，只是兩者未能夾埋，今日終於有機會了。咖啡店以木系為主，室外室內都可用餐。一入門口就見到排滿一包包咖啡豆，專業！內裏設有四張四人枱、一張面牆的單人高枱，還有一張面向街景的單人吧枱，是我的最佳位置。裝潢簡約平實，牆上掛了各款菜式的相片，好吸引！餐牌設計精美，大大幅相片，未食已令人垂涎。分別有意大利粉、沙律、酸種麵包、薄餅、意大利飯、輕食和飲品，而星期一至五便有午巿套餐優惠，就是凡購買任何食品可免費獲贈是日餐湯或迷你沙律，而飲品還可半價換購，抵！***********************先上迷你沙律($0/跟餐)，色彩豐富，馬上令人胃口大開。雜沙律菜好新鮮清爽，配了些清甜多汁的車厘茄，淋上酸咪咪的沙律汁，清新醒胃，再跟鹹香柔軟的煙三文魚同吃，配搭更佳。***********************見到手工意大利粉當然不能錯過，還要是每天新鮮店內製造，夠誠意！在六款意粉中選了一客慢煮牛肋肉醬芝士薄脆紅酒汁意麵 Beef Ragu Cheese Crips Red Wine Sauce ($168)，賣相好特別，用心擺設，

餐廳：Studio Caffeine (北角)地址：北角和富道126號地下A2號舖呢個喺香港屹立咗八年嘅咖啡店品牌——Studio Caffeine @studiocaffeine ，以迷人嘅咖啡多年嚟吸引咗唔少愛啡之人☕️，今次就去咗開咗接近一年嘅北角分店，喺繼佐敦同火炭分店之後現存嘅第三間店有別於另外兩間分店，北角店除咗咖啡之外，佢哋嘅主食就以每日新鮮店內製作嘅手工意粉為主，另外仲有Pizza🍕、Sourdough、沙律🥗、意大利燉飯同各款特色甜品等，款式種類都算幾多門外見到店舖以木系線形為裝修設計，行入Cafe就已經聞到濃烈嘅咖啡豆香😍，搞到我急不及待就想叫返杯咖啡嚟飲吓，咁啱逢星期一至五11am-5pm叫小食以外嘅任何食物都當套餐，送餐湯或者沙律，仲可以用半價換購特色飲品除外嘅飲品一杯☕️✝️慢煮牛肋肉醬意粉 $168用慢煮嘅方法烹調加入咗蔬菜同香料嘅牛肋肉醬，當中仲調配埋紅酒汁增加香味層次🍷，肉絲狀嘅牛肋肉細膩入微，同時鎖住醬汁喺麵條上面🍝。意粉用咗意大利庫爾塔羅洛嘅麵粉同鹿兒島雞蛋去搓，提升咗香味，仲煮到Al Dente嘅狀態，即外層軟熟，中間半熟得嚟又唔生，口感一流👍，加上用巴

星期六宜Tea Break 💡冇嘢好過嘆杯咖啡、食件cake ☕️Cappuccino $40🌰Chestnut Cake $75 咖啡是喜歡的口味；苦味、酸味平衡，不太強烈的果酸飲落幾舒服。份量比 piccolo 大小小，都係偏細杯。栗子蛋糕薄薄一片成件cake 都是栗子味道，忌廉蓉栗子，味道好出，香滑好味，但薄薄一片要 $75 （plus 加一）價位拍得住lady M ，好味但非常Overpriced 😓😓========================​​📍Studio Caffeine 📍North Point , HK💰$126

