SUKIYA すき家 (亞皆老街)

Open Now

Now Closed

👧🏻不專業食評👧🏻 限定牛肉壽喜燒鍋*評分超過👍🏻👍🏻👍🏻👍🏻為推薦牛肉壽喜燒鍋評分：👍🏻👍🏻👍🏻👍🏻又來到食火鍋嘅季節，於是就來到屋企附近的Sukiya，他們現在有期間限定的火鍋，他們的壽喜燒鍋好似每逢冬天先會有，夏天係冇得賣。我記得他們剛開業的時候牛肉壽喜燒鍋是他們常設菜單，但不知道從何開始變成了期間限定的產品，令我在夏天的時候食不到他們的火鍋。終於而家又出現番了！呢度嘅牛肉壽喜燒雖然配菜嘅份量沒有其他快餐店的火鍋那麼多，但是他們的飯和面的份量很大，基本上食完烏冬也有八九成飽，味道方面這個壽喜燒鍋湯底燒到最後比較鹹，適合重口味嘅人士。整體而言，呢個牛肉壽喜燒鍋的份量都還算對得住佢的價錢。不過我印象中他們的價錢好像比以前貴了香辣牛肉壽喜燒鍋評分：👍🏻👍🏻👍🏻另外我們也點了香辣牛肉壽喜燒鍋，但是香辣牛肉壽喜燒湯底味道不像是日式的壽喜燒鍋更像韓式泡菜湯，食到最後味道有點像韓式辣醬的味道，頗辣。如果喜歡食辣或者喜歡韓式泡菜湯底的話，可以點來試試。個人口味而言，自已更加喜歡他們的牛肉壽喜燒鍋

-最近天氣開始凍 一凍就唔知點解想食鍋(⁎⁍̴̛ᴗ⁍̴̛⁎)見到Sukiya出番限定牛肉壽喜燒鍋就即刻入左去食(⁎⁍̴̛ᴗ⁍̴̛⁎)牛肉壽喜燒鍋 $65入面有牛肉 烏冬 蟹柳 生菜 白菜 洋蔥 紅蘿蔔 金針菇配埋白飯 個餐有麵又有飯 唔洗再二揀一(｡･ω･｡)100%採用日本產越光米 米粒飽滿 口感順滑 有陣米香味100%使用美國進口牛 肉軟嫩 油質多湯底太太甜 想飲多幾啖湯都唔得(｡ ́︿ ̀｡)驚甜嘅話 可以喺滾起之前不走啲湯底-溫泉蛋牛肉烤雞雙拼丼 $68 + $10青菜紅茶想食多啲肉 雙拼丼就岩你啦(⁎⁍̴̛ᴗ⁍̴̛⁎)同時間可以享用兩款唔同種類嘅肉牛肉同烤雞配埋温泉蛋 撈勻之後真係啖啖飯都好滋味(*≧ω≦)聽講醬汁係完美地重現出日本醬汁嘅味道喺香港都能夠品嚐到日本的原味道(≧▽≦)

晨早流流，又要準備買早餐食然後返工，今日路經佢，發現有早餐食，於是入去睇下，竟然晨早就有飯食，而且選擇種類很多。又有牛肉又有飯又有溫泉蛋有埋湯，都係$35內，平過我食M麥記，咁就叫個牛肉元氣早餐試下先。你咪講笑，佢碗飯大到午餐咁食完個早餐飽到上心口，看來一陣要食下午茶。講番個早餐，除了飯多外個味噌湯都好大碗，但味就唔夠濃。溫泉蛋就沒什麼特別，秋葵就算新鮮，牛肉份量就少些，但都足夠餸飯食。不過由於整個餐的飯量充足對平民百姓來說就非常抵食。

.#foodie #hk #hkfoodie #HTB美食推介【旺角人氣日本丼🍱｜日版吉野家不值排隊】🐨牛丼 $29推薦度：⭐️⭐️牛丼M size牛肉唔算太多，大約有7-8片左右🥹牛肉尚算肥瘦適中，不過就好薄...冇咩牛味，調配帶有微微甜味容易入口🍚飯就選用日本米，沒有太大米香，加上牛汁偏少，食到最後好乾...大半個飯冇食到。.🐨溫泉蛋牛丼 $34推薦度：⭐️⭐️⭐️其實就係牛丼加咗隻蛋😹日本流心蛋但係分開上，俾客人自己打上飯面，雞蛋好有鮮味...最緊要係令到成個飯佈滿蛋汁，俾牛丼更勝一籌👍🏻.️🐨夏日特飲-白桃紅茶 $25推薦度：️⭐️⭐️見有個期間限定，所以試左夏日特飲白桃紅茶，飲落係跟餐紅茶加入左好少白桃汁咁，飲到尾冰融埋令桃味更加淡，而且價值同飯相約，確係有啲失望...🍑🍑.️🐨炸雞&冰紅茶 跟餐+$20推薦度：️⭐️⭐️⭐️由於跟餐加配，期望冇夏日特飲咁高... 炸雞雖然唔夠脆，但係雞肉好嫩，而且仲保留到少量肉汁👻-----☼-----☼-----☼-----☼-----☼-----SUKIYA すき家📍地址：旺角亞皆老街31號地舖(分店)地址：九龍灣牛頭角道77號淘大商場3期地下G284號舖(分店)

