小方糖甜品 (龍崗道)

Open Now

Now Closed

同朋友一齊去了九龍城廣場行街，我哋兩個雙妹嘜突然又好想食甜品，一講到甜品，我哋都異口同聲去小方糖食，仲要我吔兩個都係愛榴連之人 榴連控必吃甜品：———————-🟧齒頰留香：成碗都係榴連、柚子肉、豆腐花、黑白珍珠的口感煙煙靭靭、豆腐花的滑溜，榴連肉的飄香、只有愛吃榴連的人才體驗到如何的滋味———————-🟨榴華：白雪般又冰冰凍凍的雪沙，配着榴連肉、面頭透明的粒粒脆卜卜的口感，下面豆腐花，一啖啖的冰冰涷凍、一啖啖的冰涼感覺、每一啖都充滿榴連的香氣，榴連.....就是這麼的誘人😍⋯⋯這就是為何榴連有果王之稱號————————吃著榴連的飄香開心🥳⋯⋯簡單....齒頰留香————————-

九龍城出名泰國菜，但要搵一間泰國甜品很難，天氣熱想食d透心涼的甜品，就誤打誤撞入咗間小方糖呢間甜品店，原來呢間店有幾間分店，加埋望完餐牌，甜品跟出面大路的甜品店一式一樣，對於黎到九龍城的我感到毫無驚喜說實話，呢間甜品店的甜品單睇賣相已知抵食，半隻芒果上碟唔會切粒，紫米佔大半碗，肚餓黎食應該幾飽肚，略嫌糖水太少，紫米吸哂水份，變得似食芒果糯米飯如果店主可以加入泰國原素嘅甜品，咁應該都幾受歡迎，起碼想食甜品的人唔需要食泰國菜先食到甜品

小方糖其實都幾多分店，不過一路都未食過，今次朋友帶我去食😌真心覺得唔錯👍我同朋友一人嗌左一個甜品，食完之後好滿足🥰  #eateateatin將軍澳  1️⃣月半灣拿破崙（$43）朋友話黎呢度一定要食拿破崙，咁我就叫左呢個個名好靚既月半彎拿破崙la。一黎到真係嚇親我😳咁大份既。佢呢度既拿破崙同出面食既唔同，出面既係一層cream一層餅皮咁夾住夾住，呢度就係有塊好大好脆既餅皮，面頭唧滿cream、朱古力醬同埋切片既香蕉，食完之後感覺即刻肥左幾磅😂  講真好食就唔可以話超好食la，但係係酥皮真係好脆好脆，有牛油香，同埋真係好大份，夠三四個人share 添。 2⃣️芒果西米露（$32）另外朋友嗌左芒果西米露，因為冇乜特別嗎，所以冇影到相la。味道就係普通甜品鋪味道。

難得今日男朋友帶我入嚟九龍城行下佢一早講好咗 同我去食心太軟最後我哋決定去呢間小方糖 試下下午茶時段，舖頭都有幾枱客仲有空位淨，所以唔使等位即刻有得坐低呢個朱古力粒粒拿破崙好有驚喜雖然個雪糕就麻麻地啦， 普通朱古力味囉不過淋上朱古力漿嘅拿破崙真係好好味脆卜卜，口感一流，同d朱古力漿好夾又唔會話太甜，食落好鬆軟再配埋啲cream，真係正到痺！！！我鍾意食cream，拿破崙入面啲cream俾我一個清曬，留都唔留返俾男朋友食哈哈哈食完之後有糖尿都抵返曬至於啲香蕉都正正常常咁但因為由於啲香蕉本身已經好甜好甜所以我刮走咗上面啲朱古力漿如果唔係 真係甜到唔想食，會勁漏囉～呢個心太軟就有少少失望 雖然夠靚，流心夠暖粒粒但食落唔夠鬆軟，頂層有少少硬 d流心實在係太過甜，食到一半已經唔想再食雪糕嘅口味有兩款可以自己揀我哋兩個一人揀咗一隻味芒果同士多啤梨味，士多啤梨味都幾好食芒果味就有啲難食，因為係好假嘅芒果味但係值得一讚嘅就係碟上面嘅公仔畫得好靚係隻玉桂狗嚟真係好可愛，賣相一流食落見到隻咁可愛嘅公仔心情都特別開心啲