想食一個light啲嘅tea；諗起北角有studio caffeine就嚟試吓！下次會試下cake ，同埋 handmade pasta。。🍅🧀『蕃茄水牛芝士批』$98Pizza細細個兩個人share啱啱好；因為即叫即整，所以等得比較耐，但係上枱時，熱辣辣、芝士軟綿綿、又多醬汁；直接用手食，留住醬汁，用刀叉啲汁就會滴走晒！⋯⋯🧊『接骨木•特濃冰搖 Elderflower Shakerato』$60☕️『鮮奶咖啡Flat White』$40。📍 Studio Caffeine (北角)北角和富道126號地下A2號舖。好味指數：🌕🌕🌕🌕🌕回味指數：🌕🌕🌕🌕🌑

Studio Caffeine 喺佐敦都幾火熱，次次經過都差不多full house，但原來港島區都有分店。我諗唔喺住呢頭都應該唔知道原來和富道有間Studio Caffeine。地點其實都唔難搵，只係喺北角匯附近，識行嘅由北角地鐵站行去都係5-8分鐘路程。適逢閒日，可以enjoy到 「 午市套餐優惠 （限星期一至五） 」： 凡購買任何食品(小食除外)即可免費獲贈是日餐湯或迷你沙律並可以半價換購飲品一杯(特色除外)。** 有加一服務費 **都幾抵噃～🥗 Salad & Soup沙律菜加咗醋，酸味開胃；湯係香濃粟米湯，濃稠香甜～🍝Carbonara 💲168呢個卡邦尼意粉比一般好味，用上藍紋芝士及巴馬臣芝士，芝味好出好濃；唔用普通bacon，而係用一大片豬背煙肉&一粒粒嘅豬面肉，有咬口又有咸香，有誠意～🍳 Egg Benedict 💲108Sourdough除咗配三文魚，仲有得配豬背煙肉～班尼迪蛋包得平均穩陣，蛋黃大粒，放涼咗仲有流心效果～蛋味香甜，再配搭火箭菜及荷蘭醬，Sourdough入口味道及口感豐富～🍵Matcha Tea Latte 💲45 (跟餐🉑半價）-好大杯、勁抵飲！ ☕️

如果你正在尋找一個可以享受美食和放鬆身心的好去處，那麼 'Studio Caffeine' 咖啡館絕對是一個值得一試的地方。這家咖啡館提供了各種各樣的美食選擇，特別是自家製的pasta，是一道非常受歡迎的菜品。首先，他們的自家製pasta非常特別，口感豐富，味道鮮美。不同種類的醬汁和配料讓你可以根據自己的口味選擇。特別是他們的招牌意粉，配以新鮮的肉醬和蔬菜，讓人一試難忘。此外，咖啡館的咖啡和茶也非常受歡迎，是一個非常適合在下午或晚上與朋友聚會的地方。除了美食， 'Studio Caffeine' 咖啡館的環境也非常舒適和放鬆。裝潢非常精美，讓人感到非常舒適和放鬆。此外，咖啡館的服務員也非常友好和熱情，讓人感到非常受歡迎和重視。總體而言， 'Studio Caffeine' 咖啡館是一個非常值得一試的地方。他們的自家製pasta非常特別，味道鮮美，讓人一試難忘。此外，咖啡館的其他菜品也非常美味，

2022.02.10 lunch諗住試新嘢，睇大部份食評都唔錯，滿心歡喜食大餐，臨收工都幾肚餓。可惜⋯⋯我倆都只覺得食物ok，咖啡唔ok，客戶服務可以叫做唔ok。 攪到都唔係好enjoy 餐lunch 😮‍💨首先一入去已經嘈到死，一間咖啡店，使唔使播歌播到爆晒機？😑 坐位亦唔夠舒服，又冇人理嘢😑 咖啡叫flat white & cappuccino，俾咗piccolo (冇估錯嘅話) 因為cappuccino 應該唔會用呢款咖啡杯，再加上兩杯熱咖啡嘅溫度係幾乎係室溫之下，我哋真係覺得唔好飲，就算拉幾靚嘅花都冇用🫤 客戶服務可以好少少，佢哋唔係冇禮貌，只係好似冇乜用心咁，都唔識點講。唯一可讚嘅，上菜嘅個位，可能係㕑？唔知，放低食物後都同我哋講：’enjoy’，同埋跟餐嘅沙律係煙三文魚沙律，有點驚喜，個沙律汁亦幾好味😋 呢度嘅餐只係跟沙律或湯，另外就可以半價享用飲品。我倆一向都唔係手工意粉嘅fans，所以冇咩特別感覺，係賣相方面，全部都好ok。湯唔算夠熱，味道都ok。女友嘅青醬沙白蜆幼扁麵，蜆都算新鮮，但整體都係差咗少少咸味。我個煙燻辣肉腸醬細扁麵就好夠味，因為有辣肉腸，一定夠咸，味道正常

