杉玉

呢間喺D2 Place都算係一間新開嘅日本餐廳，有時午市係非常多人，令到我有啲興趣試吓呢間餐廳。嗰日我去嘅時候因為時間尚早，慶幸唔使等位。坐得就唔算太舒服，如果 full house 嘅時候會幾逼，不過員工嘅服務態度都幾好，至於餐廳嘅衛生狀況都令人滿意。我就嗌咗個號稱每日得20份供應嘅舟盛丼，會附送一客麵豉湯。個舟盛丼都有幾款魚生嘅，主要係吞拿魚，整體嚟講還算新鮮，至於賣相就請參考我嘅圖片。最後埋單都係大概130幾蚊，我覺得還好。