一直都想試吓這間糖水，聽説在九龍城區都頗出名。昨晚見熊貓有外送便叫了兩個燉鮮奶和一個綠豆沙，外送員很有禮貌而且很快就送到（糖水還是熱的）。滿心歡喜的打開綠豆沙，一看已覺得有問題，一碗大部份是水，再用匙羹舀起，只見幾粒綠豆，完全不是我們一般吃的綠豆沙！不如就叫綠豆水更貼切，很失望😞價錢亦不算便宜。兩個燉鮮奶就一般般，沒有什麼特別，但如果一間甜品屋，就連最簡單的都做得不好，又叫人怎樣再有信心幫襯呢！（希望不是因為外送而食物質素下降）

事源係頭先排隊買串燒時吹風吹左半個鐘，見到後面街有間糖水舖就諗住食返個熱糖水暖暖身。當時大約係10點鐘左右，到左食糖水時間，店外有2-3組客人係度等緊外賣，但望入去裡面廚房好似踢晒腳咁，仲聽到個男店員講話「煮大量湯圓同芋圓，好多單」🤨聽佢講完呢句之後我叫左碗「勁薑」蕃薯芋圓糖水試試佢先裡面有2大舊蕃薯，5-6粒芋圓同埋3粒湯圓。份量都多，但係只得湯圓係合格首先係佢跟本唔夠「薑」，勁失望芋圓撈來撈去都係得1粒地瓜味芋圓，其他都係紫薯芋圓，我諗佢都係求其湊夠數就算，同埋芋圓都食唔出有味道，唔煙韌，大失望蕃薯食到中間位有d爽口，我估煮得唔夠耐掛。良心小店係要支持，但出品一定唔可以求其

食完燒肉已晚上9時多，但完美嘅一餐一定要食甜品，坐朋友車片落九龍城，趕在堂食10點前為今晚劃上完美句號，呢間門外可泊車，問店員還可以接受堂食，不過一坐低就要落單店面不大，店內都是簡單西餐廳小方桌椅，桌面有點黏，糖水中西式都有！勁薑蕃薯芋圓糖水（$28）我係失望嘅，與圖片相比已失色，（抗疫原因用了外賣膠碗？）而且我最喜歡嘅芋圓可能太趕出菜，表面起泡又沒有煙韌感，蕃薯又唔夠甜糯（雖然無渣）湯丸是好味的，皮夠彈，芝麻餡又香，糖水的確夠薑（對我來講是偏甜）整體失望朋友食：宇治金時（$38）日式紅豆豆腐花（$33）齒頰留香（$50）可能今次太趕吧，平時食都保持水準！而朋友3款都話好食嘅店員有禮，明白自己在關店前半小時不夠時堂食！店家都盡力招呼！甜品句號

好耐無食過小方糖其實好掛住佢個拿破倫今日去開九龍城食飯點都要去食一食兩個人都叫咗三個甜品因為要推介朋友試吓呢個空氣拿破倫而且在座有過半人都有叫😋👍🏼黃金拿破倫 -43芒果味雖然望落好大份，但兩個人食都絕對handle到唔會好滯食落好脆好鬆化，芒果肉好甜椰皇蛋白蓮子燉雪燕 -55見天氣開始凍凍哋，就叫返個熱嘢食暖暖嘅椰汁雪燕食落好養生，燉蛋白好滑留戀天使 -50難得有個榴連愛好者，都要叫一個榴連產品嘅🤣榴連肉都大大嚿，而且味道都唔會太淡，好食

每次去九龍城都會食小方糖做結尾～留戀天使🤪😋榴槤味超濃郁，每次都係嗌呢一個甜品🤤食到底都仲係有好多榴槤肉，唯一美中不足係個雲呢拿雪糕，如果係榴槤味就好啦！硬係覺得雲呢拿雪糕溶咗嘅時候，同榴槤汁唔係好夾😞朋友嗌嘅芒果刨冰，額外加咗小丸子😛好豐富嘅芒果雪山！.因為都食過好多次，味道上面亦都不過不失，唔會話好好食好驚喜，但係一定唔會難食。但係職員嘅態度認真麻麻，顧住打機，dup低頭打住機帶位… 舉左手好耐，想落單，都係因為打機睇我哋唔到😞

