杉玉

✨️今日我地想介紹這間日本餐廳是「杉玉 Sugidama」，這間店是在荔枝角D2 Place 全新開張，我們是第一次來吃，發現食物質素也好，服務又好。我們也是在逛街時看見的，當時不用排隊等候，直接入座坐卡位，離開時已經大排長龍了。🥰現時餐廳採用QR Code 自助落單系統，真是非常方便。餐廳人氣也比較多，建議大家黎食之起記得訂位‼️‼️✨️今天我們分享以下美味下次可以一試:1️⃣大啖滿足茶碗蒸 $28即叫即蒸，內含有蝦和三文魚子等，蒸蛋蒸到好滑。2️⃣三文魚刺身 $48師傅切到雖然唔夠厚身，但新鮮。3️⃣淚崩三文鮮島 $58我個人覺得這是本店的特色，在其他日本餐廳好像沒有這款吃法，壽司放滿了粒粒三文魚和蟹子，也有Wasabi (山葵)在內，好像吃辣辣壽司的感覺，很辛辣。4️⃣鯛魚湯蜆肉拉麵 $38拉麵很爽口，蜆肉也多，算抵食。5️⃣原條海鰻壽司 服務員會在你眼前用火槍燒一燒海饅，真是很長，有細骨但已經軟到可以完全吃下了，味口可以。6️⃣卡達拉娜 $28在這裡吃服務員會在我們眼前用火槍燒一燒它的表面，焦糖味會更濃郁和香脆，這是甜品建議飯後吃更佳。7️⃣花之戀 $24由於本人不太喜歡吃海膽，如果大家喜歡可以吃豪華花之戀有海膽

Staff are condescending, young, and don't take feedback or criticism very well. Even when a customer is wrong, they are still CORRECT. Even if your bosses are wrong, they are still correct - life lesson. I don't need your staff smirking and laughing on their microphones in the background. The issue is that your english menu is wrong and shows two sushi sea bream upon sets. The order, as recorded on the phone, also shows the same. If only one sea bream udon arrives, then of course the customer wi

事原係因為見做優惠，身分證有某相同號碼，食滿150減50。見仲係某受歡迎嘅居酒居，所以就去一試⋯⋯價錢都偏向中上上，諗住都有高質食物供應，都入去試吓。叫咗5樣嘢：甜蝦刺身 $78話有20隻，但有5-6隻都係不完整，又不新鮮，收呢個價錢，仲要自己剝殼，都要俾啲對得住客人嘅食物㗎⋯⋯高湯玉子燒三重奏 $68上面的海膽、三文魚籽、明太子發揮正常，無乜驚喜，最驚喜係玉子，又細又凍，仲要睇得岀係返熱返俾你，上面個面都去到乾乾地咁。。。蟹膏鯛魚湯拉麵配紅楚蟹肉 $48呢個小得可憐，麵嘅份量連正常一個都無，小食來的嗎？當然味道又係⋯⋯開岀嚟，正常無驚喜。並玉盛合 $88八件壽司，平均每件$11，不值⋯⋯海陸峰會天婦羅 $58串味得好嚴重，食茄子、蕃薯有魚味，炸粉淋晒漿糊咁，最重點嘅蝦，炸到老晒，無蝦味，難食。

呢間喺D2 Place都算係一間新開嘅日本餐廳，有時午市係非常多人，令到我有啲興趣試吓呢間餐廳。嗰日我去嘅時候因為時間尚早，慶幸唔使等位。坐得就唔算太舒服，如果 full house 嘅時候會幾逼，不過員工嘅服務態度都幾好，至於餐廳嘅衛生狀況都令人滿意。我就嗌咗個號稱每日得20份供應嘅舟盛丼，會附送一客麵豉湯。個舟盛丼都有幾款魚生嘅，主要係吞拿魚，整體嚟講還算新鮮，至於賣相就請參考我嘅圖片。最後埋單都係大概130幾蚊，我覺得還好。

D2開了新的食店，踴躍一試，換來一肚氣。食物質素一般都唔緊要，始終覺得都要支持吓本港食店，但欺騙食客及服務態度惡劣，替其可恥亦可悲。桌上寫上like 社交平台有小食，其實沒有小食優惠是不重要的（只是小碟枝豆），只要和客人說便可，問了店員兩次，只答好，但從沒送來，最終亦不等候了，買單時告訴店員，只係冷淡地說，好的，我替你取消，一句抱歉都沒有。（態度上係和你鬥氣）其實沒有小食優惠是不重要的（只是小碟枝豆），不要浪費客人時間等候，甚至最後以奇差的態度對待客人告終。可恥亦可悲。

