有料案內所 (井財街)

Open Now

Now Closed

有一段時間冇嚟虹橋呢一邊，原來開咗幾間甜品店，今日嚟呢一間「有料案內所」，聽個名都覺得係好日式，裏面都擺咗好多日式嘅燈牌。lunch set有鹹點，到18:00前都可以點。我哋就點咗個雞軟骨+小丸子，再配一杯特飲。套餐飲品選擇都好多，可以加錢配特飲。甜品方面，我們叫了一個富士山和伯爵茶疏乎厘班戟。富士山係一個芒果奶蓋刨冰，由於冰粒很細小，所以個冰都好快溶，但味道唔錯。疏乎厘班戟就要啲時間等，比想像中份量少，但口感不錯，也食到伯爵茶味。見到隔籬枱點了一個麻糬窩夫，都幾大份，當慶祝生日嘅蛋糕都係一個好主意👍🏻

暴风吸入炒面还有章鱼小丸子🍜深夜食堂日式炒面吃着Q弹劲道，混合上蛋液和沙拉酱让炒面变得很湿润，而海苔碎、木鱼须和小青菜的加入又让味道更加有层次🥬，我直接就是风卷云残关西章鱼烧🐙不仅是饱满的章鱼小丸子，上面还有小鱼籽，在嘴里又进一步嘎吱作响，但吃多几口就有点腻🔔一点点小问题就是做得有点慢…

岩岩裝好修既時間去既晚餐時段去食尚算少人越夜就越熱鬧由小食主食甜品全都有主打梳乎里班戟👍👍Oreo朱古力流心梳乎里班戟好可愛既擺盤中間仲有靚靚既貓仔圖案兩件梳乎里班戟脹卜卜食落落唔太甜 輕巧既綿花口感令人上癮流心既朱古力同Oreo碎適當加甜好正！伯爵茶珍珠梳乎里班戟友人叫既伯爵茶味冇咁甜但係伯爵茶味香味濃加埋伴碟既珍珠同芋圓男仔都會岩食

同Fd食完晚飯意猶未盡, 於是黎食個甜品吹多陣水炙燒焦糖布甸梳乎厘班戟, 軟綿綿, 好濃蛋香, 加埋個雪糕球一冷一熱黎個冰火七重天, 爽!麻薯窩夫外脆內軟, 不過要趁熱食, 凍左就無咁好食甜品碟既擺盤裝飾都相當有心思, 朱古力粉貓貓好得意, 打卡一流!

成日叫依間嘅有料窩夫，真係好鍾意食點知近排幾次都愈嚟愈唔掂，以前窩夫係煙韌有咬口，而家只係普通一舊鬆餅咁，我食格仔餅仲開心，唔係唔好食，但係已經變得好普通，唔抵食。

唔小心搭車早落咗一個站，咁啱就係紅橋，當然就嚟搵下嘢食，行過見到呢間甜品鋪，見佢午市有飯食，就入咗去叫咗個親子丼+雞軟骨+奶藍四季春，全部嘢加埋先$70一食仲要好驚訝，親子丼嘅雞肉好嫩滑，滑蛋都好滑，真係好耐冇食過啲咁好食嘅嘢

食咗幾次覺得都好好味所以決定寫個食Oreo朱古力窩夫 - $81- 搭配朱古力醬和雲呢拿雪糕 (1球)- 另+$10升級至麻薯窩夫底唔似其他窩夫只有中間先有麻薯，呢個窩夫成個都係由麻薯整成，非常煙靭。成個甜品份量十足，直頭可以當晚餐咁食。另外，旁邊仲有香蕉切片，食落唔會太滯。Wasabi明太子章魚燒（8粒）- $42章魚燒的特色在於Wasabi的味道偏重，非常過癮。每一粒章魚丸都有少少章魚，不會只有麵粉。環境: 餐廳環境乾淨整潔，但係有啲逼同擁擠服務: 因為餐廳鋪面唔大，所以需要稍微排隊入座，但係都好快有位。入座後服務快速同有禮份量: 份量非常大，絕對超過了一般的期望，不洗擔心唔夠食提點: 餐廳沒有提供水，因為當吃甜食後會容易口渴，所以建議自備水

1️⃣炙燒焦糖布甸疏乎厘班戟🥞 特登入嚟屯門試最出名嘅Pancake🤪疏乎厘口感好綿好軟(˶‾᷄ ⁻̫ ‾᷅˵)上面嗰層焦糖卜卜脆～仲可以自己選擇雪糕口味😋我揀咗雲呢拿雪糕 同焦糖班戟味道好夾👍🏻2️⃣Oreo朱古力芝士奶蓋富士雪山🍧 個刨冰都幾大個🤣兩個人食完好飽😄😄超多Oreo餅碎 而且奶蓋好香濃朱古力味～食食下仲有驚喜！原來中間係朱古力雪糕！我哋食咗好耐先發現個雪糕 居然仲未溶😂😂😂

食左有料案內3年啦見證住一段感情既開始同結束情人節身為單身狗既我決定捉住個朋友陪我食呢間呢個係焦糖布甸窩夫今次轉左酥皮底 揀左朱古力味雪糕好似同以往唔同左冇以前咁甜 酥皮味好重我覺得冇酥皮就咁麻糬會好食啲既～但本身都好好食架creamy 有啲奶香 即刻食熱辣辣 窩夫酥脆放耐啲啲食仲有吸哂汁小瑪推介 （最高5粒）焦糖布甸窩夫 梳乎厘班戟 章魚小丸子P.S 下面個2樣係之前食過既---------------不專業食評結束---------------

