有料案內所 (井財街)

Open Now

Now Closed

飯後想繼續吹水嘅屯門甜品推介~ 今次嗌咗佢兩個招牌甜品✨炙燒焦糖布甸麻糬窩夫✨上枱有兩個可愛嘅貓貓紙牌做裝飾令人食指大動即叫即整嘅窩夫 多人嘅時候可能要預等得比較耐啲窩夫質地唔係話好外脆內軟 而係比較軟糯的~ 另外再加埋夾心的麻糬就會有比較煙韌嘅口感鍾意食煙韌嘢嘅人必選呀😆上面嘅雪糕口味係自由配撘的 醬就有焦糖醬同朱古力醬揀今次揀咗朱古力醬不過覺得唔係好夾炙燒焦糖脆卜卜布甸就相對似係布甸醬咁淋係面不過要預咗呢個配搭會相對的甜份量好足食咗半份已經會好飽😂✨Tiramisu梳乎厘班戟✨都係即叫即整 墩下墩下咁上枱好可愛朱古力粉貓貓圖案都好吸睛梳乎厘面層Tiramisu奶油cream都幾厚口感都算滑有少許咖啡味但唔苦的梳乎厘班戟食落去都有蛋味軟熟嘅呢個就唔係好甜 輕鬆KO兩個梳乎厘~

Tiramisu 麻糬窩夫🧇鬆厚嘅Tiramisu奶油，面層灑上可可粉。奶油口感濃郁幼滑，有咖啡酒香味，配上麻糬窩夫，成件都食到入面有麻糬，外脆內軟。意式triamisu梳乎厘🥞雲呢嗱加朱古力醬，梳乎厘好大份。有裝飾、印埋有貓咪樣嘅模，好香蛋醬味、軟熟、有淡淡咖啡味又唔會好甜。關西章魚燒🐙章魚燒就係一般章魚燒，粉唔厚，正常水平。Remark: 有料案内所以日本做主題，窩夫出名好食，夜晚11點幾都仲係排緊隊。

屯門名物 有料案內所窩夫！佢出名炙燒焦糖布甸麻糬窩夫但由於想食朱古力 所以叫咗Oreo朱古力窩夫～佢係用QR code落單嘅 所以都好方便～窩夫會配雪糕 可以揀味道 我哋就揀返朱古力 同埋可以揀埋上面topping同埋醬汁 我哋揀咗玄米脆脆同朱古力醬～Oreo朱古力窩夫 $71一嚟到好香朱古力味～擺盤都好靚 啲Oreo碎碎同cream係曬窩夫上面 好足料👍🏻窩夫好濃朱古力味 襯埋Oreo碎碎同cream 口感好好 好滿足！嚟到屯門嘅話好值得試！同埋佢都仲有其他嘢食 唔係得窩夫 仲有章魚燒 大阪燒 嘅鹹食 同埋口渴都可以叫佢嘅奶蓋飲品或者茶類飲品

早排朋友喺屯門返工,所以約埋一齊收工喺屯門食嘢。呢間甜品店平日夜晚都好多人食,所以去到都要等位,店內主打梳乎厘同窩夫🥞🧇😋炙燒焦糖布甸梳乎厘班戟梳乎厘班戟好有空氣感,蛋味幾濃,面頭有層炙燒焦糖布甸,值得一試😋伯爵茶珍珠梳乎厘班戟梳乎厘班戟好有空氣感,蛋味幾濃,面頭係伯爵茶cream,伯爵茶味好濃,仲有芋圓同珍珠,煙煙韌韌😍關西章魚燒章魚燒香脆,裏面有一粒章魚🐙面頭佈滿木魚凍綜合水果茶水果茶味幾濃,水果有檸檬.士多啤梨.西瓜,口感豐富👍🏻凍芝士奶蓋蜜瓜四季春芝士奶蓋味幾濃,配上蜜瓜同淡淡四季春,味道唔錯👍🏻