見呢間小cafe佐敦同火炭都有分店，今次就去咗北角店。位於北角匯附近，位置唔算顯眼，主打手工意粉。Menu上已經稍作介紹，意粉係每日店內新鮮製造嘅✨Lunch的話會送餐湯或者沙律～-🎈黑虎蝦細扁麵 ($168)上網見唔少人都係食呢款！味道好rich，蝦味濃郁。意粉有手工意粉個種空氣感，仲好掛汁～ 推薦指數: 8/10-🎈青醬沙白蜆幼扁麵 ($118)我自己好中意pesto嘅香氣，所以對我嚟講最中意呢款意粉。蜆圍滿碟邊，睇落好豐富😛推薦指數: 8/10-🎈慢煮牛肋肉肉醬寬帶麵 ($168)呢一款麵同上面兩款唔同，形狀比較粗扁少少。相對上就唔會咁有空氣感，但就食到個煙韌嘅口感。而肉醬嘅牛肉味好重，友人表示幾好食👍推薦指數: 7.5/10-🎈牛肝菌雜菌寬帶麵 ($118)麵同上面一款一樣，都係粗扁嘅麵條。不過呢款會相對肉醬比較creamy少少。推薦指數: 7.5/10-🎈粟子冧酒蛋糕 ($75)平日lunchtime去好多款甜品都冇🥲 冧酒嘅味道唔明顯，突出嘅係粟子淡淡嘅甜味。唔太甜幾好食，不過性價比唔算高。推薦指數: 7/10-🎀總括而言🎀👉食物：意粉麵質唔錯，可以一試👉服務：正常👉環境：

話說今日諗住去試吓呢間開咗一排嘅Cafe，見佢好多人like。叫咗一杯Piccolo latte，一杯dirty，同一個rum酒栗子卷蛋。Piccolo睇落幾靚，但只可以話係有少少咖啡味嘅奶，同平時飲開嘅piccolo差太遠🫠Dirty聞落有陣燶味，好似炒燶咗啲咖啡豆咁，飲落好酸，味道好怪，一啲都唔好飲🫣🫣件蛋糕一上枱，就覺得咁薄嘅，仲要切到咁唔靚😅可能因為有rum酒，食落去係濕濕笠嘅感覺，同平時軟綿綿嘅卷蛋質地好唔同。如果想食好鬆軟嗰種蛋糕，千祈唔好叫🙈而最驚訝嘅係件蛋糕要$75 ，仲有service charge，(除咗斟水之外，冇其他service，杯水仲要有水喉水味😒)我哋喺counter落單，蛋糕冇寫價錢，以為一般都係$50-60一件，埋單嘅時候先發現咁貴😥😥酒店嘅價錢，一般般嘅水準👎🏻

