小方糖甜品 (荃好景大廈)

Open Now

Now Closed

3/7 買左碗 綠豆沙 太稀 稀到好似水但味道冇乜特別下次可能試另一款 中式糖水真係麻麻地搞唔掂………………………………………………………………………………..

整體真係唔係咁推薦，唔知係咪因為假日多人，味道保持唔住，實際食落同網上食評好大差異。芒果沙冰豆腐花（$38）食落口真係皺哂眉頭，沙冰送到黎嘅時候已經溶晒變咗做水，同埋完全冇芒果味，整體就好似食緊一個溝咗水&唔甜嘅豆腐花！芒果樂園($40)果然餐牌上既圖片只供參考，賣相真係唔太好…..味道就極度普普通通，睇相都想像到味道既芒果甜品，唔太推薦。黑白配（$38）味道上就無乜等別，都係盒裝雪糕嘅味道，略嫌涼粉份量偏小。芒果棉花冰（$45）反而棉花冰做得唔錯！份量大又好食！滿滿嘅芒果汁滲透住每一塊棉花冰，每一啖都好濃芒果味 推薦

🌟粒粒拿破崙鬆脆又易入口🌟小方糖甜品 (荃灣)$45 芒果粒粒拿破崙雪糕（8⭐️/10）之前食既拿破崙多數都係長條形一層層咁疊起，今次食妮間就一粒粒🔸，好方便入口😋。鬆脆得黎因為一粒粒咁，都容易同雪糕🍨同埋芒果醬🥭溝埋一齊食，所以口感反而更加中意。$49 炭燒藍山咖啡雪芭（6⭐️/10）藍山咖啡☕️味道好突出，而且咖啡做甜品一向都唔會覺得太甜。😗可惜可能自己唔算太識欣賞雪芭，食落有碎冰🧊，反而中意軟棉棉既雪糕🍨。食物：7/10環境：8/10性價比：8/10📍荃灣海壩街83-93號荃好景大廈地下A號舖其他分店：📍九龍城龍崗道23號地下📍旺角廣華街2-20號翠園大樓二期地下1號舖📍將軍澳貿業路8號新都城中心3期地下G07號舖📍九龍灣牛頭角道77號淘大商場二期地下G224-225號舖

椰皇湯丸芋圓燉蛋白 $55 - 本身我喺杏汁雪燕椰皇燉蛋白同佢之間考慮咗好耐，我最後選擇左有芋圓嘅，好似煙煙韌韌咁🤓 但佢做得最出色嘅係蛋白，佢一半係燉蛋白，上面有芋圓湯圓嗰啲，我下次應該會試芒果小丸子椰皇燉蛋白（凍食）/普通燉蛋白😆 芒果粒粒拿破崙配雪糕 $45 - 賣相好好，拿破崙亦都脆卜卜，每舊都細細舊，都方便share🤓齒頰留香$55 - 賣相最差嘅佢，得細細舊榴槤，真係麻麻哋😥不過平均都要$50一個人，如果唔係貪坐低傾偈，都未必會食

今次介紹嘅呢間甜品店有幾間分店。之前疫情爆發時經過幾次荃灣分店，都係只見小貓兩三隻，相信佢地應該都撐得好辛苦。4月尾開返晚市後，就同朋友一齊去支持下佢地。 上次試過椰皇蛋白系列後，覺得好正，今次特登推介朋友一定要試下，最後我哋揀左2個中式甜品，落完單等大約10 分鐘就有得食喇！******************************椰皇蛋白蓮子燉雪燕 ($58)一個小小椰皇，裡面裝咗好多材料，絕對滿足到為食一族😉 椰汁好香，有香滑嘅燉蛋白，加上原粒蓮子同埋一絲絲嘅雪燕，食完蛋白仲可以刮埋啲椰皇肉食，2個人share食完都真心飽。呢個甜品一入口感覺就特別養生，滿足食慾之餘仲可以養埋顏，抵啦😈紅豆牛乳芋圓 ($38) 裡面有紅豆、西米粒、芋圓同蕃薯圓。相比起個椰皇，呢一個甜品明顯感覺“空洞”好多，除咗西米比較多，紅豆同芋圓份量都唔係太多。(圖中果一匙已經盡咗力-_-) 芋圓同蕃薯圓都比較淋身，唔係太好咬口，如果鐘意Q彈嘅口感，食完會有少少失望。******************************小結：有良知嘅小店值得支持🥰 推介小方糖嘅椰皇燉蛋白系列，如果天氣涼嘅時候食會更加正

