小方糖甜品 (龍崗道)

Open Now

Now Closed

下午茶時段，最佳選擇.... 總是離不開食甜品 😆朋友推介下，到此甜品店 - 小方糖甜品 試試，店名已講 - 小方糖，頓時口裏也有點 Sweetie feel 相片 menu 款式也不少，相當吸引，充份突出每款甜品的特色，足以引起對甜品的食慾 😄我們也隨即點選各自喜歡的甜品 😄椰皇湯圓芋圓燉蛋白 - 陣陣椰子味飄香，味覺和嗅覺一同享受，感覺不錯，總之好好味 😋黃金拿破崙 👍芒果汁味美、果肉夠豐富，拿破崙脆感仍在 😋太陽香蕉船 - 同行小朋友的至愛 😆食物質素不錯，簡單來說，好好味 😋😋😋款式多選擇，可以再次幫襯，試試其他款式的。👍👍👍

去九龍城食飯一定要食埋糖水！試了小方塘，款式多、價格公道。我叫了龍珠刨冰，其實係有龍眼、椰果、珍珠、爆珠同椰汁😋料都算足啊～同朋友吹下水，每人埋單都係30幾🤑🤗😋

好鍾意鋪頭名「小方糖」，好可愛嘅店名，亦都特別容易讓人記得。第一次食我就習慣要揀menu上面最推介嘅黎試，咁就一定實冇錯，登登登——「芒果樂園」，裡面有芒果雪糕、牛奶布甸、同埋配料如椰果、彈牙珠等，完滿嘅享受🤤☺️另外，朋友們都叫左各種不同嘅甜品，特別喜歡椰皇，不過個椰皇裡面嘅椰肉似乎唔係預大家會食，因為一開始本身個條spoon係冇辦法挖到椰肉食嘅 🤣🤭。之後我地需要拎到鐵spoon, 不過椰肉都係好難挖到出黎，而且口感都一般，overcook

1. 80度暖意心太軟（＄42)去開九龍城食野，食完又想食個糖水，就嚟咗小方糖試下，點左個平時愛食嘅心太軟🤤，一見就好驚喜😍😍😍我完全冇諗過，佢地跟我個樣吱朱古力醬😱，雖然食落去冇咩好特別，但依一份驚喜，我buy😝😁小方糖甜品 Sugar Dessert地址：九龍城龍崗道23號地下／將軍澳貿業路8號新都城中心3期地下G07號舖／ 將軍澳唐俊街12號天晉滙二期地下G09號／旺角廣華街2-20號翠園大樓二期地下1號舖／九龍灣牛頭角道77號淘大商場二期地下G224-225號舖營業時間：星期一至日：15:00 - 02:00

係九龍城同FD食完飯，緊係要食埋甜品先走啦。之前記得有朋友黎食過都話OK，就過黎試下。門口都幾多人排隊，我地都等左一陣先入到去。我地就叫左芒果拿破崙同埋朱古力蜜糖吐司。拿破崙同蜜糖吐司份量都幾多，而且賣相都幾好。個拿破崙勁脆，芒果又甜又好食。而朱古力蜜糖吐司上面雪糕好正，吐司都好脆。如果大家下次經過九龍城都可以試下

喺九龍城食完晚飯，梗係要去食甜品啦。於是就去到九龍城呢間甜品事故，香蕉拿破崙同芒果拿破崙都係非常之香脆。香蕉拿破崙嘅香蕉非常之新鮮，再加上香濃嘅朱古力醬，鮮甜而不膩，是非常好嘅配搭。芒果拿破崙嘅芒果好鮮甜，還加上豐盛嘅練奶，芒果配煉奶，芒果嘅果酸味再加上練奶獨有嘅甜美，簡直是絕配呀。喝過湯，就是上主菜的時候了！朋友的蒸鱈魚柳配小棠菜。小棠菜入口嫩滑而鮮甜，令人驚喜。鱈魚柳相對地有點失色，入口感覺是蒸過頭了，加上鱈魚本身的味道較淡，雖然不可以說是難吃，但相信下次不會再選了！另外，我們也點了呢個焦糖燉蛋，它香滑美味，蛋味濃郁，一定要試。