一向都知九龍城多糖水舖，行開就入左小方糖食下甜野先 （唔食多d邊有動力減肥呢👻）芒果鮮奶燉蛋白 $38一黎見到咁多芒果都好開心，新鮮嘅果肉十分甜，而鮮奶燉蛋白嘅味道都好濃厚，份量岩岩好唔會搶走其他味道! 奶味就唔算好重，所以食完又未過好膩~鮮雜果仙草凍 🥝🍌🍇 $40又係一份十分豐富十分多雜果嘅甜品，其實只要生果夠新鮮都好足夠。仙草凍就淡淡地，食完我都係覺得配涼粉好食啲~仙草凍軟身小小，有雜果嘅鮮甜味配搭下都幾好食~我覺得個淡奶有啲甜，有啲蓋過生果嘅鮮甜味🙈

同女友係九龍城食完泰國菜，叫得唔太多野，因為我地想留肚食小方糖因為上次係寶琳食完之後都十分回味，一直都想再試下其他甜品。今次我同女友分別叫左芒果樂園同埋古靈精怪，本來見到木桶豆腐花同芒果拿破崙都好似好吸引咁，但因為天氣熱，成30幾度，都係食返d 凍冰冰既野開心d 1)芒果樂園佢入面有牛乳布甸+芒果粿子心+芒果雪糕+芒果汁+水晶珠+芒果肉。可能依家芒果當造，d芒果好鮮甜，全部配料都係同芒果有關，鍾意食芒果既朋友一定唔可以錯過🥭2）古靈精怪佢入面有紫米飯+芒果肉+珍珠同雲喱嗱沙冰。雲喱嗱沙冰同紫米飯真係好夾，加埋鮮甜既芒果，有少少似芒果糯米飯既fusion 版，值得一試！食完好味既泰菜，再加埋甜蜜蜜既小方糖，為今次九龍城搵食之旅畫上一個完美既句號！

游完水最好就食返個糖水， 九龍仔公園游泳池鄰近九龍城，一個大量餐廳選擇嘅地方。今晚去咗小方糖， 食咗芒果樂園， 38蚊價錢合理， 牛奶布甸味道唔錯， 但芒果味道覆蓋左個牛奶味。 整體普偏正常唔難食！ 下次可以試新野！ 幫襯時間大約喺晚上十點， 食完吹水冇趕我地走， 非常好！

九龍城多間甜品糖水舖中我最喜歡就是小方糖， 今次帶男朋友到九龍城搵美食特別推介芒果黃金拿破崙 保證他食完 一定讚口不絕的。 每次拿到枱上都會令人驚訝 只是四十多元的價錢就有咁大碟咁 精美的甜品，食落口而且係非常美味 甜度適中。想推介大家去搵九龍城美食必定要去小方糖食呢個黃金拿破崙保證唔會有complaint。如果你有朋友生日又唔想花錢買蛋糕就可以嚟叫呢個甜品當蛋糕。記得自己帶蠟燭都已經好有驚喜啦。👍👍👍👍👍🎉💯💯

與朋友在附近吃過串燒後，想再多聊一聊，上網查閱後得知小方糖甜品營業至2:00AM，所以便選擇到小方糖吃宵夜了。當晚到達時間大概是12:30AM，店內都幾乎坐了7成滿。我跟朋友共點了三個甜品，三個街甜品均在10分鐘內送到。 我點了 榴槤蛋白燉鮮奶，未拿到桌上已聞到榴槤飄香。底層是凍的蛋白燉鮮奶，口感較實但順滑。面頭有榴槤蓉以及榴槤肉，味道濃郁十分甜。加上一粒粒爆珠，為這道甜品增加口感。$48元來說，份量都算合理，畢竟榴槤的成本較高。而其餘兩位朋友則點了芝麻糊以及蕃薯糖水，她們都認為這兩道甜品屬正常水平，與外面其他甜品店沒太大差別。

星期六與家人到九龍城食晚飯，之後到小方甜品食甜品，這間小店，店內裝修簡單，員工只有數名，但男待態態度友善，儘管我們落單時不停改款式，都能一一紀錄好。👍🏼👍🏼我們分別點了芒果樂園，楊枝甘露豆腐花，雪糕心太軟，芝麻糊⋯特別要讚的是芒果樂園，這款甜品除了芒果甜之外，還有有口感的西米，布甸，芒果雪糕，一款甜品可以試齊不同口味，值得讚👍🏼👍🏼連小朋友都好鐘意食芝麻糊👍🏼心太軟做得好好味⋯朱古力蛋糕有流心效果。還附上用朱古力漿畫成的公仔，好得意😍