我無寫食評既習慣，但係今次食完真係嬲到唔寫唔得三十八蚊既「紅豆牛乳芋圓」6點後外賣 翻到屋打開，一 粒 芋 圓 都 無   ！？仲要係三十八蚊！？以前已經覺得貴，今次以後一定唔會再幫襯所有外賣既人請提防

差！第一次幫襯呢間，呢個分量賣44蚊？？因為附近周圍得呢間有焦糖燉蛋，所以就試下幫襯，我唔係第一日食焦糖燉蛋，最基本既甜品，打開已經爛曬，人地食淨既？而且你地呢個份量賣相要賣44蚊？少到一個碗既三分一都無，仲要係爛曬。睇到仲有胃口食嗎請問。做生意要憑良心，唔會再幫襯。第一次幫襯呢間，呢個分量賣44蚊？？因為附近周圍得呢間有焦糖燉蛋，所以就試下幫襯，我唔係第一日食焦糖燉蛋，最基本既甜品，打開已經爛曬，人地食淨既？

-芒果椰子樂椰子沙冰+芒果肉+椰果條+芒果雪糕+牛乳布甸椰子沙冰一出嚟就已經溶晒，圖文不符，牛乳布甸唔夠味唔夠滑，求其整就甘比人食-楊枝甘露豆腐花楊枝甘露汁+新鮮金柚肉+豆腐花+水晶珠+西米豆腐花唔夠香唔夠滑，新鮮柚子肉一啲都唔新鮮，西米露煮得過熟，水晶珠難食環境方面同埋服務方面就ok啦為咗黃店先至食呢間，點知中曬伏唉，冇下次再食，真好失望原本充滿希望期待，結果反而令人非常失望的糖水。。。。。。。。。。

食飽晚餐就打算食返個甜品中和下，路過發現門外排既人唔多，就決定試下荃灣分店既味道。(芒果班戟)- 32$咬落班戟皮唔會好硬好厚，而且入面既芒果都好甜，份量一個人食岩岩好。(心太軟)- 48$呢個略為失望，因為一上枱心太軟就已經開始流緊汁出黎，賣相即刻扣左分，但味道不過不失。(焦糖燉蛋)- 38$燉蛋入口嫩滑，而且唔會太過甜，加埋焦糖整體配合得岩岩好。

.‼️❤️ 記得CLICK我PROFILE關注我呀 ❤️‼️.🍧 S̆̈ŭ̈m̆̈m̆̈ĕ̈r̆̈ D̆̈ĕ̈s̆̈s̆̈ĕ̈r̆̈t̆̈ T̆̈ĭ̈m̆̈ĕ̈ @ 🌟 小方糖甜品《👽食神大媽食甜品》.💁‍♀️ 圖片展示美食：榴戀天使 HKD 50 🍨雜果豆腐花 HKD 40 🍉乳酪香蕉船 HKD 42 🍌.⛱ 夏天為大地帶來美腿之外，就係不停想食甜品嘅慾望呀 🤤 今次介紹地理位置超方便嘅「小方糖甜品」，由起九龍城開業，短短十年時間就發展到今日共有六間分店！🤩 如果質素唔好，都唔會咁好生意啦 😆 質素肯定有保證呀！.👽 大媽今次要特別推介嘅，就係每次一到夏天就會瀰漫起空氣之中嘅。。。飄來榴蓮之香呀 🤣 呢度嘅榴槤系列，除咗大媽食嘅呢一款之外，仲有榴槤棉花冰、榴華、齒頰留香 🤤 款款都好有質感、味道超濃，同埋有大大嚿榴槤肉㗎 😍.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 荃灣海壩街83-93號荃好景大廈地下A號舖.

呢幾日又熱返啦🥲🥲好想食返啲甜品🍮一定要食返最重口味嘅榴連🤤好好捉緊夏天嘅尾巴👅 齒頰留香呢個甜品用左牛乳布丁，珍珠，水晶球，椰果🤤最重要係有榴連汁同新鮮榴連肉🥳想講佢真係有勁大劈勁香勁濃嘅榴連肉，然後啲布丁撈埋啲榴連汁一齊食，絕對好味過啲日本布丁呀😎．👅 香芒小丸子呢個芒果雪糕好有芒果味，仲要加埋濃濃嘅芒果汁🤩為夏天帶來了美食😛唔少得嘅一定係重點中嘅重點—小丸仔啦😚佢個小丸子煮得好煙in，唔會太淋或未熟，係我好鍾意嘅小丸子甜品之一😍．👅 芒果小丸子椰皇燉蛋白椰青水好清甜，蛋白加埋佢一齊燉係好夾好清新😚👍🏻加埋清甜芒果同煙in小丸子，仲可以用匙羹「畢」埋啲椰肉食✌🏻好爽😍

