小方糖甜品 (龍崗道)

Open Now

Now Closed

晚飯過後當然不少得甜品，等了一會終於到我們了，店內燈火通明，牆上掛多幅掛畫，頗有格調。座位尚算舒適，不會太擠迫。即撞木桶豆腐花($28)，平時到街邊購買的豆花都是一碗碗的，可是這個用了一個迷你的小型木桶盛載著，非常有特式。旁邊更有一個計時器，原因是豆腐是即叫即撞的，十分新鮮。打開蓋子時，更散發出微煙。味道方面，豆花的質感尚算幼滑，而且'不'起的時候都很挺身略嫌黃豆的味道偏淡了一些。月半灣拿破崙($33)，這個真是值得推介，這個價錢有這樣的水準，性價比真是很高。這個拿破崙即是由朱古力醬、香蕉和忌廉組合的。先說拿破崙的味道，整個都十分鬆脆，口感十分鬆浮，帶有淡淡的牛油香味。配合大量的忌廉和朱古力醬，非常美味忌廉的幼滑，配搭出拿破崙的鬆脆，一脆一滑雙重的享受。環境評分:7/10甜品評分:7.5/10

九龍城甜品店多到好像7-11，真是梗有一間係左近，但唔係間間都好食架(我這個地膽食咁耐都中好多次伏)，如果想減少中伏機會，都是用同一個理論，人流是其中一個參考指標。還有，顧客係老闆(特別係而家)，真係中過一兩次伏就走。所以，我跟朋友走了好幾間，見到這間顧客明顯多好多，應該這間近期質素還不錯。決定花點時間等。我點了一份蛋白杏仁露，朋友則點了焦糖燉蛋。蛋白杏仁露:杏仁露夠滑，入口有好香的杏仁味同奶味，蛋白夠碎但份量少了點。焦糖燉蛋: 食第一口時感到不太熱，好像放了一陣才拿出來。焦糖面唔夠脆，中心點才稍為硬點，碗的周邊的焦糖都是軟軟的，燉蛋略為結實，沒有布甸那種輕和軟。但有好重的蛋香跟忌廉配合，食到最底時看見一點點黑色的雲妮拿籽。如無意外，下次會繼續光顧。

食完飯時間尚早，於是揾個地方坐下，再傾下偈，友人提議有一間不錯的糖水店，一於行過去試下。去到只不過系8點幾，已經滿座，好彩，等咗10幾分鐘就有位。我同朋友仔都很喜歡食芒果，我地分別叫左芒果綿綿冰同芒果小丸子。芒果小丸子: 芒果好甜好香，而且很大粒，啖啖肉，小丸子好煙靭再加埋西米和芒果雪榚，整體都好夾!!芒果綿綿冰: 賣相好吸引，芒果味可以再濃D就更好，配料系珍珠都幾特別，伴碟的芒果蓉太碎，有點奇怪。

一行五人到九龍城食完晚飯過後，隨即換個地方食甜品再談天。朋友選擇了這個店，有不少人等候，還好第二張檯便到我們。我們選的都是有 "皇" 字的皇牌甜品。我的金絲腐竹糖水不錯，稍為甜了一點，可是白果和薏米都很多，而且腐竹煲得很爛，足料之餘又夠火候。老公叫的是榴槤配雲呢拿雪糕，他說榴槤味不錯，可是整個甜品的味道還是給雲呢拿雪糕蓋過了。黃金拿破侖非常抵食!!! 有三大件，一個人的確吃不完，拿破侖焗得非常脆，芒果份量也多。咖啡雪芭亦很好，咖啡雪芭味道香濃，再配上咖啡o者喱，亦是不錯。風花雪是整晚最差的一個，紅豆，豆花，涼粉，椰奶底再配雪糕，味道就是不太夾。總括來說價值平，質素與價錢成正比，可以一試。

食完晚飯想吃甜品，諗起九龍城小方糖，決定開車過去，以往都去過幾次，每次都係食馳名芒果拿破侖，但是晚天寒地凍，改食熱辣辣甜品，點了一客糖不甩，芝麻混和糖，花生碎，味道相當好，美中不足是湯丸太唔夠煙韌，另外點了合桃露，合桃味唔夠濃，糊太杰，一般，埋單$36；下次都係食返拿破侖！