星期二 12點出到旺角又想食下平野 呢間真係必食之選去到有位唔洗等 當然即刻入去坐低啦🤣Lunch時間，好快就好多人黎食要排隊啦🙇🏼‍♂️燒肉丼L $42L既飯量都多，肉既份量係M既個汁甜甜地唔錯，洋蔥大片😋如果多d會開心d，燒牛肉比牛丼既厚身少少，好食既牛丼LL $49，飯量同牛肉份量明顯增加，個汁唔錯，不過飯量多左，如果個汁都多返dd就正🙇🏼‍♂️牛丼冇得輸又抵食👍🏻👍🏻推薦+$10 要個菜加飲品，菜都幾多，食左少少先記得影返，蒜蓉正😋😋總結：牛丼抵食，燒牛丼就可以唔試，試其他仲好😀😀

如圖所見，夜晚外賣的一個咖哩牛肉飯牛肉超級少，我發誓一打開蓋子就是只有這麽少的牛肉，拍的時候還沒吃過一口～！！五六十元的飯欸，值得嗎？？？你們真的該檢討一下餸菜的份量！！！😠😠😠

佢已經食過好多次，但係第一次外賣，夜晚九點幾左右都仍然有人等位令我今次要打文評論係因為呢度嘅。服務態度令人不爽。夜晚嘅9:00 ，其實唔算好多人，服務員都唔算係好忙碌，我大概企喺門口左邊嘅收銀機位置大概10分鐘，不停問唔該唔該見到門口大衛食完已經見到我嘅存在，包外賣嘅服務員都睇到大概15分鐘左右，我問其他買咗外賣嘅顧客，佢先話原來嗰個位置並唔係收銀處令人憤怒嘅係，服務員大概有三四個知道我喺嗰個位置，但係完全冇人出聲食物一如既往，但係服務員好似唔想做咁

由日本開到香港嘅Sukiya, 真係咁好食？🫢在朋友極力推介下就試吓。6:30pm去到，好surprise未有人排隊，但留意店舖規定要人齊先可入座。接近7pm，就開始有人龍。自問對牛丼唔係好有研究，所以好自然會將Sukiya同吉野家比較。Sukiya係抵食又大份，味道都比吉野家好。至於啲人講到好好食，可能係指日本分店？🤔 以快餐店來講，性價比的確算高🆙 如果想醫肚，又要抵食，Sukiya與吉野家之間我會選擇前者。

唔知大家有冇留意，旺角深水埗呢啲相對較舊嘅區，街道上嘅舖頭好多時都有一級，其實呢個亦都係令到好多輪椅人士卻步，唔想出街嘅原因之一🥲所以見到すき家門口有斜路，淨係呢個咁貼心嘅設計，已經值得加1分🥰我地大約朝早11點去到，唔洗等位直入🥰🍚溫泉蛋燒肉丼 + 炸雞套餐 ($44+$20)燒肉有燒汁嘅香味，牛肉份量都適中，加埋溫泉蛋撈飯就一流🤭炸雞就比較乾都鞋，唔太推🫣🍱鰻魚牛肉丼 + 烤鯖魚套餐 ($79+$30) 鰻魚就係正常鰻魚口感，唔係出邊食落口有骨個隻，算中上水平😬牛肉就真係偏小🥹味道適中～鯖魚大大條都幾抵食，味道偏鹹但魚肉幾滑～總括嚟講，喺旺角想平平啲食個快飯，佢係一個好好嘅選擇👍🏼唔算超好食但呢個價錢黎講，可以接受😬♿️♿️旺角A出口有lift，餐廳門口有斜路，店內通道闊落，推介！✅✅