今次試既呢間 有幾區都有分店⭐️勁薑蕃薯芋圓糖水$28😱呢間中式糖水有驚喜👍🏻芋圓做得好出色 夠軟熟👍🏻肉眼可以睇到 有粒粒芋頭粒粒😋糖水真係勁重薑味🤔番薯勁大嚿 呢個可圈可點如果一口大細 我覺得會好啲整體呢個間 中式糖水好高分.⭐️芒果綿花冰$45👌🏻今日芒果質素唔錯 夠甜👌🏻表面有脆脆 同勁軟熟嘅珍珠.⭐️士多啤梨粒粒拿破崙配雪糕$45👌🏻拿破崙比較特別 拿破崙細細粒 勁鬆脆👌🏻表面有酸酸甜甜士多啤梨醬 配埋士多啤梨雪糕.#小方糖甜品 (荃灣)地址：荃灣海壩街83-93號荃好景大廈地下A號舖仲有寶琳,將軍澳 , 旺角 , 九龍城 , 九龍灣分店

作為經常流連路德圍嘅街坊自從堂食有限制之後都無坐低過食碗糖水(Thanks to COVID-19😃)今晚8點幾食完個海南雞飯見未夠鐘做灰姑娘返屋企😂個肚又仲有位就過嚟食個甜品感受吓青春嘅氣息老公叫咗個芒果椰子樂試咗2啖都幾香下面有個奶凍都幾滑今晚落雨 加上坐低個冷氣又好凍😂於是叫咗個平時唔會叫嘅蕃薯糖水落單問清楚店員係咪有湯圓因為menu張相有但個名無點知真係有於是就好開心咁叫因為今晚想食湯圓😂想講個薑湯都真係幾辣🥵食完暖晒怕辣人士慎選芋圓中規中矩3粒芝麻湯圓就好香但略嫌唔夠煙韌至於2大嚿蕃薯都甜嘅不過有啲老🙈好多根但我都食晒因為高纖😂總括價錢貼地質素合乎正比店員們都有禮有效率會回頭之選

榴槤小丸子蛋白燉鮮奶 $55有冇人間唔中就想食榴槤！？🥰 自問係個燉奶迷，食咗咁多年，好想知究竟由幾時開始，燉奶同榴槤成日都喺埋一齊呢？之前某一晚深夜想食甜品，又喺荃灣，於是就同朋友去咗路德圍搵食。小方糖好多分店，不過我都係第一次食。感覺上佢個menu吸引過隔離間甜品店。呢個榴槤小丸子蛋白燉鮮奶味道正正常常，榴槤肉唔少，燉奶滑，我會用對版嚟形容，就係你同我想像中嘅味～ 淨鮮奶燉奶我都係覺得華園/葫蘆館比較好食😋

今日(3-7-2021 Sun)晏晝太熱,同老公去商場逛,而我有啲肚餓,咁我哋就食啲嘢啦,去新記冰室(https://www.openrice.com/zh/hongkong/r-%E6%96%B0%E8%A8%98%E5%86%B0%E5%AE%A4-%E8%8D%83%E7%81%A3-%E6%B8%AF%E5%BC%8F-r637993),但多人等位,真台客(https://www.openrice.com/zh/hongkong/r-%E7%9C%9F%E5%8F%B0%E5%AE%A2-%E8%8D%83%E7%81%A3-%E5%8F%B0%E7%81%A3%E8%8F%9C-r665040)?冇我想食嘅脆口嘢,咁行前啲小方糖甜品呢?見到有拿破崙,於是入嚟啦.我哋要咗$43.00嘅黃金拿破崙(即芒果味)同$35.00嘅芒果沙冰特飲.芒果味黃金拿破崙一客有3條大大條,有啲芒果肉,芒果味黃金拿破崙拿破崙仍夠脆,牛油味唔濃,感覺唔會太漏.芒果沙冰特飲有芒果肉同一個芒果雪糕球,味道亦唔酸,但遺憾沙冰得好少,而原來佢有啲爆脆珠珠,係超脆.價錢:出示阿布泰收據就享有9折優惠,所以係$7