荔枝角D2商場地下刺身丼飯，同朋友行街經過見到新開就食下睇下質素如何，佢嘅套餐唔算貴，套餐會跟個麵豉湯，加錢可以有埋野飲，同朋友一人叫一個，套餐個飯可以自由選擇大細，細食嘅可以叫細d，唔好嘥嘢，刺身感覺正常，唔會覺得好好味，但新鮮，刺身丼價錢合理，所以味道都合理經過睇戲可以試下食，佢地午市都好多人，可能要等位

行街見到新裝修都唔錯，又乾淨寬敞所以決定食佢做午餐門口已經放餐牌，望到都好吸引價錢唔係貴每樣都好吸引諗咗好耐終於諗到食咩嘢啦一個係10件壽司配牛肉烏冬餐$113一個係鯛魚湯拉麵餐$98另加配西柚汁就咁睇外觀，已經好吸引 而且睇到飯係日本正宗落咗醋嘅調味飯全部魚生，玉子，鰻魚 都係好大件同埋厚切食落去完全係好新鮮鮮甜 非常驚喜蜆肉係鮮甜，冇沙，仲要係大大粒 拉麵，冇鹼水味10件高質壽司配一碗麵，完全足夠午餐兼抵食反而牛肉烏冬就普通質素啦西柚汁拎隻好靚嘅玻璃杯裝住都幾開胃場內都比較多卡位坐 所以都坐得好開心舒服仲好貼心個底有個籃可以擺袋食用時間60分鐘，另需加一都準時提示我哋食飽飽因為門外真係好多人等緊下次係會再嚟食過☺️

今日約咗個朋友喺公司附近食飯，所以去咗啲D2 two行下睇吓有咩食, 見到呢間新開嘅日本菜門口排咗幾個人，睇到門口價錢牌唔係好貴，所以決定攞飛試吓。入到去環境乾冷乾淨，之後我見到有支壽司郎是油，所以我諗依間應該係壽司郎嘅附屬餐廳。最後，我哋嗌咗一個指火鍋，同埋一份壽司及茶碗蒸。呢個價錢嚟講食物算不錯，壽司都新鮮試，紙火鍋我第一次食所以覺得幾得意同埋味道不錯，我仲加咗一份烏冬，烏冬口感好好，好煙韌。下次我會再試吓佢嘅下午set lunch。

安康魚肝最好食，無諗到會唔腥，甘甘地😋😋直得試🥳，另外，其他食物都幾特別😄，食材新鮮，再無諗到日本餐廳會有法包食😆，有趣😁。服務態度幾好👍，值得一試嘅餐廳😄！

位置：好，地鐵站行2分鐘左右服務：開茶添茶由侍應服務，快，上菜，收碟也快。qr code落單，方便食物：炸池魚+鯛魚湯蜆肉拉麵：兩者是分開點，但拼起來一起吃很夾，池魚好大塊，外脆內暖，炸粉恰到好處，蜆肉多，有10粒左右，湯底清甜，拉麵亦很好吃三貫壽司+松葉蟹腳壽司+厚切三文魚壽司：三貫壽司非常抵食，三件都幾厚，比壽司郎好，但味道差不多。松葉蟹腳壽司遠比壽司郎10蚊白碟優勝，色澤靚，份量大，鮮甜，好似是$32一件，但也值。厚切三文魚則是壽司郎兩件置起來吃的感覺，22元一件也合理整體：說是居酒屋並不合適，因為有限時，不能等齊朋友慢慢點慢慢吃。食物水準比千両稍稍遜色，但平2成左右，但比壽司郎好吃多了。

公司附近新開既壽司郎居酒屋 即刻lunch黎朝聖😆1230左右到 要等6張2人枱 大概等左10分鐘 都幾快💨 去到1315開始就無咩人龍每枱限時食50分鐘🫡 上菜速度好快 所以翻枱率都幾高👍🏻.| 杉玉御膳 $148每日數量限定20份 超豐富又好抵食🤭 包括Omakase握壽司5件/刺身盛合/天婦羅盛合/茶碗蒸/小品料理Omakase既壽司入面有帶子 超厚超大粒😋 刺身盛合就以魚為主茶碗蒸都係比平時壽司郎豐富 材料用左帶子代替魚片😌.| 五點天婦羅盛合 + 牛肉烏冬定食 + 茶碗蒸 $88咁多野食都係呢個價錢 又係超抵超高質👍🏻天婦羅炸蝦好厚肉 炸皮薄脆🦐 仲有魚/魷魚都好食

外觀新凈。但相比日本杉玉裝修未合格，雖然新裝修，環境不錯，燈光太光，冷氣嚴重不夠，食到出汗，記得以前Kelly Brown 冷氣都無咁熱，設計上失販。要叫冰凍啤酒或凍飲解熱，可能係策略。大家記得自帶風扇。選擇比日本太少。魚生船更少，沒有特別記得的好味，生日正日會有魚生小份送。員工太無經驗，第一次去沒有提示只得100分鐘，其實時間上係夠，因食物種類不多，叫了三回已經沒有其他選擇。只是宣傳雷聲大雨點小罷了。