阿仔，好鐘意食日式牛肉飯。搞下搞下，而家阿女開始大個，都愛上日式牛肉飯呢樣美食。之不過，當我們一家人在外用餐時，大部份的日式食店，尤其是某全港連鎖的牛肉丼飯店，早已經沒有素食者 friendly 的飯食套餐了。然而，某天看到《すき家》的宣傳，說他們推出了素牛肉丼。再三確認了之後，就找了一個星期六，一家人去到旺角的分店，開心地每人一碗飯。這兒的飯餐，有大、中、細份量可以選擇。小朋友細食就可以點一個細份量的丼飯，不會因為只有 standard 份量而造成食物浪費，是非常好的一個 idea。而我首先要評的，就是各人的飯餐配搭。其中一個，就是傳統的日式味噌湯。其實，這只是日式快餐店的淡味噌湯，入口真的是很淡，不需要好評。跟太太素餐的，有一份炒通菜。因為是預先炒好的，沒辦法要求他們走蒜。以蒜蓉炒菜來評價，這是好味道的一份蔬菜小食。為食的我同兒子，就以一份炸雞來做跟餐的配菜。這是日式的原味炸雞，外層炸得夠乾，口感亦十分脆。內心的雞肉就嫩滑可口，咬下去，更有濃濃香香的肉汁，不錯。給女兒的，是一份細牛丼。這其實就是大家經常食的牛肉飯，單憑口感去判斷，《すき家》的牛肉好似係靚啲，入口味道足，有一定的厚度

喺旺角一諗唔到食咩，我就會過嚟買牛肉飯，知佢永不出錯，信得過。通常我都係揀外賣攞走，因為唔想排隊。諗住一陣，揀咗秋葵牛肉飯，如果無特別指明，佢當你係要M size，外賣$39。我鍾意佢每個飯都有得揀size，大食細食悉隨尊便。好少地方有得食秋葵，佢咁既配搭算係營養滿分，牛肉我就覺得份量少咗D 同埋肥咗D。另外，佢個 counter 都有D七味粉同酸薑可以自己加。值得一提既係，佢既收據上面個QＲ code俾你做問卷，做完下次可以當$2用。

Sukiya啱啱開始營業嘅時候已經有好多人排隊食，年幾之後熱度都依然不減，午餐時段人龍都依然排得好長下。今次同朋友係下午茶時間過來食所以唔洗排隊就可以入座。旺角分店嘅環境坐得幾舒服，送餐速度依舊非常快基本上一落完order就即刻送到上來。基本上menu入面冇太伏嘅餐品，可以完全根據個人口味選擇，個人比較推薦燒牛肉飯，加泡菜或者蛋都唔錯。比較令人意外嘅係加套餐跟嘅青菜，蒜蓉味十足，青菜食落都算新鮮，只可惜菜嘅種類冇得自己選擇，多數都會係生菜。

平時這一間店通常很多人排隊，不過因為工作緣故，能夠早上過來嚐嚐，所以不用等位也能夠進食。進店後，問店員有什麼值得推介嘅食物，我跟着點了。炸雞確是不錯不過，牛肉飯卻比xx家差。如果想再吃牛肉飯，我應該不會選這一家。如果想在月尾缺錢時吃得飽，只是點牛肉飯也是足夠的，牛肉和飯量也不錯。重要的是只是$29邊有一會，是抗通脹價來的。

今日嚟到呢間位於旺角亞皆老街嘅分店sukiya，之前都買過外賣返屋企食，反而堂食來講就第一次 今朝10點幾本身打算搵嘢食，見到原來呢度有早餐！所以就決定試吓由於朝頭早嘅關係，可能冇乜人，亦都見唔到平日長龍嘅情況，我哋好快就被安排入座。我就叫咗牛肉元氣豚肉味噌湯早餐，而朋友就食牛肉飯加溫泉蛋再配炸雞呢份早餐性價比真係好高，$34仲有半份秋葵同埋溫泉蛋，早餐來講份量都算好足夠，再加一個細牛肉飯，牛肉味道都好standard，配上日本珍珠米，非常滿足

今日落雨，外賣左個牛飯返屋企食，食到最後幾啖先發現有曱甴......啊啊啊啊...有額外蛋白質呀喂，而家諗緊報唔報食環好，不過報完都係一樣，算啦咁留個食評算，祝各位食客好運。仲要200字先可以負評，食完要作文，唔係無人睇到，都最辛苦啦咁，而家先130字，唉，講返個飯先，味道無咩特別，係有曱甴啫，係無特別好食仲有曱甴呀，其實唔食都食左，大可以唔洗留言或者負評佢，但為左其他食客都見到，唔好步我後塵，我唯有打多D字啦，因為報食環除左食店知和受害者知外，無人會知係咪發覺我人幾好呢？小意思啦，最緊要大家都身體健康。弊，個肚開始陰痛喇，時辰到喇，祝各位好運。