小方糖甜品 (龍崗道)

Open Now

Now Closed

食完晚飯唔滿足，又難得去九龍城，當然食甜品。西式甜品好似間間都已經做到差不多，好似邊間都一樣。所以玩gimmick 嘅相對會多人食同受歡迎。好似小方糖甘，三大舊厚厚拿破倫，大大份，當然係gimmick嘢。一向心知gimmick 未必好，但都好想一試，再試多個皇牌甜品。1. 黃金拿破倫 ($38)- gimmick 嘢就係gimmick ，真係無乜特別，只係特別大。- 芒果汁好多，如果有埋吉士會開心點2. 紅豆牛浮芋圓 ($28)- 有對比下，這甜品比拿破倫好。但只係好少少。- 芋圓好大粒，又夠味- 有段故，話說隔離有女學生又想叫離個甜品，佢同店員說想少紅豆，多芋圓。點知店員說，唔得喎，如果係就就變左芋圓牛乳紅豆，成個名改哂嫁喇。- 但我想講，我果碗得幾粒紅豆，點計先？我真心想食紅豆

平時去開九龍城食晚飯都會幫襯小方糖食飯後甜品。平時堂食都會有既咖啡啫喱加兩球雪芭，今次的外賣只有兩球雪芭（面頭都冇啫喱粒），對於依個失敗的外賣非常失望，唔會再幫襯

認識咗小方糖呢間甜品舖都有三年喇，每次差唔多到飯市佢門口都一定大排長龍，相信唔少朋友都係衝住佢個拿破崙而嚟嘅，咁佢個拿破崙確實係幾特別嘅，餅底焗得酥脆，嗰陣酥脆暫時未喺第二度嘗試過，嗰個芒果汁嘅酸甜度亦都掌握得啱啱好，食完個汁之後啲芒果肉都仲係好鮮甜嘅。

《小方糖》係幾年前朋友帶過我去食之後一試難忘嘅一間甜品舖。幾乎每次去到九龍城，都例必幫襯。不過《小方糖》幾乎晚晚爆滿， 要食好西果然要排下隊。《小方糖》最出色嘅一定非「拿破崙」莫屬。呢度嘅【黃金拿破崙】實在一試難忘。酥皮焗得金香酥脆，一咬下脆卜卜。由於好鬆化，食曬都唔會覺得好膩，加上酸甜嘅芒果汁同埋大大粒嘅鮮芒果，簡直令芒果迷嘅我食到停唔到口。至於【朱古力蜜糖吐司】，就不及黃金拿破崙咁能夠維持水準。還記得第一次食嘅時候印象深刻，吐司被蜜糖包裹，每口都係甜蜜感覺。不過今次食就有少少失望，可能係人多嘅關係，吐司只能輕輕沾到蜜糖，完全冇那種甜蜜感覺，只係似烤麵包粒，一定要溝埋雪糕食，先至冇咁DRY。希望《小方糖》可以keep住佢嘅質素，等一班方糖Fans長食長有啦。

假期最後一日，一定要食餐好嘅舒緩下情緒！嚟到甜品天堂九龍城，點可以唔食埋糖水先走丫，而係芸芸眾多糖水舖當中，我地選中左評語唔錯嘅小方糖由於時間尚早，平時經過都會見到大排長龍嘅小方糖竟然唔使排隊可以直入，Yeah因為正餐食到好飽嘅關係，我同肥肥淨係叫左一個心太軟！小方糖冇最低消費限制，容許我哋兩個人叫一個甜品，抵讚抵讚心太軟係我嘅至愛，我去間間糖水舖都忍唔住嗌一個試吓，小方糖都做反正常糖水舖應有嘅水準，有流心效果，朱古力漿又唔算甜，Yummy Yummy!佢仲有兩款雪糕球口味可以選擇添喎，正丫喂！！！值得一題係佢哋嘅心太軟好有心思，不時出新嘅公仔或者字樣， 每次去都有新鮮感下次一定會再返嚟，試埋其他甜品架，等我丫~~~

甜品好食,但係好普通,沒有什麼特別😅宇治金時個雪糕好有綠茶味， 香芒个個甜品好有芒果味，但係D冰就好快溶, 紅豆牛乳芋園 出嚟嘅製成品，同个图好大分別。整體來說D甜品沒有什麼特別,但係就比其他甜品舖便宜

吃飽飯，加個甜品，最好！原來小方糖是以豆腐花成品。但點了我的至愛「芒果拿玻崙」。三大條，一大碟！影左一陣相，依然模樣不變，脹卜卜，入口鬆。脆。正正正正怎可如此了，加了點點練奶，提升了芒果及醬汁的香味，配心太軟也不俗，但珠玉在前，沒辦法，有點失色

每次響九龍城食完野，都一定要食小方糖埋尾今日烤完肉又走左去食留戀天使食過好多間甜品舖既榴槤甜品，都係得陣榴槤味而無榴槤肉小方糖真係堅持到有果肉又有濃郁既榴槤味，加埋D小丸子同水晶珠一齊食~好幸福香蕉船 - 雪糕口味(曲奇;抹茶;雲尼拿)好鍾意雪糕溝香蕉隊入口既感覺，所以叫左香蕉船同朋友share另外朋友仲叫左綠豆沙，不過評價就麻麻地，話無落臭草，同埋唔夠沙所以都唔特別影相不過話唔好食都食曬唔浪費~跟住埋單番屋企瞓覺