無意中發現咗呢間小店就試一試😆店舖主打招牌手工意粉，為提昇意大利麵的口感和吞味，麵糊採用了來自意大利庫爾塔羅洛的麵粉及鹿兒島的雞蛋，每天新鮮店內製造。🍴沙律 午市套餐送 (7.5/10)個沙律一啲都唔hea，有煙三文魚蕃茄仔，沙律菜都好新鮮！🍴 炸薯條 配蕃茄醬及黑松露醬 $68 另收加一 (7/10) 薯條份量都幾多，炸得香脆，新鮮薯仔做嘅，有薯仔嘅味道，黑松露醬幾香濃，略嫌黑松露醬少咗啲，但幾好食。🍴 蕃茄莎莎芝士醬粟米片 $68 另收加一 (7/10) 番茄、聚洋蔥、酸瓜粒、芝士，呢個就正常，有啲蕃茄醬汁，酸酸地，幾開胃嘅，不過粟米片係包裝嗰啲冇咩特別，唔會太鹹OK嘅！🍴 慢煮牛肋骨肉醬寬帶麵 $168 另收加一 (9/10)紅酒、洋蔥、羅馬蕃茄、巴馬豆芝士，呢個要等比較耐，大概半個鐘，牛肋骨肉煮到好腍，一絲絲，一啲都唔會黐牙，寬大面非常闊好掛汁，好有口感，咬落去好輕盈，好易斷開，輕微彈牙，都有麵粉嘅香味，香濃嘅肉汁味道，上面有個炸香左嘅芝士好好食！🍴 藍紋卡邦尼细扁麵 $168 另收加一 (10/10)藍紋芝士、巴馬臣芝士、風乾豬面肉、意式煙肉、雞蛋黄，细扁麵口感更加輕盈，比平

位於北角和富道的「Studio Caffeine」係一間優質精品咖啡店☕️店內裝修簡約精緻又舒適，適合放工或放假同朋友來chill一下黑虎蝦細扁麵每天新鮮店內製造的招牌手工意粉，麵糰採用意大利庫爾塔羅洛的麵粉及日本鹿兒島的雞蛋🥚意粉口感彈牙，充滿麵粉及蛋香。與法式濃汁及自製蝦膏油一齊烹調，蝦味好香濃！黑虎蝦好大隻，鮮甜味美，不得了哦避風塘 • 慢煮豬柳 • 抱子甘藍擺盤好精緻✨此乃餐廳創意料理，靈感源自港式椒鹽豬扒。以慢煮方法烹調豬柳，使其呈嫩粉紅色，口感軟嫩且細膩，豬肉味重🐷表面沾滿炸蒜粒，鹹香滋味，勁好食莓果花茶香濃茶味中帶果香，入口清新，去脂解膩焙茶拿鐵拉花精緻有心思❤️焙茶味好濃郁，與鮮奶平衡得恰當剛好

早幾日, 寒冷天氣下去北角探朋友。朋友推介屋苑附近一間出色嘅餐廳,佢話手工意粉好有水準。最鍾意食手工意粉嘅我當然唔會錯過啦。木系裝修簡約得嚟好舒服我地點咗: 黑虎蝦細扁麵，避風塘慢煮豬柳抱子甘藍，北海道帶子泰蘆筍墨汁意大利飯，自家製洋蔥圈，Tiramisu&Churros自家製洋蔥圈 $48 : 洋蔥切得好幼, 炸漿炸得異常脆,同其他餐廳食到嘅炸洋蔥圈唔同, 好特別, 越食越過癮黑虎蝦細扁麵 $188: 法式濃汁加入好濃郁嘅蝦膏油, 配上細扁麵非常掛汁,每啖都好濃嘅蝦味,黑虎蝦超彈牙, 整體都好滿意, 會再幫襯再叫呢碟手工意粉 避風塘慢煮豬柳抱子甘藍 $128: 賣相幾吸引, 慢煮豬柳唔鞋口, 圍住豬柳嘅避風塘粉偏辣北海道帶子泰蘆筍墨汁意大利飯 $158: 朋友話意大利飯偏硬, 味道唔錯Tiramisu&Churros $58: 好有驚喜, 熱辣辣嘅Churros 沾上Tiramisu,再加少少濃縮咖啡, 出奇地夾Flat WhiteDirty熱朱古力