炎炎夏日 就最想食甜品消暑🍧有料案內所 以日本🇯🇵做主題一邊可以望到歌舞伎町⛩️💃🏻一邊望到心齋橋固力果跑跑人著名地標🏃🏻瞬間恍如置身於🪭日本🇯🇵 🤭炙燒焦糖布甸麻糬窩夫🧇 $73（朱古力、焦糖醬、花生）有可愛嘅屯門牛貓咪🐱紙牌做裝飾 好有心思💛脆卜卜既焦糖面層 布甸有少少流心感配上雪糕 非常之有口感 窩夫外脆內軟 入面嘅麻糬 係每一啖都可以食到 煙煙韌韌甜度適中 真係好好味😋𝐓𝐢𝐫𝐚𝐦𝐢𝐬𝐮 麻糬窩夫🧇 $84鬆厚既𝐓𝐢𝐫𝐚𝐦𝐢𝐬𝐮奶油 面層灑上了可可粉奶油口感濃郁幼滑 帶出淡淡既咖啡酒香味🤎配上麻糬窩夫 好有滿足感 而且佢哋既麻糬窩夫唔似出面只係夾上少少窩夫 而係成件都食到入面有麻糬但係又唔會令到外層嘅窩夫變淋 真係做到外脆內軟 雖然價錢偏貴 但係都值得一試🤤🤤自家製楊枝甘露🥭 $38上枱已經感覺伏伏地 稀稀嘅糖水上面有柚子、芒果汁 就算撈勻左都冇乜芒果味只係一碗奶味比較多嘅楊枝甘露🥲💛 有料案內所 @sufurewapancakes 📍屯門井財街15號金銘大廈地下3號舖📍將軍澳毓雅里7號富麗花園地下1號舖

If you're in for a treat at this Taiwanese café! You would be impressed by "灸燒焦糖麻糬餡窩夫” of how amazing it tastes. The crispy outside and the chewy filled inside with caramel filling is amazing. It's a must-try for sure! The strawberry ice-cream was a bit of a letdown. It didn't have that burst of flavor I was hoping. the mango shaved ice with cheese foam - shaved ice topped with smooth, creamy cheese foam. Sweet and tangy, a perfect combo.

！！大推！！😋炙燒焦糖布甸麻糬窩夫這是我近年吃過最好吃的窩夫呢款甜品係飽到上心口時仍然可以食到嘅食物窩夫鬆軟，加上麻糬有軟綿綿口感而且切開每一件都都吃到麻糬呢個係有心做先會考慮到食客嘅感受吉士醬夠曬多，一切開醬汁湧出黎一啖麻糬配一口雪糕+吉士醬是人間美味不過今次太飽食唔到其他食物呢間餐廳真係幾時都咁多人想食嘅朋友可以選擇早啲食完晚飯再去呢度食甜品寫到呢度我又心思思想去食了！大家去開屯門一定要黎試下

好多年冇去井財街嗰邊食嘢，今日有機會順路行吓過去睇吓，行過呢間日本甜品店門口，其實真係幾吸引。只不過午飯時間我唔想食甜嘢，結果我見到有「大阪燒」午餐，咁我就即管試吓啦。我個人認為大板燒係有心機做，我比幾高分嘅，香脆內軟食物溫度非常之夠，以及材料非常之促夠，所以我好有信心甜品日式梳乎喱pancake 應該唔差，我我會再去幫襯食甜品💯大家可以過去品嚐👍👍👍溫馨提示：由於係一間小店，大家唔好介意座位上係比較高身枱凳。

今次去咗有料案內所食甜品，試下出名嘅梳乎厘。我地叫咗Oreo朱古力流心梳乎厘班戟套餐，我地食完午餐過去食，去到大概1點鐘，店舖無人，唔駛等位。但梳乎厘係即叫即整，要等20分鐘。梳乎厘超好食，朱古力流心同Oreo好夾。

唔知大家中意食咩甜品呢？我就係勁中意食梳乎里班戟嘅人，一啖食落去好綿滑，而且勁有空氣感，食完甜野，有時會想用鹹野作結，所以好中意有齊鹹甜野食ge甜品店。有料案內所我真係好中意去。食完pancake，仲有章魚小丸子同炸雞，好滿足到我ge慾望！