早幾日終於有時間去拜會小方糖，試食黃金拿破崙，但結果真係好失望。以呢個價錢，食到呢個份量，係抵嘅，但質素就欠奉。雖然一早知道啲甜品大份，但見到都嚇一跳，成三個m 記蘋果批咁大(不過係空心酥皮批)，好彩晚飯唔係食好多，兩個人都總算食得落。講返個拿破崙，同我想像中有唔同，食開嘅拿破崙，細細件，可以一啖就咬晒咁多層，但呢一個?無可能!個甜品上得好快，基本上落完單即有，但礙於當時比較早，所以無諗到原來佢咁快，係因為好求其。啲芒果漿隱約有少少藥水味，而啲cream 就好明顯係現成一支，超市買到嗰種，芒果肉唔夠(因為批太大)。值得一讚係個酥皮做得好鬆脆，好食嘅，但夾埋其他嘢，唔得!三舊預先做好酥皮批，再加上藥水糖漿，現成cream 同少量果肉，到底需要幾多技巧，幾多心思，其實啲客食得出，唔好以為淨係個批就可以蒙混過關，批做得再好，都需要其他嘢配合，畢竟唔係淨係serve 個批。份量細啲，cream 同芒果漿做好啲，我相信同樣價錢，一樣會有好多人幫襯嘅。

食完一餐越南菜後，家人提議去「小方糖」食糖水，之前都來過幾次，即撞木桶豆腐花也是我爸爸、媽媽的最愛，晚上8點幾，店中的客人都有8成滿，幸好都不用等位就已經入座。「小方糖」的甜品款式都真是不少，例如刨冰、西米露、豆腐花、中式甜品、西式甜品、蜜糖吐司等.....我們向店員取兩杯水，店員也樂意地好有效率奉上，服務真是不錯!考慮了一會，我決定點個法式焦糖燉蛋($28)燒焦的焦糖薄薄鋪上蛋面，燒至變成薄身的焦糖，先舀起一口，凍食的燉蛋質感較香滑，而且富蛋香，咬嚼到脆脆的焦糖，真是回味又好食!家人最好點這個即撞木桶豆腐花($28)，原個木桶豆腐花會附上一個倒數中的時鐘及紅糖，上枱時店員都會提醒客人夠鐘先打開木蓋，真是好細心。兩分鐘時間真過得快，一打開木蓋都已經嗅到豆腐花的香味，豆味真是好香濃，家人給我一些分享，熱辣辣的豆腐花果然撞得好香滑，豆腐花本生沒有加任何糖，「糖」是自已自行添加，對於晤嗜好「糖」的家人真是最適合不過!在九龍城區，這間「小方糖」的甜品店是我經常光顧，因為他們的甜品水準向來穩定，款式又多又好食，下次再來食過。

芒果拿破崙（$33)三大件拿破崙（六寸長）加上芒果汁同新鮮嘅芒果肉再有少少忌廉同condensed milk。單看平平無奇，點知一咬落去係空心的但非常鬆同脆口！再將所有配料併起來食，入口甜而不膩！面佈芒果粒同忌廉，芒果味道令入口清香，口感一流，能中和拿破崙的油膩感，所以三件係可以食哂嘅！

呢到既椰汁龍眼冰真係好好食！椰奶味好香，上面有粒粒椰果，好彈牙好好味，龍眼都好多，幾足料！如果冰少d果肉再多d就正喇！平時都幾多人排隊，所以食完好快d走

晚飯後去一下試試排隊排歺死的小方糖，幸好，今晚還是早，等了七張枱就到我們了！我們點了芒果樂園和芒果蜜糖吐司⋯芒果樂園，完全無影相，因為只是芒果大雜燴似的，有芒果、腐花、西米、雪糕，合併上一食碟吧！個芒果汁底味道就是偏甜吧！到芒果蜜糖吐司，頂一個牛x公司的芒果雪糕味十足，面層一片芒果，中間有大概十粒吐司（吐司好在仍是脆的）底層又是一球芒果雪糕囉。無特別可言，食到吐司層待應已經想收走及抺枱⋯⋯⋯食個甜品，其實不是食快歺呢？！試過就算吧！