食客朋友哋，今次去咗間店食嘅窩夫，實要同大家分享下！首先講下佢嘅"灸燒焦糖布甸麻薯窩夫"，啲裝飾簡直係社交媒體網站打卡必備啊，太得意啦😍。窩夫煙韌得嚟又卜卜脆，啖啖都係層次感，麻薯嘅彈牙同布甸醬嘅香甜，真係食落去滿足哂！配搭上嚟嘅綠茶雪糕，鮮味哋得嚟又唔會太甜膩，真係絕配😋。嗌埋個"意式Tiramisu 梳乎厘pancake"，同味道頗為濃厚嘅咖啡酒香拼撞，個pancake可能喺其中嘅蛋味就輸咗啲，但口感保持鬆軟，都算係滿足。有個小小小建議，如果唔想太飽，就唔好嗌太多。個伯爵茶奶蓋茶就中規中矩啦，奶香味足夠，不過如果芝士味再濃郁啲就更加實在🧋。整體嚟講，個店提供嘅窩夫同甜品質素令人滿意！下次要同班朋友一齊嚟試下佢哋嘅其他款式啦！🍰🍴

以前一直有幫襯開，裝修前真係大fans，隔個禮拜就會去食，但裝修後真係無次係食得滿意，對呢間野失望到唔會再食有食開都知一定要等位都預左等，但今次真係等唔落去，等左一個鐘靜係跳左5-6個號碼，等的號碼由幾個變到一個鐘後的20個，跳到5-6個號碼仲要係因為好多人已經走左，啫係話一個鐘靜係轉左2、3枱左右，呢個速度真係匪夷所思。等的期間一直留意到店入面勁多人食完哂野唔走，有見及此我就同店員講其實可唔可以趕一趕佢哋，其實都幾多人等緊，一個金毛帶眼鏡的妹妹黑住面一句話”公司規舉我地唔可以趕客架喎”，之後大大力閂埋道門走開，無任何follow up，態度差到可以用“無家教”黎形容。裝修前食過十幾次都從未有咁差的體驗其實以前呢間舖的店員姐姐好nice，見出面多人等都會提一提入面的客人，理解唔可以趕但絕對有其他方法而唔係一句就大個客，姐係店入面的客唔可以趕，但未行入去的客就可以趕嗎再者，都係裝修後先有的問題，就係去到成日都食唔到想食的野。好明白唔係每樣野食每日都會預岩數量，但去左3、4次都完全嗌唔到雪山食，又係無法理解。唔止一兩日係12點左右就無雪山，其實你間舖是開到2點的，一樣野食12點未夠賣哂其實

明知門口有咁多人，起碼有十幾個人排緊隊，我地由10點幾㩒飛去到差唔多12點正先跳左4-5張飛，但我地發現店內至少4枱客係食完，一直坐係到吹水吹左好耐，點解店員唔可以輕輕講聲叫佢地埋單走人，佢地4枱啲人唔走咁條隊就一直唔郁一直等，有啲人係門口等左成粒鐘有冇諗過其他人感受？我地問店員一句可唔可以叫下啲客走，店員一句就話我地唔會趕客走就直接閂門，呢個態度絕對係唔ok，老實講間鋪啲食物質素方面的確係好食，但店舖嘅管理方法就完全唔掂，希望呢間鋪嘅老闆可以改善下呢個問題，同埋改善下店員嘅態度。

今次紅橋嘅飯後甜品係呢間小店～ 震震梳乎厘班戟真係一試難忘呀🥹▫️伯爵茶珍珠梳乎厘班戟 $86好耐冇食班戟啦！呢個真係空氣感滿滿好FLUFFY!☁️ 高質高質💕 黎食一定要叫可以揀返自己鍾意嘅口味‼️▪️tiramisu 麻糬窩夫 $84窩夫厚身少少 都幾飽肚😚 但口感普通 冇咩麻糬嘅感覺兩款甜品比起來 我鍾意pancake! 鬆軟嘅口感好正🥰

入座即點左份pancake套餐，等左大約15分鐘，先嚟杯巨蜂乳酸，味道不過不失，時間又過10分鐘，唔對路就追問店員，店員話再等5分鐘，最後多10分鐘，終於嚟啦。。等左超過半個鐘，最後個pancake中間唔熟，雖然店員話唔使我地俾錢，最後我地俾埋單返野飲錢。其實去得食甜品，都係想開心享受下，希望佢地注意返食物既質素，因為嚟款甜品一定係即做，預左要等，見今日無乜人，點知出品失手，有d失望

趁著陽光正好，腳步不經意就被香氣引領到這家食堂。一到，炙燒焦糖布甸麻薯窩夫嘅香味已經四溢，外皮嘅焦脆跟內裡嘅麻薯軟滑，宜家真係頂級享受啊！磅磅地雪糕融入呢個熱辣辣嘅搭配，真係一流。黎到意式Tiramisu梳乎厘，唔係貓咪印章最矚目，而係嗰層層疊疊嘅雲呢拿同濃郁嘅朱古力醬。每一啖都包含咗滿滿嘅奶香跟著微微嘅咖啡香，啖啖都係幸福。至於關西章魚燒嘛，就算係平日普通嘅選擇，但依家食落都算新鮮過癮，好似行走關西嘅街頭咁自在。最後來到深宵食堂日式炒麵，個煎蛋做得啱啱好，啲麵攪拌得出色，加埋雞肉椰菜都算係填飽肚嘅好選擇。食完呢一輪，感覺自己猶如離開香港，遊歷咗一轉日本。喂，下次記得約埋三五知己，一齊享受呢個味道之旅啦！🍮🍳🍜