這間甜品店位於屯門景峰區，這小區亦有很多美食在內，之前有間拉麵店很不錯，但已結業了🥲而這間甜品店在這區也出名小丸子紅豆抹茶麻薯窩夫🧇有台式甜品的小丸子，窩夫內有麻薯，煙煙韌韌有咬口，加上忌廉佈滿窩夫，非常邪惡😂關西章魚燒🦑章魚燒就是一般的章魚燒，幸好粉不厚😂正常水平深宵食堂大板燒🥘大板燒上很多燒汁，又多配料，木魚碎，紫菜等，份外惹味😋和風唐揚雞軟骨🐔雞軟骨香脆可口，最重要不會滿口炸粉及油膩感有料案內所 (井財街)屯門井財街15號金銘大廈地下3號舖

呢間位於屯門既「有料案內所」真係有啲料👍🏻可能去屯門區最好食嘅窩夫，我叫左鮮雜莓麻薯窩夫同埋伯爵茶珍珠梳乎厘班㦸。鮮雜莓麻薯窩夫 - 用兩邊窩夫夾著一啲雜莓同埋大量鮮忌廉，而窩夫嘅夾心就係麻薯，旁邊有一球雪糕上面淋上朱古力醬。而窩夫外脆內軟一啲都唔乾，好食👍🏻伯爵茶珍珠梳乎厘班戟 - 我覺得呢個都好食，不過我朋友就覺得梳乎厘唔夠空氣咁，我自己就覺得還好，但係佢嘅伯爵茶忌廉我就覺得佢做得好好，好滑好香夠味。

好耐之前試過一次，覺得麻麻地，跟著都無再試過。見最近好多youtuber話好味，以為有改善，於是黎試下。叫左個大阪燒同兩個甜品，坐得好近個廚房，聞到一陣燶味，心諗唔會係我地既掛。點知個大阪燒黎到，個底係黑色既…當時都未好嬲,心諗算，照食。過左陣，窩夫同suffle黎左，賣相幾好，但係醬太多，越食越膩，食到最後，真係食唔落，將個窩夫撩兩撩，見到個底都係燶既。即刻心諗無下次，blacklist，食完快快趣就走。埋單睇番果兩個甜品分別八十幾蚊一舊….但比d咁既野我….隔離嘆chill d 意粉都係$55一份，仲要好味，對面街，嘆甜品d窩夫大大份都係$6x一份。真係唔會再有下次….係嬲到即刻要獻出第一次寫食評。

名過其實的疏乎厘班戟今次搵咗個屯門牛朋友帶我入嚟屯門食好西試吓呢間好出名嘅疏乎厘班戟叫咗炙燒焦糖布甸疏乎厘班戟💲86當日去嘅時候係閑日 所以唔使排隊Walk in就入到位置尚算闊落，坐得舒服好快就揀咗呢個甜品都等咗成20分鐘先至上菜本身見到個樣好靚 好吸引 而且聞落好香蛋味又聽過好多人推介，所以期待值好高結果食落去十分失望甜品嚟講一啲都唔甜 佢的確做到疏乎厘鬆化嘅空氣感 但係完全冇蛋香嘅味道 又冇奶味基本上成舊嘢都係無味🥹只係得上面 面頭嗰浸焦糖有甜味 而且佢隔離嗰兩個雪糕都係普通雪糕完全唔特別 雖然80幾蚊來講食到一個疏乎厘班戟價錢係好平個樣係幾靚 係可以用嚟打卡嘅 但係我唔會再食🥹🥹🥹🥹🥹🥹🥹🥹嗚嗚🥹

之前食過堂食炙燒焦糖麻薯窩夫，覺得幾好食。今次外賣返屋企食，一打開個盒超級失望，個窩夫唔係圓形嘅，好似俾人食過咁...不過睇真啲其實係造嘅時候落唔夠蛋槳所以冇左一大忽...呢啲咁樣嘅製成品一定唔會俾堂食客啦...咪唯有外賣客硬食，因為拎嘅時候包住膠袋同個盒好難睇得咁清楚😥外賣嘅質量控制有改善空間。