食完晚飯再嚟到甜品時間係常識吧！九龍城有一間小方糖，位於龍崗道，開業都有數年，相信有好多人都試過。而我喺初開業時，都有試過佢個拿破崙甜品，到而家都仲好回味，因為未食過咁薄咁脆嘅一個拿破崙，質地好輕身，唔會有漏感，真係相當唔錯。每到甜品時間嘅小方糖都好多人排隊，我同友人都等左差唔多15分鐘先至可以排到入座，餐牌上嘅甜品選擇都好多，十五十六的選擇困難下，揀咗齒頰留香同即撞木桶豆腐花。齒頰留香係用咗牛乳布甸、新鮮榴槤肉、榴槤汁、黑珍珠、西米粒，仲有椰果條製成，配搭上面真係好夾，牛乳布甸好滑溜，榴槤肉亦都好香好甜好濃郁，黑珍珠就煙煙韌韌，好味。 即撞木桶豆腐花，呢個唔可以即刻食，因為係即撞嘅關係，要等四分鐘先可以打開木蓋食用，放心，唔需要自己去計時間，店員會遞上一個時間器提醒大家！ 四分鐘嘅時間唔長唔短，打開蓋嗰一刻真係好驚喜，一個小小嘅木桶裝住左滿滿嘅豆腐花，望上去好誘惑嘅感覺，將黃糖加到豆腐花上面，再用匙羹輕輕一筆，入口個一刻真係好滑好正，但初嘗一刻，味道上有啲怪，雖然餐牌上面已註明左係焦香味道，但我覺得似一陣藥味多啲⋯感覺上面不太好。 但食下食下之後，嗰陣怪味就會慢慢消

作為土生土長既香港人，食飽飯去食甜品是常識吧！！而且香港人就算晚餐幾飽都好，都有第二個胃食甜品既！所以今晚食完飯，行過對面街見到間甜品店，即時入去！ 甜品既種類都幾合我心意，幾多選擇，中西式都齊晒，所以都要用十分鐘時間揀，樣樣都想食，都幾頭痛！ 我自己叫左碗龍珠！我都幾中意啲甜品改一啲完全無關係既名，都幾有創意，不過就要用多少少時間了解下係咩黎 ！如果中意椰汁既，一定要食呢個，因為龍珠其實係龍眼椰汁沙冰，配上珍珠，新鮮龍眼肉同椰果，我自己最欣賞既係濃濃既椰汁味！哈哈，但係天氣太凍啦，凍到牙都震，比平時要用更多時間先食完！不過冬天食凍野先正！我朋友就叫左呢個黃金拿破侖，呢款真係鎮店之寶，我痴我朋友食左少少，已經好後悔無叫一份，食一啖已經返唔到轉頭！本身厚厚既酥皮已經好甜好鬆脆，再係面頭鋪上滑滑忌廉同香甜芒果，簡直係邪惡恩物，我決定下次一定叫呢款

食完飯最鍾意去食糖水，九龍區來講，最多糖水又最抵食嘅梗係去九龍城，今次揀咗食小方糖，食完飯嘅時間好多後生仔等位，今次等左15分鐘左右就入得去。因為唔係食得好飽，所以叫咗兩個吐司嚟食，土司大概要等15分鐘，因為即叫即整，同外面唔同，佢係將啲麵包焗到金黃，放係個杯到，上面仲有忌廉、雪糕、生果，因為即叫即整所以食落好熱好脆，陪埋雪糕一冷一熱非常好食，生果都好足料，好食。

九龍城出哂名好多好野食，糖水舖越開越多，每間都出盡心思想爭一席位，而小方糖，一向都係我嘅心水同時亦都係好多人嘅心水，因為次次黎，都要排好耐隊嫁。我本身係一個抹茶控😍 所以叫左份宇治金時，另加芋圓。個冰嘅抹茶味唔算話好濃，亦唔會過甜，不過球雪糕就好正，濃濃嘅茶味，我好滿意。紅豆煮得幾好，綿得黎唔會太爛，好味👍🏻 芋圓就普通，口感係ok嘅，但芋頭味唔夠。

成日經過小方糖, 晚飯後既時間一定有人潮等位. 今次試完都真係唔錯豆味濃, 滑溜溜質地軟, 個人鐘意實番少少就perfect足料芒果小丸子小丸子煙煙韌韌, 好好咬芒果雪糕太甜