朱古力心太軟 ($40)小方糖應該係我同中同最愛既一間甜品店 每次同中同去開九龍城都一定要食佢😚心太軟甜度適中 但流心唔夠😭但佢個朱古力melody真係好可愛😍 不過下次都係食翻拿破侖算啦😋

食完飯當然要有飯後果，食甜品。芒果樂園係乜都芒果，芒果汁唔甜較欣賞但相普通d，平嘛，雪糕果凍同布丁都不過不失。糖不甩就有黑白芝麻同花生，湯圓好軟，有咬頭點會好食好多

食完飯有點早，行左下九龍城就返返嚟食甜品。芒果樂園以芒果做主題，芒果汁都幾好無太甜，芒果雪糕普通，仲有d果凍同布丁都還好，賣相麻麻。糖不甩就好多芝麻同花生，可惜因為係芝麻湯圓所以比較林，口感無外邊個d咁有咬頭。

呀DEE家住九龍城，所以一得閒就會去下九龍城食甜品，九龍城甜品真係共冶一爐，你講得出都有：中式代表（地茂館)、潮州style(合成)、港式就梗係今日要介紹小方糖!呀DEE其實本身就中意中式甜品，因為覺得港式有時太甜，同埋來來去去都係涼粉呀芒果呀豆花呀椰汁冰呀小丸子大丸子個幾味，同埋自己本身易柯所以唔太喜歡凍甜品（當然大熱天時梗係食凍），所以自己囉黎賤去到小方糖都食呢個中式甜品。Order 左兩個:  -蛋白燉鮮奶 21蚊 加芋圓 (7蚊)-南北杏雪耳燉木瓜 30蚊蛋白燉鮮奶 : 幾好味! 但係略唔夠熱，佢唔算好甜，但係應該都係整定晒到時再加熱。相比地茂館個種一直蒸住，食落會燙口，可能呢個就差左少少。但係當然唔可以用一間專門做中式甜品同港式甜品比較；正如ＫＦＣ牛肉飯都唔會同吉野家牛肉飯比較。佢口味唔太甜，個面又冇燉過濃，所以都唔錯！南北杏雪耳燉木瓜：都好足料，燉出黎覺得有清潤感覺，但略嫌３０蚊細婉左小小，因為燉到個湯好足味原因，所以木瓜都已經冇晒味。芋圓反而真係推介！！七蚊有一大碗，仲要粉粉都足料，真係見到有粒粒芋頭係入面！建議食咩都可以試下加！！！小方糖其實都成日食! 我自己本身就一定

剛食完晚飯，經過小方糖，心血來潮便同朋友一齊食個甜品吹吹水可能因為平日，客人唔算多，唔使搭枱餐牌色彩繽紛，很多種類都有相，其中有幾款都是榴槤，我點了個*齒頰留香*，入面有一個榴槤雪糕、榴槤cream，小丸子，牛奶布甸，好豐富，食完好滿足

九龍城食肆多，甜品店也多，要在這區站穩陣腳，少點實力也不可以。這一晚，在附近吃過晚餐之後，意猶未盡，決定去吃個飯後甜品才回家。來到這間已開有三間分店的「小方糖甜品」，兩夫妻分別叫來了兩款店中皇牌「椰皇湯丸燉蛋白」（$40）和「即撞木桶豆腐花」（焦香）（$32）吃，兩款甜品都需要等待一段時間，兩款甜品都很不錯。「椰皇湯丸燉蛋白」熱熱的送上，香氣誘人，面層的椰皇鮮奶甜而不膩，底層的燉蛋滑軟可口，三顆細細粒的湯丸都是我喜歡的黑芝麻餡，讓這出色的甜品更得我的喜歡。太座的「即撞木桶豆腐花」（焦香）送上之後，還要等候計時器的倒數，稍待三數分鐘才可享用，特別令人期待。倒數過後，揭開木桶蓋，香氣立時撲鼻而來，白雪雪的豆腐花既熱且滑，下點黃糖，加點甜味，更是可人。這大大桶，足可供兩人分嚐的原桶豆腐花雖沒有名字中所說的焦香，我仍然吃得稱心。 這天的晚餐，我已經感到十分滿意，再加上這飯後甜品同樣有出色的水準，這一夜，可真有食神呢！

椰皇湯圓燉蛋白✨對於甜品 真心零防禦🙈前幾日係九龍城食完泰菜心思思開動第二個胃💕上網望到張圖無需考慮就立即衝過去😅份量非常足～ 椰皇大大個～有三粒湯圓仲有芋圓&西米😋 底部大概1/3是燉蛋白🙆🏻整體是正的👍🏻香椰汁味❣是清新的甜度～@$40 價錢合理 大大份✨值得一試！溫馨提示: 其實真係會飽肚🤔正餐別吃太飽#偽文青可兒遊記 #香港覓食 #不能抗拒的甜點誘惑 #肥了又如何 #跑步還債 #happyshare #準備encore