時常嚟九龍城食甜品嘅我吔當然試過唔少甜品舖，好多時都係食糖水，呢晚想試試其他，就揀咗小方糖，選擇多，座位又唔會太迫。九龍城少有甜品舖有榴槤甜品供應，嚟到呢度當然揀榴槤嘅，幾款中最後揀咗留戀天使，因為佢有榴槤肉，榴槤汁，仲有水晶珠同雲呢嗱雪糕，唔鐘意食小丸子嘅我就要求走小丸子。入口好夠榴槤味，榴槤肉亦唔少，有近雞蛋般大嘅份量。幾樣材料好夾，又唔會太甜或太滯。朋友就叫咗個椰皇蛋白蓮子燉雪燕，好足料，可惜椰皇嘅肉唔太新鮮，挖出嚟比較硬。

喺旺角嗰頭食完嘢，朋友想搵個可以方便泊車既地方食糖水，就決定嚟九龍城呢度喇。九龍既甜品舖非常之多，求其一條街都可以搵到兩三間，所以我地都求其搵一間試吓，因為大家都未食過呢間「小方糖」，所以就揀左呢一間。糖水呢啲嘢都喺一定會有芒果主題既食品，想搵一樣大路啲既嘢食試下呢間新嘢，我就叫左一個「芒果樂園」。因為平日夜晚唔喺好多人，等左一陣就有得食。呢個「芒果樂園」喺有牛奶布甸、芒果雪榚同一啲椰果水間珠等做成既，試左兩啖啲芒果汁已經覺得好水，無乜芒果味，而個牛乳布甸同啲芒果又好唔夾，成個味道好奇怪！

媽媽一直都好鐘意食〈小方糖〉既椰皇，所以每次我們來九龍城食飯都會自動自覺買埋糖水先返去，當然今日都不盒例外。大概因為質數高的關係，次次去都一定爆場，外賣就更加唔洗講，一定係外面等。menu會貼晒係玻璃度，揀好就入去俾錢之後出去等一陣。我地揀左兩個椰皇做膽的糖水，當然燉椰皇會另外分開。蛋白夠清，唔太甜，有椰味！媽媽要蓮子同雪燕，佢話好潤！我就要湯圓同芋圓，煙煙韌韌又飽肚老婆鐘意紅豆，所以揀紅豆芋圓。入面仲有西米！老豆比較另類，揀芒果樂園仲有個芒果雪糕的，但未影就俾佢搶先食左佢話好夠〈芒〉，好正咁話4個糖水過百五蚊，唔平嫁！不過一家人齊齊開心食糖水，無計啦

小弟都係從事入食行業，依家呢行真係好難撈，佳因依家有好多無聊人，明明自己唔岩都走去投訴，係又鬧唔係又鬧，堅係睇唔過眼要幫嗰兩個職員路見不平。 樓下嗰位人兄話由Day one開始幫襯，理應好清楚人地鋪頭嘅運作模式，( 我都幫襯咗好多年，我當晚都係度食野，坐正counter隔離個位，嗰陣都差唔多12點) 兩個員工忙碌咗一輪終於安排哂等位嘅人入座，外面得返三個人睇緊meun,忙咗成晚坐底抖抖好正常，過咗陣嗰三個人(應該係一家人，兩老一後生)行入去問個職員點解唔係到佢地入，好正常地人地咪問佢攞咗飛未，幾號飛，睇睇佢地係咪之前行開咗，然後人地見有位都即刻安排咗佢地入去坐，跟住個年紀大啲嘅女人就話有位都唔收佢地入，仲話兩個職員掛住傾計唔理佢地，實情係佢聽唔到人地叫飛，自己又拾下拾下咁，有位又唔識自己入。 呢家人仲影咗人地相，(應該無經嗰兩個職員同意)人地做錯啲咩要post人地張相*呢啲公開平台，超無品，跟本就係個女人小題大造，真係登呢兩個職員唔底。同埋由張相度都見到都多吉枱啦(已經夜深時間) 三條友掛住傾計聽唔到職員叫飛miss咗，仲話人地唔叫佢入，有位又唔識入，仲要行入去嘅時候鬧人掛住傾計唔招呼

由day one九龍城開舖幫襯到依家，可以話真心超級失望 😥 無論出品和服務真的大大不如以前。兩星期前食完仲幫佢搵藉口安慰自己，可能開多左分舖，出品水準偶然有d偏差掛。所以今日都照常去幫襯。話說我地三人到嘅時候，睇落好似系無位，而且當時外面有兩堆人等緊位，所以去counter到攞左飛之後繼續系門口等。無耐，系我地前面等位嘅人都入曬座，得返我地三人。突然有一對情侶直接走左入舖坐左系最近門口個張檯嘅兩個位，心林都啱嘅，兩個位我地三個人都坐唔落。唔到兩分鐘，有張坐左兩個人嘅四人檯起身買單，我地林住‘好野，有位嚕’。點知佢地都未開始買單，之前個對情侶立即起身走左過去個張四人檯（下面有圖），而且系counter一直同收銀個個女仔傾計個個waitress仲示意歡迎佢地坐過去。我火都來埋，我地等左咁耐，係咪應該比檯我地先呢？而且我地係三個人。我即刻行過去問佢，點知佢返問我地，你地攞左飛未 😡😡😡😡 我好㷫咁問佢‘’你地掛住傾計唔睇下仲有無number未哎嘅咩？‘’佢即刻知衰，指向店尾個到有三個位就我地過去坐。依一刻我仲爆 😡🔥😡🔥😡🔥😡🔥😡🔥😡🔥我係門口等左咁耐，原來係你地兩個要傾計而有位唔叫我地入

同女朋友食完火鍋，打算去食碗糖水平衡下點知係一次失望的體驗揀左間伏既荒唐店糖水，其實要好難食，就係好難但小荒糖，做得到果日叫單，上兩碗野都等左20分鐘我就叫左個芋圓唔知咩奶，你阿媽大減價，得3-4粒芋圓另外，係人都知芋圓熱煮會冇左咬既口感然後碗野勁化學甜味 然後就乜都冇啦但要成30幾蚊碗，你真係厄人我女友食左個芒果唔知咩，又係勁難食但又令人驚奇的係，都幾多人入黎試伏唯一優勢就真係地理位置佳但好心你地賣既質素好少少，做人唔好咁無良賣碗糖水都咁冇誠意

九龍城出名多好野食，不論係正餐定甜品都好多選擇！今次就揀左有唔少分店既小方糖食小方糖有唔同既甜品種類，熱或者凍，西式定中式都任君選擇～第一樣甜品係炭燒藍山咖啡雪芭($33)兩球咖啡雪芭好重咖啡味！即使佢比較似冰既texture，但有令人想不停食既衝動 中間係咖啡啫喱，咖啡味都有，但可能因為唔夠凍，比雪芭比下去左～第二樣甜品係心太軟($42)朱古力心太軟配上朱古力同曲奇雪糕 成個甜品都係不過不失，冇咩驚喜～碟上面畫左個蘿蔔，聽朋友講有時會畫snoopy! 係繁忙既時間仲肯花時間畫畫比客真係好難得

本身住九龍城，所以成日來幫襯。今次第一次試龍珠，結果好失望，一啲甜味都冇，裡面嘅爆爆珠無味，沙冰無味，龍眼肉輕微甜味，最甜係椰果，但由於大部分料都係無味，所以就算椰果甜都係幫唔到手。同平時一樣都會叫個黃金拿破崙，size大左，但係對於大左size嘅拿破崙芒果就變相好似少左。附上嘅相片系搵左嘅靓位影嘅，所以睇唔出少左。蛋白杏仁霜，味道不錯，但係就杰撻撻，好難入口，所以無吃曬。總括嚟講，感覺好似無以前好吃，今日係平日，應該同因為忙而出品無咁好系無關係。

今日要為大家介紹一間甜品界既小強，小方糖！剛剛同男友經開九龍城，食完火鍋打算食個甜品，又見呢間野既糖水好似幾新穎，諗住實唔會中伏啦，結果認真就輸了食物方面：唔講環境，直接入正題！皆因食物反映一切！*1.芒果樂園兩個字：垃圾！一黎到成碗野個芒果汁傑過黃傑！明明應該係液體狀，佢竟然可以凝固成固態狀，簡單黎講係起哂膠！果然冇野無冇可能食落啖啖人工既化學芒果味，再加埋亂配搭既椰果同爆珠，成為甜品之龍呀😅！*2.牛乳紅豆芋圓諗住芋圓實冇死，最隱陣啦！少年，你太年輕了！個芋圓既形狀好樣衰，一岩一忽，睇得出係自家制但食落口，淋過毛巾呀！究竟我食左咩落口？係咪食左濕左水既麵包落口！？神一般既甜品😅*總括：除非你試下咩叫劣食，如果冇咩必要，都唔好挑戰甜品界既小強！